Chapter 11

sūta uvāca |
daśābde ca vayaḥ prāpte viṣṇoḥ śaktyavatārake |
vasaṃtasamaye ramye yayuste pramadāvanam || 1 ||
[Analyze grammar]

ūṣustatra vratācāre mādhave kṛṣṇavallabhe |
snātvā ca sāgare prātaḥ pūjayāmāsuraṃbikām || 2 ||
[Analyze grammar]

ṛtukālodbhavaiḥ puṣpairdhūpairdīpairvidhānataḥ |
japtvā saptaśatīstotraṃ dadhyuḥ sarvakarīṃ śivām || 3 ||
[Analyze grammar]

kaṃdamūlaphalāhārā jīvahiṃsāvivarjitāḥ |
teṣāṃ bhaktiṃ samālokya māsāṃte jagadaṃbikā || 4 ||
[Analyze grammar]

dadau tebhyo varaṃ ramyaṃ tacchṛṇudhvaṃ samāhitāḥ |
āhlādāya suratvaṃ ca balatvaṃ balakhānaye || 5 ||
[Analyze grammar]

kālajñatvaṃ ca devāya brahmajñatvaṃ nṛpāya ca || |
kṛṣṇāṃśāyaiva yogatvaṃ dattvā cāṃtardadhe śivā || 6 ||
[Analyze grammar]

kṛtakṛtyāstadā te vai svagehaṃ punarāyayuḥ |
teṣāṃ prāpte vare ramye malanā putramūrjitam || 7 ||
[Analyze grammar]

śyāmāṃgaṃ sātyakeraṃśaṃ suṣuve śubhalakṣaṇam |
sa jñeyo raṇajicchūro rājanyapriyakārakaḥ || 8 ||
[Analyze grammar]

āṣāḍhe māsi saṃprāpte kṛṣṇāṃśo hayavāhanaḥ |
urvīyāṃ nagarīṃ prāpta ekākī nirbhayo valī || 9 ||
[Analyze grammar]

dṛṣṭvā sa nagarīṃ ramyāṃ caturvarṇaniṣevitām |
dvijaśālāṃ yayau śūro dvijadhenuprapūjakaḥ || 10 ||
[Analyze grammar]

dattvā svarṇaṃ dvijātibhyaḥ saṃtarpya dvijadevatāḥ |
mahīpatigṛhaṃ ramyaṃ jagāma balavattaraḥ || 11 ||
[Analyze grammar]

natvā sa mātulaṃ dhīmāṃstathānyāṃśca sabhāsadaḥ || 12 ||
[Analyze grammar]

tadā nṛpājñayā śūrā baṃdhanāya samudyatāḥ |
khaṅgahastāḥ samājagmuryathā siṃhaṃ gajāḥ śaśāḥ || 13 ||
[Analyze grammar]

mohitaṃ taṃ nṛpaṃ kṛtvā duṣṭabuddhirmahīpatiḥ |
kṛtvā lohamayaṃ jālaṃ tasyopari samādadheḥ || 14 ||
[Analyze grammar]

etasminnaṃtare vīro bodhito devamāyayā |
āgaskṛtānripūñjñātvā khaṅgahastaḥ samāvadhīt || 15 ||
[Analyze grammar]

hatvā paṃcaśataṃ śūro hayārūḍho mahābalī |
urvīyāṃ nagarīṃ prāpya jalapāne mano dadhau || 16 ||
[Analyze grammar]

kūpe dṛṣṭvā śubhā nāryo ghaṭapūrtikarīstadā |
uvāca madhuro vākyaṃ dehi suṃdari me jalam || 17 ||
[Analyze grammar]

dṛṣṭvā tāḥ suṃdaraṃ rūpaṃ mohanāyopacakrire |
bhittvā tāsāṃ tu vai kumbhānpāyayitvā hayaṃ jalam || 18 ||
[Analyze grammar]

vanaṃ gatvā ripuṃ jitvā baddhvā tamubhayaṃ balī |
caṇḍikāpārśvamāgamya tadvadhāya mano dadhe || 19 ||
[Analyze grammar]

śrutvā sa karuṇaṃ vākyaṃ tyaktvā svanagaraṃ yayau |
nṛpāṃtikamupāgamya varṇayāmāsa kāraṇam || 20 ||
[Analyze grammar]

śrutvā parimalo rājā dvijātibhyo dadau dhanam |
samāghrāya sa kṛṣṇāṃśaṃ kṛtakṛtyo'bhavannṛpaḥ || 21 ||
[Analyze grammar]

saṃprāptaikādaśadābde tu kṛṣṇāṃśe yuddhadurmade |
mahīpatirnirutsāhaḥ prayayau dehalīṃ prati || 22 ||
[Analyze grammar]

baliṃ yathocitaṃ dattvā bhaginyai bhayakātaraḥ |
ruroda vahudhā duḥkhaṃ deśarājātmajaprajam || 23 ||
[Analyze grammar]

agamā bhaginī tasya dṛṣṭvā bhrātaramāturam |
svapatiṃ varṇayāmāsa śrutvā rājābravīdidam || 24 ||
[Analyze grammar]

adyāhaṃ svabalaiḥ sārddhaṃ gatvā tatra mahāvatīm |
haniṣyāmi mahāduṣṭaṃ deśarājasutaṃ ripum || 25 ||
[Analyze grammar]

ityuktvā dhuṃdhukāraṃ ca samāhūya mahābalam |
sainyamājñāpayāmāsa saptalakṣaṃ tanutyajam || 26 ||
[Analyze grammar]

kecicchūrā hayārūḍhā uṣṭrārūḍhā mahābalāḥ |
gajārūḍhā rathārūḍhāḥ saṃyayuśca padātayaḥ || 27 ||
[Analyze grammar]

devasiṃhastu kālajñaḥ śrutvā cāgamanaṃ ripoḥ |
nṛpapārśvaṃ samāgamya sarvaṃ rājñe nyavedayat || 28 ||
[Analyze grammar]

śrutvā parimalo rājā vihvalo'bhūdbhayāturaḥ |
balakhānistamutthāya harṣayukta ivāha ca || 29 ||
[Analyze grammar]

adyāhaṃ ca mahīrājaṃ dhuṃdhukāraṃ sasainyakam |
jitvā daṃḍyaṃ ca bhavataḥ kariṣyāmi tavājñayā || 30 ||
[Analyze grammar]

ityuktvā taṃ namaskṛtya senāpatirabhūnmune |
tadā tu nirbhayā vīrā dṛṣṭvā rājānamāturam || 31 ||
[Analyze grammar]

caturlakṣabalaiḥ sārddhaṃ te yuddhāya samāyayuḥ |
śiṃśapākhyaṃ vanaṃ ghoraṃ chedayitvā ripostadā || 32 ||
[Analyze grammar]

ūṣustatra raṇe mattāḥ sarvaśatrubhayaṃkarāḥ |
etasminnantare tatra dhuṃdhukārādayo balā || 33 ||
[Analyze grammar]

kṛtvā kolāhalaṃ śabdaṃ yuddhāya samupāyayuḥ |
pūrvāhṇe tu bhṛguśreṣṭha sannaddhāste śataghnipāḥ || 34 ||
[Analyze grammar]

śataghnībhistrisāhasraiḥ pañcasāhasrakā yayuḥ |
dvisahasraśataghnībhiḥ sahitā ścandravaṃśinaḥ || 35 ||
[Analyze grammar]

sainyaṃ ṣaṣṭisahasraṃ ca svagarlokamupāyayau |
tadarddhaṃ ca tathā sainyaṃ mahīrājasya saṃkṣitam || 36 ||
[Analyze grammar]

dudruvurbhīrukāḥ śūrā valakhānerdiśo daśa |
rathā rathai raṇe hanyurgajāścaiva gajaistathā || 37 ||
[Analyze grammar]

hayā hayaistathā uṣṭrā uṣṭrapaiśca samāhanan |
evaṃ sutumule jāte dāruṇe roma harṣaṇe || 38 ||
[Analyze grammar]

hāhābhūtānsvakīyāṃśca sainyāndṛṣṭvā mahābalān |
aparāhṇe bhṛguśreṣṭha pañca śūrāḥ samāyayuḥ || 39 ||
[Analyze grammar]

brahmānaṃdaḥ śaraiḥ śatrūnanayadyamasādanam |
devasiṃhastathā bhallairāhrādastatra tomaraiḥ || 40 ||
[Analyze grammar]

balakhāniḥ svakhaḍgena kṛṣṇāṃśastu tathaiva ca |
dvilakṣānkṣatriyāñjaghnuḥ sarvasainyaiḥ samaṃ tataḥ || 41 ||
[Analyze grammar]

dṛṣṭvā parājitaṃ sainyaṃ dhuṃdhukāro mahābalaḥ |
āhlādaṃ ca svabhallena gajārūḍhaḥ samāvadhīt || 42 ||
[Analyze grammar]

āhlāde mūrcchite tatra devasiṃho mahābalaḥ |
bhallena bhrātaraṃ tasya daṃśayāmāsa vegataḥ || 43 ||
[Analyze grammar]

sa tīkṣṇavraṇamāsādya gajasthaḥ saṃmumoha vai |
āgatāḥ śatarājāno nānādeśyā mahābalāḥ || 44 ||
[Analyze grammar]

śastrāṇyastrāṇi teṣāṃ tu chittvā khaṅgena vatsajaḥ |
svakhaḍgena śirāṃsyeṣāṃ pātayāmāsa bhūtale || 45 ||
[Analyze grammar]

hate śatrusamūhe tu taccheṣāstu pradudruvuḥ |
mahīrājastu balavāndṛṣṭvā bhagnaṃ svasainyakam || 46 ||
[Analyze grammar]

ājagāma gajārūḍhaḥ śivadattavaro balī |
raudreṇāstreṇa hṛdaye cāvadhīdvatsajaṃ ripum || 47 ||
[Analyze grammar]

āhlādaṃ ca tathā vīraṃ devaṃ parimalātmajam |
mūrcchayitvā mahāvīrāñchatrusainyamupāgamat || 48 ||
[Analyze grammar]

pūjayitvā śataghnīśca mahāvadhamakārayat |
ropaṇastvarito gatvā rājñe sarvamavarṇayat || 49 ||
[Analyze grammar]

etasminnaṃtare vīraḥ sukhakhānirmahābalaḥ |
kapotaṃ hayamāruhya nabhomārgeṇa cāgamat || 50 ||
[Analyze grammar]

mūrcchayitvā mahīrājaṃ svabaṃdhūṃśca savāhanān |
kṛtvā nṛpāṃtamāgamya baṃdhanāya samudyataḥ || 51 ||
[Analyze grammar]

tadotthāya mahīrājo mahādevena bodhitaḥ |
punastānsvaśarai raudrairmūrcchayāmāsa kopavān || 52 ||
[Analyze grammar]

sukhakhānyādikāñchūrānsaṃbadhya nigaḍairdṛḍhaiḥ |
nṛpaṃ parimalaṃ prāpya punaryuddhamacīkarat || 53 ||
[Analyze grammar]

hāhābhūtaṃ svasainyaṃ ca dṛṣṭvā sa udayo hariḥ |
nabhomārge hayaṃ kṛtvā tāḥ śatadhnīranāśayat || 54 ||
[Analyze grammar]

mahīrājagajaṃ prāpya baddhvā taṃ nigaḍairbalo |
āhlādapārśvamāgamya bhrātre bhūpaṃ samarpayat || 55 ||
[Analyze grammar]

tadā tu pṛthivīrājo lajjitastena nirjitaḥ |
pañcakoṭidhanaṃ dattvā svagehaṃ punarāyayau || 56 ||
[Analyze grammar]

devasiṃhājñayā śūro balakhānirhi vatsajaḥ |
tairdravyairnagarīṃ ramyāṃ kārayāmāsa sundarīm || 57 ||
[Analyze grammar]

śirīṣākhyaṃ puraṃ nāma tena vīreṇa vai kṛtam |
sarvavarṇasamāyuktaṃ dvikrośāyāmasaṃmitam || 58 ||
[Analyze grammar]

tatraiva nyavasadvīro vatsajaḥ svakulaiḥ saha |
triṃśatkośe kṛtaṃ rāṣṭraṃ tatraiva balakhāninā || 59 ||
[Analyze grammar]

śrutvā parimalo rājā tatrāgatya mudānvitaḥ |
āghrāya vatsajaṃ śūraṃ deśarājasutaṃ tathā || 60 ||
[Analyze grammar]

brahmānaṃdena sahitaḥ svagehaṃ punarāyayau || 61 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṃḍāparaparyāye kaliyugīyetihāsasamuccaye ekādaśo 'dhyāyaḥ || 11 ||
[Analyze grammar]