Chapter 96

diṇḍiruvāca |
yaccaitāḥ sapta saptamyo bhavatā kathitā mama |
tāsāṃ yā prathamā deva kathitā sā savistarā || 1 ||
[Analyze grammar]

yāstvanyā devaśārdūla tāḥ sarvāḥ kathayasva me |
yenopoṣya tatastāstu vraje'haṃ helisadma vai || 6 ||
[Analyze grammar]

brahmovāca |
śuklapakṣasya saptamyāṃ nakṣatraṃ pañcatārakam |
yadā syātsā tadā jñeyā jayā nāmeti saptamī || 3 ||
[Analyze grammar]

tasyāṃ dattāṃ1 hutaṃ jāpastarpaṇaṃ devapūjanam |
sarvaṃ śataguṇaṃ proktaṃ pūjā cāpi divākare || 4 ||
[Analyze grammar]

bhāskarasya priyā hyeṣā saptamī pāpanāśinī |
dhanyā yaśasyā putryā ca kāmadā kañjajāvahā || 5 ||
[Analyze grammar]

vidhinānena kartavyā tithiryā mama vidyate |
taṃ śṛṇuṣva vidhiṃ matto yena kṛtvārthamaśnumate || 6 ||
[Analyze grammar]

haṃse haṃsamākye śukleyaṃ saptamī purā |
samupoṣya ca kartavyā vidhinānena śaṅkara || 7 ||
[Analyze grammar]

pāraṇā tṛtīyā'he syātkathitaṃ govṛṣāvaham |
prathamaṃ caturo māsānpāraṇaṃ kathitaṃ budhaiḥ || 8 ||
[Analyze grammar]

kathitānyatra puṣpāṇi karavīrasya suvrata |
candanaṃ ca tathā raktaṃ dhūpārthaṃ guggulaṃ param || 9 ||
[Analyze grammar]

kāsāraṃ tu supakvaṃ ca naivedyaṃ bhāskarāya vai |
anena vidhinā pūjya mārtaṇḍaṃ vibudhādhipam || 10 ||
[Analyze grammar]

pūjayedbrāhmaṇānbhīma bhakṣyabhojyairyathāvidhi |
kāsāraṃ bhojayedviprānpāraṇe'sminvicakṣaṇaḥ |
svayameva tathāśnīyātprayato maunamāśritaḥ || 11 ||
[Analyze grammar]

pañcamyāmekabhaktaṃ tu ṣaṣṭhyāṃ naktaṃ pravartate |
kṛtvopavāsaṃ saptamyāmaṣṭamyāṃ pāraṇaṃ bhavet || 12 ||
[Analyze grammar]

ṣaṣṭhyā sametā kartavyā nāṣṭamyeyaṃ kadācana |
yasyopavāsanāyaiva ṣaṣṭhyāmāhurupoṣitam || 13 ||
[Analyze grammar]

yathaikādaśyāṃ kurvanti upavāsaṃ manīṣiṇaḥ |
upavāsanāya dvādaśyāṃ tatheyaṃ parikīrtitā || 14 ||
[Analyze grammar]

siddhārthakaiḥ snānamantraḥ prāśanaṃ gomayasya tu |
bhānurme prīyatāmatra dantakāṣṭhaṃ tathārkajam || 15 ||
[Analyze grammar]

ityeṣa kathitastāta prathame pāraṇe vidhiḥ |
dvitīyaṃ śrūyatāṃ bhīma pāraṇaṃ gadato mama || 16 ||
[Analyze grammar]

mālatīkusumānīha śrīkhaṇḍaṃ candanaṃ tathā |
naivedyaṃ pāyasaṃ bhānordhūpaṃ vijayamādiśet || 17 ||
[Analyze grammar]

brāhmaṇānbhojayedvāpi tathāśnīyātsvayaṃ vibho |
ravirme prīyatāmatra nāma devasya kīrtayet || 18 ||
[Analyze grammar]

prāśayetpañcagavyaṃ tu khadiraṃ dantadhāvane |
dvitīye pāraṇe vīra vidhirukto mayādhunā || 19 ||
[Analyze grammar]

tṛtīyaṃ pāraṇaṃ cāpi kathyamānaṃ nibodha me |
agastikusumairatra bhāskaraṃ pūjayedbudhaḥ || 20 ||
[Analyze grammar]

samālambhanamatroktaṃ śrīkhaṇḍaṃ kusumaṃ tathā |
sihlako dhūpa uddiṣṭo bhānoḥ prītikaraḥ paraḥ || 21 ||
[Analyze grammar]

śālyodanaṃ tu naivedyaṃ rasāloparisaṃyutam |
brāhmaṇānāṃ tu dātavyaṃ bhakṣayeta tathātmanā || 22 ||
[Analyze grammar]

kuśodakaprāśanaṃ tu badaryā dantadhāvanam |
vikartanaḥ prīyatāṃ me nāma devasya kīrtayet || 23 ||
[Analyze grammar]

varṣāsu devadevasya pūjā kāryā vidhānataḥ |
gandhapuṣpopahāraistu nānāprekṣaṇakaistathā || 24 ||
[Analyze grammar]

godānairbhūmidānairvā brāhmaṇānāṃ ca tarpaṇaiḥ |
itthaṃ sampūjya deveśaṃ devasya purataḥ sthitaḥ || 25 ||
[Analyze grammar]

kārayetparamaṃ puṇyaṃ dhanyaṃ pustakavācanam |
vastrairgandhaistathā dhūpairvācakaṃ pūjayettataḥ || 26 ||
[Analyze grammar]

devasya purataḥ sthitvā tato mantramudīrayet |
devadeva jagannātha sarvarogārtināśana |
graheśa lokanayana vikartana tamo'paha || 27 ||
[Analyze grammar]

kṛteyaṃ devadeveśa jayā nāmeti saptamī |
mayā tava prasādena dhanyā pāpaharā śivā || 28 ||
[Analyze grammar]

anena vidhinā vīra yaḥ kuryātsaptamīmimām |
tasya snānādikaṃ sarvaṃ bhavecchataguṇaṃ vibho || 29 ||
[Analyze grammar]

kṛtvemāṃ saptamīṃ vīra puruṣaḥ prāpnuyādyaśaḥ |
dhanaṃ dhānyaṃ suvarṇaṃ ca putramāryabalaṃ śriyam || 30 ||
[Analyze grammar]

prāpyeha devaśārdūla sūryalokaṃ sa gacchati |
tasmādetya punarbhūmau rājarājo bhavedbudhaḥ || 31 ||
[Analyze grammar]

ityeṣā kathitā vīra jayā nāmeti saptamī | kṛtā smṛtā śrutā sā tu helilokapradāyinī || 32 ||
[Analyze grammar]