Chapter 214

[English text for this chapter is available]

agniruvāca |
nāḍīcakraṃ pravakṣyāmi yajjñānājjñāyate hariḥ |
nābheradhastādyatkandamaṅkurāstatra nirgatāḥ || 1 ||
[Analyze grammar]

dvāsaptatisahasrāṇi nābhimadhye vyavasthitāḥ |
tiryagūrdhvamadhaścaiva vyāptantābhiḥ samantataḥ || 2 ||
[Analyze grammar]

cakravatsaṃsthitā hyetāḥ pradhānā daśanāḍayaḥ |
iḍā ca piṅgalā caiva susumṇā ca tathaiva ca || 3 ||
[Analyze grammar]

gāndhārī hastijihvā ca pṛthā caiva yathā tathā |
alambuṣā huhuścaiva śaṅkhinī daśamī smṛtā || 4 ||
[Analyze grammar]

daśa prāṇavahā hyetā nāḍayaḥ parikīrtitāḥ |
prāṇo'pānaḥ samānaśca udāno vyāna eva ca || 5 ||
[Analyze grammar]

nāgaḥ kūrmo'tha kṛkaro devadatto dhanañjayaḥ |
prāṇastu prathamo vāyurdaśānāmapi sa prabhuḥ || 6 ||
[Analyze grammar]

prāṇaḥ prāṇayate prāṇaṃ visargātpūraṇaṃ prati |
nityamāpūrayatyeṣa prāṇināmurasi sthitaḥ || 7 ||
[Analyze grammar]

niḥśvāsocchvāsakāsaistu prāṇo jīvasamāśritaḥ |
prayāṇaṃ kurute yasmāttasmātprāṇaḥ prakīrtitaḥ || 8 ||
[Analyze grammar]

adho nayatyapānastu āhārañca nṛṇāmadhaḥ |
mūtraśukravaho vāyurapānastena kīrtitaḥ || 9 ||
[Analyze grammar]

pītabhakṣitamāghrātaṃ raktapittakaphānilaṃ |
samannayati gātreṣu samāno nāma mārutaḥ || 10 ||
[Analyze grammar]

spandayatyadharaṃ vaktraṃ netrarāgaprakopanaṃ |
udvejayati marmāṇi udāno nāma mārutaḥ || 11 ||
[Analyze grammar]

vyāno vināmayatyaṅgaṃ vyāno vyādhiprakopanaḥ |
pratidānaṃ tathā kaṇṭhādvyāpānādvyāna ucyate || 12 ||
[Analyze grammar]

udgāre nāga ityuktaḥ kūrmaśconmīlane sthitaḥ |
kṛkaro bhakṣaṇe caiva devadatto vijṛmbhite || 13 ||
[Analyze grammar]

dhanañjayaḥ sthito ghoṣe mṛtasyāpi na muñcati |
jīvaḥ prayāti daśadhā nāḍīcakraṃ hi tena tat || 14 ||
[Analyze grammar]

saṅkrāntirviṣuvañcaiva ahorātrāyanāni ca |
adhimāsa ṛṇañcaiva ūnarātra dhanantathā || 15 ||
[Analyze grammar]

ūnarātraṃ bhaveddhikkā adhimāso vijṛmbhikā |
ṛṇañcātra bhavetkāso niśvāso dhanamucyate || 16 ||
[Analyze grammar]

uttaraṃ dakṣiṇaṃ jñeyaṃ vāmaṃ dakṣiṇasañjñitaṃ |
madhye tu viṣuvaṃ proktaṃ puṭadvayaviniḥsmṛtaṃ || 17 ||
[Analyze grammar]

saṅkrāntiḥ punarasyaiva svasthānātsthānayogataḥ |
susumṇā madhyame hyaṅge iḍā vāme pratiṣṭhitā || 18 ||
[Analyze grammar]

piṅgalā dakṣiṇe vipra ūrdhvaṃ prāṇo hyahaḥ smṛtaṃ |
apāno rātrirevaṃ syādeko vāyurdaśātmakaḥ || 19 ||
[Analyze grammar]

āyāmo dehamadhyasthaḥ somagrahaṇamiṣyate |
dehātitattvamāyāmaṃ ādityagrahaṇaṃ viduḥ || 20 ||
[Analyze grammar]

udaraṃ pūrayettāvadvāyunā yāvadīpsitaṃ |
prāṇāyāmī bhavedeṣa pūrakā dehapūrakaḥ || 21 ||
[Analyze grammar]

pidhāya sarvadvārāṇi niśvāsocchvāsavarjitaḥ |
sampūraṇakumbhavattiṣṭhetprāṇāyāmaḥ sa kumbhakaḥ || 22 ||
[Analyze grammar]

muñcedvāyuṃ tatastūrdhvaṃ śvāsenaikena mantravit |
ucchvāsayogayuktaśca vāyumūrdvaṃ virecayet || 23 ||
[Analyze grammar]

uccarati svayaṃ yasmātsvadehāvasthitaḥ śivaḥ |
tasmāttattvavidāñcaiva sa eva japa uccyate || 24 ||
[Analyze grammar]

ayute dve sahasraikaṃ ṣaṭśatāni tathaiva ca |
ahorātreṇa yogīndro japasaṅkhyāṃ karoti saḥ || 25 ||
[Analyze grammar]

ajapā nāma gāyatrī brahmaviṣṇumaheśvarī |
ajapāṃ japate yastāṃ punarjanma na vidyate || 26 ||
[Analyze grammar]

candrāgniravisaṃyuktā ādyā kuṇḍalinī matā |
hṛtpradeśe tu sā jñeyā aṅkurākārasaṃsthitā || 27 ||
[Analyze grammar]

sṛṣṭinyāso bhavettatra sa vai sargāvalambanāt |
sravantaṃ cintayettasminnamṛtaṃ sāttvikottamaḥ || 28 ||
[Analyze grammar]

dehasthaḥ sakalo jñeyo niṣphalo dehavarjitaḥ |
haṃsahaṃseti yo brūyāddhaṃso devaḥ sadāśivaḥ || 29 ||
[Analyze grammar]

tileṣu ca yathā tailaṃ puṣpe gandhaḥ samaśritaḥ |
puruṣasya tathā dehe sa vāhyābhyantarāṃ sthitaḥ || 30 ||
[Analyze grammar]

brahmaṇo hṛdaye sthānaṃ kaṇṭhe viṣṇuḥ samāśritaḥ |
tālumadhye sthito rudro lalāṭe tu maheśvaraḥ || 31 ||
[Analyze grammar]

prāṇāgrantu śivaṃ vidyāttasyānte tu parāparaṃ |
pañcadhā sakalaḥ prokto viparītastu niṣkalaḥ || 32 ||
[Analyze grammar]

prāsādaṃ nādamutthāpya śatatantu japedyadi |
ṣaṇmāsātsiddhimāpnoti yogayukto na saṃśayaḥ || 33 ||
[Analyze grammar]

gamāgamasya jñānena sarvapāpakṣayo bhavet |
aṇimādiguṇaiśvaryaṃ ṣaḍbhirmāsairavāpnuyāt || 34 ||
[Analyze grammar]

sthūlaḥ sūkṣmaḥ paraśceti prāsādaḥ kathito mayā |
hrasvo dīrghaḥ plutaśceti prāsādaṃ lakṣayettridhā || 35 ||
[Analyze grammar]

hrasvo dahati pāpāni dīrgho mokṣaprado bhavet |
āpyāyane plutaśceti mūrdhni vinduvibhūṣitaḥ || 36 ||
[Analyze grammar]

ādāvante ca hrasvasya phaṭkāro māraṇe hitaḥ |
ādāvante ca hṛdayamākṛṣṭau samprakīrtitam || 37 ||
[Analyze grammar]

devasya dakṣiṇāṃ mūrtiṃ pañcalakṣaṃ sthito japet |
japānte ghṛtahomastu daśasāhasriko bhavet || 38 ||
[Analyze grammar]

evamāpyāyito mantro vaśyoccāṭādi kārayet |
ūrdhve śūnyamadhaḥ śūnyaṃ madhye śūnyaṃ nirāmayaṃ || 39 ||
[Analyze grammar]

triśūnyaṃ yo vijānāti mucyate'sau dhruvaṃ dvijaḥ |
prāsādaṃ yo na jānāti pañcamantramahātanuṃ || 40 ||
[Analyze grammar]

aṣṭatriṃśatkalāyuktaṃ na sa ācārya ucyate |
tathoṅkārañca gāyatrīṃ rudrādīn vettya. asau guruḥ || 41 ||
[Analyze grammar]