Chapter 97

brahmovāca |
māghasya śuklapakṣe tu saptamī yā trilocana |
jayantī nāma sā proktā puṇyā pāpaharā śivā || 1 ||
[Analyze grammar]

sopoṣyā yena vidhinā śṛṇu taṃ pārvatīpriya |
pāraṇāni tu catvāri kathitānyatra paṇḍitaiḥ || 2 ||
[Analyze grammar]

pañcamyāmekabhaktaṃ tu ṣaṣṭhyāṃ naktaṃ prakīrtitam |
upavāsastu saptamyāmaṣṭamyāṃ pāraṇaṃ bhavet || 3 ||
[Analyze grammar]

māghe ca phālgune māsi tathā caitre ca suvrata |
bakapuṣpāṇi ramyāṇi kuṅkumaṃ ca vilepanam || 4 ||
[Analyze grammar]

naivedyaṃ modakāṃścātra dhūpa ājyamudāhṛtaḥ |
prāśanaṃ pañcagavyaṃ tu pavitrīkaraṇaṃ param || 5 ||
[Analyze grammar]

modakairbhojayedviprānyathāśaktyā gaṇādhipa |
śālyodanaṃ ca bhūteśa dadyācchaktyā dvijeṣu vai || 6 ||
[Analyze grammar]

itthaṃ sampūjayedyastu bhāskaraṃ lokapūjitam |
sarvasminpāraṇe vīra so'śvamedhaphalaṃ labhet || 7 ||
[Analyze grammar]

dvitīye pāraṇe pūjya rājasūyaphalaṃ labhet |
vaiśākhāṣāḍhajyeṣṭheṣu śrāvaṇe māsi suvrata |
pūjārthamatha bhānorvai śatapatrāṇi suvrata || 8 ||
[Analyze grammar]

śvetaṃ ca candanaṃ bhīma dhūpo guggulurucyate |
naivedyaṃ guḍapūpāstu prāśanaṃ gomayasya tu |
bhojane cāpi viprāṇāṃ guḍapūpāḥ prakīrtitāḥ || 9 ||
[Analyze grammar]

dvitīyamidamākhyātaṃ pāraṇaṃ pāpanāśanam |
rājasūyāśvamedhābhyāṃ phaladaṃ bhāskarapriyam || 10 ||
[Analyze grammar]

tṛtīyaṃ śṛṇu devasya pūjārthe bhāskarasya tu |
māsi bhādrapade vīra tathā cāśvayuje vibho || 11 ||
[Analyze grammar]

kārttike cāpi māse tu raktacandanamādiśet |
mālatīkusumānīha dhūpo vijaya ucyate || 12 ||
[Analyze grammar]

naivedyaṃ ghṛtapūpāstu bhojanaṃ ca dvijanmanām |
kuśodakaprāśanaṃ tu kāyaśuddhikaraṃ param || 13 ||
[Analyze grammar]

tṛtīyamapi cākhyātaṃ pāraṇaṃ pāpanāśanam |
rājasūyāśvamedhābhyāṃ phaladaṃ bhāskarapriyam || 14 ||
[Analyze grammar]

caturthamapi te vacmi pāraṇaṃ pāpanāśanam |
rājasūyāśvamedhābhyāṃ phaladaṃ bhāskarapriyam || 15 ||
[Analyze grammar]

tadadya devaśārdūla pāraṇaṃ śreyase śṛṇu |
māsi mārgaśire vīra pauṣe māsi tathā śiva || 16 ||
[Analyze grammar]

māghe ca devaśārdūla śṛṇu puṇyānyaśeṣataḥ |
karavīrāṇi raktāni tathā raktaṃ ca candanam || 17 ||
[Analyze grammar]

amṛtākhyastathā dhūpo naivedyaṃ pāyasaṃ param |
ārjanīyaṃ tathā takraṃ prāśanaṃ paramaṃ smṛtam || 18 ||
[Analyze grammar]

agaruṃ candanaṃ mustaṃ sihlakaṃ tryūṣaṇaṃ tathā |
samabhāgaistu kartavyamidaṃ cāmṛtamucyate || 19 ||
[Analyze grammar]

nāmāni kathitānyatra bhāskarasya mahātmanaḥ |
citrabhānustathā bhānurādityo bhāskarastathā || 20 ||
[Analyze grammar]

prīyatāmiti sarvasminpāraṇe vidhimādiśet |
anena vidhinā yastu kuryātpūjāṃ vibhāvasoḥ || 21 ||
[Analyze grammar]

tasyāṃ tithau devadeva sa yāti paramaṃ padam |
kṛtvaivaṃ saptamīṃ bhīma sarvakāmānavāpnute || 22 ||
[Analyze grammar]

putrārthī labhate putrāndhanārthī labhate dhanam |
sarogo mucyate rogaiḥ śubhamāpnoti puṣkalam || 23 ||
[Analyze grammar]

pūrṇe saṃvatsare bhīma kāryā pūjā divākare |
gandhapuṣpopahāraistu brāhmaṇānāṃ ca tarpaṇaiḥ |
nānāvidhaiḥ prekṣaṇakaiḥ pūjayā vācakasya tu || 24 ||
[Analyze grammar]

itthaṃ sampūjya deveśaṃ brāhmaṇāṃścābhipūjya ca |
vācakaṃ ca dvijaṃ pūjya idaṃ vākyamudīrayet || 25 ||
[Analyze grammar]

dharmakāryeṣu me deva arthakāryeṣu nityaśaḥ |
kāmakāryeṣu sarveṣu jayo bhavatu sarvadā || 26 ||
[Analyze grammar]

tato visarjayedviprānvācakaṃ tu dvijottamam |
itthaṃ kuryādidaṃ yastu sa jayaṃ prāpnuyātphalam |
sarvapāpaviśuddhātmā sūryalokaṃ sa gacchati || 27 ||
[Analyze grammar]

vimānavaramāruḍhaḥ kañjajodbhavamuttamam |
tejasā ravisaṃkāśaḥ prabhayā patagopamaḥ || 28 ||
[Analyze grammar]