Chapter 84

yudhiṣṭhira uvāca |
kimabhīṣṭaviyogaśokasaṃghāllaghu iha samupoṣatāṃ vrataṃ vā |
vibhavodbhavakāri bhūtale'sminbhavati vibho bhayasūdanaṃ ca puṃsām || 1 ||
[Analyze grammar]

śrīkṛṣṇa uvāca |
paripṛṣṭamidaṃ jagatpriyaṃ te vibudhānāmapi durllabhaṃ mahattvāt |
tava bhaktimatastathāpi vakṣye vratamindrāsuradānaveṣu guhyam || 2 ||
[Analyze grammar]

puṇyamāśvayuje māsi viśokadvādaśīvratam |
daśamyāṃ laghubhugvidvānārabhenniyamena tu || 3 ||
[Analyze grammar]

udaṅmukhaḥ prāṅmukho vā daṃtadhāvanapūrvakam |
ekādaśyāṃ nirāhāraḥ samyagabhyarcya keśavam || 4 ||
[Analyze grammar]

vidhivattvāṃ samabhyarcya bhokṣyāmi apare'hani |
evaṃ niyamakṛtsuptvā prātarutthāya mānavaḥ || 5 ||
[Analyze grammar]

snānaṃ sarvauṣadhaiḥ kuryātpañcagavyajalena tu |
śuklamālyāṃbarastadvatpūjayecchrīśamutpalaiḥ || 6 ||
[Analyze grammar]

viśokāya namaḥ pādau jaṃghe ca varadāya vai |
śrīśāya jānunī tadvadūrū ca jalaśāyine || 7 ||
[Analyze grammar]

kaṃdarpāya namo guhye mādhavāya namaḥ kaṭim |
dāmodarāyetyudaraṃ pārśve ca vipulāya vai || 8 ||
[Analyze grammar]

nābhiṃ ca padmanābhāya hṛdayaṃ manmathāya vai |
śrīdharāya vibhorvakṣaḥ karau madhubhide namaḥ || 9 ||
[Analyze grammar]

cakriṇe nāma bāhuṃ ca dakṣiṇaṃ gadine namaḥ |
vaikuṇṭhāya namaḥ kaṇṭhamāsyaṃ yajñamukhāya vai || 10 ||
[Analyze grammar]

nāsāmaśokanidhaye vāsudevāya cākṣiṇī |
lalāṭaṃ vāmanāyeti kirīṭaṃ viśvarūpiṇe || 11 ||
[Analyze grammar]

namaḥ sarvātmane tadvacchira ityabhipūjayet |
evaṃ saṃpūjya goviṃdaṃ phalamālyānulepanaiḥ || 12 ||
[Analyze grammar]

tatastasyāgrato bhavyaṃ sthaṃḍilaṃ kārayenmṛdā |
caturasraṃ samaṃtāccāratnimātramudagbhavam || 13 ||
[Analyze grammar]

nadīvālukayā pūrṇaṃ lakṣmyākṛtiṃ kṛtī nyaset |
sthaṃḍile sūryamāropya lakṣmīmityarcayedbudhaḥ || 14 ||
[Analyze grammar]

namo devyai namaḥ śāṃtyai namo lakṣmyai namaḥ śriye |
namaḥ puṣṭyai namastuṣṭyai namo dṛṣṭyai namonamaḥ || 15 ||
[Analyze grammar]

viśokā duḥkhanāśāya viśokā varadāstu me |
viśokā vāstu saṃtatyai viśokā sarvasiddhaye || 16 ||
[Analyze grammar]

tataḥ śuklāṃbaradharo śūrpaṃ saṃveṣṭya pūjayet |
bhakṣyairnānāvidhaistadvatsuvarṇakamalena ca || 17 ||
[Analyze grammar]

rajanīṣu ca sarvāsu pibeddarbhodakaṃ vratī |
tatastu nṛtyagītādi kārayetsarvarātrakam || 18 ||
[Analyze grammar]

yāmatraye vyatīte tu suptvā svasthopamānasaḥ |
abhigamya ca viprāṇāṃ mithunāni sadārcayet || 19 ||
[Analyze grammar]

śaktitastrīṇi caikaṃ vā vastramālyānulepanaiḥ |
śayanāsthāni pūjyāni namo'stu jalaśāyine || 20 ||
[Analyze grammar]

tatastu gītavādyādyai rātrau jāgaraṇe kṛte |
prabhāte vimale snānaṃ kṛtvā dāṃpatyamarcayet || 21 ||
[Analyze grammar]

bhojanaṃ ca yathāśaktyā vittaśāṭhyavivarjitaḥ |
bhuktvā śrutvā purāṇāni taddinaṃ tvativāhayet || 22 ||
[Analyze grammar]

anena vidhinā sarvaṃ māsimāsi samācaret |
vratāṃte śayanaṃ dadyādguḍadhenusamanvitam |
sopadhānakaviśrāmamāstarāvaraṇaṃ śubham || 23 ||
[Analyze grammar]

yathā na lakṣmīrdeveśa tvāṃ parityajya gacchati |
tathā kuru yathāyogyamaśokaṃ cāstu me sadā || 24 ||
[Analyze grammar]

yathā devena rahitā na lakṣyīrjāyate kvacit |
tathā viśokatā me'stu bhakti ramyā ca keśave || 25 ||
[Analyze grammar]

maṃtreṇānena dhyātvā tu guḍadhenusamanvitam |
śūrpaṃ ca lakṣmyā sahitaṃ dātavyaṃ bhūtimicchatā || 26 ||
[Analyze grammar]

utpātaṃ karavīraṃ ca bāṇamamlāna kuṃḍalam |
kesaraṃ siṃduvāraṃ ca mallikāgaṃdhapāṭalam |
kādaṃbaiḥ kuṃkumairjātyā tathānyairapi pūjayet || 27 ||
[Analyze grammar]

yudhiṣṭhira uvāca |
guḍadhenuvidhānaṃ me tvamācakṣva jagatpate |
kiṃrūpā kena maṃtreṇa dātavyā tadihocyatām || 28 ||
[Analyze grammar]

śrīkṛṣṇa uvāca |
guḍadhenuvidhānaṃ ca yadrūmiha yatphalam |
tadidānīṃ pravakṣyāmi sarvapāpapraṇāśanam || 29 ||
[Analyze grammar]

kṛṣṇājinaṃ caturhastaṃ prāgevaṃ vinyasedbhuvi |
gomayenānuliptāyāṃ darbhānāstīrya sarvataḥ || 30 ||
[Analyze grammar]

labdhena kāṃcanaṃ tadvadvatsaṃ ca parikalpayet |
prāṅmukhīṃ kalpayeddhenumudakpādāṃ savatsikām || 31 ||
[Analyze grammar]

uttamā guḍadhenuḥ syātsadā bhāra catuṣṭayā |
vatsaṃ bhāreṇa kurvīta dvābhyāṃ vai madhyamā smṛtā || 32 ||
[Analyze grammar]

arddhabhāreṇa vatsaḥ syātkaniṣṭhā bhārakeṇa tu |
caturthāṃśena vatsaḥ syādgṛhavittā nusārataḥ || 33 ||
[Analyze grammar]

dhenuvatsau kṛtāvetau sitasūkṣmāṃbarāvṛtau |
śuktikarṇāvikṣupādau śuktimuktāphalekṣaṇau || 34 ||
[Analyze grammar]

sitasūtraśirālau tu sitakaṃbala kaṃbalau |
tāmragallakapṛṣṭau tau sitacāmararomakau || 35 ||
[Analyze grammar]

vidrumabhrūyugāvetau navanītastanānvitau |
kṣaumapucchau kāṃsyadohāvindranīlakatārakau || 36 ||
[Analyze grammar]

suvarṇaśṛṃgābharaṇau rājatakhurasaṃyutau |
nānāphalasamāyuktau ghrāṇagaṃdhakaraṃḍakau |
ityevaṃ racayitvā tu dhūpadīpairathārcayet || 37 ||
[Analyze grammar]

yā lakṣmīḥ sarvabhūtānāṃ yā ca deve vyavasthitā |
dhenurūpeṇa sā devī mama pāpaṃ vyapohatu || 38 ||
[Analyze grammar]

viṣṇorvakṣasi yā lakṣmīḥ svāhāyāṃ ca vibhāvasau |
caṃdrārkaśakraśaktiryā dhenurūpāstu sā śriye || 39 ||
[Analyze grammar]

caturmukhasya yā lakṣmīryā lakṣmīrdhanadasya ca |
yā lakṣmīrlokapālānāṃ sā dhenurvaradāstu me || 40 ||
[Analyze grammar]

svadhā tvaṃ pitṛmukhyānāṃ svāhā yajñabhujāṃ punaḥ |
sarvapāpahare dheno tasmādbhūtiṃ prayaccha me || 41 ||
[Analyze grammar]

evamāmaṃtrya tāṃ dhenuṃ brāhmaṇāya nive dayet |
vidhānametaddhenūnāṃ sarvāsāmiha paṭhyate || 42 ||
[Analyze grammar]

yāstu pāpavināśinyaḥ śrūyate daśa dhenavaḥ |
tāsāṃ svarūpaṃ vakṣyāmi nāmāni ca narā dhipa || 43 ||
[Analyze grammar]

prathamā guḍadhenuḥ syād ghṛtadhenurathāparā |
tiladhenustṛtīyā syāccaturthī madhudhenukā || 44 ||
[Analyze grammar]

jaladhenuḥ paṃcamī tu ṣaṣṭhī tu kṣīrasaṃbhavā |
saptamī śarkarādhenurdadhidhenurathāṣṭamī |
rasadhenuśca navamī daśamī syātsvarūpataḥ || 45 ||
[Analyze grammar]

kuṃbhā syurdaśadhenūnāmitarāsāṃ tu rāśayaḥ |
suvarṇadhenumapyatra kecidicchaṃti mānavāḥ || 46 ||
[Analyze grammar]

navanītena ratnaiśca tathāpyanye maharṣayaḥ |
etadeva vidhānaṃ syātta evopaskarāḥ smṛtāḥ || 7 ||
[Analyze grammar]

maṃtrāvāhanasaṃyuktāṃ sadā parvaṇiparvaṇi |
yathāśraddhaṃ pradātavyā bhuktimuktiphalapradā || 48 ||
[Analyze grammar]

guḍadhenuprasaṃgena sarvāstava mayoditāḥ |
aśeṣayajña phaladāḥ sarvapāpaharāḥ śubhāḥ || 49 ||
[Analyze grammar]

vratānāmuttamaṃ yatsyādviśokadvādaśīvratam |
tadaṃgatvena caivaiṣā guḍadhenuḥ praśasyate || 50 ||
[Analyze grammar]

ayane viṣuve puṇye vyatīpāte'tha vā punaḥ |
guḍadhenvādayo deyā uparāgādiparvasu || 51 ||
[Analyze grammar]

viśokadvādaśī caiṣā sarvapāpaharā śubhā |
yāmupoṣya naro yāti tadviṣṇoḥ paramaṃ padam || 52 ||
[Analyze grammar]

iha loke tu saubhāgyamāyurārogyameva ca |
vaiṣṇavaṃ padamāpnoti maraṇe sadgatirbhavet || 53 ||
[Analyze grammar]

bhavārbudasahasrāṇi daśa cāṣṭau ca dharmavit |
na śokaduḥkhadaurgatyaṃ tasya saṃjāyate nṛpa || 54 ||
[Analyze grammar]

nārī vā kurute yā tu viśokadvādaśīmi mām |
nṛtyagītaparā nityaṃ sāpi tatphalamāpnuyāt || 55 ||
[Analyze grammar]

iti paṭhati ya itthaṃ yaḥ śṛṇotīha samyaṅ madhupuranarakārerarcanaṃ yaśca paśyet |
matimapi ca janānāṃ yo dadātīndraloke vasati sa vibudhādyaiḥ pūjyamānaḥ sadaiva || 56 ||
[Analyze grammar]