Chapter 36

śrīkṛṣṇa uvāca |
paṃcamī dayitā rājannāgānaṃdavivarddhanī |
pañcamyāṃ kila nāgānāṃ bhavatītyutsavo mahān || 1 ||
[Analyze grammar]

vāsukistakṣakaścaiva kāliko māṇibhadrakaḥ |
dhṛtarāṣṭro raivataśca karkoṭakadhanaṃjayau |
ete prayacchaṃtyabhayaṃ prāṇināṃ prāṇajīvinām || 2 ||
[Analyze grammar]

pañcamyāṃ snapayaṃtīha nāgānkṣī reṇa ye narāḥ |
teṣāṃ kule prayacchaṃti abhayaṃ prāṇināṃ sadā || 3 ||
[Analyze grammar]

śaptā nāgā yadā mātrā dahyamānā divāniśam |
nirvāpitā gavāṃ kṣīraistataḥ prabhṛti vallabhāḥ || 4 ||
[Analyze grammar]

yudhiṣṭhira uvāca |
mātrā śaptāḥ kathaṃ nāgāḥ kimuddiśya ca kāraṇam |
kathaṃ vā tasya śāpasya vināśo' bhūjjanārdana || 5 ||
[Analyze grammar]

śrīkṛṣṇa uvāca |
uccaiḥśravāśvarājaśca śvetavarṇo'mṛtodbhavaḥ |
taṃ dṛṣṭvā cābravītkadrūrnāgānāṃ jananī svasām || 6 ||
[Analyze grammar]

aśvaratnamidaṃ śvetaṃ paśyapaśyāmṛtodbhavam |
kṛṣṇāṃśca vīkṣyase bālānsarvaśvetānutādya vai || 7 ||
[Analyze grammar]

vinatovāca |
sarvaśveto hayavaro nāyaṃ kṛṣṇo na lohitaḥ |
kathaṃ tvaṃ vīkṣase kṛṣṇaṃ vinatovāca tāṃ svasām || 8 ||
[Analyze grammar]

kadrūruvāca || |
vīkṣe'hamekanayanā kṛṣṇabāla samanvitam |
dvinetrā ca tvaṃ vinate na paśyasi paṇaṃ kuru || 9 ||
[Analyze grammar]

vinatovāca |
ahaṃ dāsī bhavitrī te kṛṣṇakeśe pradarśite |
na ceddarśayase kadru mama dāsī bhaviṣyasi || 10 ||
[Analyze grammar]

evaṃ te vipaṇaṃ kṛtvā gate krodhasamanvite |
suṣupte prājyadoṣe tu kadrūrjihmamaciṃtayat || 11 ||
[Analyze grammar]

āhūya putrān provāca bālā bhūtvā hayottame |
tiṣṭhadhvaṃ vipaṇau jeṣye vinatāṃ jayagṛddhinīm || 12 ||
[Analyze grammar]

procuste jihmabuddhiṃ tāṃ nāgāḥ kadrūṃ vigṛhya ca |
adharma eṣa tu mahānkariṣyāmo na te vacaḥ |
aśapadruṣitā kadrūḥ pāvako vaḥ pradhakṣyati || 13 ||
[Analyze grammar]

gate bahutithe kāle pāṃḍavo janamejayaḥ |
sarpasatraṃ sa kartā vai bhūmāvanyaiḥ suduṣkaram || 14 ||
[Analyze grammar]

tasminsatre ca tigmāṃśuḥ pāvako bhakṣayiṣyati |
evaṃ śaptvā tadā kadrūḥ pratyuvāca na kiṃcana || 15 ||
[Analyze grammar]

mātrā śaptastadā nāgaḥ kartavyaṃ nānvapadyata |
vāsukirduḥkhasaṃtaptaḥ papāta bhuvi mūrcchitaḥ || 16 ||
[Analyze grammar]

vāsukiṃ duḥkhitaṃ dṛṣṭvā brahmā provāca sāṃtvayan |
mā śuco vāsuke'tyarthaṃ śṛṇu madvacanaṃ param || 17 ||
[Analyze grammar]

yāyāvarakule jāto jaratkāruriti dvijaḥ |
bhaviṣyati mahātejāstasminkāle taponidhiḥ || 18 ||
[Analyze grammar]

bhaginīṃ ca jaratkāruṃ tasya tvaṃ pratidāsyasi |
bhavitā tasya putro'sāvastīka iti viśrutaḥ || 19 ||
[Analyze grammar]

sa tatsatraṃ pravṛddhaṃ vai nāgānāṃ bhayadaṃ mahat |
niṣedhayiṣyati munirvāgbhiḥ saṃpūjya pārthivam || 20 ||
[Analyze grammar]

tadiyaṃ bhaginī nāga rūpaudāryaguṇānvitā |
jaratkārurjaratkāroḥ pradeyā hyavi cārataḥ || 21 ||
[Analyze grammar]

yadāsau prārthyate'raṇye yatkiñcitpravadiṣyati |
tatkartavyamaśeṣeṇa icchecchreyastathātmanaḥ || 22 ||
[Analyze grammar]

pitāmahavacaḥ śrutvā vāsukiṃ praṇipatya ca |
tathākarodyathā coktaṃ yatnaṃ paramamāsthitaḥ || 23 ||
[Analyze grammar]

tacchrutvā pannagāḥ sarve praharṣotphullalocanāḥ |
punarjātamivātmānaṃ menire bhujagottamāḥ || 24 ||
[Analyze grammar]

aplave tu nimagnānāṃ ghore yajñāgnisāgare |
āstīkastatra bhavitā plavabhūto'bhayapradaḥ || 25 ||
[Analyze grammar]

śrutvā sa cāgnirājānamṛtvijastadanaṃtaram |
nivartayiṣyati yāgaṃ nāgānāṃ mohanaṃ param || 26 ||
[Analyze grammar]

pañcamyāṃ tacca bhavitā brahmā provāca lelihān |
tasmādiyaṃ mahārāja pañcamī dayitā śubhā || 27 ||
[Analyze grammar]

nāgānāṃ harṣajananī dattā vai brahmaṇā purā |
dattvā tu bhojanaṃ pūrvaṃ brāhmaṇānāṃ tu kāmataḥ || 28 ||
[Analyze grammar]

visṛjya nāgāḥ prīyaṃtāṃ ye kecitpṛthivītale |
himācale ye vasanti yeṃ'tarikṣe divisthitāḥ |
ye nadīṣu mahānāgā ye saraḥsvabhigāminaḥ || 29 ||
[Analyze grammar]

ye vāpīṣu taḍāgeṣu teṣu sarveṣu vai namaḥ || 30 ||
[Analyze grammar]

nāgānviprāṃśca saṃpūjya visṛjya ca yathārthataḥ |
tataḥ paścācca bhuñjīyātsaha bhṛtyairnnarādhipa || 31 ||
[Analyze grammar]

pūrvaṃ madhuramaśnīyātsvecchayā tadanaṃta ram |
evaṃ niyamayuktasya yatphalaṃ tannibodha me || 32 ||
[Analyze grammar]

mṛto nāgapuraṃ yāti pūjyamāno'psarogaṇaiḥ |
vimānavaramārūḍho ramate kālamīpsitam || 33 ||
[Analyze grammar]

iha cāgatya rājāsau sarvarājavaro bhavet |
sarvaratnasamṛddhaśca vāhanāḍhyaśca jāyate || 34 ||
[Analyze grammar]

pañcajanmanyasau rājā dvāparedvāpare bhavet |
ādhivyādhivinirmuktaḥ patnīputrasahāyavān |
tasmātpūjyāśca nāgāśca ghṛtakṣīrādinā sadā || 35 ||
[Analyze grammar]

yudhiṣṭhira uvāca |
daśaṃti yaṃ naraṃ kṛṣṇa nāgāḥ krodhasamanvitāḥ |
bhavetkiṃ tasya daṣṭasya vistarādbrūhi māṃ hare || 36 ||
[Analyze grammar]

śrīkṛṣṇa uvāca |
nāgadaṣṭo naro rājanprāpya mṛtyuṃ vrajatyadhaḥ |
adho gatvā bhavetsarpo nirviṣo nātra saṃśayaḥ || 37 ||
[Analyze grammar]

yudhiṣṭhira uvāca |
nāgadaṣṭaḥ pitā yasya bhrātā mātā suhṛtsutaḥ |
svasā vā duhitā bhāryā kiṃ kartavyaṃ vadasva me || 38 ||
[Analyze grammar]

mokṣāya tasya govinda dānaṃ vratamupoṣitam |
brūhi me yaduśārdūla yena svargatimāpnuyāt || 39 ||
[Analyze grammar]

śrīkṛṣṇa uvāca |
upoṣyā pañcamī rājannāgānāṃ puṣṭivarddhinī |
varṣamekaṃ tu rājendra vidhānaṃ śṛṇu yādṛśam || 40 ||
[Analyze grammar]

māse bhādrapade yā tu śuklapakṣe mahīpate |
sā ca puṇyatamā proktā grāhyā sadgatikāmyayā || 41 ||
[Analyze grammar]

jñeyā dvādaśa varṣāṃte pañcamyo bharatarṣabha |
caturthyāmekabhaktaṃ tu tasyāṃ naktaṃ prakīrtitam || 42 ||
[Analyze grammar]

bhūricandramayaṃ nāgamathavā kaladhautajam |
kṛtvā dārumayaṃ cāpi utāho mṛnmayaṃ nṛpa || 43 ||
[Analyze grammar]

pañcamyāmarcayedbhaktyā nāgaṃ pañcaphaṇaṃ śṛṇu |
karavīraistathā padmairjātīpuṣpaiḥ suśobhanaiḥ || 44 ||
[Analyze grammar]

gandhapuṣpaiḥ sanaivedyaiḥ pūjya pannagasattamam |
brāhmaṇānbhojayetpaścād ghṛtapāyasamodakaiḥ || 45 ||
[Analyze grammar]

nārāyaṇabaliḥ kāryaḥ sarpadaṣṭasya dehinaḥ |
dāne piṃḍapradāne ca brāhmaṇānāṃ ca tarpayet || 46 ||
[Analyze grammar]

vṛṣotsargastu kartavyo gate saṃvatsare nṛpa |
snānaṃ kṛtvodakaṃ dadyātkṛṣṇo'tra prīyatāmiti || 47 ||
[Analyze grammar]

anaṃto vāsukiḥ śeṣaḥ padmaḥ kambala eva ca |
tathā takṣaka nāgaśca nāgaścāśvataro nṛpa || 48 ||
[Analyze grammar]

dhṛtarāṣṭraḥ śaṃkhapālaḥ kāliyastakṣakastathā |
piṃgalaśca mahānāgo māsimāsi prakīrtitāḥ |
vatsarāṃte pāraṇaṃ syānmahābrāhmaṇabhojanam || 49 ||
[Analyze grammar]

itihāsavide nāgaḥ kāṃcanena kṛto nṛpa |
tathārjunī pradātavyā savatsā kāṃsyadohanā || 50 ||
[Analyze grammar]

eṣa pāraṇake pārtha vidhiḥ prokto vicakṣaṇaiḥ |
kṛte vratavare tasminsadgatiṃ yāṃti bāndhavāḥ || 51 ||
[Analyze grammar]

ye dandaśūkaradanairdaṣṭāḥ prāptā hyadhogatim |
varṣamekaṃ cari ṣyaṃti bhaktyā ye vratamuttamam |
dāṃṣṭrikaṃ mokṣyate teṣāṃ śubhaṃ sthānamavāpsyati || 52 ||
[Analyze grammar]

yaścedaṃ śṛṇuyānnityaṃ paṭhedbhaktyā samanvitaḥ |
na vai kuṭumbe nāgebhyo bhayaṃ bhavati kutracit || 53 ||
[Analyze grammar]

śrīkṛṣṇa uvāca |
tadvadbhādrapade māsi pañcamyāṃ śraddhayānvitaḥ |
yastvālikhya naro nāgānkṛ ṣṇavarṇādivarṇakaiḥ |
pūjayedgandhapuṣpaistu sarpirgguggulupāyasaiḥ || 54 ||
[Analyze grammar]

tasya tuṣṭiṃ samāyāṃti pannagāstakṣakādayaḥ |
āsaptamātkulāttasya na bhayaṃ nāgato bhavet || 55 ||
[Analyze grammar]

tasmātsarvaprayatnena nāgānsaṃpūjayedbudhaḥ |
tathā cāśvayuje māsi pañcamyāṃ kurunaṃdana || 56 ||
[Analyze grammar]

kṛtvā kuśamayānnāgāniṃdrāṇyā saha pūjayet |
ghṛtodakābhyāṃ payasā snapayitvā viśāṃpate || 57 ||
[Analyze grammar]

godhūmaiḥ payasā svinnairbhakṣyaiśca vividhaistathā |
yastvasyāṃ vividhānnāgāñchucirbhaktyā samanvitaḥ || 58 ||
[Analyze grammar]

pūjayetkuruśārdūla tasya śeṣādayo nṛpa |
nāgāḥ prītā bhavantīha śāṃtiṃ prāpnoti śobhanām |
sa śāṃtilokamāsādya modate śāśvatīḥ samāḥ || 59 ||
[Analyze grammar]

ityetatkathitaṃ vīra pañcamīvratamuttamam |
tatrāyamucyate maṃtraḥ sarvadoṣaniṣedhakaḥ || 60 ||
[Analyze grammar]

bhaktena bhaktisahitāḥ śatapañcamīṣu ye pūjayaṃti bhujagānkusumopahāraiḥ |
teṣāṃ gṛheṣvabhayadā hi sadaiva sarpāḥ śaśvatpramodaparamā rucayo bhavaṃti || 61 ||
[Analyze grammar]