Chapter 97

[English text for this chapter is available]

īśvara uvāca |
prātarnityavidhiṃ kṛtvā dvārapālaprapūjanaṃ |
praviśya pragvidhānena dehaśuddhyādimācaret || 1 ||
[Analyze grammar]

dikpatīṃśca samabhyarcya śivakumbhañca vardhanīṃ |
aṣṭamuṣṭikayā liṅgaṃ vahniṃ sanparpya ca kramāt || 2 ||
[Analyze grammar]

śivājñātastato gacchetprāsādaṃ śastramuccaran |
tadgatān prakṣipedvighnān humphaḍantaśarāṇunā || 3 ||
[Analyze grammar]

na madhye sthāpayelliṅgaṃ bedhadoṣaviśaṅkayā |
tasmānmadhyaṃ parityajya yavārdhena yavena vā || 4 ||
[Analyze grammar]

kiñcidīśānamāśritya śilāṃ madhye niveśayet |
mūlena tāmanantākhyāṃ sarvādhārasvarūpiṇīṃ || 5 ||
[Analyze grammar]

sarvagāṃ sṛṣṭiyogena vinyasedacalāṃ śilāṃ |
athavānena mantreṇa śivasyāsanarūpiṇīṃ || 6 ||
[Analyze grammar]

oṃ namo vyāpini bhagavati sthire'cale dhruve |
hraṃ laṃ hrīṃ svāhā |
tvayā śivājñayā śakte sthātavyamiha santataṃ || 7 ||
[Analyze grammar]

ityuktvā ca samabhyarcya nirudhyādraudramudrayā |
vajrādīni ca ratnāni tathośīrādikauṣadhīḥ || 8 ||
[Analyze grammar]

lohān hemādikāṃsyantān haritālādikāṃstathā |
dhānyaprabhṛtiśastrāṃśca pūrvamuktānanukramāt || 9 ||
[Analyze grammar]

prabhārāgatvadehatvavīryaśaktimayānimān |
bhāvayennekacittastu lokapāleśasaṃvaraiḥ || 10 ||
[Analyze grammar]

pūrvādiṣu ca garteṣu nyasedekaikaśaḥ kramāt |
hemajaṃ tārajaṃ kūrmaṃ vṛṣaṃ vā dvārasammukhaṃ || 11 ||
[Analyze grammar]

sarittaṭamṛdā yuktaṃ parvatāgramṛdāthavā |
prakṣipenmadhyagartādau yadvā meruṃ suvarṇajaṃ || 12 ||
[Analyze grammar]

madhūkākṣatasaṃyuktamañjanena samanvitaṃ |
pṛthivīṃ rājatīṃ yadvā yadvā hemasamudbhavāṃ || 13 ||
[Analyze grammar]

sarvavījasuvarṇābhyāṃ samāyuktāṃ vinikṣipet |
svarṇajaṃ rājataṃ vāpi sarvalohasamudbhavaṃ || 14 ||
[Analyze grammar]

suvarṇaṃ kṛśarāyuktaṃ padmanālaṃ tato nyaset |
devadevasya śaktyādimūrtiparyantamāsanaṃ || 15 ||
[Analyze grammar]

prakalpya pāyasenātha liptvā guggulunāthavā |
śvabhramācchādya vastreṇa tanutreṇāstrarakṣitaṃ || 16 ||
[Analyze grammar]

dikpatibhyo baliṃ datvā samācānto'tha deśikaḥ |
śevena vā śilāśvabhrasaṅgadoṣanivṛttaye || 17 ||
[Analyze grammar]

śastreṇa vā śataṃ samyagjuhuyātpūrṇayā saha |
ekaikāhutidānena santarpya vāstudevatāḥ || 18 ||
[Analyze grammar]

samutthāpya hṛdādevamāsanaṃ maṅgalādibhiḥ |
gururdevāgrato gacchenmūrtipaiśca diśi sthitaiḥ || 19 ||
[Analyze grammar]

caturbhiḥ saha kartavyā devayajñasya pṛṣṭhataḥ |
prāsādādi paribhramya bhadrākhyadvārasammukhaṃ || 20 ||
[Analyze grammar]

liṅgaṃ saṃsthāpya datvārghyaṃ prāsādaṃ sanniveśayet |
dvāreṇa dvārabandhena dvāradeśena tacchilā || 21 ||
[Analyze grammar]

dvārabandhe śikhāśūnye tadardhenātha tadṛte |
varjayan dvārasaṃsparśaṃ dvāreṇaiva maheśvaraṃ || 22 ||
[Analyze grammar]

devagṛhasamārambhe koṇenāpi praveśayet |
ayameva vidhirjñeyo vyaktaliṅge'pi sarvataḥ || 23 ||
[Analyze grammar]

gṛhe praveśanaṃ dvāre lokairapi samīritaṃ |
apadvārapraveśena vidurgotrakṣayaṃ gṛhaṃ || 24 ||
[Analyze grammar]

atha pīṭhe ca saṃsthāpya liṅgaṃ dvārasya sammukhaṃ |
tūryamaṅgalanirgheṣairdūrvākṣatasamanvitaṃ || 25 ||
[Analyze grammar]

samuttiṣṭhaṃ hṛdetyuktvā mahāpāśupataṃ paṭhet |
apanīya ghaṭaṃ śvabhrād deśiko mūrtipaiḥ saha || 26 ||
[Analyze grammar]

mantraṃ sandhārayitvā tu viliptaṃ kuṅkumādibhiḥ |
śaktiśaktimatoraikyaṃ dhyātvā caiva tu rakṣitaṃ || 27 ||
[Analyze grammar]

layāntaṃ mūlamuccārya spṛṣṭvā śvabhre niveśayet |
aṃśena brahmabhāgasya yadvā aṃśadvayena ca || 28 ||
[Analyze grammar]

ardhena vāṣṭamāṃśena sarvasyātha praveśanaṃ |
vidhāya sīsakaṃ nābhidīrghābhiḥ susamāhitaḥ || 29 ||
[Analyze grammar]

śvabhraṃ vālukayāpurya brūyātsthirībhaveti ca |
tato liṅge sthirībhūte dhyātvā sakalarūpiṇaṃ || 30 ||
[Analyze grammar]

mūlamuccārya śaktyantaṃ sṛṣṭyā ca niṣkalaṃ nyaset |
sthāpyamānaṃ yadā liṅgaṃ yāmyāṃ diśamathāśrayet || 31 ||
[Analyze grammar]

tattaddigīśamantreṇa pūrṇāntaṃ dakṣiṇānvitaṃ |
savye sthāne ca vakre ca calite sphuṭitepi vā || 32 ||
[Analyze grammar]

juhuyānmūlamantreṇa bahurūpeṇa vā śataṃ |
kuñcānyeṣvapi doṣeṣu śivaśāntiṃ samāśrayet || 33 ||
[Analyze grammar]

yuktaṃ nyāsādibhirliṅgaṃ kurvannevaṃ na doṣabhāk |
pīṭhabandhamataḥ kṛtvā lakṣaṇasyāṃśalakṣaṇaṃ || 34 ||
[Analyze grammar]

gaurīmantraṃ layaṃ nītvā sṛṣṭyā piṇḍīñca vinyaset |
sampūrya pārśvasaṃsiddhiṃ vālukāvajralepanaṃ || 35 ||
[Analyze grammar]

tato mūrtidharaiḥ sārdhaṃ guruḥ śāntiṃ ghaṭordhvataḥ |
saṃsthāpya kalaśairanyaistadvat pañcāmṛtādibhiḥ || 36 ||
[Analyze grammar]

vilipya candanādyaiśca sampūjya jagadīśvaraṃ |
umāmaheśamantrābhyāṃ tau spṛśelliṅgamudrayā || 37 ||
[Analyze grammar]

tatastritattvavinyāsaṃ ṣaḍarcādipuraḥsaraṃ |
kṛtvā mūrtiṃ tadīśānāmaṅgānāṃ brahmaṇāmatha || 38 ||
[Analyze grammar]

jñānī liṅge kriyāpīṭhe vināsya snāpayettataḥ |
gandhairvilipya sandhūpya vyāpitve śive nyaset || 39 ||
[Analyze grammar]

sragdhūpadīpanaivedyairhṛdayena phalāni ca |
vinivedya yathāśakti samācamya maheśvaraṃ || 40 ||
[Analyze grammar]

datvārghaṃ ca japaṃ kṛtvā nivedya varade kare |
candrārkatārakaṃ yāvanmantreṇa śaivamūrtipaiḥ || 41 ||
[Analyze grammar]

svecchayaiva tvayā nātha sthātavyamiha mandire |
praṇamyeva vahirgatvā hṛdā vā praṇavena vā || 42 ||
[Analyze grammar]

saṃsthāpya vṛṣabhaṃ paścātpūrvavadvalimācaret |
nyūnādidoṣamoṣāya tato mṛtyujitā śataṃ || 43 ||
[Analyze grammar]

śivena saśivo hutvā śāntyarthaṃ pāyasena ca |
jñānājñānakṛtaṃ yacca tatpūraya mahāvibho || 44 ||
[Analyze grammar]

hiraṇyapaśubhūmyādi gītavādyādihetave |
ambikeśāya tadbhaktyā śaktyā sarvaṃ nivedayet || 45 ||
[Analyze grammar]

dānaṃ mahotsavaṃ paścātkuryāddinacatuṣṭayaṃ |
trisandhyaṃ tridinaṃ mantrī homayenmūrtipaiḥ saha || 46 ||
[Analyze grammar]

caturthehani pūrṇāñca carukaṃ bahurūpiṇā |
nivedya sarvakuṇḍeṣu sampātāhutisodhitam || 47 ||
[Analyze grammar]

dinacatuṣṭayaṃ yāvattannirmālyantadūrdhataḥ |
nirmālyāpanayaṃ kṛtvā snāpayitvā tu pūjayet || 48 ||
[Analyze grammar]

pūjā sāmānyaliṅgeṣu kāryā sādhāraṇāṇubhiḥ |
vihāya liṅgacaitanyaṃ kuryātsthāṇuvisarjanaṃ || 49 ||
[Analyze grammar]

asādhāraṇaliṅgeṣu kṣamasveti visarjanaṃ |
āvāhanamabhivyaktirvisargaḥ śaktirūpatā || 50 ||
[Analyze grammar]

pratiṣṭhānte kvacitproktaṃ sthirādyāhutisaptakaṃ |
sthirastathāprameyaścānādibodhastathaiva ca || 51 ||
[Analyze grammar]

nityotha sarvagaścaivāvināśī dṛṣṭa eva ca |
ete guṇā maheśasya sannidhānāya kīrtitāḥ || 52 ||
[Analyze grammar]

oṃ namaḥ śivāya sthiro bhavetyāhutīnāṃ kramaḥ |
evametañca sampādya vidhāya śivakumbhavat || 53 ||
[Analyze grammar]

kumbhadvayañca tanmadhyādekakumbhāmbhasā bhavaṃ |
saṃsnāpya taddvitīyantu kartṛsnānāya dhārayet || 54 ||
[Analyze grammar]

datvā baliṃ samācamya vahirgacchetśivājñayā |
jagatīvāhyataścaṇḍamaiśānyāndiśi mandire || 55 ||
[Analyze grammar]

dhāmagarbhapramāṇe ca supīṭhe kalpitāsane |
pūrvavannyāsahomādi vidhāya dhyānapūrvakaṃ || 56 ||
[Analyze grammar]

saṃsthāpya vidhivattatra brahmāṅgaiḥ pūjayettataḥ |
aṅgāni pūrvayuktāni brahmāṇī tvarcanā yathā || 57 ||
[Analyze grammar]

evaṃ sadyojātāya oṃ hrūṃ phaṭ namaḥ | oṃ viṃ vāmadevāya hrūṃ phaṭnamaḥ | oṃ buṃ aghorāya hrūṃ phaṭnamaḥ | oṃ tatpuruṣāya vaumīśānāya ca hrūṃ phaṭ |
japaṃ vivedya santarpya vijñāpya natipūrvakaṃ |
devaḥ sannihito yāvattāvattvaṃ sannidho bhava || 58 ||
[Analyze grammar]

nyūnādhikañca yatkiñcitkṛtamajñānato mayā |
tavatprasādena caṇḍeśa tatsarvaṃ paripūraya || 59 ||
[Analyze grammar]

vāṇaliṅge vāṇarohe siddhaliṅge svayambhuvi |
pratimāsu ca sarvāsu na caṇḍo'dhikṛto bhavet || 60 ||
[Analyze grammar]

advaitabhāvanāyukte sthaṇḍileśavidhāvapi |
abhyarcya caṇḍaṃ sasutaṃ yajamānaṃ hi bhāryayā || 61 ||
[Analyze grammar]

pūrvasthāpitakumbhe na snāpayetsnāpakaḥ svayaṃ |
sthāpakaṃ yajamānopi sampūjya ca maheśavat || 62 ||
[Analyze grammar]

vittaśāṭhyaṃ vinā dadyādbhūhiraṇyādi dakṣiṇāṃ |
mūrtimān vidhivatpaścātjāpakān brāhmaṇāṃstathā || 63 ||
[Analyze grammar]

devajñaṃ śilpinaṃ prārcya dīnānāthādi bhojayet |
yadatra sammukhībhāve svedito bhagavanmayā || 64 ||
[Analyze grammar]

kṣamasva nātha tatsarvaṃ kāruṇyāmbunidhaṃ mama |
iti vijñaptiyuktāya yajamānāya sadguruḥ || 65 ||
[Analyze grammar]

pratiṣṭhāpuṇyasadbhāvaṃ sphurattārakasaprabhaṃ |
kuśapuṣpākṣatopetaṃ svakareṇa samarpayet || 66 ||
[Analyze grammar]

tataḥ pāśapatopetaṃ praṇamya parameśvaraṃ |
tato'pi balibhirbhūtān sannidhāya nibodhayet || 67 ||
[Analyze grammar]

sthātavyaṃ bhavatā tāvadyāvatsannihito haraḥ |
gururvastrādisaṃyuktaṃ gṛhṇīyādyāgamaṇḍapaṃ || 68 ||
[Analyze grammar]

sarvopakaraṇaṃ śilpī tathā snāpanamaṇḍapaṃ |
anye devādayaḥ sthāpyā mantrairāgamasambhavaiḥ || 69 ||
[Analyze grammar]

ādivarṇasya bhedādvā sutattvavyāptibhāvitāḥ |
sādhya pramukhadevāśca saridoṣadhayastathā || 70 ||
[Analyze grammar]

kṣetrapāḥ kinnarādyāśca pṛthivītattvamāśritāḥ |
snānaṃ sarasvatīlakṣmīnadīnāmambhasi kvacit || 71 ||
[Analyze grammar]

bhuvanādhipatīnāñca sthānaṃ yatra vyavasthitiḥ |
aṇḍavṛddhipradhānāntaṃ tritattvaṃ brahmaṇaḥ padaṃ || 72 ||
[Analyze grammar]

tanmātrādipradhānāntaṃ padametattrikaṃ hareḥ |
nāṭyeśagaṇamātṝṇāṃ yakṣeśaśarajanmanāṃ || 73 ||
[Analyze grammar]

aṇḍajāḥ śuddhavidyāntaṃ padaṃ gaṇapatestathā |
māyāṃśadeśaśaktyanataṃ śivā śivoptarociṣāṃ || 74 ||
[Analyze grammar]

padamīśvaraparyantaṃ vyaktārcāsu ca kīrtitaṃ |
kūrmādyaṃ kīrtitaṃ yacca yacca ratnādipañcakaṃ || 75 ||
[Analyze grammar]

pratikṣipetpīṭhagarte ca pañcabrahmaśilāṃ vinā |
ṣaḍbhirvibhājite garte tyaktvā bhāvañca pṛṣṭhataḥ || 76 ||
[Analyze grammar]

sthāpanaṃ pañcamāṃśe ca yadi vā vasubhājite |
sthāpanaṃ saptame bhāge pratimāsu sukhāvahaṃ || 77 ||
[Analyze grammar]

dhāraṇābhirviśuddhiḥ syātsthāpane lepacitrayoḥ |
snānādi mānasantatra śilāratnādiveśanaṃ || 78 ||
[Analyze grammar]

netrodghāṭanamantreṣṭamāsanādiprakalpanaṃ |
pūjā nirambubhiḥ puṣpairyathā citraṃ na duṣyati || 79 ||
[Analyze grammar]

vidhistu calaliṅgeṣu sampratyeva nigadyate |
pañcabhirvā tribhirvāpi pṛthakkuryād vibhājite || 80 ||
[Analyze grammar]

bhagatrayeṇa bhāgāṃśo bhavedbhāgadvayena vā |
svapīṭheṣvapi tadvatsyālliṅgeṣu tattvabhedataḥ || 81 ||
[Analyze grammar]

sṛṣṭimantreṇa saṃskāro vidhivatsphāṭikādiṣu |
kiñca brahmaśilāratnaprabhūteścānivedanaṃ || 82 ||
[Analyze grammar]

yojanaṃ piṇḍikāyāśca manasā parikalpayet |
svayambhūvāṇaliṅgādau saṃskṛtau niyamo na hi || 83 ||
[Analyze grammar]

snāpanaṃ saṃhitāmantrairnyāsaṃ homañca kārayet |
nadīsamudrarohāṇāṃ sthāpanaṃ pūrvavanmataṃ || 84 ||
[Analyze grammar]

aihikaṃ mṛṇmayaṃ liṅgaṃ piṣṭakādi ca takṣaṇāt |
kṛtvā sampūjayecchuddhaṃ sīkṣaṇādividhānataḥ || 85 ||
[Analyze grammar]

samādāya tato mantrānātmānaṃ sannidhāya ca |
tajjale prakṣipelliṅgaṃ vatsarātkāmadaṃ bhavet || 86 ||
[Analyze grammar]