Chapter 86

yudhiṣṭhira uvāca |
śrotumicchāmi bhagavanmadanadvādaśīvratam |
sutānekonapaṃcāśadyena lebhe ditiḥ purā || 1 ||
[Analyze grammar]

śrīkṛṣṇa uvāca |
tadvaśiṣṭhādibhiḥ proktamityekā tithiruttamā |
vistareṇa tadevedaṃ matsakāśānnivodhata || 2 ||
[Analyze grammar]

caitre māse site pakṣe dvādaśyāṃ niyatavrataḥ |
sthāpayedavraṇaṃ kuṃbhaṃ sitataṃḍulapūritam || 3 ||
[Analyze grammar]

nānāphalayutaṃ tadvadikṣudaṇḍasamanvitam |
sitavastrayugacchannaṃ sitacandana carcitam || 4 ||
[Analyze grammar]

nānābhakṣyasamopetaṃ sahiraṇyaṃ ca śaktitaḥ |
tāmrapātraṃ guḍopetaṃ tasyopari nivedayeta || 5 ||
[Analyze grammar]

tasyopari tathā kāmaṃ kadalīdala saṃsthitam |
kuryāccharkarayopetamiti tasya samīpataḥ || 6 ||
[Analyze grammar]

gaṃdhaṃ puṣpaṃ tathā dadyādgītaṃ vādyaṃ ca kārayet |
tadalābhe kathāṃ kuryātkāmakeśavayo rnaraḥ || 7 ||
[Analyze grammar]

kāmaṃ nāmnā harerarcāṃ snāpayedgaṃdhavāriṇā |
śuklapuṣpākṣatatilairarcayenmadhusūdanam || 8 ||
[Analyze grammar]

kāmāya pādau saṃpūjya jaṃghe saubhāgyadāya ca |
manmathāya tathā meḍhraṃ mādhavāya kaṭiṃ namaḥ || 9 ||
[Analyze grammar]

śāṃtodarāyetyudaramanaṃgāyetyuro hareḥ |
mukhaṃ padmamukhāyeti bāhuṃ pañcaśarāya vai || 10 ||
[Analyze grammar]

namaḥ sarvātmane maulimarcayediti keśavam |
tataḥ prabhāte kuṃbhaṃ ca brāhmaṇāya nivedayeta || 11 ||
[Analyze grammar]

brāhmaṇānbhojayedbhaktyā svayaṃ ca lavaṇādṛte |
bhaktyātha dakṣiṇāṃ dadyādimaṃ maṃtramudīrayet || 12 ||
[Analyze grammar]

prīyatāmatra bhagavānkāmarūpī janārdanaḥ |
hṛdaye sarvabhūtānāṃ yathā vedo'bhidhīyate || 13 ||
[Analyze grammar]

anena vidhinā sarvaṃ māsimāsi samācaret |
phalamāmalakaṃ prāśya dvādaśyāṃ bhūtale svapet || 14 ||
[Analyze grammar]

tatastrayodaśe māsi ghṛtadhenusamanvitām |
śayyāṃ dadyāddvijendrāya sarvopaskarasaṃyutām || 15 ||
[Analyze grammar]

kāñcanaṃ kāmadevaṃ ca śuklāṃ gāṃ ca payasvinīm |
vāsobhirdvijadāṃpatyaṃ pūjya śaktyā vibhūṣaṇaiḥ || 16 ||
[Analyze grammar]

homaḥ śuklatilaiḥ kāryaḥ kāmanāmāni kīrtayet |
gavyena sarpiṣā tatra pāyasena ca dharmavit || 17 ||
[Analyze grammar]

viprebhyo bhojanaṃ dadyādvitta śāṭhyaṃvivarjayet |
ikṣudaṃḍānnaro dadyātpuṣpamālāṃ ca śaktitaḥ || 18 ||
[Analyze grammar]

yaḥ kuryādvidhinānena madanadvādaśīmimām |
sarvapāpavinirmuktaḥ prāpnoti paramaṃ padam || 19 ||
[Analyze grammar]

iha loke varānputrānsaubhāgyaṃ sukhamaśnute |
kaśyapo vratamāhātmyādāgatya parayā mudā || 20 ||
[Analyze grammar]

cakārākarkaśāṃ bhūyo rūpalāvaṇyasaṃyutām |
vareṇa cchandayāmāsa yā ca vavre varaṃ varam |
putraṃ śatruvadhārthāya samarthamamitaujasam || 21 ||
[Analyze grammar]

prārthayāmi mahābhāgyaṃ sarvāmaraniṣūdanam |
kaśyapaḥ prāha tāṃ bhadre evamastu suśobhane || 22 ||
[Analyze grammar]

saṃvatsaraśataṃ tvekaṃ garbho dhāryaḥ sukhepsayā |
saṃdhyāyāṃ naiva bhoktavyaṃ garbhiṇyā varavarṇini || 23 ||
[Analyze grammar]

na sthātavyaṃ na gaṃtavyaṃ vṛkṣamūleṣu sarvadā |
nopaskare bhuvi viśenmusalolūkhalādiṣu || 24 ||
[Analyze grammar]

jalaṃ na cāvagāheta śūnyāgāraṃ vivarjayet |
varjayetkalahaṃ gehe gātrabhaṃgaṃ tathaiva ca || 25 ||
[Analyze grammar]

muktakeśī na tiṣṭheta nāśuciḥ syātkathaṃcana |
na śayītonnataśirā na cāpyārdraśirāḥ kvacit || 26 ||
[Analyze grammar]

na vastuhīnā nodvignā nārdrapādā na bhūtale |
nāmaṃgalyāṃ vadedvācaṃ na ca hāsyaparā bhavet || 27 ||
[Analyze grammar]

kuryācca guruśuśrūṣāṃ nityaṃ maṃgalatatparā |
sarvauṣadhībhiḥ koṣṇena vāriṇā snānamācaret || 28 ||
[Analyze grammar]

kustriyo nābhibhāṣeta vastravātaṃ vivarjayet |
mṛtavatsādi saṃsargaṃ paragehe ca suṃdari || 29 ||
[Analyze grammar]

na śīghraṃ mārgamākrāmellaṃghayenna mahānadīm |
na ca bībhatsakaṃ kiṃcinna ca vīkṣedbhayānakam || 30 ||
[Analyze grammar]

guru vātulamāhāramajīrṇaṃ na samācaret |
saṃpūrṇagarbhiṇyāyāmaṃ vyāyāmaṃ vā vivarjayet || 31 ||
[Analyze grammar]

garbho rakṣyaḥ sadauṣadhyā hṛdi dhāryo na matsaraḥ |
anena vidhinā sādhvi śobhanaṃ putramāpnuyāt || 32 ||
[Analyze grammar]

anyathā garbhapatanaṃ staṃbhanaṃ vā pravartate |
tasmāttvamanayā vṛttyā garbhesmiṃśca samācareḥ |
bhaviṣyati śubhaḥ putraḥ sarvāvayavasuṃdaraḥ || 33 ||
[Analyze grammar]

svastyastu te gamiṣyāmi tathetyuktastayā ca saḥ |
paśyatāṃ sarvabhūtānāṃ tatraivāṃtarhitobhavat || 34 ||
[Analyze grammar]

tataḥ sā kaśyapoktena vidhinā samatiṣṭhata |
athāpa putrānpaṃcāśadekonānpāṃḍunaṃdana || 35 ||
[Analyze grammar]

evamanyāpi yā nārī madanadvādaśīmi mām |
karoti putrānāpnoti saha bhartrā sukhī bhavet || 36 ||
[Analyze grammar]

ekonamarddhaśatamāpa ditiḥ sutānāṃ yena vratena balavīryasamanvitānām |
martyaḥ samācarati putradhanābhilāṣī tatsarvamatra saphalaṃ bhavatīha puṃsaḥ || 37 ||
[Analyze grammar]