Chapter 140

sumanturuvāca |
evaṃ sa ānayitvā tu magānsāmbo mahīpate |
sa mahātmā purā sāmbaścandrabhāgāsarittaṭe || 1 ||
[Analyze grammar]

puraṃ niveśayāmāsa sthāpayitvā divākaram |
kṛtvā dhanasamṛddhaṃ tu bhojakānāṃ samarpayat || 2 ||
[Analyze grammar]

tatpuraṃ savituḥ puṇyaṃ triṣu lokeṣu viśrutam |
sāṃbena kāritaṃ yasmāttasmātsāmbapuraṃ smṛtam || 3 ||
[Analyze grammar]

tasminpratiṣṭhito devaḥ puramadhye divākaraḥ |
satkṛtya sthāpitāḥ sarve ātmanāmāṅkite pure || 4 ||
[Analyze grammar]

magānāṃ tu sadācāro dṛṣṭācārakulocitaḥ |
devaśuśrūṣaṇaṃ gītaṃ vedaproktena karmaṇā || 5 ||
[Analyze grammar]

kṛtakṛtyastadā sāmbo varaṃ labdhvā punaryuvā |
ādidevaṃ surajyeṣṭhamādityaṃ praṇipatya saḥ || 6 ||
[Analyze grammar]

anantaraṃ magānsarvānpraṇipatyābhivādya ca |
prasthito nirmalaḥ sāmbaḥ purīṃ dvāravatīṃ tadā || 7 ||
[Analyze grammar]

magānāṃ kāraṇārthena prārthitā bhojavaṃśajāḥ |
vasudevasya pautreṇa gotrajena mahātmanā || 8 ||
[Analyze grammar]

kanyādānaṃ kṛtaṃ teṣāṃ magānāṃ bhojakottamaiḥ |
sarvāstāḥ sahitāḥ kanyāḥ pravālamaṇibhūṣitāḥ || 9 ||
[Analyze grammar]

arcayitvā tu tāḥ sarvāḥ preṣitāḥ saviturgṛham |
punargatvā tu sāṃbena pṛṣṭo devo divākaraḥ || 10 ||
[Analyze grammar]

magānāṃ jñānamākhyāhi1 vedānavyaṅgameva ca |
sāmbasya vacanaṃ śrutvā bhāskaro vākyamabravīt || 11 ||
[Analyze grammar]

pṛccha tvaṃ nāradaṃ gatvā sa te sarvaṃ vadiṣyati |
evamukto'tha vai sāmbo gatavānnāradaṃ prati || 12 ||
[Analyze grammar]

gatvā kṛtsnamidaṃ sarvaṃ tasmai tena niveditam |
sa cāpyāha tataḥ sāmbaṃ na jāne jñānamuttamam || 13 ||
[Analyze grammar]

bhojakānāṃ yaduśreṣṭha jñānaṃ vyāso mahāmuniḥ |
taṃ gatvā paripṛccha tvaṃ praṇamya śirasā munim || 14 ||
[Analyze grammar]

kṛṣṇānurodhātte sarvaṃ sa vakṣyati na saṃśayaḥ |
nāradenaivamuktastu sāmbo jāmbavatīsutaḥ || 15 ||
[Analyze grammar]

vyāsāśramaṃ sa gatvā tu praṇamya śirasā munim |
kṛtāñjalipuṭo bhūtvā idaṃ vacanamabravīt || 16 ||
[Analyze grammar]

śākadvīpaṃ mayā gatvā ānītā magapuṅgavāḥ |
bālā yauvanasampannāḥ sanniviṣṭā magottamāḥ || 17 ||
[Analyze grammar]

satkṛtya pūjayitvā tu puraṃ teṣāṃ samarpitam |
samprāpya tu puraṃ te vai jyeṣṭhamadhyakanīyasaḥ || 18 ||
[Analyze grammar]

bhojavaṃśasamutpannāḥ kanyakāḥ samalaṅkṛtāḥ |
varayitvā kṛtaṃ teṣāṃ viprapraṇayanaṃ śubham || 19 ||
[Analyze grammar]

aho sabhāgyāḥ ślāghyāśca kṛtapuṇyāśca te sadā |
pūjāyāṃ ye ratā bhānoryeṣāṃ caiva varapradaḥ || 20 ||
[Analyze grammar]

paryāptaṃ sarvameteṣāmiha cāmuṣmikaṃ phalam |
anitye sati mānuṣye devapūjāratā hi ye || 21 ||
[Analyze grammar]

kintu cintayataḥ sūryaṃ cintayitvā tu bhojakān |
jñānaṃ prati tathā caiṣāṃ hadaye saṃśayo mama || 22 ||
[Analyze grammar]

kathaṃ pūjākarā hyete ke magāḥ ke ca bhojakāḥ |
jñānaṃ kiṃ paramaṃ teṣāṃ jñeyasteṣāṃ ka eva tu || 23 ||
[Analyze grammar]

divyeti te kathaṃ proktāḥ kimarthaṃ kūrcadhāraṇam |
sauravrataṃ kimarthaṃ tu vācakāste kathaṃ smṛtāḥ || 24 ||
[Analyze grammar]

kimarthaṃ tejasā vedāngāyantaścaiva te katham |
athāhikañcukasyāṅgaṃ kiṃ pramāṇaṃ ca kasya vai || 25 ||
[Analyze grammar]

kasya vai kā samākhyātā yadutpannaṃ kathaṃ smṛtam |
kathaṃ devāṃśca gāyanti yajñaṃ kurvanti te katham || 26 ||
[Analyze grammar]

agnihotraṃ ca kiṃ teṣāṃ pañca dolāśca kāḥ smṛtāḥ |
etatsarvaṃ samākhyāhi bhojakānāṃ viceṣṭitam || 27 ||
[Analyze grammar]

sāmbasya vacanaṃ śrutvā kṛṣṇadvaipāyano muniḥ |
kālīsuto mahātejā uvāca paramaṃ vacaḥ || 28 ||
[Analyze grammar]

sādhusādhu yaduśreṣṭha sādhu pṛṣṭo'smi suvrata |
durjñeyaceṣṭitaṃ kiñcidbhojakānāṃ na saṃśayaḥ || 29 ||
[Analyze grammar]

bhāskarasya prasādena mamāpi smṛtimāgatam |
yathākhyātaṃ vaśiṣṭhena tathā te vacmi kṛtsnaśaḥ || 30 ||
[Analyze grammar]

magānāṃ caritaṃ śreṣṭhaṃ śṛṇu tvaṃ kṛṣṇanandana |
jñānavedina evaite karmayogaṃ samāśritāḥ || 31 ||
[Analyze grammar]

śrūyante ṛṣayaḥ sarve maunena niyamasthitāḥ |
bhuñjate cāpi maunena sarve vai paramarṣayaḥ || 32 ||
[Analyze grammar]

municaryākṛtaste'pi śākadvīpanivāsinaḥ |
tasmānmaunena bhoktavyamaguṇatvamanicchatā || 33 ||
[Analyze grammar]

vacaḥ sūryasamākhyātaṃ kāraṇaṃ ca varaṃ tathā |
arcāyāṃ te ca te nityamarcayantaśca te smṛtāḥ || 34 ||
[Analyze grammar]

bhojakanyāsujātatvādbhojakāstena te smṛtāḥ |
brāhmaṇānāṃ yathā prokto vedāścatvāra eva tu || 35 ||
[Analyze grammar]

ṛgvedo'tha yajurvedaḥ sāmavedastvatharvaṇaḥ |
brahmaṇoktāstathā vedā magānāmapi suvrata || 36 ||
[Analyze grammar]

ta eva viparītāstu teṣāṃ vedāḥ prakīrtitāḥ |
vedo viśvamadaścaiva vidvadvahnirasastathā || 37 ||
[Analyze grammar]

vedā hyete magānāṃ tu purovāca prajāpatiḥ |
magā vedamadhīyante vedāṅgāstena te smṛtāḥ || 38 ||
[Analyze grammar]

śeṣo na hi mahābhāgaḥ sarvasattvasukhāvahaḥ |
sasūryarathamāsādya rathibhiḥ saha varṣati || 39 ||
[Analyze grammar]

yastasya tu punarmokaṃ sa raverhi mahānakaḥ |
vanditavyo magānāṃ tu astramantreṇa nityaśaḥ || 40 ||
[Analyze grammar]

yathā srajo dvijānāṃ tu pūjākāle pramīyate |
sarvasaṃskārayajñeṣu yathā darbhā dvijātiṣu || 41 ||
[Analyze grammar]

pavitrāḥ kīrtitāsteṣāṃ tathā dharmo magasya tu |
ebhirjayanti bhūyiṣṭhaṃ tasmindvīpe magādhipāḥ || 42 ||
[Analyze grammar]

vidyāvantaḥ kulaśreṣṭhāḥ śaucācārasamanvitāḥ |
yajñāvasaktā1 bhaktāśca japanto mantramāditaḥ || 43 ||
[Analyze grammar]

priyāstu yaduśārdūla bhojakā yadunandana |
astramiva vai mantro vedasya paripaṭhyate || 44 ||
[Analyze grammar]

sarveṣāṃ brāhmaṇānāṃ tu sāvitrī parikalpyate |
asmākaṃ tu yaduśreṣṭha mahāvyāhṛtipūrtikā || 45 ||
[Analyze grammar]

amohakenātha vimānabhuñjī maunena caivāpi yathā hi yuktam |
na cāpi kiñcitsmṛtikaṃ spṛśecca taccāpi nātraiva ca saṃspṛśeddhi || 47 ||
[Analyze grammar]

śvasantyanicchaṃstu parikṣipettu svābhīṣṭasūryaṃ tu nametsadaiva |
yathā yajñaṃ hi mantreṇa vedaproktena karmaṇā || 47 ||
[Analyze grammar]

tattvamanyanmagānāntu vidhimantrapuraskṛtam |
haviḥ sampadyate yasmāttena te yajvinaḥ smṛtāḥ || 48 ||
[Analyze grammar]

yathāgnihotraṃ prathitaṃ dvijānāṃ tathādhvahotraṃ vihitaṃ magānām |
acchaṃ ca nāmeti tadadhvarasya munervaco nātra vicāraṇāsti || 49 ||
[Analyze grammar]

pañcadhūpāḥ pradātavyāḥ siddhirasyeha sarvadā |
daṇḍanāyakavele dve trisandhyaṃ bhāskarasya tu || 50 ||
[Analyze grammar]