Chapter 16

sūta uvāca |
punaḥ prāha sa vaitālo bhūpatiṃ jñānakovidam |
caṃdraśekharabhūpasya nagarī dakṣiṇe sthitā || 1 ||
[Analyze grammar]

ratnadattovasadvaiśyo dharmajño dhanadhānyavān |
kāmāvarūthinī tasya sutā jātā mahottamā || 2 ||
[Analyze grammar]

tadrūpamuttamaṃ dṛṣṭvā sa vaiśyo bhūpatiṃ prati |
uvāca bho mahārāja sutā mama surepsitā || 3 ||
[Analyze grammar]

tāṃ gṛhāṇa kṛpāsiṃdho tvadyogyā vidhinirmitā |
iti śrutvā tu vacanaṃ bhūpatiścaṃdraśekharaḥ || 4 ||
[Analyze grammar]

maṃtriṇaṃ viduraṃ prāha tvaṃ ca gaccha mahāmate |
yathāyogyaṃ hi tadrūpaṃ māṃ nivedaya satvaram || 5 ||
[Analyze grammar]

ityuktvā sa yayau gehaṃ bhūpatiścaṃdraśekharaḥ |
śyāmalā nāma tatpatnī jñātvā rājānamāgatam || 6 ||
[Analyze grammar]

dhūpadīpādibhiḥ puṣpairyathāyogyaiḥ samārcayat |
etasminneva kāle tu gauśca śārdūlapīḍitā || 7 ||
[Analyze grammar]

haṃbhāśabdena mahatā vilalāpa bhayāturā |
tacchrutvā sa tu bhūpālaḥ khaḍgahastaḥ samabhyagāt || 8 ||
[Analyze grammar]

śīghraṃ hatvā tu śārdūlaṃ mumoda nṛpatistadā |
mukulo dānavo nāma taddehādrūpamāptavān || 9 ||
[Analyze grammar]

bhūpatiṃ prāha namrātmā dharmajñaṃ caṃdraśekharam |
tvayā vimocito nātha yāsyāmi varuṇālayam || 10 ||
[Analyze grammar]

prahrādasyaiva śāpena vyāghradehatvamāgataḥ |
parikramya yayau daityaḥ prahlādaṃ prati satvaraḥ || 11 ||
[Analyze grammar]

nṛpatirgṛhamāgatya suṣvāpa parayā mudā |
prabhāte bodhito rājā sabhāyāṃ svayamāgamat || 12 ||
[Analyze grammar]

nṛpoktaḥ sa yayau tatra yatra kāmāvarūthinī |
divyamūrtimayīṃ dṛṣṭvāciṃtayatsa svamānase || 13 ||
[Analyze grammar]

asyā mūrtiprabhāvena rājāsau mohamāpsyati |
iti jñātvā nṛpaṃ prāha saiva tvadyogyakā na hi || 14 ||
[Analyze grammar]

tathā matvā sa nṛpatirna vivāhamathākarot |
ratnadattasya bhūpasya senāyāḥ pataye dadau || 15 ||
[Analyze grammar]

balabhadrasya sā patnī babhūva varavarṇinī |
ekadā nṛpatistāṃ vai dṛṣṭvā kāmāvatharūthinīm || 16 ||
[Analyze grammar]

mohitaḥ kāmabāṇena mūrcchitaḥ patito bhuvi |
tadā senāpatistūrṇaṃ nṛpamutthāpya satvaram || 17 ||
[Analyze grammar]

śibikāṃ caiva saṃsthāpya sabhāyāṃ ca samairayat |
tadā prabuddho nṛpatiḥ prāha senāpatiṃ mudā || 18 ||
[Analyze grammar]

kasyeyaṃ sundarī bhāryā kuto jātā mahottamā |
balabhadrastu tacchrutvā nṛpatiṃ prāha namradhīḥ || 19 ||
[Analyze grammar]

mameyaṃ sundarī nārī ratnadattasya sā sutā |
rājyabhaṃgabhayānmantrī na rūpaṃ tvayi varṇivān || 20 ||
[Analyze grammar]

mama dāsasya yā patnī tvadyogyā bhūpate sadā |
tavecchāṃ pūrayiṣyāmi tāṃ gṛhāṇa kṛpānidhe || 21 ||
[Analyze grammar]

ityuktaḥ krodhatāmrākṣo bhūpatistamuvāca ha |
taveyaṃ dharmato bhāryā prāptā sundararūpiṇī || 22 ||
[Analyze grammar]

gṛhṇāmi yadi tāṃ devīṃ narake yamakiṃkarāḥ |
pātayitvā mahāduḥkhaṃ bhajayiṣyanti tarhi bhoḥ || 23 ||
[Analyze grammar]

ityuktvā bhūpatistūrṇaṃ virahāgniprapīḍitaḥ |
maraṇaṃ prāptavānrājā gato dharmapurāṃtike || 24 ||
[Analyze grammar]

ityuktvā sa tu vaitālo nṛpaṃ prāha śṛṇuṣva bhoḥ |
mṛte rājani tatpatnī satī bhūtvā pradṛśyate || 25 ||
[Analyze grammar]

senāpatistu tatraiva bhasmasādabhavatkṣaṇāt |
kāmāvarūthinī devī bhasma kṛtvā kalevaram || 26 ||
[Analyze grammar]

svargaṃ gatāstu te sarve kasya puṇyādhikaṃ matam |
sa hovāca ca vaitālaṃ rājā dharmādhiko mataḥ || 27 ||
[Analyze grammar]

maraṇaṃ kiṃkarasyaiva yogyaṃ bhūpatihetave |
pativratāyā maraṇaṃ patisaṃgena yogyakam || 28 ||
[Analyze grammar]

dattā yatkiṃkareṇaiva suṃdarī nṛpahetave |
dharmabhītyā na nṛpatistāmagṛhṇātsa kāmukaḥ || 29 ||
[Analyze grammar]

jitvā kāmaṃ tathā pālyaṃ dharmaṃ tasmānnṛpe'dhikam || 30 ||
[Analyze grammar]