Chapter 35

yudhiṣṭhira uvāca |
madhurā bhāratī kena vratena madhusūdana |
tathaiva janasaubhāgyamatividyāsu kauśalam || 1 ||
[Analyze grammar]

abhedaścāpi daṃpatyostathā baṃdhujanena ca |
āyuśca vipulaṃ puṃsāṃ jāyate kena keśava || 2 ||
[Analyze grammar]

śrīkṛṣṇa uvāca |
samyakpṛṣṭastvayā rājañchṛṇu sārasvataṃ vratam |
yasya saṃkīrtanādeva tuṣyatīha sarasvatī || 3 ||
[Analyze grammar]

yo'yaṃ bhaktaḥ pumānkuryādetadvratamanuttamam |
tadvatsarādau saṃpūjya vipreṇa taṃ samācaret || 4 ||
[Analyze grammar]

atha cādityavāreṇa grahatārābalena ca |
pāyasaṃ bhojayitvā ca kuryādbrāhmaṇavācanam || 5 ||
[Analyze grammar]

śuklavastrāṇi dadyācca sahiraṇyāni śaktitaḥ |
gāyatrīṃ pūjayedbhaktyā śuklamālyānulepanaiḥ |
ebhirmaṃtrapadaiḥ paścātpūrvaṃ kṛtvā kṛtāñjaliḥ || 6 ||
[Analyze grammar]

yathā tu devi bhagavānbrahmā lokapitā mahaḥ |
tvāṃ parityajya no tiṣṭhettathā bhava varapradā || 7 ||
[Analyze grammar]

vedaśāstrāṇi sarvāṇi nṛtyagītādikaṃ ca yat |
vāhitaṃ yattvayā devi tathā me saṃtu siddhayaḥ || 8 ||
[Analyze grammar]

lakṣmīrmedhā varāriṣṭirgorī tuṣṭiḥ prabhā matiḥ |
etābhiḥ pāhi tanubhiraṣṭābhirmāṃ sarasvati || 9 ||
[Analyze grammar]

evaṃ saṃpūjya gāyatrīṃ vīṇākṣamaṇidhāriṇīm |
śuklapakṣe'kṣatairbhaktyā sakamaṃḍalupustakām || 10 ||
[Analyze grammar]

maunavratena bhuñjīta sāyaṃ prātaśca dharmavit |
pañcamyāṃ pratipakṣe ca pūjayitvā suvāsinīḥ || 11 ||
[Analyze grammar]

tilaiśca taṃḍulaprasthaṃ ghṛtapātreṇa saṃyutam |
kṣīraṃ tathā hiraṇyaṃ ca gāyatrī prīyatāmiti || 12 ||
[Analyze grammar]

saṃdhyāyāṃ ca tato maunaṃ tadvrata tu samācaret |
nāṃtarā bhojanaṃ kuryādyāvanmāsāstrayodaśa || 13 ||
[Analyze grammar]

samāpte tu vrate dadyādbhojanaṃ śuklataṃḍulaiḥ |
pūrṇaṃ suvastrayugmaṃ ca gāṃ ca viprāya bhojanam || 14 ||
[Analyze grammar]

devyai vitānaṃ ghaṃṭāṃ ca sitanetraṃ paṭānvitam |
candanaṃ vastrayugmaṃ ca dadhyannaṃ śikharairyutam || 15 ||
[Analyze grammar]

tathopadeṣṭāramapi bhaktyā saṃpūjayedgurum |
vittaśāṭhyena rahito vastramālyānulepanaiḥ || 16 ||
[Analyze grammar]

anena vidhinā yastu kuryātsārasvataṃ vratam |
vidyāvānarthayuktaśca raktakaṃṭhaśca jāyate || 17 ||
[Analyze grammar]

sarasvatyāḥ prasādena vyāsavattu kavirbhavet |
nārī vā kurute yā tu sāpi tatphalabhāginī |
brahmaloke vasettāvadyāvatkalpāyutatrayam || 18 ||
[Analyze grammar]

sārasvataṃ vrataṃ yastu śṛṇuyādapi yaḥ paṭhet |
vidyādharapure so'pi vasetkalpāyutatrayam || 19 ||
[Analyze grammar]

saṃvatsaraṃ vratavareṇa sarasvatīṃ ye saṃpūjayaṃti jagato jananīṃ janitrīm |
madhurasvarāste rūpānvitā vahukalākuśalā bhavaṃti || 20 ||
[Analyze grammar]