Chapter 171

śatānīka uvāca |
magānāṃ brūhi me dharmaṃ samāsavyāsayogataḥ |
phalaṃ ca kiṃ bhavedbrahmanmagadharmaniṣevaṇāt || 1 ||
[Analyze grammar]

sumaṃturuvāca |
ya eṣa dharmaḥ sūryeti tavākhyāto mayānagha |
magadharmaḥ sa evoktaḥ sarvapāpabhayāpahaḥ || 2 ||
[Analyze grammar]

sarveṣāmeva varṇānāṃ magadharmaniṣevaṇam |
magadharmaśca saṃprokta eteṣāṃ bhavamuktaye || 3 ||
[Analyze grammar]

brāhmaṇāḥ kṣatriyā vaiśyāḥ strī śūdro vā magāśramī |
yaḥ pūjayati mārtaṃḍaṃ sa yāti paramāṃ gatim || 4 ||
[Analyze grammar]

trisaṃdhyamarcayedbhānumagnikāryaṃ ca śaktitaḥ |
kuryānmago mahābāho mukhamāvṛtya yatnataḥ || 5 ||
[Analyze grammar]

trisaṃdhyamekakālaṃ vā pūjayecchaddhayā ravim |
asaṃpūjya raviṃ mohānna bhuṃjīta kadācana || 6 ||
[Analyze grammar]

eṣa dharmaḥ paro jñeyaḥ śeṣo bhavati mānavaḥ |
apūjayitvā bhuṃjāno viṣṭhāṃ bhuṅkte ca vai magaḥ || 7 ||
[Analyze grammar]

devaṃ samāśritaiḥ pūjā kartavyeyaṃ tribhiḥ sadā |
manasā pūjayedyogī puṣpaiścāraṇyasaṃbhavaiḥ || 8 ||
[Analyze grammar]

devārthapuṣpahiṃsāyāṃ na bhavettasya hiṃsakaḥ |
yadyalpamapi cātmārthaṃ nihanyāddhiṃsakastadā || 9 ||
[Analyze grammar]

magaścāgniparo nityaṃ tadbhakto'tithipūjakaḥ |
magī maithunavarjyaḥ syācchrīmāngṛhamagāśramī || 10 ||
[Analyze grammar]

devāgnisvatithau bhaktaṃ pacate cātmakāraṇāt |
ātmārthe yaḥ pacenmohātsa mago narakaṃ vrajet || 11 ||
[Analyze grammar]

devārthe pacanaṃ yeṣāṃ saṃtānārthaṃ tu maithunam |
artho dānārthaṃ uddiṣṭo narakaṃ hi viparyayāt || 12 ||
[Analyze grammar]

jīvatṛtīyabhāgepi na prakurvīta vārcanam |
vittārjane tadardhena yato nityaṃ hi jīvitam || 13 ||
[Analyze grammar]

nyāyopārjitavittaḥ syādanyāyaṃ pari varjayet |
anyāyārjitavittaistu kurvannarakamāpnuyāt || 14 ||
[Analyze grammar]

vācorthe brahmacārī yaḥ sūryapūjāgnitatparaḥ |
bhavejjiteṃdriyaḥ śāṃto naiṣṭhiko bhauti ko'pi vā || 15 ||
[Analyze grammar]

sarvagaṃdhavinirmuktaḥ kaṃdamūlaphalāśanaḥ |
mama vaikhānaso jñeyaḥ sūryapūjāgnitatparaḥ || 16 ||
[Analyze grammar]

nivṛttaḥ saṃgamebhyastu sūryadhyāna rataḥ sadā |
jñeyaḥ saurayatīṃdrāya pūjāniṣṭho jiteṃdriyaḥ || 17 ||
[Analyze grammar]

muṃḍopanayano vyaṃgī śuklavāsaḥ samanvitaḥ |
jñeyaṃ tadarcanasthānametatkāryaṃ prayatnataḥ || 18 ||
[Analyze grammar]

athāvyaṃgo mahārāja dhārayedyastu bhojakaḥ |
agamyaṃ sarvasattvānāṃ sūryalokaṃ sa gacchati || 19 ||
[Analyze grammar]

dhvaṃsanaṃ sarvaduṣṭānāṃ sarvapāpa bhayāpaham |
bhāvaśuddhena satatamarcanīyo divākaraḥ || 20 ||
[Analyze grammar]

gaṃdhalepavihīno'pi bhāvaśuddho na duṣyati |
bhāveṣu ca carecchaucaṃ vastrapūtaṃ jalaṃ pibet || 21 ||
[Analyze grammar]

dṛṣṭipūtaṃ nyasetpādaṃ satyapūtaṃ vaco vadet |
sauradhyānaratāḥ śāṃtāḥ sauradharmaparāyaṇāḥ || 22 ||
[Analyze grammar]

sarva evāśramā jñeyā bhāskarāṃgasamudbhavāḥ |
bhojakāṣṭavrataṃ dhāryaṃ raviṇoktamanaupamam || 23 ||
[Analyze grammar]

sarvavratānāṃ paramaṃ dharmālayamanuttamam |
saurabhakte sadā kṣāṃtirahiṃsā sarvadā śamaḥ || 24 ||
[Analyze grammar]

saṃtoṣaḥ satyamasteyaṃ brahmacaryaṃ tathāṣṭamam |
yathāsaṃbhavapūjābhiḥ karmaṇā manasā girā || 25 ||
[Analyze grammar]

saurabhaktiḥ sadā kāryā bhojakeṣu viśeṣataḥ |
svadehānnirviśeṣaṃ hi bhojakānpālayedbudhaḥ || 26 ||
[Analyze grammar]

bhayadāridryarogebhyasteṣāṃ kuryātpriyāṇi vai |
sūryasya paripūrṇasya kiṃ nāma kriyate naraiḥ || 27 ||
[Analyze grammar]

yatkṛtaṃ bhojakānāṃ vai tatkṛtaṃ syādravernṛpa |
sudūramapi gaṃtavyaṃ magānāṃ yatra vai gaṇaḥ || 28 ||
[Analyze grammar]

sa ca prayatnāddraṣṭavyastatra saṃnihito raviḥ |
bhojakasya tu bhaktasya sūryapūjāratasya ca || 29 ||
[Analyze grammar]

ājñāṃ kṛtvā yathānyāyamaśvamedhaphalaṃ labhet |
devāśramagato bhaktyā devārcāṃ pūjayennṛpa || 30 ||
[Analyze grammar]

svāgatāsanapādyārghyamadhuparkādyanukramāt |
bhojayitvā yathānyāyaṃ sūryaloke mahīyate || 31 ||
[Analyze grammar]

pratiśrayapradānena rājā bhavati bhārata |
dattvā sthānaṃ tathā śaucaṃ vāruṇaṃ lokamāpnuyāt || 32 ||
[Analyze grammar]

śvetabiṃduparītāṃgaṃ dhyānaśramavikarśitam |
saṃvījya tālavṛṃttena vāyuloke mahīyate || 33 ||
[Analyze grammar]

kṣutpipāsāturaṃ śrāṃtaṃ malinaṃ rogiṇaṃ tathā |
pālayitvā yathā śaktyā sarvānkāmānavāpnuyāt || 34 ||
[Analyze grammar]

patitāśastasaṃkīrṇacaṃḍālādīnāṃ pakṣiṇām |
kāruṇyātsarvabhūtānāṃ deyamannaṃ svaśaktitaḥ || 35 ||
[Analyze grammar]

atyalpamapi kāruṇyāddattaṃ bhavati cākṣayam |
tasmātsarveṣu bhūteṣu devakāruṇyamucyate || 36 ||
[Analyze grammar]

abhāve tṛṇabhūmyannaṃ patraṃ dhanaphalāni ca |
dattvā'gatāya praṇataḥ svargaṃ yāti priyeṇa vā || 37 ||
[Analyze grammar]

na hīdṛksvargayānāya yathā loke priyaṃ vacaḥ |
ihāmutra sukhaṃ teṣāṃ vāgyeṣāṃ madhurā bhavet || 38 ||
[Analyze grammar]

amṛtasyaṃdinī vācaṃ caṃdanasparśaśītalām |
dharmāvirodhinīmuktvā sukhamakṣayyamāpnuyāt || 39 ||
[Analyze grammar]

alaṃ dānena rājeṃdra pūjayādhyāpanena vā |
idaṃ svargasya sopānamacalaṃ yatpriyaṃ vacaḥ || 40 ||
[Analyze grammar]

pūjābhibhāṣaṇaṃ dṛṣṭiḥ pratyekaṃ svargahetavaḥ |
saṃpṛcchedā gataṃ bhaktyā kuśalaṃ praśnamādarāt || 41 ||
[Analyze grammar]

gamane tasya vaktavyaṃ paṃthānaḥ saṃtu te śivāḥ |
sukhaṃ bhavatu te nityaṃ sarvakāryakaraṃ bhṛśam || 42 ||
[Analyze grammar]

āśīrvādamidaṃ vākyaṃ sarvakāleṣu sarvadā |
namaskārādivākyeṣu svasti maṃgalavādane || 43 ||
[Analyze grammar]

śivaṃ bhavatu te nityaṃ taṃ brūyātsarvakarmasu |
evamādi ca vācāramanuṣṭhāya sadāśramī || 44 ||
[Analyze grammar]

aśeṣapāpa nirmuktaḥ sūryaloke mahīyate |
sūryabhakte tu yā bhaktiḥ sadbhaktaiḥ kriyate naraiḥ |
sūrye bhaktisamā nityaṃ bhakte bhaktiranuṣṭhitā || 45 ||
[Analyze grammar]

ākruṣṭe tāḍite vāpi yo nākrośenna tāḍayet |
vākyādadhikṛtaḥ svasthaḥ sa duḥkhātparimucyate || 46 ||
[Analyze grammar]

sarveṣāmeva tīrthānāṃ kṣāṃtiḥ paramapūjitā |
tasmātpūrva prayatnena kṣāṃtiḥ kāryā kriyāsu vai || 47 ||
[Analyze grammar]

jñānayogatapo yasya yajñadānāni satkriyā |
krodhanasya vṛthā yasmāttasmātkrodhaṃ vivarjayet || 48 ||
[Analyze grammar]

marmāsthiprāṇahṛdayaṃ nirdahedapriyaṃvacaḥ |
na vaco hyapriyaṃ tasmādbhojakeṣu viśeṣataḥ || 49 ||
[Analyze grammar]

kṣamā dānaṃ tviṣaḥ satyaṃ kṣamāhiṃsārkasaṃbhavāḥ |
na śakyā vistarādvaktumapi varṣaśatairapi || 50 ||
[Analyze grammar]