Chapter 12

sūta uvāca |
dvādaśābde hi kṛṣṇāṃśe yathājātaṃ tathā śṛṇu |
iṣaśukladaśamyāṃ ca rājñāṃ jātaḥ samāgamaḥ || 1 ||
[Analyze grammar]

kānyakubje mahāramye nānābhūpāḥ samāyayuḥ |
śrutvā parājayaṃ rājño mahīrājasya lakṣaṇaḥ || 2 ||
[Analyze grammar]

kṛṣṇāṃśadarśane vāṃchā tasya cāsīttadā mune |
pitṛvyaṃ bhūpatiṃ prāha draṣṭuṃ yāsyāmi taṃ śubham || 3 ||
[Analyze grammar]

jito yena mahīrājaḥ sarvalokaprapūjitaḥ |
iti śrutvā vacastasya jayacaṃdro mahīpatiḥ |
bhrātṛjaṃ praṇataṃ prāha śṛṇu śuklayaśaskara || 4 ||
[Analyze grammar]

rājarājapadaṃ te hi kathaṃ saṃhartumicchasi |
ityuktvā jayacaṃdrastu tadājñāṃ naiva dattavān || 5 ||
[Analyze grammar]

rājānaste ca sahitāḥ svasainyaiḥ parivāritāḥ |
kṛṣṇāṃśaṃ draṣṭumicchantaḥ saṃyayuśca mahīpatim || 6 ||
[Analyze grammar]

śirīṣākhyapurasthaṃ ca jñātvā kṛṣṇāṃśamuttamam |
mahīpatiṃ puraskṛtya samājagmurnṛpāstadā || 7 ||
[Analyze grammar]

dadṛśustaṃ mahātmānaṃ puṃḍarīkanibhānanam |
prasannavadanāḥ sarve praśaśaṃsuḥ samaṃtataḥ || 8 ||
[Analyze grammar]

tadā mahīpatiḥ kruddho vacanaṃ prāha bhūpatīn |
yasyeyaṃ ca kṛtā ślāghā yuṣmābhirdūravāsibhiḥ |
pitarau tasya balinau māhiṣmatyāṃ mṛtiṃ gatau || 9 ||
[Analyze grammar]

jambuko nāma bhūpālo nārmadīyaiḥ samanvitaḥ |
baddhvā tau prayayau gehaṃ luṃṭhayitvā dhanaṃ bahu |
śilāpatre samāropya tayorgātramacūrṇayat |
śirasī ca tayośchittvā vaṭavṛkṣe samāruhat || 10 ||
[Analyze grammar]

adyāpi tau sthitau vīrau hā putreti prabhāṣiṇau |
pretadehe ca pitarau yasya prāpto mahābalo |
tasyodayo vṛthā jñeyo vṛthākīrtiḥ priyaṃkarī || 11 ||
[Analyze grammar]

iti śrutvā sa kṛṣṇāṃśo bhūpatīnprāha namradhīḥ |
gatau matpitarau sārddhaṃ gurjare yatra vai raṇaḥ || 12 ||
[Analyze grammar]

mlecchairnarāśanaiḥ sārddhaṃ tannṛpeṇa raṇo'bhavat |
deśarājo vatsarājo yuddhaṃ kṛtvā bhayaṃkaram |
mlecchaistaiśca hatau tatra śruteyaṃ viśrutā kathā || 13 ||
[Analyze grammar]

mātulenādya kathitaṃ navīnaṃ maraṇaṃ tayoḥ |
cetsatyaṃ vacanaṃ tasya pauruṣaṃ mama paśyata || 14 ||
[Analyze grammar]

ityuktvā tānsa kṛṣṇāṃśo mātaraṃ prāha satvaram |
hetuṃ ca varṇayāmāsa bhāṣitaṃ ca mahīpateḥ || 15 ||
[Analyze grammar]

śrutvā vajrasamaṃ vākyaṃ ruroda jananī tadā |
nottaraṃ pradadau mātā pati duḥkhena duḥkhitā || 16 ||
[Analyze grammar]

jñātvā pitṛvadhaṃ śrutvā jambukaṃ śivakiṃkaram |
manasā sa ca kṛṣṇāṃśastuṣṭāva parameśvarīm || 17 ||
[Analyze grammar]

jaya jaya jaya jagadamba bhavāni hyakhilalokasurapitṛmunikhāni |
tvayā tataṃ sacarācarameva viśvaṃ pātamidaṃ hṛtameva || 18 ||
[Analyze grammar]

iti dhyātvā sa kṛṣṇāṃśaḥ suṣvāpa nijasa dmani |
tadā bhagavatī tuṣṭā tālanaṃ balavattaram |
mohayitvāśu tatpārśve preṣayāmāsa sarvagā || 19 ||
[Analyze grammar]

caturlakṣabalaiḥ sārddhaṃ tālanaḥ śīghramāgataḥ |
svasainyaṃ codayāmāsa caikalakṣaṃ mahābalam || 20 ||
[Analyze grammar]

balakhānistadā prāptaścaikalakṣabalānvitaḥ |
anujaṃ tatra saṃsthāpya śirīṣākhye mahābalaḥ || 21 ||
[Analyze grammar]

sajjībhūtānsamālokya tānudyāne sasainyakān |
bhītaḥ parimalo rājā kṛṣṇāṃśaṃ prati cāyayau || 22 ||
[Analyze grammar]

vihvalaṃ nṛpamālokya kṛṣṇāṃśo'śvāsayanmudā || 23 ||
[Analyze grammar]

lakṣasainyaṃ tadīyaṃ ca gṛhītvā cādhipo'bhavat |
śataghnyaḥ paṃcasāhasrā nānāvarṇāḥ suvāhanāḥ || 24 ||
[Analyze grammar]

patākāḥ pañcasāhasrāḥ sāhasraṃ kāṣṭhakāriṇaḥ |
gajā daśasahasrāśca rathāḥ paṃcasahasrakāḥ || 25 ||
[Analyze grammar]

trilakṣāśca hayāḥ sarve uṣṭrā daśasahasrakāḥ |
śeṣāḥ padātayo jñeyāsta sminsainye bhayānake || 26 ||
[Analyze grammar]

tālanaśca samāyātaḥ sarvasenādhipo'bhavat |
devasiṃho rathānāṃ ca sarveṣāmīśvaro'bhavat || 27 ||
[Analyze grammar]

balakhānirhayānāṃ ca sarveṣāmadhipo'bhavat |
āhlādaśca gajānāṃ ca sarveṣāmadhipo'bhavat |
pattīnāṃ caiva sarveṣāṃ kṛṣṇāṃśaścādhipo'bhavat || 28 ||
[Analyze grammar]

natvā te malanāṃ bhūpo dattvā dānānyanekaśaḥ |
samāyayuśca te sarve dakṣiṇāśāṃ balānvitāḥ || 29 ||
[Analyze grammar]

pakṣamātragataḥ kālo mārge tasminraṇaiṣiṇām |
chittvā tatra vanaṃ ghoraṃ nānākaṃṭakasaṃyutam |
senāṃ nivāsayāmāsurnirbhayāste mahābalāḥ || 30 ||
[Analyze grammar]

devasiṃhamatenaiva yoginaste tadābhavan |
nartakaścaiva kṛṣṇāṃśaścāhlādo ḍamarupriyaḥ || 31 ||
[Analyze grammar]

maḍḍudhārī tadā devo vīṇādhārī ca tālanaḥ |
vatsajaḥ kāṃsyadhārī ca balakhānirmahābalaḥ || 32 ||
[Analyze grammar]

māturagre sthitāste vai nanṛtuḥ premavihvalāḥ |
mohitā devakī cāsīnna jñātaṃ tatra kāraṇam || 33 ||
[Analyze grammar]

mohitāṃ mātaraṃ dṛṣṭvā paraṃ harṣamupāyayuḥ |
tadā tāṃ kathayāmāsurvayaṃ te tanayā hi bhoḥ || 34 ||
[Analyze grammar]

natvā tāṃ prayayuḥ sarve purīṃ māhiṣmatīṃ śubhām |
nagaraṃ mohayāmāsurvādyagānaviśāradāḥ || 35 ||
[Analyze grammar]

dūtyā sārddhaṃ riporgehaṃ yayuste kāryatatparāḥ |
nṛtyagānasuvādyaiśca rājñaste mohane ratāḥ || 36 ||
[Analyze grammar]

visaṃjñāṃ mahiṣīṃ kṛtvā kṛṣṇāṃśaḥ sarvamohanaḥ |
prāptavāṃstatra yatrāsau tatsutā vijayaiṣiṇī || 37 ||
[Analyze grammar]

dṛṣṭvā sā suṃdaraṃ rūpaṃ śyāmāṃgaṃ puruṣottamam |
mumoha vaśamāpannā maithunārthaṃ samudyatā || 38 ||
[Analyze grammar]

dṛṣṭvā tathā gatāṃ nārīṃ kṛṣṇāṃśaḥ ślakṣṇayā girā |
śatrorbhedaṃ ca papraccha kāminīṃ madavihvalām || 39 ||
[Analyze grammar]

sāha bho devakīputra yadi pāṇiṃ grahīṣyasi |
tarhi te kathayiṣyāmi piturbhedaṃ hi dāruṇam || 40 ||
[Analyze grammar]

tathetyuktvā sa balavāṃstasyāḥ pāṇiṃ gṛhītavān |
jñātvā bhedaṃ ripoḥ sarvaṃ tāmāśvāsya yayau mudā || 41 ||
[Analyze grammar]

etasminnantare rājñī bādhitā prāha yoginam |
deśarājapriyāhāraṃ navalakṣasya mūlyakam |
tubhyaṃ dāsyāmi saṃtuṣṭā nṛtyagānavimohitā || 42 ||
[Analyze grammar]

iti śrutvā vatsasutastāṃ praśasya gṛhītavān |
prayayau baṃdhubhiḥ sārddhaṃ jambūko yatra tiṣṭhati || 43 ||
[Analyze grammar]

nanarta tatra kṛṣṇāṃśo balakhāniragāyata |
āhlādastālano devo dadhmurvādyagatīrmudā || 44 ||
[Analyze grammar]

mohito'bhūnnṛpastatra kāliyaḥ svajanaiḥ saha |
kāmaṃ varaya kṛṣṇāṃga yacca te hṛdaye sthitam || 45 ||
[Analyze grammar]

iti śrutvā vacaḥ śatrorbalakhānirmahābalaḥ |
tamāha bho mahīpāla lakṣāvartirvarāṃganā |
svavidyāṃ darśayenmahyaṃ tadā tṛptiṃ vrajāmyaham || 46 ||
[Analyze grammar]

iti śrutvā tathā matvā lakṣāvartiṃ nṛpottamaḥ |
sabhāyāṃ nartayāmāsa deśarājapriyāṃ tathā || 47 ||
[Analyze grammar]

sā veśyā sutamāhlādaṃ jñātvā yogitvamāgatam |
ruroda tatra duḥkhārtā netrādaśrūṇi muṃcatī || 48 ||
[Analyze grammar]

ruditāṃ tāṃ samālokya rudannāhlāda eva saḥ |
svabhujau tāḍayāmāsa tatpriyārthe mahābalaḥ || 49 ||
[Analyze grammar]

kṛṣṇāṃśastatra taṃ hāraṃ tasyāḥ kaṃṭhe pradattavān |
uvāca krodhatāmrākṣastāmāśvāsya punaḥpunaḥ || 50 ||
[Analyze grammar]

ahaṃ codayasiṃho'yaṃ piturvairārthamāgataḥ |
haniṣyāmi ripuṃ bhūpaṃ sātmajaṃ sabalaṃ tathā || 51 ||
[Analyze grammar]

iti śrutvā vacastasya kāliyo balavattaraḥ |
piturājñāṃ puraskṛtya śatavyūhasamanvitaḥ || 52 ||
[Analyze grammar]

teṣāṃ ca baṃdhanāyaiva kapāṭaṃ samaruddha saḥ |
tāñchatrūnsamanujñāya pāśahastānsaśastragān || 53 ||
[Analyze grammar]

svaṃsvaṃ khaḍgaṃ samākṛṣya kṣatriyāste samāghnata |
śataśūre hate taiśca kāliyo bhayakātaraḥ || 54 ||
[Analyze grammar]

tyaktvā tātaṃ pradudrāva te tu gehādbahiryayuḥ |
svasainyaṃ śīghramāsādya yuddhāya samupasthitaḥ |
śibirāṇi kṛtānyeva narmadākūlamāsthitaiḥ || 55 ||
[Analyze grammar]

kṛtvā tu narmadāsetuṃ nalvamātraṃ supuṣṭidam |
svasainyaṃ tārayāmāsa caturaṃgasamanvitam || 56 ||
[Analyze grammar]

rurodha nagarīṃ sarvāṃ balakhānirbalairyutaḥ |
śataghnīragrataḥ kṛtvā mahāśabdakarīstadā |
māhiṣmatyāśca harmyāṇi pātayāmāsa bhūtale || 57 ||
[Analyze grammar]

narāśca svakulaiḥ sārddhaṃ mukhyadravyasamanvitāḥ |
viṃdhyādreśca guhāṃ prāpya tatroṣurbhayakātarāḥ || 58 ||
[Analyze grammar]

kāliyastu gajānīke paṃcaśabdagaje sthitaḥ |
hastipā daśasāhasrā yuddhāya samupāyayuḥ || 59 ||
[Analyze grammar]

tasyānujaḥ sūryavarmā trilakṣaisturagairyutaḥ |
tuṃdilaśca rathaiḥ sārddhaṃ rathasthaśca sahasrakaiḥ || 60 ||
[Analyze grammar]

raṃkaṇo vaṃkaṇaścobhau caturlakṣapadātibhiḥ |
jagmatustau mahāmlecchau mlecchabhūpasahasrakaiḥ |
dākṣiṇātyagrāmapāste tau puraskṛtya saṃyayuḥ || 61 ||
[Analyze grammar]

ubhe sene samāsādya yuddhāya samupasthite |
tayośca tumulayuddhamabhavallomaharṣaṇam || 62 ||
[Analyze grammar]

triyāme rudhiraisteṣāṃ nadī prāvartata drutam |
dṛṣṭvāsrajāṃ nadīṃ ghorāṃ māṃsakardamavāhinīm |
balakhānirameyātmā khaṅgapāṇirnaro yayau || 63 ||
[Analyze grammar]

bhallahastastadā devo manorathahaye sthitaḥ |
biṃdulasthaśca kṛṣṇāṃśaḥ khaṅgenaiva ripūnahan || 64 ||
[Analyze grammar]

āhlādaśca gadāhastaḥ pothayāmāsa vāhinīm |
rūpaṇo nāma śūdraśca śaktihastonyahanripūn |
tālano hastanistriṃśo māhiṣmatyāṃ hananyayau || 65 ||
[Analyze grammar]

evaṃ mahābhaye jāte raṇe tasminmahābale |
dudruvuḥ sarvato vīrāḥ pāhipāhītyathābruvan || 66 ||
[Analyze grammar]

prabhagnaṃ svabalaṃ dṛṣṭvā kāliyo balakhānikam |
gajasthastāḍayāmāsa svabāṇaistaṃ mahābalaḥ || 67 ||
[Analyze grammar]

hariṇī vaḍavā tasya jñātvā svāminamāturam |
gajopari samāsthāya svapādaistamapātayat || 68 ||
[Analyze grammar]

patite kāliye vīre paṃcaśabdo mahāgajaḥ |
śṛṃkhalaistāḍayāmāsa śūrāṃstānmadamattakān || 69 ||
[Analyze grammar]

mūrcchite paṃcaśūre tu rūpaṇo bhayakātaraḥ |
devakīṃ varṇayāmāsa yathājātaṃ gajena vai || 70 ||
[Analyze grammar]

tadā tu duḥkhitā devī dolāmāruhya satvarā |
taṃ gajaṃ ca samāsādya varṇayāmāsa kāraṇam || 71 ||
[Analyze grammar]

gajarāja namastubhyaṃ śakradatta mahābala |
ete putrāstu te vīra pālanīyā yathā pituḥ || 72 ||
[Analyze grammar]

iti śrutvā divyagajo devamāyāviśāradaḥ |
devakīṃ śaraṇaṃ prāpya kṣamasvāgaskṛtaṃ mama || 73 ||
[Analyze grammar]

ityukte gajarāje tu kṛṣṇāṃśo balavattaraḥ |
tyaktvā mūrcchāṃ yayau tatra yatrāhlādaśca mūrcchitaḥ || 74 ||
[Analyze grammar]

tamutthāpya karasparśairbalakhānisamanvitaḥ |
piturgajaṃ mahāmattamāhlādāya pradattavān |
karāla mandaṃ smitaṃ rūpaṇāya tadā dadau || 75 ||
[Analyze grammar]

mūrcchitaṃ kāliyaṃ śatruṃ baddhvā sa nigaḍairdṛḍhaiḥ |
senāntaṃ preṣayāmāsa balakhānirmahābalaḥ || 76 ||
[Analyze grammar]

sūryavarmā tadā jñātvā baddhaṃ baṃdhuṃ ca kāliyam |
prayayau śatrusenāntaṃ krodhena sphuritādharaḥ || 77 ||
[Analyze grammar]

tamāyāntaṃ samālokya te vīrā yuddhadurmadāḥ |
rathasthaṃ maṃḍalīkṛtya svasvamastraṃ samākṣipan || 78 ||
[Analyze grammar]

kuṃṭhite'stre tadā teṣāṃ vismitāste'bhavanmune |
cintāṃ ca mahatīṃ prāptāḥ kathaṃ vadhyo bhavedayam || 79 ||
[Analyze grammar]

tasyāstraiste mahāvīrā vraṇārtibhayapīḍitāḥ |
tyaktvā yuddhaṃ punargatvā raṇaṃ cakruḥ punaḥpunaḥ || 80 ||
[Analyze grammar]

evaṃ kati dinānyeva babhūva raṇa uttamaḥ |
āhlādo vatsajo devastālano bhayasaṃyutaḥ |
kṛṣṇāṃśaṃ śaraṇaṃ jagmustena vīreṇa mohitāḥ || 81 ||
[Analyze grammar]

kṛṣṇastu taṃ tathā dṛṣṭvā devīṃ viśvavimohinīm |
tuṣṭāva manasā vīro rātrisūktaṃ paṭhanhṛdi || 82 ||
[Analyze grammar]

tadā tuṣṭā jagaddhātrī durgā durgārtināśinī |
mohayitvā tu taṃ vīraṃ tatraivāṃtaradhīyataḥ || 83 ||
[Analyze grammar]

nidrayā mohitaṃ dṛṣṭvā kṛṣṇāṃśastu mahābalaḥ |
babaṃdha nigaḍaistaṃ ca devakyante samāgamat || 84 ||
[Analyze grammar]

tuṃdilaśca tathā jñātvā bhātṛśokapariplutaḥ |
ājagāma hayārūḍhaḥ khaṅgahasto mahābalaḥ |
ripusainyasya madhye tu bahuśūrānatāḍayat || 85 ||
[Analyze grammar]

māhiṣmatyāśca te śūrā raṃkaṇena samanvitāḥ |
tatsainyaṃ bhañjayāmāsustālanena prapālitam || 86 ||
[Analyze grammar]

pradrutaṃ svaṃ balaṃ dṛṣṭvā tālanaḥ parighāyudhaḥ |
śirāṃsi pothayāmāsa mlecchānāṃ ca pṛthakpṛthak || 87 ||
[Analyze grammar]

vaṃkaṇaṃ ca tathā hatvā khaḍgenaiva ca raṃkaṇam |
tuṃdilaṃ ca tathā baddhvā dinānte śibiraṃ yayau || 88 ||
[Analyze grammar]

kāliye ca ripau baddhe subaddhe sūryavarmaṇi |
tuṃdile ca tathā baddhe raṃkaṇe vaṃkaṇe hate || 89 ||
[Analyze grammar]

sahasraṃ mleccharājāno hataśeṣā balānvitāḥ |
pakṣamātramahorātraṃ yuddhaṃ cakruḥ samaṃtataḥ || 90 ||
[Analyze grammar]

pratyahaṃ tālano vīraḥ senāpatiramarṣaṇaḥ |
ṣaṣṭiṃ bhūpāñjaghānāśu śatrusainyabhayaṃkaraḥ || 91 ||
[Analyze grammar]

bhayabhītā ripoḥ śūrā hatā bhūpā hataujasaḥ |
hataśeṣā yayurgehamarddhasainyā bhayāturāḥ || 92 ||
[Analyze grammar]

jambukastu tathā śrutvā duḥkhito gehamāyayau |
vrataṃ hyanaśanaṃ kṛtvā rātrau śocannaśeta saḥ || 93 ||
[Analyze grammar]

niśīthe samanuprāpte tatsutā vijayaiṣiṇī |
pūrṇā tu sā kalā jñeyā rādhāyā vrajavāsinī || 94 ||
[Analyze grammar]

āśvāsya pitaraṃ taṃ ca yayau māyāviśāradā |
rakṣakāñchivirāṇāṃ ca mohayitvā samāyayau || 99 ||
[Analyze grammar]

bhrātaro tatra gatvāsau yatra sarvānabodhayat |
kṛtvā sā rākṣasīṃ māyāṃ paṃcavīrānamohayat || 96 ||
[Analyze grammar]

nirastrakavacānbaṃdhūnpratidolāṃ samāruhat |
pituraṃtikamāsādya tasmai bhrātṛndadau mudā || 97 ||
[Analyze grammar]

prabhāte bodhitāḥ sarve snānadhyānādikāḥ kriyāḥ |
kṛtvā yayū ripoḥ śālāṃ dṛṣṭavanto na tāṃstadā || 98 ||
[Analyze grammar]

babhūburduḥkhitāḥ sarve kimidaṃ kāraṇaṃ katham |
tānuvāca tadā devaḥ prāptā hyatra ripoḥ sutā || 99 ||
[Analyze grammar]

kṛtvā sā rākṣasīṃ māyāṃ hṛtvā tāngehamāyayau |
tasmādyūyaṃ mayā sārddhaṃ gatvā yatraiva tadguruḥ || 100 ||
[Analyze grammar]

viṃdhyopari mahāraṇye nānāsattvaniṣevite |
kuṭīraṃ tasya tatraiva nāmnaivailavilī hi saḥ || ilavilā |
yogasiddhiyutaḥ kāmī rākṣasebhyo hi nirbhayaḥ || 101 ||
[Analyze grammar]

jambukasya sutā tatra pratyahaṃ svajanairyutā |
ekākinī ca sā rātrau svaṃ guruṃ tamarīramat || 102 ||
[Analyze grammar]

kṛteyaṃ cailavilinā māyā manujamohinī |
kāryasiddhiṃ gamiṣyāmo gatvā taṃ puruṣādhamam |
iti śrutvā tu catvāro vināhrādaṃ yayurvanam || 103 ||
[Analyze grammar]

gītanṛtyapravādyaiśca mohayitvā ca ta dine |
vāsaṃ cakruśca tatraiva dhūrtaṃ māyāviśāradam || 104 ||
[Analyze grammar]

sa tu pūrvabhave daityaścitro nāma mahāsuraḥ |
bāṇakanyāmuṣāṃ nityamavāñchacchiva pūjakaḥ |
jāta ailavilī nāma pakṣapūjī sa vegavān || 105 ||
[Analyze grammar]

tayormadhye pramāṇo'yaṃ vivāho me yadā bhavet |
tadāhaṃ tvāṃ bhajiṣyāmi saṃtyaktvodvāhitaṃ patim || 106 ||
[Analyze grammar]

hate tasminmahādhūrte gatvā saṃgrāmamūrddhani |
jambukasya yayurdurgaṃ dṛṣṭvā te taṃ samāruhan |
hatvā tatra sthitānvīrāñchataghnyaḥ parikhākṛtāḥ || 107 ||
[Analyze grammar]

tadā tu jambuko rājā śivadattavaro balī |
jitvā pañca mahāvīrānbaddhvā tānnigaḍairdṛḍhaiḥ |
śaivaṃ yajñaṃ ca kṛtavāṃsteṣāṃ nāmnopabṛṃhitam || 108 ||
[Analyze grammar]

rūpaṇastu tathā jñātvā devakīṃ pratyavarṇayat |
tadā tu duḥkhitā devī bhavānīṃ bhayahāriṇīm |
manasā ca jagāmāśu śaraṇyāṃ śaraṇaṃ satī || 109 ||
[Analyze grammar]

tadā tuṣṭā jagāddhātrī svapnāṃte tāmavarṇayat |
aho devaki kalyāṇi putraśokaṃ tyajādhunā || 110 ||
[Analyze grammar]

yadā tu jambuko rājā śivadattavaro balī |
homaṃ kartā sa maṃdātmā teṣāṃ ca balihetave || 111 ||
[Analyze grammar]

mohayitvā tadāhaṃ taṃ mocayitvā ca te sutān |
vijayaṃ te pradāsyāmi mā ca śoke manaḥ kṛthāḥ || 112 ||
[Analyze grammar]

iti śrutvā satī devī namaskṛtya maheśvarīm |
pūjayāmāsa vidhivaddhūpadīpopahārakaiḥ || 113 ||
[Analyze grammar]

etasminnaṃtare rājā devamāyāvimohitaḥ |
suṣvāpa tatra homānte te ca jātā hyabaṃdhanāḥ || 114 ||
[Analyze grammar]

tairbaddho jambuko rājā nigaḍairāyasairdṛḍhaiḥ |
te taṃ baddhvā yayuḥ śīghraṃ devakīṃ prati nirbhayāḥ || 115 ||
[Analyze grammar]

etasminnaṃtare tatra kāliyādyāstrayaḥ sutāḥ |
trilakṣaṃ sainyamādāya yuddhāya samupāyayuḥ || 116 ||
[Analyze grammar]

punaryuddhamabhūdghoraṃ senayorubhayostadā |
tālanādyāśca catvāro hatvā tāṃ ripuvāhinīm || 117 ||
[Analyze grammar]

trīñchatrūnkoṣṭhakīkṛtya svaśastrairjaghnurūrjitāḥ |
evaṃ dināni katicittatra jāto mahāraṇaḥ || 118 ||
[Analyze grammar]

kāliyo duḥkhito bhūtvā sasmāra manasā haram |
mohanaṃ maṃtramāsādya mohayāmāsa tānripūn || 119 ||
[Analyze grammar]

etasminnaṃtare devī devakī patidevatā |
pātivratyasya puṇyena sutāṃtikamupāgatā || 120 ||
[Analyze grammar]

bodhayitvā tu kṛṣṇāṃśaṃ pañcaśabdagajasthitam |
punastuṣṭāva jananīṃ sarvaviśvavimohinīm |
tadā tuṣṭā svayaṃ devī bodhayāmāsa tānmudā || 121 ||
[Analyze grammar]

āhlādaḥ sūryavarmāṇaṃ kāliyaṃ ca tato'nujaḥ |
jaghāna balakhānistaṃ tundilaṃ jambukātmajam || 122 ||
[Analyze grammar]

te tu pūrvabhave vipra jarāsaṃdhaḥ sakāliyaḥ |
dvivido vānaraḥ śūraḥ sūryyavarmeha cābhavat || 123 ||
[Analyze grammar]

triśirāstudilo jātaḥ śṛgālaḥ sa ca jambukaḥ |
nityavairakarāḥ sarve bhūpāścāsanmahītale || 124 ||
[Analyze grammar]

hateṣu śatruputreṣu devakī jambukaṃ ripum |
khaṅgena tarjayāmāsa patiśokaparāyaṇā || 125 ||
[Analyze grammar]

kṛṣṇāṃśaḥ śirasī pitrorgṛhītvā snehakātaraḥ |
jambukasyaiva hadaye sthāpayāmāsa vihvalaḥ || 126 ||
[Analyze grammar]

vihasya tau tadā tatra procaturvacanaṃ priyam |
ciraṃ jīva hi kṛṣṇāṃśa gayāṃ kuru mahāmate |
iti vāṇī tayorjātā balino pretadehayoḥ || 127 ||
[Analyze grammar]

khaḍgahastā ca sā devī śilāyaṃtre tu taṃ ripum |
saṃsthāpya codayāmāsa svaputrānharṣasaṃyutā || 128 ||
[Analyze grammar]

he putrāḥ svapituḥ śatruṃ jambukaṃ puruṣādhamam |
khaṇḍakhaṇḍaṃ ca tilaśaḥ kṛtvānandasamanvitāḥ || 129 ||
[Analyze grammar]

saṃcūrṇayata tadgātraṃ tattailairmadanirmitaiḥ |
snāsyāmyahaṃ tathetyuktvā ruroda jananī bhṛśam || 130 ||
[Analyze grammar]

tathā kṛtvā tu te putrā mahiṣīṃ sasutāṃ tadā |
balakhāniyutāstatrāhūya cakruśca tatkriyām || 131 ||
[Analyze grammar]

tadā parimalaṃ rājñī dṛṣṭvā svāminamāturam |
maraṇāyonmukhaṃ vipra paṃcatvamagamanmune || 132 ||
[Analyze grammar]

tatsutā khaḍgamānīya balakhānibhujaṃ prati |
kṛtitvā mūrchayitvā taṃ tatpakṣānanvadhāvata || 133 ||
[Analyze grammar]

tālanaṃ devasiṃhaṃ ca rāmāṃśaṃ ca tathāvidham |
kṛttvānyāṃśca tathā śatrūnagacchatkulakātarā || 134 ||
[Analyze grammar]

kṛṣṇāṃśaṃ mohayitvāśu māyayā ca samāharat |
hate tatra śate śūre balakhāniramarṣitaḥ |
tacchiraśca samāhṛtya citāyāṃ ca samākṣipat || 135 ||
[Analyze grammar]

tadā vāṇī samutpannā balakhāne śṛṇuṣva bhoḥ |
avadhyā ca sadā nārī tvayā vadhyā hyadharmiṇaḥ || 136 ||
[Analyze grammar]

phalamasya vivāhe sve bhoktavyaṃ pāpakarmaṇaḥ |
iti śrutvā tadā duḥkhī balakhāniryayau puram || 137 ||
[Analyze grammar]

tatastu sainikāḥ sarve mahāharṣasamanvitāḥ |
śatoṣṭrabhāravāhyāni luṃṭhayitvā dhanāni ca || 138 ||
[Analyze grammar]

mahāvatīṃ samājagmuḥ kṛtakṛ tyatvamāgatāḥ |
hataśeṣaiścārddhasainyaiḥ sahitā gehamāyayuḥ || 139 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṃḍāparaparyāye kali yugīyetihāsasamuccaye dvādaśo'dhyāyaḥ || 12 ||
[Analyze grammar]