Chapter 139

sāmba uvāca |
tvatprasādānmayā prāptaṃ rūpametatpurātanam |
pratyakṣadarśanaṃ cāpi bhāskarasya mahātmanaḥ || 1 ||
[Analyze grammar]

sarvametattu samprāpya punaścintākulaṃ manaḥ |
devasya paricaryāyāḥ pālanaṃ kaḥ kariṣyati || 2 ||
[Analyze grammar]

guṇayuktaṃ dvijaṃ kiñcitsamarthaṃ paripālane |
mamaivānugrahādbrahmandvijaṃ vyākhyātumarhasi || 3 ||
[Analyze grammar]

evamuktastu sāmbena nāradaḥ pratyuvāca tam |
na dvijāḥ parigṛhṇanti devasya svīkṛtaṃ dhanam || 4 ||
[Analyze grammar]

vidyate hi dhanaṃ hyatra guṇaścāyaṃ pratigrahaḥ |
devacaryāgatairdravyaiḥ kriyā brāhmī na vidyate || 5 ||
[Analyze grammar]

avajñayā ca kurvanti ye kriyāṃ lobhamohitāḥ |
apāṅkteyā bhavantīha te vai devalakā dvijāḥ || 6 ||
[Analyze grammar]

devasvaṃ brāhmaṇatvaṃ ca yo lobhādupajīvati |
sa pāpātmā naro loke gṛdhrocchiṣṭena jīvati |
tato na brāhmaṇaḥ kaściddevacaryāṃ kariṣyati || 7 ||
[Analyze grammar]

vidhijñaṃ jñānavantaṃ ca paricaryākṣamaṃ tathā |
deva eva tamākhyātuṃ tasmāttaṃ śaraṇaṃ vraja || 8 ||
[Analyze grammar]

athavā yaduśārdūla ugrasenapurohitam |
gatvā1 gauramukhaṃ pṛccha sa te kāmaṃ vidhāsyati || 9 ||
[Analyze grammar]

nāradenaivamuktastu sāmbo jāmbavatīsutaḥ |
sukhāsīnaṃ gṛhe vīra ugrasenapurohitam || 10 ||
[Analyze grammar]

kṛtapūrvāhṇikaṃ vīra vipraṃ gauramukhaṃ nṛpa |
vinayenopasaṅgamya sāmbo vākyamathābravīt || 11 ||
[Analyze grammar]

mayā bhānoḥ prasādena kāritaṃ vipulaṃ gṛham |
sapatnīkaṃ sasainyaṃ ca pṛthivyāṃ sāravatsthitam || 12 ||
[Analyze grammar]

sarvaṃ tasminmayā dattaṃ kṛtaṃ mūrteśca maṇḍalam |
tasmādiṣṭvā viśiṣṭebhyo deyaṃ dānaṃ manogatam || 13 ||
[Analyze grammar]

tatsarvaṃ mama samprītyā gṛhāṇa tvaṃ mahāmune |
sāmbavākyamidaṃ śrutvā pratyuvāca mahāmuniḥ || 14 ||
[Analyze grammar]

gauramukha uvāca |
bravīmyahamaśeṣeṇa yathāvadanupūrvaśaḥ |
ahaṃ vipro bhavānrājā sa ca devaparigrahaḥ |
aparasparamevaṃ tu grahaṇaṃ me virudhyate || 15 ||
[Analyze grammar]

brahmavidyāpraṇītāni svakarmāṇi dvijātayaḥ |
kurvāṇā na prahīyante anyathā bhinnavṛttayaḥ || 16 ||
[Analyze grammar]

kṣāntiradhyāpanaṃ2 jāpaḥ satyaṃ ca yadunandana |
etāni viprakarmāṇi na devārthaparigrahaḥ3 || 17 ||
[Analyze grammar]

yadi devārthadānaṃ1 syāttato devalakā dvijāḥ |
devadravyābhilāṣaśca brāhmaṇyaṃ tu vimuñcati || 18 ||
[Analyze grammar]

devadvāre ca yaddānaṃ brāhmaṇāya prayacchati |
dvāvetau pāpakartārāvātmadoṣeṇa mānavau || 19 ||
[Analyze grammar]

devārthadānaṃ2 vārṣṇeya yadgṛhītvā ca yo dvijaḥ |
śrāddhe vā yadi vā satre tajjuhoti dadāti vā |
bhinna vṛtto dvijaḥ pāpo rākṣasaḥ so'bhijāyate || 20 ||
[Analyze grammar]

dvijo devalako yatra paṅktyāṃ bhuṅkte mahīpate |
annānyupaspṛśennīcā sā paṅktiḥ pāpamācaret || 21 ||
[Analyze grammar]

dvijo devalako yasya saṃskāraṃ samprayacchati |
so'dhomukhānpitṝnsarvānākramya vinipātayet || 22 ||
[Analyze grammar]

ātmānaṃ pātayedyastu sonyānuddharate katham |
uddhariṣyati cātmānamityeṣā kalpanādhamā || 23 ||
[Analyze grammar]

yo haṭhācca bhayāccaiva kurute raviveśmanaḥ |
vṛttiṃ vidhatte vipratvātpatitassa tu jāyate || 24 ||
[Analyze grammar]

sapratigrahamantreṇa dvijo'śnāti parigraham |
devapratigrahārtheṣu vedavākyaṃ na vidyate || 25 ||
[Analyze grammar]

tasmādrājā na devārthaṃ vipre dadyātkathañcana |
brahmasūtramahaṃ chittvā gamiṣyāmīti gamyatām || 26 ||
[Analyze grammar]

sāmba uvāca |
agrāhyaṃ ceddvijātibhyaḥ kasmai deyamidaṃ mayā |
śrutaṃ vā dṛṣṭapūrvaṃ vā tanme vyākhyātumarhasi || 27 ||
[Analyze grammar]

gauramukha uvāca |
magāya samprayaccha tvaṃ purametacchubhaṃ vibho |
tasyādhikāro devānne devatānāṃ ca pūjane || 28 ||
[Analyze grammar]

sāmba uvāca |
ko'yaṃ mageti te proktāḥ kva vāsau vasate vibho |
kasya putro dvijaśreṣṭha kimācāraḥ kimākṛtiḥ || 29 ||
[Analyze grammar]

gauramukha uvāca |
yo'yaṃ mageti vai prokto mago divyo dvijottamaḥ |
nikṣubhāyāṃ 1 suto vīra ādityātmaja ucyate || 30 ||
[Analyze grammar]

sāmba uvāca |
kathaṃ sa nikṣubhāputraḥ kathaṃ vīrasutastathā |
kathaṃ cādityatanayo mago'sāvucyatena'gha || 31 ||
[Analyze grammar]

gauramukha uvāca |
mānuṣatvaṃ gatā devī nikṣubhā kila yādava |
gatā śāpamavāpyeha bhāskarāllokapūjitā || 32 ||
[Analyze grammar]

gotraṃ mihiramityāhustasmai brāhmaṇyamuttamam |
sujihvā nāma dharmātmā ṛṣiputraḥ purānagha || 33 ||
[Analyze grammar]

tasyātmajā samutpannā nikṣubhā sā varāṅganā |
rūpeṇāpratimā loke hāralīlā matā tu sā || 34 ||
[Analyze grammar]

piturniyogātsā kanyā viharejjātavedasi || 35 ||
[Analyze grammar]

viharantī yathānyāyaṃ samiddhe pāvake tathā |
atha tāṃ devadeveśo hyaṃśumālī dadarśa ha || 36 ||
[Analyze grammar]

rūpayauvanasampannāṃ tataḥ kāmavaśaṃ gataḥ |
cintayāmāsa deveśaḥ kathaṃ tāṃ vai bhajāmyaham || 37 ||
[Analyze grammar]

anayāvahṛto yo'yaṃ pāvako devapūjitaḥ |
vanamāviśya tanvaṅgīṃ bhajeyaṃ lokapūjitām || 38 ||
[Analyze grammar]

iti sañcintya deveśaḥ sahasrāṃśurdivaspati |
viveśa pāvakaṃ vīra tatputraścābhavattadā || 39 ||
[Analyze grammar]

tato vilāsalāvaṇyarūpayauvanaśālinī |
samiddhaṃ laṅghayitvāgniṃ jagāmāyatalocanā || 40 ||
[Analyze grammar]

kruddhaḥ svarūpamāsthāya dṛṣṭvā kanyāṃ sa pīḍitaḥ |
karaṃ kareṇa saṅgṛhya tatastāṃ havyavāhanaḥ || 41 ||
[Analyze grammar]

uvāca yaduśārdūla nodito bhāskareṇa tu |
vedoktaṃ vidhimutsṛjya yathāhaṃ laṃghitastvayā || 42 ||
[Analyze grammar]

tasmānmattaḥ samutpanno na ca putro bhaviṣyati |
jaraśabda iti khyāto vaṃśakīrtivivardhanaḥ || 43 ||
[Analyze grammar]

agnijātyā magāḥ proktāḥ somajātyā dvijātayaḥ |
bhojakādityajātyā hi divyāste parikīrtitāḥ || 44 ||
[Analyze grammar]

tāmevamuktvā bhagavānādityo'ntaratastadā |
athotpannāṃ prajāṃ jñātvā dhyānayogena vai ṛṣiḥ || 45 ||
[Analyze grammar]

patitaḥ syānmahātejā ṛgjihvaḥ sumahāmatiḥ |
śāpamudyamya tejasvī ṛgjihvo vākyamabravīt || 46 ||
[Analyze grammar]

ātmāparādhātkāminyā yathā garbho nalāvṛtaḥ |
sambhūtaste mahābhāge apūjyo'yaṃ bhaviṣyati || 47 ||
[Analyze grammar]

putraśokābhisantaptā bālā paryākulekṣaṇā |
cintayāmāsa duḥkhārtā tamekaṃ jvalanākṛtim || 48 ||
[Analyze grammar]

tato devavariṣṭhasya mama yonisamudbhavaḥ |
ayaṃ datto mahāśāpaḥ pūjyatāṃ kartumarhasi || 49 ||
[Analyze grammar]

bhavetpūjyo hi me putro deveśvara tathā kuru |
evaṃ ciṃtayamānastu bhagavānaryamā kila || 50 ||
[Analyze grammar]

āgneyaṃ rūpamāśritya cedaṃ vacanamabravīt |
snigdho gambhīranirghoṣaḥ śānto jvaravivarjitaḥ || 51 ||
[Analyze grammar]

ṛgjihraḥ sumahātejā dharmaṃ carati suvrata |
tenotsṛṣṭaṃ mahāśāpaṃ nānyathā kartumutsahe || 52 ||
[Analyze grammar]

kiṃ tu kāryagarīyastvādātmano yogyamuttamam |
tava putraṃ vidhāsyāmi cāpūjyaṃ vedapāragam || 53 ||
[Analyze grammar]

vaṃśaśca sumahāṃstasya nivasiṣyati bhūtale |
mamāṅgāni mahātmāno vāśiṣṭhā brahmavādinaḥ || 54 ||
[Analyze grammar]

madgāyanā madyajanā madbhaktā matparāyaṇāḥ |
mama śuśrūṣakāścaiva mama ca vratacāriṇaḥ || 55 ||
[Analyze grammar]

tvāṃ ca māṃ ca yathānyāyaṃ vedaṃ tattvārthadarśinaḥ |
pūjayiṣyanti niratāḥ sadā madbhāvabhāvitāḥ || 56 ||
[Analyze grammar]

matkarmaṇāṃ madaṅgānāṃ madbhāvaviniveśanāt |
virajā matprasādena māmevaiṣyantyasaṃśayam || 57 ||
[Analyze grammar]

jaṭāśmaśrudharā nityaṃ sadā mayi parāyaṇāḥ |
pañcakālavidhānajñā vīrakālasya yajvinaḥ || 58 ||
[Analyze grammar]

pūrṇekadakṣiṇe pāṇau varma vāmena dhārayan |
patidānena vadanaṃ pracchādya niyataḥ śuciḥ || 59 ||
[Analyze grammar]

prāṇaṃ hi mahatāṃ kṛtvā tato bhuñjīta vāgyataḥ |
ayamāccāprasādācca vyākulendriyacetasā || 60 ||
[Analyze grammar]

vidhihīnaṃ maṃtrahīna ye vai yakṣyanti māmataḥ |
te'pi svargāccyutāḥ klāntā ramante sūryasannidhau || 61 ||
[Analyze grammar]

evaṃvidhāstava sutā bhaviṣyanti mahītale |
magavaṃśe mahātmāno vedavedāṅgapāragāḥ || 62 ||
[Analyze grammar]

evamāśvāsya tāṃ devīṃ bhāskaro vāritaskaraḥ |
antadardhe mahātejāḥ sā ca harṣamavāpa ha || 63 ||
[Analyze grammar]

evamete samutpannā bhojakāḥ kṛṣṇanandana |
viṣṇubhāste tathādityā utpannā lokapūjitāḥ || 64 ||
[Analyze grammar]

teṣāmetatpuraṃ dehi paryāptāste pratigrahe |
tvadīyasyāsya me vīra tathā bhāskarapūjane || 65 ||
[Analyze grammar]

tasya gauramukhasyedaṃ vākyaṃ śrutvā sa yādavaḥ |
sāmbo jāmbavatīputraḥ praṇamya śirasoktavān || 66 ||
[Analyze grammar]

kva vasante mahātmāna ete bhāskaraputrakāḥ |
bhojakā dvijaśārdūla yena tānānayāmyaham || 67 ||
[Analyze grammar]

gauramukha uvāca |
nāhaṃ jāne mahābāho vasante yatra vai magāḥ |
jānīte tānravirvīra tasmāttaṃ śaraṇaṃ vraja || 68 ||
[Analyze grammar]

brāhmaṇenaivamuktastu praṇamya śirasā ravim |
jagāda bhāskaraṃ sāmbaḥ kaste pūjāṃ kariṣyati || 69 ||
[Analyze grammar]

vijñaptastveva sāmbena pratimā tamuvāca ha |
na yogyāḥ paricaryāyāṃ jambūdvīpe mamānagha || 70 ||
[Analyze grammar]

mama pūjākaraṃ gatvā śākadvīpādihānaya |
lavaṇodātpare pāre kṣīrodena samāvṛtaḥ || 71 ||
[Analyze grammar]

jambūdvīpātparo yasmācchākadvīpa iti smṛtaḥ |
tatra puṇyā janapadāścaturvarṇasamanvitāḥ || 72 ||
[Analyze grammar]

magāśca magagāścaiva gānagā1 mandagāstathā |
magā brāhmaṇabhūyiṣṭhā magagāḥ kṣatriyāḥ smṛtāḥ || 73 ||
[Analyze grammar]

vaiśyāstu gānagā jñeyāḥ śūdrāsteṣāṃ tu mandagāḥ |
na teṣāṃ saṅkaraḥ kaściddharmāśrayakṛte kvacit || 74 ||
[Analyze grammar]

dharmasyāsya vicāro vā hyekataḥ sukhinaḥ prajāḥ |
tejasaste madīyasya nirmitā viśvakarmaṇā || 75 ||
[Analyze grammar]

tebhyo vedāstu catvāraḥ sarahasyā mayoditāḥ |
vedoktairvividhaiḥ stotraiḥ parairguhyairmayā kṛtaiḥ || 76 ||
[Analyze grammar]

te ca dhyāyanti māmeva yajante māṃ ca nityaśaḥ |
manmānasā madyajanā madbhaktā matparāyaṇāḥ || 77 ||
[Analyze grammar]

mama śuśrūṣakāścaiva mama ca vratacāriṇaḥ |
avyaṅgadhāriṇaścaiva vidhidṛṣṭena karmaṇā || 78 ||
[Analyze grammar]

kurvanti te sadā bhadrāṃ mama pūjāṃ mamānugāḥ |
tathā devāḥ sagandharvāḥ siddhāśca saha cāraṇaiḥ |
viharante ramante ca dṛśyamānāśca taiḥ saha || 79 ||
[Analyze grammar]

jambūdvīpe tvahaṃ viṣṇurvedavedāṅgapūjitaḥ |
śakro'haṃ śālmalīdvīpe krauñcadvīpe hyahaṃ bhagaḥ1 || 80 ||
[Analyze grammar]

plakṣadvīpe tvahaṃ bhānuḥ śākadvīpe divākaraḥ |
puṣkare ca smṛto brahmā tataścāhaṃ maheśvaraḥ || 81 ||
[Analyze grammar]

tānmagānmama pūjārthaṃ śākadvīpādihānaya |
āruhya garuḍaṃ sāmba śīghraṃ gatvāvicārayan || 82 ||
[Analyze grammar]

tatheti gṛhya tāmājñāṃ raverjāmbavatīsutaḥ |
punardvāravatīṃ gatvā kāntyātīva samanvitaḥ || 83 ||
[Analyze grammar]

ākhyātavānpituḥ sarvaṃ svakīyaṃ devadarśanam |
tasmācca garuḍaṃ labdhvā yayau sāmbo'dhiruhya tam || 84 ||
[Analyze grammar]

śākadvīpamanuprāpya samprahṛṣṭatanūruhaḥ |
tatrāpaśyadyathoddiṣṭānsāmbastejasvino magān || 85 ||
[Analyze grammar]

vivasvantaṃ pūjayanto dhūpadīpādibhiḥ śubhaiḥ |
so'bhivādya ca tānpūrvaṃ kṛtvāpyeṣāṃ pradakṣiṇām || 86 ||
[Analyze grammar]

pṛṣṭvā cānāmayaṃ teṣāṃ praśaṃsāsāmapūrvakam |
yūyaṃ hi puṇyakarmāṇo draṣṭavyārthe śubhārthinaḥ |
ratā ye'rkasya pūjāyāṃ yeṣāṃ caiva varapradaḥ || 87 ||
[Analyze grammar]

tanayaṃ vitta māṃ viṣṇoḥ sāmbaṃ nāmnā ca viśrutam |
candrabhāgātaṭe cāpi mayā sūryo niveśitaḥ || 88 ||
[Analyze grammar]

tenāhaṃ preṣitaścātra uttiṣṭhadhvaṃ vrajāmahe |
te tamūcustataḥ sāmbamevametanna saṃśayaḥ || 89 ||
[Analyze grammar]

asmākamapi devena vyākhyātāṃ pūrvameva hi |
aṣṭādaśa kulānīha magānāṃ vedavādinām |
yāsyanti ye tvayā sārdhaṃ yathā devena bhāṣitam || 90 ||
[Analyze grammar]

tatastāni daśāṣṭau ca kulānīha samantataḥ |
āropya garuḍe sāmbastvaritaḥ punarabhyagāt || 91 ||
[Analyze grammar]

so'lpenaiva tu kālena prāpto mitravanaṃ tataḥ |
kṛtvājñāṃ tu raveḥ sāmbaḥ kṛtsnaṃ tvevaṃ nyavedayat || 92 ||
[Analyze grammar]

raviḥ śobhanamityuktvā prasannaḥ sāmbamabravīt |
mama pūjākarā hyete prajānāṃ śāntikārakāḥ || 93 ||
[Analyze grammar]

mama pūjāṃ kariṣyanti vidhānoktāṃ yadūttama |
tatkṛte na punaścintā tava kācidbhaviṣyati || 94 ||
[Analyze grammar]