Bhavishya Purana [sanskrit]
245,265 words
This Sanskrit edition of the Bhavishya Purana. It is one of the traditional eighteen Mahapuranas presented as an encyclopedia of ancient Indian history and knowledge. The Bhavishyapurana contains 4 books and over 26,000 Sanskrit verses. It is famous for detailing the history and legends of ancient times as well as future times, narrating the genealogy of the kings and sages. The last part is considered an independent work known as the Bhavishyottara-Purana.
Chapter 141
sāmba uvāca |
bhojakānāṃ yattvayoktamavyaṅgo dehaśodhakaḥ |
vratabandhastvasau proktasteṣāṃ jātiśca kā smṛtā || 1 ||
[Analyze grammar]
vyāsa uvāca |
te pṛṣṭā bhavatā sarve bhojakānāṃ kumārakāḥ |
kimākhyātaṃ tatastaistu tadevācakṣva kṛtsnaśaḥ || 2 ||
[Analyze grammar]
sāmba uvāca |
sanniveṣā mayā proktā bhojakānāṃ samantataḥ |
mamaiva brūta tattvaṃ tadvarṇaḥ ko'tra kathaṃ sthitaḥ || 3 ||
[Analyze grammar]
tatastu bhagavānprāha vākyaṃ vākyaviśāradaḥ |
ye tvayoktā śrutāḥ sāmba bhojakānāṃ kumārakāḥ || 4 ||
[Analyze grammar]
mamaivaite magā jñeyā aṣṭau śūdrā madaṅgajāḥ |
etadbuddhvā tu vacanaṃ praṇamya śirasā ravim || 5 ||
[Analyze grammar]
dattā bhojakulotpannā daśabhyo daśakanyakāḥ |
tatastu mandakebhyo'pi dattāścāṣṭau hi kanyakāḥ || 6 ||
[Analyze grammar]
tato niveśitaṃ teṣāṃ mayā sāmba puraṃ smara |
dāsakanyāstu yāścāṣṭau bhojakanyāśca yā daśa || 7 ||
[Analyze grammar]
etāsteṣāṃ kumārāṇāṃ jñeyāstā daśa cāṣṭa ca |
tatra te bhojakanyāsu dvijairutpāditāḥ sutāḥ || 8 ||
[Analyze grammar]
bhojakāstāngaṇānprāhurbrāhmaṇāndivyasaṃjñitān |
dāsakanyāsu ye jātā mandagairantyasaṃjñitaiḥ || 9 ||
[Analyze grammar]
madaṅgā nāma te jñeyāḥ savituḥ paricārakāḥ |
te ca viprapure tasminputradāraśubhairvṛtāḥ || 10 ||
[Analyze grammar]
svadharmairyaṣṭumārabdhaiḥ śākadvīpe'rcito raviḥ |
nānāvidhairvaidikaistu mantrairmunivarottamāḥ || 11 ||
[Analyze grammar]
avyaṅgadhāriṇo martyāḥ pūjayante divaspatim |
dṛṣṭvā vyaṅgaṃ tu vai teṣāṃ kautūhalasamanvitaḥ || 12 ||
[Analyze grammar]
sāmbaḥ prāha namaskṛtya bhūyaḥ satyavatīsutam |
kathaṃ varo'yamavyaṅgaḥ kathito munisattama || 13 ||
[Analyze grammar]
kuta eṣa samutpannaḥ kasmācca sa śuciḥ smṛtaḥ |
bandhanīyaḥ kadā cāyaṃ kimarthaṃ caiva dhāryate |
kiṃ pramāṇaṃ ca bhagavanvyaṅgaścāyaṃ kimucyate || 14 ||
[Analyze grammar]
sumanturuvāca |
śrutvaivaṃ vacanaṃ vyāso jāmbavatyāḥ sutasya ca || 15 ||
[Analyze grammar]
uvāca kuruśārdūla sāmbaṃ kālīsutaḥ sa tu |
vyāsa uvāca |
etacca me yathoktastvaṃ jātireṣāṃ na saṃśayaḥ || 16 ||
[Analyze grammar]
avyaṅgasyāpi te vacmi lakṣaṇaṃ gadataḥ śṛṇu || 17 ||
[Analyze grammar]
Other editions:
Also see the following editions of the Sanskrit text or (alternative) English translations of the Chapter 141
Bhavishya Purana: Sanskrit Text with Hindi Translation
by S. N. Khandelwal (2022)
Publisher: Chaukhamba Sanskrit Pratishthan; Pages: 2538.
Buy now!
Complete Bhavisya Mahapurana (English translation)
by Shantilal Nagar (2023)
Publisher: Parimal Publication Pvt. Ltd.; Pages: 2496; ISBN-10: 817110729X; ISBN-13: 9788171107292
Buy now!