Chapter 215

[English text for this chapter is available]

agniruvāca |
oṅkāraṃ yo vijānāti sa yogī sa hariḥ pumān |
oṅkāramabhyasettasmānmṛnmantrasārantu sarvadaṃ || 1 ||
[Analyze grammar]

sarvamantraprayogeṣu praṇavaḥ prathamaḥ smṛtaḥ |
tena samparipūrṇaṃ yattatpūrṇaṃ karma netarat || 2 ||
[Analyze grammar]

oṅkārapūrvikāstisro mahāvyāhṛtayo'vyayāḥ |
tripadā caiva sāvitrī vijñeyaṃ brahmaṇī mukhaṃ || 3 ||
[Analyze grammar]

yo'dhīte'hanyahanyetāstrīṇi varṣāṇyatantritaḥ |
sa brahmaparamabhyeti vāyubhūtaḥ khamūrtimān || 4 ||
[Analyze grammar]

ekākṣaraṃ paraṃ brahma prāṇāyāmaparantapaḥ |
sāvitryāstu parannāsti maunātsatyaṃ viśiṣyate || 5 ||
[Analyze grammar]

saptāvartā pāpaharā daśabhiḥ prāpayeddivaṃ |
viṃśāvartā tu sā devī nayate hīśvarālayaṃ || 6 ||
[Analyze grammar]

aṣṭottaraśataṃ japtvā tīrṇaḥ saṃsārasāgarāt |
rudrakuṣmāṇḍajapyebhyo gāyatrī tu viśiṣyate || 7 ||
[Analyze grammar]

na gāyatryāḥ parañjapyaṃ na vyāhṛtisamaṃ hutaṃ |
gāyatryāḥ pādamapyardhamṛgardhamṛcameva vā || 8 ||
[Analyze grammar]

brahmahatyā surāpānaṃ suvarṇasteyameva ca |
gurudārāgamaścaiva japyenaiva punāti sā || 9 ||
[Analyze grammar]

pāpe kṛte tilairhomo gāyatrījapa īritaḥ |
japtvā sahasraṃ gāyatryā upavāsī sa pāpahā || 10 ||
[Analyze grammar]

goghnaḥ pitṛghno mātṛghno brahmahā gurutalpagaḥ |
brahmaghnaḥ svarṇahārī ca surāpo lakṣajapyataḥ || 11 ||
[Analyze grammar]

śudhyate vātha vā snātvā śatamantarjale japet |
apaḥ śatena pītvā tu gāyatryāḥ pāpahā bhavet || 12 ||
[Analyze grammar]

śataṃ japtā tu gāyatrī pāpopaśamanī smṛtā |
sahasraṃ śaptā sā devī upapātakanāśinī || 13 ||
[Analyze grammar]

abhīṣṭadā koṭijapyā devatvaṃ rājatāmiyāt |
oṅkāraṃ pūrvamuccārya bhūrbhuvaḥ svastathaiva ca || 14 ||
[Analyze grammar]

gāyatrī praṇavaścānte jape caivamudāhṛtaṃ |
viśvāmitra ṛṣicchando gāyatraṃ savitā tathā || 15 ||
[Analyze grammar]

devatopanaye japye viniyogo hute tathā |
agnirvāyū ravirvidyutyamo jalapatirguruḥ || 16 ||
[Analyze grammar]

parjanya indro gandharvaḥ pūṣā ca tadanantaraṃ |
mitro'tha varuṇastvaṣṭā vasavo marutaḥ śaśī || 17 ||
[Analyze grammar]

aṅgirā viśvanāsatyau kastathā sarvadevatāḥ |
rudro brahmā ca viṣṇuśca kramaśo'kṣaradevatāḥ || 18 ||
[Analyze grammar]

gayatryā japakāle tu kathitāḥ pāpanāśanāḥ |
pādāṅguṣṭhau ca gulphau ca nalakau jānunī tathā || 19 ||
[Analyze grammar]

jaṅghe śiśraśca vṛṣaṇau kaṭirnābhistathodaraṃ | |
ṭippaṇī |
1 upapātakapāpaheti ga.. gha.. ṅa.. ca | |
stanau ca hṛdayaṃ grīvā mukhantālu ca nāsike || 20 ||
[Analyze grammar]

cakṣuṣī ca bhruvormadhyaṃ lalāṭaṃ pūrvamānanaṃ |
dakṣiṇottarapārśve dve śira āsyamanukramāt || 21 ||
[Analyze grammar]

pītaḥ śyāmaśca kapilo marakato'gnisannibhaḥ |
rukmavidyuddhūmrakṛṣṇaraktagaurendranīlabhāḥ || 22 ||
[Analyze grammar]

sphāṭikasvarṇapāṇḍvābhāḥ padmarāgo'khiladyutiḥ |
hemadhūmraraktanīlaraktakṛṣṇasuvarṇabhāḥ || 23 ||
[Analyze grammar]

śuklakṛṣṇapālāśābhā gāyatryā varṇakāḥ kramāt |
dhyānakāle pāpaharā hutaiṣā sarvakāmadā || 24 ||
[Analyze grammar]

gāyatryā tu tilairhomaḥ sarvapāpapraṇāśanaḥ |
śāntikāmo yavaiḥ kuryādāyuṣkāmo ghṛtena ca || 25 ||
[Analyze grammar]

siddhārthakaiḥ karmasiddhyai payasā brahmavarcase |
putrakāmastathā dadhnā dhānyakāmastu śālibhiḥ || 26 ||
[Analyze grammar]

kṣīravṛkṣasamiddhistu grahapīḍopaśāntaye |
dhanakāmastathā bilvaiḥ śrīkāmaḥ kamalaistathā || 27 ||
[Analyze grammar]

ārogyakāmo dūrvābhirgurūtpāte sa eva hi |
saubhāgyecchurguggulunā vidyārthī pāyasena ca || 28 ||
[Analyze grammar]

ayutenoktasiddhiḥ syāllakṣeṇa manasepsitaṃ |
koṭyā brahmabadhānmuktaḥ kuloddhārī harirbhavet || 29 ||
[Analyze grammar]

grahayajñamukho vāpi homo'yutamukho'rthakṛt | |
ṭippaṇī |
1 padmarāgo'maladyutiriti kha.. cha.. ja.. ṭa.. ca |
2 śuklapadmapalāśābheti ṅa.. ña.. ca | |
āvāhanañca gāyatryāstata oṅkāramabhyaset || 30 ||
[Analyze grammar]

smṛtvauṅkārantu gāyatryā nibadhnīyācchikhāntataḥ |
punarācamya hṛḍayaṃ nābhiṃ skandhau ca saṃspṛśet || 31 ||
[Analyze grammar]

praṇavasya ṛṣirbrahmā gāyatrīcchanda eva ca |
devo'gniḥ paramātmā syādyogo vai sarvakarmasu || 32 ||
[Analyze grammar]

śuklā cāgnimukhī devyā kātyāyanasagotrajā |
trailokyavaraṇā divyā pṛthivyādhārasaṃyutā || 33 ||
[Analyze grammar]

akṣarasūtradharā devī padmāsanagatā śubhā |
oṃ tejo'si maho'si balamasi bhrājo'si devānāndhāmanāmāsi |
viśvamasi viśvāyuḥ sarvamasi sarvāyuḥ oṃ abhi bhūḥ |
āgaccha varade devi japye me sannidhau bhava || 34 ||
[Analyze grammar]

vyāhṛtīnāntu sarvāsāmṛṣireva prajāpatiḥ |
vyastāścaiva samastāśca brāhmamakṣaramomiti || 35 ||
[Analyze grammar]

viśvāmitro yamadagnirbharadvājo'tha gotamaḥ |
ṛṣiratrirvaśiṣṭhaśca kāśyapaśca yathākramaṃ || 36 ||
[Analyze grammar]

agnirvāyū raviścaiva vākpatirvaruṇastathā |
indro viṣṇurvyāhṛtīnāṃ daivatāni yathākramaṃ || 37 ||
[Analyze grammar]

gāyatryaṣṭiganuṣṭupca vṛhatī paṅktireva ca |
triṣṭupca jagatī ceti chandāṃsyāhuranuktāmāt || 38 ||
[Analyze grammar]

viniyoge vyāhṛtīnāṃ prāṇāyāme ca homake |
āpohiṣṭhetyṛcā cāpāndrupadādīti vā smṛtā || 39 ||
[Analyze grammar]

| ṭippaṇī |
1 drupadādīni vāpyṛcā iti ṅa.. ja.. ña.. ca | |
tathā hiraṇyavarṇābhiḥ pāvamānībhirantataḥ |
vipruṣo'ṣṭau kṣipedūrdhvamājanmakṛtapāpajit || 40 ||
[Analyze grammar]

antarjale ṛtañceti japettriraghamarṣaṇaṃ |
āpohiṣṭhetyṛco'syāśca sindhudvīpa ṛṣiḥ smṛtaḥ || 41 ||
[Analyze grammar]

brāhmasnānāya chando'sya gāyatrī devatā jalaṃ |
mārjane viniyogasya hayāvabhṛthake kratoḥ || 42 ||
[Analyze grammar]

aghamarṣaṇasūktasya ṛṣirevāghamarṣaṇaṃ |
anuṣṭupca bhavecchando bhāvavṛttastu daivataṃ || 43 ||
[Analyze grammar]

āpojyorī rasa iti gāyatryāstu śiraḥ smṛtaṃ |
ṛṣiḥ prajāpatistasya chandohīnaṃ yajuryataḥ || 44 ||
[Analyze grammar]

brahmāgnivāyusūryāśca devatāḥ parikīrtitāḥ |
prāṇarodhāttu vāyuḥ syādvāyoragniśca jāyate || 45 ||
[Analyze grammar]

agnerāpastataḥ śuddhistataścācamanañcaret |
antaścarati bhūteṣu guhāyāṃ viśvamūrtiṣu || 46 ||
[Analyze grammar]

tapoyajñavaṣaṭkāra āpo jyotī raso'mṛtaṃ |
udutyaṃ jātavedasamṛṣiḥ praṣkanna ucyate || 47 ||
[Analyze grammar]

gāyatrīcchanda ākhyātaṃ sūryaścaiva tu daivatam |
atirātre niyogaḥ syādagnīṣomo niyogakaḥ || 48 ||
[Analyze grammar]

citraṃ deveti ṛcake ṛṣiḥ kautsa udāhṛtaḥ |
triṣṭupchando daivatañca sūryo'syāḥ parikīrtitaṃ || 49 ||
[Analyze grammar]