Chapter 85

śrīkṛṣṇa uvāca |
śṛṇu bhūpāla vakṣyāmi viṣṇuvratamanuttamam |
vibhūtidvādaśīṃ nāma sarvāmaranamaskṛtam || 1 ||
[Analyze grammar]

kārttike vātha vaiśākhe mārgaśīrṣe ca phālgune |
āṣāḍhe vā daśamyāṃ ca śuklāyāṃ laghubhuṅnaraḥ || 2 ||
[Analyze grammar]

kṛtvā sāyaṃtanīṃ saṃdhyāṃ gṛhṇīyānniyamaṃ budhaḥ |
ekādaśyāṃ nirāhāraḥ samabhyarcya janārdanam || 3 ||
[Analyze grammar]

dvādaśyāṃ dvijasaṃyuktaḥ kariṣye bhojanaṃ vibho |
tadavighnena me yātu sāphalyaṃ madhūsūdana || 4 ||
[Analyze grammar]

tataḥ prabhāta utthāya kṛtasnānajapaḥ śuciḥ |
pūjayetpuṇḍarīkākṣaṃ śuklamālyānulepanaiḥ || 5 ||
[Analyze grammar]

bhūtidāya namaḥ pādau viśokāya ca jānunī |
namaḥ śivāyetyūrū ca viśvamūrte namaḥ kaṭim || 6 ||
[Analyze grammar]

kaṃdarpāya namo meḍhramādityāya namaḥ karau |
dāmodarāyetyudaraṃ vāsudevāya ca stanau || 7 ||
[Analyze grammar]

mādhavāyeti hṛdayaṃ kaṃṭhaṃ vaikuṃṭhine namaḥ |
śrīdharāya mukhaṃ keśānkeśavāyeti pāṃḍava || 8 ||
[Analyze grammar]

pṛṣṭhaṃ śārṅgadharāyeti śravaṇau varadāya vai |
svanāmnā śaṃkhacakrāsigadāparaśupāṇaye || 9 ||
[Analyze grammar]

sarvātmane śiro rājannama ityabhipūjayet |
daśāvatārarūpāṇi pratimāsaṃ kramānnṛpa || 10 ||
[Analyze grammar]

dattātreyaṃ yathā vyāsamutpalena samanvitam |
dadyādanena vidhinā pākhaṃḍānapi varjayet || 11 ||
[Analyze grammar]

samāpyaivaṃ yathāśaktyā dvādaśa dvādaśīrnaraḥ |
saṃvatsarāṃte lavaṇaparvatena saha prabho |
śayyāṃ dadyānmuniśreṣṭha gurave rasasaṃyutām || 12 ||
[Analyze grammar]

grāmaṃ ca śaktimāndadyātkṣetraṃ vā bhavanānvitam |
guruṃ saṃpūjya vidhivadvadvastrālaṃkārabhūṣaṇaiḥ || 13 ||
[Analyze grammar]

anyānapi yathāśaktyā bhojayitvā dvijottamān |
tarpayedvastragodānairanyatra dhanasaṃcayāt || 14 ||
[Analyze grammar]

alpavitto yathāśaktyā stokaṃstokaṃ samācaret |
yaścātiniḥsvaḥ puruṣo bhaktimānmādhavaṃ prati |
puppārcanavidhānena sa kuryādvatsaratrayam || 15 ||
[Analyze grammar]

anena vidhinā yastu vibhūtidvādaśīvratam |
kuryātsa pāpanirmuktaḥ pitṝṇāṃ tārayecchatam || 16 ||
[Analyze grammar]

janmanāṃ śatasāhasraṃ na śokaphalabhāgbhavet |
na ca vyādhirbhavettasya na dāridyaṃ na bandhanam || 17 ||
[Analyze grammar]

vaiṣṇavo vātha śaivo vā bhavejanmanijanmani |
yāvadyugasahasrāṇāṃ śatamaṣṭottaraṃ bhavet |
tāvatsvarge vasedrājanbhūpatiśca punarbhavet || 18 ||
[Analyze grammar]

purā rathaṃtare kalpe rājāsītpuṣpavāhanaḥ |
nāmnā lokeṣu vikhyātastejasā sūryasannibhaḥ || 19 ||
[Analyze grammar]

tapasā tasya tuṣṭena caturvaktreṇa bhārata |
kamalaṃ kāñcanaṃ dattaṃ yathākāmagatiḥ sadā || 20 ||
[Analyze grammar]

samastabhṛtyasahitaḥ sāṃtaḥpuraparisthitaḥ |
dvīpāni suralokaṃ ca yatheṣṭaṃ vicaratyasau || 21 ||
[Analyze grammar]

kalpādau saptame dvīpe tena puṣkaravāsinaḥ |
loke saṃpūjitā yasmātpuṣkaradvīpa ucyate || 22 ||
[Analyze grammar]

tadaiva brahmaṇā dattaṃ yānamasya yato nṛpa |
puṣpavāhanamityāhustasmāttaṃ devadānavāḥ || 23 ||
[Analyze grammar]

nāgasya tasyāsya jagattrayepi brahmāṃbujasthasya tapo'nubhāvāt |
patnī ca tasyāpratimā narendra nārīsahasrairabhito'bhinaṃdyā || 24 ||
[Analyze grammar]

nāmnā ca lāvaṇyavatī babhūva yā pārvatīveṣṭatamā bhavasya |
tasyātmajānāmayutaṃ babhūva dharmātmanāmagryadhanurddharāṇām || 25 ||
[Analyze grammar]

tadātmanaḥ sarvamavekṣya rājā muhurmuhurvismayamāsasāda |
sobhyāgataṃ pūjya munipravīraṃ pracetasaṃ vācamimāṃ babhāṣe || 26 ||
[Analyze grammar]

kasmādvibhūtiramalā mama martyapūjyā jāyā ca sarvavijitāmarasundarī yā |
bhāryā tvanalpatapasā vasutoṣitena dattaṃ mamāṃbujagṛhaṃ paramaprasādāt || 27 ||
[Analyze grammar]

yasminpraviṣṭamapi koṭiśataṃ nṛpāṇāṃ sāmātyakujaranarāśvaghanāvṛtānām |
nālakṣya sambādhatayā hi bādhastārāgaṇairapi surāsuralokapālaiḥ || 28 ||
[Analyze grammar]

tasmātkimanyajananījaṭharodbhavena dharmādikaṃ kṛtamaśeṣajanātigaṃ syāt |
samyaṅmayātha tanayairanayā maharṣe māhāryayā tadakhilaṃ kathaya pracetaḥ || 29 ||
[Analyze grammar]

tasya tadvacanaṃ śrutvā dhyānenā vekṣya cākhilam |
pracetāstamuvācātha śṛṇu bhūpa purātanam || 30 ||
[Analyze grammar]

lubdhakastvaṃ purā rājansarvasattvabhayaṃkaraḥ |
āsīdasādhucaritaḥ suhṛnmitravi varjitaḥ || 31 ||
[Analyze grammar]

yatamadhyo hrasvakeśaḥ kṛṣṇāṃgo raktalocanaḥ |
dhanuṣpāṇirvanagataḥ kṛtāṃtakasamo bhavān || 32 ||
[Analyze grammar]

abhūdanāvṛṣṭiratīva raudrā kadāci dāhāranimittaroṣaḥ |
padmānyathādāya tato bahūni gataṃ puraṃ vaidiśanāmadheyam || 33 ||
[Analyze grammar]

unmūlya lobhācca puraṃ samastaṃ bhrāṃtaṃ tvayāśeṣamahattadā sīt |
kretā na kaścitkamaleṣu jātastoke bhṛśaṃ kṣutparipīḍitaśca || 34 ||
[Analyze grammar]

upaviṣṭastvamekasminsabhāryo bhavanāṃgaṇe |
atha maṃgalaśabdastu tvayā rātrau tathā śrutaḥ || 35 ||
[Analyze grammar]

samāpya māghamāsasya dvādaśyāṃ lavaṇācalam |
nivedayaṃtī gurave śayyāṃ copaskarānvitām || 36 ||
[Analyze grammar]

alaṃkṛtya hṛṣīkeśaṃ sīvarṇaṃ paramaṃ padam |
sātha dṛṣṭā tatastābhyāmidaṃ cittevadhāritam || 37 ||
[Analyze grammar]

kimebhiḥ kamalaiḥ kāryaṃ varaṃ viṣṇuralaṃkṛtaḥ |
iti bhaktistadā jātā dāmpatyasya nareśvara || 38 ||
[Analyze grammar]

tatprasaṃgātsamabhyarcya keśavaṃ lavaṇācalam |
śayyā ca puṣpaprakaraiḥ pūjitābhūcca sarvadā || 39 ||
[Analyze grammar]

athānaṃgavatī tuṣṭā tayorhonaśatatrayam |
prādādgṛhītaṃ tābhyāṃ ca na tatsarvāvalaṃbanāt || 40 ||
[Analyze grammar]

anaṃgavatī ca punastayorannaṃ caturvidham |
ānāyyopahṛtaṃ kṛtvā bhujyatāmiti bhūpate || 41 ||
[Analyze grammar]

tābhyāṃ tu tadapi tyaktaṃ bhojyāvaḥ śvo varānane |
prasaṃgāccopavāsena tavādyāstu sukhāvahaḥ || 42 ||
[Analyze grammar]

janmaprabhṛti pāpiṣṭhāvāvāṃ devi dṛḍhavrate |
satprasaṃgāddhanurmadhye dharmalābhastu cāvayoḥ || 43 ||
[Analyze grammar]

iti jāgaraṇaṃ tābhyāṃ prasaṃgāttadanuṣṭhitam |
prabhāte ca tayā dattā śayyā salavaṇācalā || 44 ||
[Analyze grammar]

grāmaśca gurave bhaktyā viprebhyo dvādaśaiva hi |
vastrālaṃkārayuktāṃgā gāvaśca kanakāṃcitāḥ || 45 ||
[Analyze grammar]

bhojanaṃ ca suhṛnmitradīnāṃdhakṛpaṇaiḥ samam |
tattu lubdhakadāṃpatyaṃ pūjayitvā visarjitam || 46 ||
[Analyze grammar]

bhavāṃstu lubdhako jātaḥ sapatnīko nareśvaraḥ |
puṣpāṇāṃ prakare tasmātkeśavasya prapūjanam || 47 ||
[Analyze grammar]

prāptaṃ sudurllabhaṃ vīra tvayā puṣkaramandiram |
tasya sarvasya māhātmyādalaṃ na tapasā nṛpa || 48 ||
[Analyze grammar]

yathā kāmagataṃ dakṣaṃ padmayoniṃ viriṃcinā |
saṃtuṣṭastasya rājendra brahmarūpī janārdanaḥ || 49 ||
[Analyze grammar]

śayyānaṃgavatī veśyā kāmadeśasya sāṃpratam |
patnī sapatnī saṃjātā ratyā prītiriti śrutā || 50 ||
[Analyze grammar]

lokeṣvānaṃdajananī sakalāmarapūjitā |
tadapyutsṛjya rājendra nirvāṇaṃ samavāpsyasi || 51 ||
[Analyze grammar]

ityuktvā sa muniḥ sarvaṃ tatraivāṃtarhitobhavat |
rājā yathoktaṃ ca punaḥ sa cakre puṣpavāhanaḥ || 52 ||
[Analyze grammar]

imāmācarato brahmannakhaṇḍavratamācaret |
yathākathaṃcitkālena dvādaśa dvādaśīrmune |
kartavyāḥ śaktito deyā viprebhyo dakṣiṇā nṛpa || 53 ||
[Analyze grammar]

iti kaluṣavidāraṇaṃ janānāmiti paṭhati śṛṇoti cātibhaktyā |
matimapi ca dadāti devaloke vasati sa paraḥśatāni vatsarāṇām || 54 ||
[Analyze grammar]