Chapter 172

sumaṃturuvāca |
punaḥ śṛṇu mahārāja dharmamādityasaṃmatam |
saurapriyaṃ sadā sauraṃ pavitraṃ pāpanāśanam || 1 ||
[Analyze grammar]

kvacidgacchanyadā paśyetsūryārcāsaṃprapūjanam |
yatra pūjā tato gacchantsa sūryo nātra saṃśayaḥ || 2 ||
[Analyze grammar]

snānanaivedyavastraiśca nānālaṃkārabhūṣaṇaiḥ |
yathāvibhavamāśritya namaskārādisaṃstavaiḥ || 3 ||
[Analyze grammar]

dṛṣṭvāyatanamākramya namaskṛtya raviṃ vrajet |
kvacitpathi nadīṃ śailaṃ gacchamānaṃ ca bhojakam || 4 ||
[Analyze grammar]

upaśrutyāvaniṃ gatvā bhojakaṃ pūjayedbudhaḥ |
rathāśvagajayānebhyo hyavatīrya magānnṛpa |
magānāṃ bhojanaṃ bhaktyā śaktyā dānaṃ prakalpayet || 5 ||
[Analyze grammar]

daśapūrvāndaśa parānātmanā saha bhārata |
samādāya vrajetsthānaṃ raveramitatejasaḥ || 6 ||
[Analyze grammar]

daivaparvotsave śrāddhe puṇyeṣu divaseṣu ca |
bhānuṃ saṃpūjya vidhivadbhojakānbhojayettataḥ || 7 ||
[Analyze grammar]

pitaraḥ sarvadevānāṃ sūryamāśritya saṃsthitāḥ |
prīte sūrye tu te sarve prītāḥ syurnātra saṃśayaḥ || 8 ||
[Analyze grammar]

yadā ca śraddhayā yuktaṃ prasaktaṃ ravipūjanam |
bhojayedbhojakaṃ bhaktyā śrāddheṣu vidhivannṛpa || 9 ||
[Analyze grammar]

bhojakasya mahārāja divasenāpi yatphalam |
na tacchakyamidaṃ tena prāptuṃ varṣaśatairapi || 10 ||
[Analyze grammar]

yaḥ paśyati prasannātmā yo na dveṣṭi na kāṃkṣati |
śabdādīnāṃ tu saṃbhogaṃ sa vijñeyo jiteṃdriyaḥ || 11 ||
[Analyze grammar]

jñānavijñānasampannaḥ sūryabhaktyā samanvitaḥ |
pāṣaṃḍayogamuktaśca sa vai bhojaka ucyate || 12 ||
[Analyze grammar]

sūryadharmādbhavejjñānaṃ jñānādvairāgyasaṃbhavaḥ |
jñānavairāgyayuktasya sūryayogaḥ pravartate || 13 ||
[Analyze grammar]

sūryayogācca sarvajñaḥ paripūrṇaḥ sunirvṛtaḥ |
ātmanyavasthitaḥ śuddhaḥ sūryavaddi vi modate || 14 ||
[Analyze grammar]

sarveṣāmeva bhūtānāmuttamaḥ puruṣaḥ smṛtaḥ |
puruṣebhyo dvijaḥ śreṣṭho dvijebhyo graṃthapāragaḥ || 15 ||
[Analyze grammar]

granthibhyo vedavidvāṃsastebhyasta ttvārthaciṃtakāḥ |
arthavidbhyaśca jñānārthapratibuddho viśiṣyate || 16 ||
[Analyze grammar]

jñānārthakoṭikoṭibhyo variṣṭhā yogino matāḥ |
yogināṃ koṭikoṭibhyo bhojakaścottamo bhavet || 17 ||
[Analyze grammar]

yogajñā yoganiṣṭhāśca pitaro yogasaṃbhavāḥ |
bhojite bhojake sarve prītāḥ syuste na saṃśayaḥ || 18 ||
[Analyze grammar]

sarvajñānatapodānaiḥ kṛtairdattaiśca yatphalam |
tatphalaṃ labhate sarvaṃ vidhivadbhojyabhojakam || 19 ||
[Analyze grammar]

yaśca dravyakalāpātmā dakṣiṇā havirṛtvijaḥ |
ṛgyajuḥsāma yogaiśca devayajñaḥ prakīrtitaḥ || 20 ||
[Analyze grammar]

brahmacaryaṃ tapo maunaṃ kṣāṃtirāhāralāghavam |
ityetattapasāṃ rūpaṃ sudhīraṃ paṃcalakṣaṇam || 21 ||
[Analyze grammar]

yacca diṣṭaṃ viśiṣṭaṃ ca nyāyaprāptaṃ ca yadbhaveta |
tattadguṇavate deyamityetaddānalakṣaṇam || 22 ||
[Analyze grammar]

vivardhanīṃ sahasrāṇāṃ sarvasasyaprarohiṇīm |
dadyādbhūmiṃ jalopetāṃ bhūmidānaṃ taducyate || 23 ||
[Analyze grammar]

ekacchatrāṃ mahīṃ kṛtvā dvijebhyaḥ pratipādayet |
saṃpūrṇāṃ parvatāraṇyairbhūmidānaṃ taducyate || 24 ||
[Analyze grammar]

kanyāmalaṃkṛtāṃ dadyādadhanāya narādhipā |
dvijāya vedaviduṣe kanyādānaṃ taducyate || 25 ||
[Analyze grammar]

sarvadoṣavinirmuktāṃ kulayogyāmalaṃkṛtām |
madhyamottamavastrāṇāṃ yo dadyādahatāni ca || 26 ||
[Analyze grammar]

etatsamāsato jñeyaṃ vastradānasya lakṣaṇam |
brahmaviṣṇusamādhikyakāṃtiśīlaparāyaṇaḥ |
ahorātraṃ na bhuñjīta hyupavāsasya lakṣaṇam || 27 ||
[Analyze grammar]

catvāriṃśatsamāyuktaṃ piṃḍānāṃ hi śatadvayam |
māse hyadyāyathākāmamidaṃ cādrāyaṇaṃ smṛtam || 28 ||
[Analyze grammar]

ṛṣibhiḥ sarvaśāstrajñaistaponiṣṭhairjiteṃdriyaiḥ |
devaiśca sevitaṃ toyaṃ kṣitau tattīrthamu cyate || 29 ||
[Analyze grammar]

sūryāvāṃtarasthānāni puṇyakṣetrāṇi nirdiśet |
mṛtānāṃ teṣu sūryatvaṃ saurakṣetreṣu dehinām || 30 ||
[Analyze grammar]

dānānyāvasathaṃ kuryādudyānaṃ deva tāgṛham || āvasatha |
tīrtheṣvetāni yaḥ kuryātso'kṣayaṃ labhate phalam || 31 ||
[Analyze grammar]

kṣāntiḥ spṛhā tathā satyaṃ dānaṃ śīlaṃ tapaḥ śrutam |
etadaṣṭāṃgamuddiṣṭaṃ paraṃ pātrasya lakṣaṇam || 32 ||
[Analyze grammar]

yajñopavāsadānāni tapastīrtharphalāni ca |
saṃpūrṇaṃ labhate bhaktyā bhojayitvā tu bhojakān || 33 ||
[Analyze grammar]

sūre bhaktiḥ kṣamā satyaṃ daśeṃdriyavinigrahaḥ |
sukhiteṣu ca maitrī ca sūryadharmasya lakṣaṇam || 34 ||
[Analyze grammar]

sūryabhaktaṃ dvijaṃ bhaktyā yaḥ śrāddheṣu ca bhojayet |
kulasaptakamuddhṛtya sūryaloke mahīyate || 35 ||
[Analyze grammar]

bahunātra kimuktena sūryabhaktaṃ tu bhojayet |
sūryabhaktena yadbhuktaṃ bhānunāmāśrayaṃ nṛpa || 36 ||
[Analyze grammar]

na vedaviduṣāṃ koṭyā labhyate ceha tatphalam |
tatphalaṃ labhate rājanbhojaṃ bhājya vidhānataḥ || 37 ||
[Analyze grammar]

tasmācchrāddhe viśeṣeṇa puṇyeṣu divaseṣu ca |
sūryamuddiśya vipreṃdra bhojaṃ saṃbhojayennṛpa || 38 ||
[Analyze grammar]

asaṃyataḥ saṃyato vā sarvāvasthāṃ gatopi vā |
yaścāsau ravibhaktaḥ syātsūryavatpūjya eva hi || 39 ||
[Analyze grammar]

saṃsargādvāpi vā lobhādbhojakaṃ yastu bhojayet |
so'pi yāṃ gatimāpnoti na tāṃ yajñaśatairapi || 40 ||
[Analyze grammar]

tasmānmānyaśca pūjyaśca rakṣaṇīyaśca sarvadā |
bhojakaḥ kuruśārdūla saureṇa gatimicchatā || 41 ||
[Analyze grammar]

nāmamātraprayatno'pi yadi syādbhojako raveḥ |
sūryavatsa hi draṣṭavyaḥ pūjanīyaśca bhārata || 42 ||
[Analyze grammar]

gṛhe śrāddhasya yatpuṇyamaraṇye tacchatādhikam |
saurāśrameṣu vijñeyaṃ tatpuṇyamayutādhikam || 43 ||
[Analyze grammar]

dattvā tu bhojake saumyaṃ hyāsanaṃ saparicchadam |
dhātudaṃtamayaṃ cāpi rājā bhavati bhūtale || 44 ||
[Analyze grammar]

vimale vāsasī dattvā bhojakāya mahīpate |
uddhṛtya śatasāhasraṃ sūryaloke mahīyate || 45 ||
[Analyze grammar]

dattvā tu lomaśāṃ rājanbhojakāya śubhāṃ bṛhat |
romṇiromṇi suvarṇasya dattasya phalamāpnuyāt || 46 ||
[Analyze grammar]

śaṃkhaṃ dadāti yo bhaktyā tathā divye ca pāduke |
sūryalokamavāpnoti tejasā ravisannibhaḥ || 47 ||
[Analyze grammar]

likhāpayati yo bhaktyā purāṇena tu pustakam |
yugakoṭiśataṃ divyaṃ sūryaloke mahīyate || 48 ||
[Analyze grammar]

bhavedihāgataḥ śrīmānsukhāḍhyo vedapāragaḥ |
yaḥ karoti gṛhaṃ bhānostatsthānaṃ cottamaṃ bhavet || 49 ||
[Analyze grammar]

tatsūryo bhojakaḥ sotra bhojakaḥ sūrya eva hi |
tena bhojakavipreṣu dānamakṣayyamityapi || 50 ||
[Analyze grammar]

yadyadyasyopayujyeta deyaṃ tattasya yatnataḥ |
upayogaparo nityaṃ sūryastadubhayorapi || 51 ||
[Analyze grammar]

vyākhyāne sauradharmasya kṛtvā āmalakaṃ mahat |
śobhitaṃ puṣpapatrādyairnyasettatrāsane surāḥ || 52 ||
[Analyze grammar]

śobhitaṃ mālyagandhaistu sūryasya sādhanaṃ mahat |
purastāttasya saṃsthāpya ācāryaṃ pūjayetsadā |
sūryavatsauradharme ca tulyametaddvayaṃ vacaḥ || 53 ||
[Analyze grammar]

ya evaṃ nyāyato vakti sauradharmaṃ śṛṇoti ca |
āyurvidyāṃ yaśaḥ kīrtimupalabhya raviṃ japet |
vadaṃtyanye pibaṃtyanye sarve te phalabhāginaḥ || 54 ||
[Analyze grammar]

tasmādevaṃvidho dharmo vācakaiśca vidurbudhāḥ |
tasyānte pūjayedbhaktyā ya icchedvipulaṃ yaśaḥ || 55 ||
[Analyze grammar]