Chapter 173

śatānīka uvāca |
punarme brūhi viprendra sauraṃ dharmamanuttamam |
samāsātkathitaṃ brahmanvistareṇa prakīrtaya || 1 ||
[Analyze grammar]

sumanturuvāca |
sādhusādhu mahābāho sādhu pṛṣṭo'smi bhārata |
tvatsamo nāsti loke'sminsauraḥ pārthivasattama || 2 ||
[Analyze grammar]

kīrtayāmyatha taṃ puṇyaṃ saṃvādaṃ pāpanāśanam |
garuḍāruṇayo rājanpurāvṛttaṃ narādhipa || 3 ||
[Analyze grammar]

sukhāsīnaṃ purā rājannaruṇaṃ sūryasārathim |
upagamya mahābāho garuḍo vākyamavravīt || 4 ||
[Analyze grammar]

dharmāṇāmuttamaṃ dharmaṃ sarvapāpapraṇāśanam |
sauradharmaṃ khagaśreṣṭha brūhi me kṛtsnaśonagha || 5 ||
[Analyze grammar]

aruṇa uvāca |
sādhu vatsa mahātmāsi dhanyastvaṃ pāpavarjitaḥ |
śrotukāmo'si yatputra sauradharmamanuttamam || 6 ||
[Analyze grammar]

śṛṇu tvaṃ kīrtayāmyeṣa sukhopāyaṃ mahatphalam |
paramaṃ sarvadharmāṇāṃ sauradharmamanuttamam || 7 ||
[Analyze grammar]

ajñānārṇavamagnānāṃ sarveṣāṃ prāṇināmayam |
sauradharmo hyayaṃ śrīmānparatīraprado yataḥ || 8 ||
[Analyze grammar]

ye smaraṃti raviṃ bhaktyā kīrtayaṃti ca ye khaga |
pūjayanti ca ye nityaṃ te gatāḥ paramaṃ padam || 9 ||
[Analyze grammar]

ātmadrohaḥ kṛtastena jāteneha khagādhipa |
nārcito yena deveśaḥ sahasrakiraṇo raviḥ || 10 ||
[Analyze grammar]

suciraṃ saṃbhramatyasminduḥkhade ca bhavārṇave |
jarābhūtamahāgrāhe tṛṣṇāvelākulāpare || 11 ||
[Analyze grammar]

mānuṣyaṃ durlabhaṃ prāpya ye'rcayaṃti divākaram |
teṣāṃ hi saphalaṃ janma kṛtārthāste narottamāḥ || 12 ||
[Analyze grammar]

sūryabhaktiparā ye ca ye ca tadgatamānasāḥ |
ye smaraṃti sadā sūryaṃ na te duḥkhasya bhāginaḥ || 13 ||
[Analyze grammar]

vividhāni manojñāni vividhābharaṇāḥ striyaḥ |
dhanaṃ vā dṛṣṭaparyaṃtaṃ sūryapūjāvidheḥ phalam || 14 ||
[Analyze grammar]

ye vāṃchanti mahābhogānrājyaṃ vā tridaśā laye |
saubhāgyaṃ kāṃtimatulāṃ bhogaṃ tyāgaṃ yaśaḥ śriyam || 15 ||
[Analyze grammar]

saundaryaṃ jagataḥ khyātiḥ kīrtirdharmādayaḥ smṛtāḥ |
phalānyetāni vai putra sūrya bhaktividherbudha || 16 ||
[Analyze grammar]

tasmātsaṃpūjayetsūryaṃ sarvadevagaṇārcitam |
durlabhā bhāskare bhaktirdurlabhaṃ ca tadarcanam || 17 ||
[Analyze grammar]

dānaṃ ca durlabhaṃ tasmai taddhomaśca sudurlabhaḥ |
durlabhaṃ tasya vijñānaṃ tadabhyāso'pi durlabhaḥ || 18 ||
[Analyze grammar]

sudurlabhataraṃ jñeyaṃ tadārādhanamuttamam |
lobhasteṣāṃ manuṣyāṇāṃ ye raviṃ śaraṇaṃ gatāḥ || 19 ||
[Analyze grammar]

yeṣāmiheśvare bhānau nityaṃ sūrye gataṃ manaḥ |
namaskārādisaṃyuktaṃ ravirityakṣaradvayam || 20 ||
[Analyze grammar]

jihvāgre vartate yasya sakalaṃ tasya jīvitam |
ya evaṃ pūjayedbhānuṃ śraddhayā parayānvitaḥ |
mucyate sarvapāpebhyaḥ sa naro nātra saṃśayaḥ || 21 ||
[Analyze grammar]

ḍākinyo vividhākārā rākṣasāḥ sapiśācakāḥ |
na tasya pīḍāṃ kurvaṃti tathānyāśca vibhīṣaṇāḥ || 22 ||
[Analyze grammar]

śatravo nāśamāyāṃti saṃgrāme jayamāpnuyāt |
na rogaiḥ pīḍyate vīra āpado na spṛśaṃti tam || 23 ||
[Analyze grammar]

dhanamāyuryaśo vidyā prabhāvo hyatulaṃ tathā |
śubhenopacayaṃ yāṃti nityaṃ pūrṇamanorathāḥ || 24 ||
[Analyze grammar]