Chapter 96

[English text for this chapter is available]

īśvara uvāca |
snātvā nityadvayaṃ kṛtvā praṇavārthakaro guruḥ |
sahāyairmūrttipairvipraiḥ saha gacchenmaśālayaṃ || 1 ||
[Analyze grammar]

śāntyāditoraṇāṃstatra pūrvavat pūjayet kramāt |
pradakṣiṇakramādeṣāṃ śākhāyāṃ dvārapālakān || 2 ||
[Analyze grammar]

prāci nandimahākālau yāmye bhṛṅgivināyakau |
vāruṇe vṛṣabhaskandau devīcaṇḍau tathottare || 3 ||
[Analyze grammar]

tacchākhāmūladeśasthau praśāntaśiśirau ghaṭau |
parjjanyāśokanāmānau bhūtaṃ sañjīvanāmṛtau || 4 ||
[Analyze grammar]

dhanadaśrīpradau dvau dvau pūjayedanupūrvaśaḥ |
svanāmabhiścaturthyantaiḥ praṇavādinamontagaiḥ || 5 ||
[Analyze grammar]

lokagrahāvasudvāḥsthasravantīnāṃ dvayaṃ dvayaṃ |
bhānutrayaṃ yugaṃ vedo lakṣmīrgaṇapatistathā || 6 ||
[Analyze grammar]

iti devā makhāgāre tiṣṭhanti pratitoraṇaṃ |
vighnasaṅghāpanodāya kratoḥ saṃrakṣaṇāya ca || 7 ||
[Analyze grammar]

vajraṃ śaktiṃ tathā daṇḍaṃ khaḍgaṃ pāśaṃ dhvajaṃ gadāṃ |
triśūlaṃ cakramambhojampatākāsvarccayet kramāt || 8 ||
[Analyze grammar]

o hrūṃ phaṭ namaḥ | oṃ hrūṃ phaṭ dvāḥ sthaśaktaye hrūṃ phaṭ namaḥ ityādimantraiḥ |
kumudaḥ kumudākṣaśca puṇḍarīkotha vāmanaḥ |
śaṅkukarṇaḥ sarvanetraḥ sumukha supratiṣṭhitaḥ || 9 ||
[Analyze grammar]

dhvajāṣṭadevatāḥ pūjyāḥ pūrvādau bhūtakoṭibhiḥ |
oṃ kauṃ kumudāya nama ityādimantraiḥ || 10 ||
[Analyze grammar]

hetukaṃ tripuraghnañca śaktyākhyaṃ yamajhvakaṃ |
kālaṃ karālinaṃ ṣaṣṭhamekāṅghnimbhīmamaṣṭakaṃ || 11 ||
[Analyze grammar]

tathaiva pūjayed dikṣu kṣetrapālānanukramāt |
valibhiḥ kusumairdhūpaiḥ santuṣṭān paribhāvayet || 12 ||
[Analyze grammar]

kambalāstṛteṣu varṇeṣu vaṃśasthūṇāsvanukramāt |
pañca kṣityāditattvāni sadyojātādibhiryajet || 13 ||
[Analyze grammar]

sadāśivapadavyāpi maṇḍapaṃ dhāma śāṅkaraṃ |
patākāśaktisaṃyuktaṃ tattvadṛṣṭyāvalokayet || 14 ||
[Analyze grammar]

divyāntarikṣabhūmiṣṭhavighnānutsāryya pūrvavat |
praviśet paścimadvārā śeṣadvārāṇi darśayet || 15 ||
[Analyze grammar]

pradakṣiṇakramādgatvā niviṣṭo vedidakṣiṇe |
uttarābhimukhaḥ kuryyād bhūtaśuddhiṃ yathā purā || 16 ||
[Analyze grammar]

antaryyāgaṃ viśeṣārghyaṃ mantradravyādiśodhanaṃ |
kurvvīṃta ātmanaḥ pūjāṃ pañcagavyādi pūrvavat || 17 ||
[Analyze grammar]

sādhāraṅkalasantasmin vinyasettadanantaraṃ |
viśeṣācchicavatattvāya tattvatrayamanukramāt || 18 ||
[Analyze grammar]

lalāṭaskandhapādāntaṃ śivavidyātmakaṃ paraṃ |
rudranārāyaṇabrahmadaivataṃ nijasañcaraiḥ || 19 ||
[Analyze grammar]

oṃ haṃ hāṃ | mūrttīstadīśvaraṃstatra pūrvavadviniveśayet |
tadvyāpakaṃ śivaṃ sāṅgaṃ śivahastañca mūrddhani || 20 ||
[Analyze grammar]

brahmarandhrapraviṣṭena tejasā bāhyasāntaraṃ |
tamaḥ paṭalamādhūya pradyotitadigantaraṃ || 21 ||
[Analyze grammar]

ātmānaṃ mūrttipaiḥ sārdvaṃ sragvastrakusumādibhiḥ |
bhūṣayitvā śivosmīti dhyātvā bodhāsimuddhiret || 22 ||
[Analyze grammar]

catuṣpadāntasaṃskāraiḥ saṃskuryyānmaśamaṇḍapaṃ |
vikṣipya vikirādīni kuśakūrcopasaṃharet || 23 ||
[Analyze grammar]

āsanīkṛtya varddhanyāṃ vāstvādīn pūrvavadyajet |
śivakumbhāstravarddhanyau pūjayecca sthirāsane || 24 ||
[Analyze grammar]

svadikṣu kalaśārūḍhāṃllokapālānanukramāt |
sahastranayanaṃ śakraṃ vajrapāṇiṃ vibhāvayet || 25 ||
[Analyze grammar]

airāvatagajārūḍhaṃ svarṇavaṇa kirīṭinaṃ |
sahasranayanaṃ śakraṃ vajrapāṇiṃ vibhāvayet || 26 ||
[Analyze grammar]

saptārcciṣaṃ ca vibhrāṇamakṣamālāṃ kamaṇḍaluṃ |
jvālāmālākulaṃ raktaṃ śaktihastamajāsanaṃ || 27 ||
[Analyze grammar]

mahiṣasthaṃ daṇḍahastaṃ yamaṃ kālānalaṃ smaret |
raktanetraṃ kharārūḍhaṃ khaḍgahastañca nairṛृtaṃ || 28 ||
[Analyze grammar]

varuṇaṃ makare śvetaṃ nāgapāśadharaṃ smaret |
vāyuṃ ca hariṇe nīlaṃ kuveraṃ meghasaṃsthitaṃ || 29 ||
[Analyze grammar]

triśūlinaṃ vṛṣe ceśaṃ kūrmmenantantu cakriṇaṃ |
brahmāṇaṃ haṃsagaṃ dhyāyeccaturvaktraṃ caturbhujaṃ || 30 ||
[Analyze grammar]

stambamūleṣu kumbheṣu vedyāṃ dharmādikān yajet |
dikṣu kumbheṣvanantādīn pūjayantyapi kecana || 31 ||
[Analyze grammar]

śivājñāṃ śrāvayet kumbhaṃ bhrāmayedātmapṛṣṭhagaṃ |
pūrvavat sthāpayedādau kumbhaṃ tadanu varddhanīṃ || 32 ||
[Analyze grammar]

śivaṃ sthirāsanaṃ kumbhe śastrārthaṃñca dhruvāsanaṃ |
pūjayitvā yathāpūrvaṃ spṛśedudbhavamudrayā || 33 ||
[Analyze grammar]

nijayāgaṃ jagannātha rakṣa bhaktānukampayā |
ebhiḥ saṃśrāvya rakṣārthaṃ kumbhe khaḍgaṃ niveśayet || 34 ||
[Analyze grammar]

dīkṣāsthāpanayoḥ kumbhe sthaṇḍile maṇḍale'thavā |
maṇḍalebhyarcya deveśaṃ vrajedvai kuṇḍasannidhau || 35 ||
[Analyze grammar]

kuṇḍanābhiṃ puraskṛtya niviṣṭā mūrttidāriṇaḥ |
gurorādeśataḥ kuryurnnijakuṇḍeṣu saṃskṛtiṃ || 36 ||
[Analyze grammar]

japeyurjāpinaḥ saṅkhyaṃ mantramanye tu saṃhitāṃ |
paṭheyurbrāhmaṇāḥ śāntiṃ svaśākhāvedapāragāḥ || 37 ||
[Analyze grammar]

śrīsūktaṃ pāvamānīśca maitrakañca vṛṣākapiṃ |
ṛgvedī pūrvadigbhāge sarvametat samuccaret || 38 ||
[Analyze grammar]

devavratantu bhāruṇḍaṃ jyaṣṭhasāma rathantaraṃ |
puruṣaṃ gītimetāni sāmavedī tu dakṣaiṇe || 39 ||
[Analyze grammar]

rudraṃ puruṣasūktañca ślokādyāyaṃ viśeṣataḥ |
brahmaṇañca yajurvedī paścimāyāṃ samuccaret || 40 ||
[Analyze grammar]

nīlarudraṃ tathātharvī sūkṣmāsūkṣmantathaiva ca |
uttare'tharvaśīrṣañca tatparastu samuddharet || 41 ||
[Analyze grammar]

ācāryyaścāgnimutpādya pratikuṇḍaṃtha pradāpayet |
vahneḥ pūrvādikān bhāgān pūrvakuṇḍaditaḥ kramāt || 42 ||
[Analyze grammar]

dhūpadīpacarūṇāñca dadītāgniṃ samddharet |
pūvavacchivamabhyarcya śivāgnau mantratarpaṇaṃ || 43 ||
[Analyze grammar]

deśakālādisampattau durnnimittapraśāntye |
homaṅkṛtvā tu mantrajñaḥ pūrṇā dattvā śubhāvahāṃ || 44 ||
[Analyze grammar]

pūrvavaccarukaṃ kṛtvā pratikuṇḍaṃ nivedayet |
yajamānālaṅakṛtāstu vrajeyuḥ snānamaṇḍapaṃ || 45 ||
[Analyze grammar]

bhadrapīṭhe nidhāyeśaṃ tāḍayitvāvaguṇṭhayet |
snāpayet pūjayitvā tu mṛdā kāṣāyavāriṇā || 46 ||
[Analyze grammar]

gomūtrairgomayenāpi vāriṇā cāntarāntarā |
bhasmānā gandhatoyena phaḍantāstreṇa vāriṇā || 47 ||
[Analyze grammar]

deśiko mūrttipaiḥ sārddhaṃ kṛtvā kāraṇaśodhanaṃ |
dharmajaptena sañchādya pītavarṇena vāsasā || 48 ||
[Analyze grammar]

sampūjya sitapuṣpaiśca nayaduttaravedikāṃ |
tatra dattāsanāyāñca śayyāyāṃ sanniveśya ca || 49 ||
[Analyze grammar]

kuṅkumāliptasūtreṇa vibhajya gururālikhet |
śalākayā suvarṇasya akṣiṇī śastrakarmaṇā || 50 ||
[Analyze grammar]

añjayellakṣmakṛt paścācchāstradṛṣṭena karmaṇā |
kṛtakarmā caśastreṇa lakṣmī śilpī samuttakṣipet || 51 ||
[Analyze grammar]

tryaṃśādarddhotha pādārddhādarddhāyā arddhatothavā |
sarvakāmaprasiddhyarthaṃ śubhaṃ lakṣmāvatāraṇaṃ || 52 ||
[Analyze grammar]

liṅgadīrghavikārāṃśe tribhakte bhāgavarṇanāt |
vistāro lakṣma dehasya bhavelliṅgasya sarvataḥ || 53 ||
[Analyze grammar]

yavasya navabhaktasya bhāgairaṣṭābhirāvṛtā hastike |
lakṣmarekhā ca gāmbhīryyād vistarādapi || 54 ||
[Analyze grammar]

evamaṣṭāṃśavṛddhyā tu liṅge sārddhakarādike |
bhavedaṣṭayavā pṛthvī gambhīrātra ca hāstike || 55 ||
[Analyze grammar]

evamaṣṭāṃśavṛddhyā tu liṅge sārddhakarādike |
bhavedaṣṭayavā pṛthvī gambhīrannavahāstike || 56 ||
[Analyze grammar]

śāmbhaveṣu ca liṅgeṣu pādavṛddheṣu sarvataḥ |
lakṣma dehasya viṣkambho bhavedvai yavavarddhanāt || 57 ||
[Analyze grammar]

gambhīratvapṛthutvābhyāṃ reśāpi trayaṃśavṛddhitaḥ |
sarveṣu ca bhavet sūkṣmaṃ liṅgamastakamastakaṃ || 58 ||
[Analyze grammar]

lakṣmakṣetreṣṭadhābhakte mūdrdhni bhāgadvaye śubhe |
ṣaḍbhāgaparivarttena muktvā bhāgadvayantvadhaḥ || 59 ||
[Analyze grammar]

rekhātrayeṇa sambaddhaṃ kārayet pṛṣṭhadeśagaṃ |
ratnaje lakṣaṇoddhāro yavau hemasamudbhave || 60 ||
[Analyze grammar]

svarūpaṃ lakṣaṇanteṣāṃ prabhā ratneṣu nirmalā |
nayanonmīlanaṃ vaktre sānnidhyāya ca lakṣma tat || 61 ||
[Analyze grammar]

lakṣmaṇoddhārarekhāñca ghṛtena madhunā tathā |
mṛtyuñjayena sampūjya śilpidoṣanivṛttaye || 62 ||
[Analyze grammar]

arccayecca tatā liṅgaṃ snāpayitvā mṛdādibhiḥ |
śilpinantoṣayitvā tu dadyād gāṃ guravo tataḥ || 63 ||
[Analyze grammar]

liṅgaṃ dhūpādibhiḥ prācyaṃ gāyeyurbhartṛgāstriyaḥ |
savyena cāpasavyena sūtreṇātha kuśena vā || 64 ||
[Analyze grammar]

smṛtvā ca rocanaṃ datvā kuryānnirmañjanādikaṃ |
guḍalavaṇadhānyākadānena visṛjecca tāḥ || 65 ||
[Analyze grammar]

gurumūrttidharaiḥ sārddhaṃ hṛdā vā praṇavena vā |
mṛtsnāgomayagomūtrabhasmabhiḥ salilāntaraṃ || 66 ||
[Analyze grammar]

snāpayet pañcagavyena pañcamṛtapuraḥ saraṃ |
virūkṣaṇaṃ kaṣāyaiśca sarvauṣadhijalena vā || 67 ||
[Analyze grammar]

śubhrapuṣpaphalasvarṇaratna śrṛṅgayavodakaiḥ |
tathā dhārāsahasreṇa divyauṣadhijalena ca || 68 ||
[Analyze grammar]

tīrthodakena gaṅgena candanena ca vāriṇā |
kṣīrārṇavādibhiḥ kumbhaiḥ śivakumbhajalena ca || 69 ||
[Analyze grammar]

virūkṣaṇaṃ vilepañca sugandhaiścandanādibhiḥ |
sampūjya brahmabhiḥ puṣpairvarmaṇā raktacīvaraiḥ || 70 ||
[Analyze grammar]

raktarūpeṇa nīrājya rakṣātilakapūrvakaṃ |
ghṛtaughairjaladugdhaiśca kuśādyairarghyasūcitaiḥ || 71 ||
[Analyze grammar]

dravyaiḥ stutyādibistuṣṭamarcayet puruṣāṇunā |
samācamya hṛdā devaṃ brūyādutthīyatāṃ prabho || 72 ||
[Analyze grammar]

devaṃ brahmārathenaiva kṣipraṃ dravyāṇi tannayet |
maṇḍape paścimadvāre śayyāyāṃ viniveśayet || 73 ||
[Analyze grammar]

śaktyādiśaktiparyyante vinyasedāsane śubhe |
paścime piṇḍikāntasyanyasedbrahmaśilāntadā || 74 ||
[Analyze grammar]

śastramastra śatālabdhanidrākumbhadhruvāsanaṃ |
prākalpya śivakoṇe ca datvārghyaṃ hṛdayena tu || 75 ||
[Analyze grammar]

utthāpyoktāsane liṅgaṃ śirasā pūrvamastakaṃ |
samāropya nyasettasmin sṛṣṭyā dharmādinandanaṃ || 76 ||
[Analyze grammar]

dadyāddhūpañca sampūjya tathā vāsāṃsi varmaṇā |
gṛhopakṛtinaivedyaṃ hṛdā dadyāt svaśaktitaḥ || 77 ||
[Analyze grammar]

ghṛtakṣaudrayutaṃ pātramabyaṅgāya padāntike |
deśikaśca sthitastatra ṣaṭtriṃśattattvasañcayaṃ || 78 ||
[Analyze grammar]

śaktyādibhūmiparyyantaṃ svatattvādhipasaṃyutaṃ |
vinyasya puṣpamālābhistriśaṇḍaṃ parikalpayet || 79 ||
[Analyze grammar]

māyāpadeśaktyantanturyyāśāṣṭāṃśavarttulaṃ |
tatrātmatattvavidyākhyaṃ śivaṃ sṛṣṭikrameṇa tu || 80 ||
[Analyze grammar]

ekaśaḥ pratibhāgeṣu brahmaviṣṇuharadhipān |
vinyasya mūrttimūrttīśān pūrvādikramato yathā || 81 ||
[Analyze grammar]

kṣmāvahniryajamānārkkajalavāyuniśākarān |
ākāśamūrttirūpāṃstān nyasettadadhināyakān || 82 ||
[Analyze grammar]

sarvaṃ paśupati cograṃ rudraṃ bhavamakheśvaraṃ |
mahādevañca bhīmañca mantrāstadvācakā ime || 83 ||
[Analyze grammar]

lavaśaṣacayasāśca hakāraśca trimātrikaḥ |
praṇavo hṛdayāṇurvā mūlamantro'thavā kkacit || 84 ||
[Analyze grammar]

pañcakuṇḍātmake yoge mūrttīḥ pañcāthavā nyaset |
pṛthivījalatejāṃsi vāyumākāśameva ca || 85 ||
[Analyze grammar]

kramāttadadhipān pañca brahmāṇaṃ dharaṇīdharaṃ |
rudramīśaṃ sadākhyañca sṛṣṭinyāyena mantravit || 86 ||
[Analyze grammar]

mumukṣorvā nivṛttādyāḥ ajātādyāstadīśvarāḥ |
tritattvaṃ vātha nyasedvyāptyātmakāraṇaṃ || 87 ||
[Analyze grammar]

śuddhe cātmani vidyeśā aśuddhe lokanāyakāḥ |
draṣṭavyā mūrttipāścaiva bhogino mantranāyakāḥ || 88 ||
[Analyze grammar]

pañcaviṃśattathaivāṣṭapañcatrīṇi yathākramaṃ |
eṣāntattvaṃ tadīśānāmindrādīnāṃ tato yathā || 89 ||
[Analyze grammar]

oṃ hāṃ śaktitattavāya nama hatyādi |
oṃ hāṃ śaktitattvādhipāya nama ityādi |
oṃ hāṃ kṣmāmūrttaye namaḥ |
oṃ hāṃ kṣmāmūrttyadhīśāya śivāya nama ityādi |
oṃ hāṃ pṛthivīmūrttaye namaḥ |
oṃ hāṃ mūrttyadhipāya brahmaṇe nama ityādi |
oṃ hāṃ śivatattvādhipāya rudrāya nama ityādi |
nābhikandātsamuccāryya ghaṇṭā nādavisarppaṇaṃ |
brahmādikāraṇatyāgād dvādaśāntasamāśraitaṃ || 90 ||
[Analyze grammar]

namtrañca manasā bhinnaṃ prāptānandarasopamaṃ |
dvādaśāntātsamānīya niṣkalaṃ vyāpakaṃ śivaṃ || 91 ||
[Analyze grammar]

aṣṭatriśatkalopetaṃ sahasrakiraṇojjavalaṃ |
sarvaśaktimayaṃ sāṅgaṃ dhyātvā liṅge niveśayet || 92 ||
[Analyze grammar]

jīvanyāso bhavedevaṃ liṅge sarvārthasādhakaḥ |
piṇḍikādiṣu tu nyāsaḥ procyate sāmprataṃ yathā || 93 ||
[Analyze grammar]

piṇḍikāñca kṛtasnānāṃ viliptāñcandanādibhiḥ |
sadvastraiśca samācchādya randhre ca bhagalakṣaṇe || 94 ||
[Analyze grammar]

pañcaratnādisaṃyuktāṃ liṅgasyottarataḥ sthitāṃ |
liṅgavatkṛtavaninyāsāṃ vidhivatsamprapūjayet || 95 ||
[Analyze grammar]

kṛtasnānādikāntatra liṅgamūle śilāṃ nyaset |
kṛtasnānādisaṃskāraṃ śaktyantaṃ vṛṣbhaṃ tathā || 96 ||
[Analyze grammar]

praṇavapūrvaṃ huṃ pūṃ hrīṃ madhyādanyatamena ca |
kriyāśaktiyutāṃ piṇḍīṃ śilāmādhārarūpiṇīṃ || 97 ||
[Analyze grammar]

bhasmadarbhatilaiḥ kuryyāt prākāratritayantataḥ |
rakṣāyai lokapālāṃśca sāyudhānyājayedvahiḥ || 98 ||
[Analyze grammar]

oṃ hūṃ hraṃ kriyāśaktaye namaḥ | oṃ hūṃ hrāṃ haḥ |
mahāgaurī rudradayite svāheti ca piṇḍa़िkāyāṃ |
oṃ hāṃ ādāraśaktaye namaḥ | oṃ hāṃ vṛṣabhāya namaḥ |
dhārikā dīptimatyugrā jyotsnā caitā balotkaṭāḥ |
tathā dhātrī vidhātrī ca nyasedvā pañcanāyikāḥ || 99 ||
[Analyze grammar]

vāmā jyeṣṭhā kriyā jñānā bedhā tisrothavā nyaset |
kriyājñānā tathecchā ca pūrvavacchāntimūrttiṣu || 100 ||
[Analyze grammar]

tamī mohā kṣamī niṣṭhā mṛtyurmāyābhavajvarāḥ |
pañca cātha mahāmohā ghorā ca tritayajvarā || 101 ||
[Analyze grammar]

tisrothavā kriyājñānā tathā bādhādhināyikā |
ātmāditriṣu tattveṣu tīvramūrttiṣu vinyaset || 102 ||
[Analyze grammar]

atrāpi piṇḍikā brahmaśilādiṣu yathāvidhi |
goryyādisaṃvarairaiva pūrvavat sarvamācaret || 103 ||
[Analyze grammar]

evaṃ vidhāya vinyāsaṃ gatvā kuṇḍāntikaṃ tataḥ |
kuṇḍamadhye maheśānaṃ mekhalāsu maheśvaraṃ || 104 ||
[Analyze grammar]

kriyāśaktiṃ tathānyāsu nādamoṣṭhe ca vinyāset |
ghaṭaṃ sthaṇḍilavahnīśaiḥ nīḍīsandhānakantata || 105 ||
[Analyze grammar]

padmatantusamāṃ śaktimudghātenāṃ samudyatāṃ |
viśantī sūryamārgeṇa niḥ sarantīṃ samudgatāṃ || 106 ||
[Analyze grammar]

punaśca śūnyamārgeṇa viśatīṃ svasya cintayet |
evaṃ sarvatra sandheyaṃ mūrttipaiśca parasparaṃ || 107 ||
[Analyze grammar]

sampūjya ghārikāṃ śaktiṃ kuṇḍe santarpya ca kramāt |
tattvatattveśvarā mūrttīrmūrttīśāṃśca ghṛtādibhiḥ || 108 ||
[Analyze grammar]

sampūjya tarppayitvā tu sannidhau saṃhitāṇubhiḥ |
śataṃ sahasramarddhaṃ vā pūrṇayā saha homayet || 109 ||
[Analyze grammar]

tattvatattveśvarā mūrttirmūrttīśāṃśca kareṇukān |
tathā santarpya sānnidhye juhuyurmūrttipā api || 110 ||
[Analyze grammar]

tato brahmabhiraṅgaiśca dravyakālānurodhataḥ |
santarpya śaktiṃ kumbhāmbhaḥ prokṣite kuśamūlataḥ || 111 ||
[Analyze grammar]

liṅgamulaṃ ca saṃspṛśya viṣṇvantādi viśuddhaye |
vidhāya pūrvavatsarvaṃ homasaṅśyājapādikam || 112 ||
[Analyze grammar]

evaṃ saṃśodhya brahmādi viṣṇvantādi viśuddhaye |
vidhāya pūrvavatsarvaṃ homasaṅkhyājapādikam || 113 ||
[Analyze grammar]

kuśamadhyāgrayogena liṅgamadhyāgrakaṃ spṛśet |
yathā yathā ca sandhānaṃ tadidānīmihocyate || 114 ||
[Analyze grammar]

oṃ hāṃ haṃ oṃ oṃ oṃ eṃ oṃ bhūṃ bhūṃ vāhyamūrttaye namaḥ |
oṃ hāṃ vāṃ āṃ oṃ āṃ ṣāṃ oṃ bhūṃ bhūṃ vāṃ vahnimūrttaye namaḥ |
evañca yajamānādimūrttibhirabhisandheyaṃ |
pañcamūrcyāṃtmakepyevaṃ sandhānaṃ hṛdayādibhiḥ || 115 ||
[Analyze grammar]

mūlena svīyavījairvā jñeyantattvātrayātmake |
śilāpiṇḍī vṛṣeṣvevaṃ pūrṇāchinnaṃ susaṃvaraiḥ || 116 ||
[Analyze grammar]

bhāgābhāgaviśuddhyarthaṃ homaṃ | kuryyācchatādikaṃ |
nyūnādidoṣamoṣāya śivenāṣṭādhikaṃ śataṃ || 117 ||
[Analyze grammar]

hutvātha yat kṛtaṃ karmma śivaśrotre nivedayet |
etatsamanvitaṃ karma tvacchaktau ca mayā prabho || 118 ||
[Analyze grammar]

oṃ namo bhagavate rudrāya rudra namostute |
vidhipūrṇamapūrṇaṃ vā svaśaktyāpūryya gṛhyatāṃ || 119 ||
[Analyze grammar]

oṃ hrīṃ śāṅkari pūraya svāhā iti piṇḍikāyāṃ |
atha liṅge nyasej jñānī kriyākhyaṃ pīṭhavigrahe || 120 ||
[Analyze grammar]

ādhārarūpiṇīṃ śaktiṃ nyased brahmaśilopari | nibadhya |
saptarātraṃ vā pañcarātraṃ trirātrakaṃ || 121 ||
[Analyze grammar]

karātramatho vāpi yadvā sadyodhivāsanaṃ |
vinādhivāsanaṃ yāgaḥ kṛto'pi na phalapradaḥ || 122 ||
[Analyze grammar]

svamantraiḥ pratyāhaṃ deyamāhutīnāṃ śataṃ śataṃ |
śivakumbhādipūjāñca digbaliñca nivedayet || 123 ||
[Analyze grammar]

gurvādisahito vāso rātrau niyamapūrvakam |
adivāsaḥ sa vasatevadherbhāvaḥ samīritaḥ || 124 ||
[Analyze grammar]