Chapter 95

[English text for this chapter is available]

īśvara uvāca |
vakṣye liṅgapratiṣṭhāṃ ca prāsāde bhuktimuktidāṃ |
tāñcaret sarvadā muktau bhuktau devadine sati || 1 ||
[Analyze grammar]

vinā caitreṇa māghādau pratiṣṭhā māsapañcake |
guruśukrodaye kāryyā prathame karaṇatraye || 2 ||
[Analyze grammar]

śuklapakṣe viśeṣeṇa kṛṣṇe vā pañcamandinaṃ |
caturthī navamīṃ ṣaṣṭhīṃ varjayitvā caturdaśīṃ || 3 ||
[Analyze grammar]

śobhanāstithayaḥ śaṣāḥ krūravāravivarjitāḥ |
śatabhiṣā dhaniṣṭhādrdrā anurādhottaratrayaṃ || 4 ||
[Analyze grammar]

rohiṇī śravaṇaśceti sthirārambhe mahodayāḥ |
lagnañca kumbhasihālitulāstrīvṛṣadhanvināṃ || 5 ||
[Analyze grammar]

śasto jīvo navarkṣeṣu saptasthāneṣu sarvadā |
budhaḥ ṣaḍaṣṭadiksaptaturyeṣu vinartuṃ śitaḥ || 6 ||
[Analyze grammar]

saptarttu tridaśādisthaḥ śaśāṅko baladaḥ sadā |
savirdaśatriṣaṭsaṃstho rāhustridaśaṣaṅgataḥ || 7 ||
[Analyze grammar]

ṣaṭtristhānagatāḥ śastā mandāṅgārārkaketavaḥ |
śubhāḥ krūrāśca pāpāśca sarva ekādaśasthitāḥ || 8 ||
[Analyze grammar]

eṣāṃ dṛṣṭirmunau pūrṇā tvārddhikī grahabhūtayoḥ |
pādikī rāmadiksthāne caturaṣṭau pādavarjitāḥ || 9 ||
[Analyze grammar]

pādānyūnacaturnāḍī bhogaḥ syānmīnameṣayoḥ |
vṛṣakumbhau ca bhuñjāte catasraḥ pādavarjitāḥ || 10 ||
[Analyze grammar]

makaro mithunaṃ pañca cāpāliharikarkkaṭāḥ |
pādonāḥ ṣaṭtulākanye ghaṭikāḥ sārddhapañca ca || 11 ||
[Analyze grammar]

keśarīvṛṣabhaḥ kumbha sthirāḥ syuḥ siddhidāyakāḥ |
carā dhanustulāmeṣā dviḥ svabhāvāstutṛtīyakāḥ || 12 ||
[Analyze grammar]

śubhaḥ śubhagrahairdṛṣṭaḥ śasto lagnaḥ śubhāśritaḥ |
guruśukrabudhairyukto lagno dadyādbalāyuṣī || 13 ||
[Analyze grammar]

rājyaṃ śauryyaṃ balaṃ putrān yaśodharmmādikaṃ bahu |
prathamaḥ saptamasturyyo daśamaḥ kendra ucyate || 14 ||
[Analyze grammar]

guruśukrabudhāstatra sarvasiddhipradāyakāḥ |
trayekādaśacaturthasthā lagnāt pāpagrahāḥ śubhāḥ || 15 ||
[Analyze grammar]

atopyanīcakarmārthaṃ yojyāstithyādayo budhaiḥ |
dhāmnaḥ pañcaguṇāṃ bhūmiṃ tyaktvā vā dhānasammitāṃ || 16 ||
[Analyze grammar]

hastād dvādaśasopānāt kuryyānmaṇḍapamagrataḥ |
caturasraṃ caturdvāraṃ snānārthantu tadarddhataḥ || 17 ||
[Analyze grammar]

ekāsyaṃ caturāsyaṃ vā raudryāṃ prācyuttarethavā |
hāstiko daśahasto vai maṇḍaporkakaro'thavā || 18 ||
[Analyze grammar]

dvihastottarayā vṛddhyā śeṣa syānmaṇḍapāṣṭakaṃ |
vedī catuṣkarā madhye koṇastambhena saṃyutā || 19 ||
[Analyze grammar]

vedīpādāntaraṃ tyaktvā kuṇḍāni nava pañca vā |
ekaṃ vā śivakāṣṭhāyāṃ prācyāṃ vā tadguroḥ paraṃ || 20 ||
[Analyze grammar]

muṣṭimātraṃ śatārddhe syācchate cāratnimātrakaṃ |
hastaṃ sahasrahome syānniyute tu dvihāstikaṃ || 21 ||
[Analyze grammar]

lakṣe catuṣkaraṃ kuṇḍaṃkoṭihome'ṣṭahastakaṃ |
bhagābhamagnau khaṇḍendu dakṣe tryasrañca nairṛte || 22 ||
[Analyze grammar]

ṣaḍasraṃ vāyave padma saumye cāṣṭāsrakaṃ śive |
tiryyakpātaśivaṃ khātamūdrdhvaṃ mekhalayā saha || 23 ||
[Analyze grammar]

tadvahirmmekhalāstisro vedavahniyamāṅgulai |
aṅgulaiḥ ṣaḍbhirekā vā kuṇḍākārāstu mekhalāḥ || 24 ||
[Analyze grammar]

tāsāmupari yoniḥ syānmadhye'śvatthadalākṛtiḥ |
ucchrāyeṇāṅgulaṃ tasmādivistāreṇāṅgulāṣṭakaṃ || 25 ||
[Analyze grammar]

dairghyaṃ kuṇḍārddhamānena kuṇḍakaṇṭhasamo'dharaḥ |
pūrvāgniyāmyakuṇḍānāṃ yoniḥ syāduttarānanā || 26 ||
[Analyze grammar]

pūrvānanā tu śeṣāṇāmaiśānye'nyatarā tayoḥ |
kuṇḍānāṃ yaścaturviṃśo bāgaḥ soṅgula ityataḥ || 27 ||
[Analyze grammar]

plakṣodumbarakāśvatthavaṭajāstoraṇāḥ kramāt |
śāntibhūtibalārogyapūrvādyā nāmataḥ kramāt || 28 ||
[Analyze grammar]

pañcaṣaṭsaptahastāni hastakātasthitāni ca |
tadarddhavistarāṇi syuryutānyāmradalādibhiḥ || 29 ||
[Analyze grammar]

indrāyudhopamā raktā kṛṣṇā dhūmrā śaśiprabhā |
śuklābhā hemavarṇā ca patākā sphāṭikopamā || 30 ||
[Analyze grammar]

pūrvāditobjaje raktā nīlā'nntasya nairṛte |
pañcahastāstadarddhāñca dhvajā dīrghāśca vistarāḥ || 31 ||
[Analyze grammar]

hastapradeśitā daṇḍā dhvajānāṃ pañcahastakāḥ |
valmīkāddantidantāgrāttathā vṛṣabhaśrṛṅgataḥ || 32 ||
[Analyze grammar]

padmaṣaṇḍādvarāhācca goṣṭhādapi catuṣpathāt |
mṛttikā dvādaśa grāhya vaikuṇṭheṣṭau pinākini || 33 ||
[Analyze grammar]

nyagrodhodumbarāśvatthacūtajamvutvagudbhavaṃ |
kaṣāyapañcakaṃ grāhyamārttavañca phalāṣṭakaṃ || 34 ||
[Analyze grammar]

tīrthāmbhāṃsi sugandhīni tathā sarvauṣadhījalaṃ |
śastaṃ puṣpaphalaṃ vakṣye ratnagośrṛṅgavāri ca || 35 ||
[Analyze grammar]

snānāyāpāharet pañca pañcagavyāmṛtaṃ tathā |
piṣṭanirmitavastrādidravyaṃ nirmmajjanāya ca || 36 ||
[Analyze grammar]

sahasraśuṣiraṃ kumbhaṃ maṇḍalāya ca rocanā |
śatamoṣadhimūlānāṃ vijayā lakṣmaṇā balā || 37 ||
[Analyze grammar]

guḍūcyatibalā pāṭhā sahadevā śatāvarī |
ṛddhi suvarcasā vṛddhiḥ snāne proktā pṛthak pṛthaka || 38 ||
[Analyze grammar]

rakṣāyai tiladarbhaugho bhasmasnānantu kevalaṃ |
yavagodhūmavilvānāṃ curṇāni ca vicakṣaṇaḥ || 39 ||
[Analyze grammar]

vilepanaṃ sakarppūraṃ snānārthaṃ kumbhagaṇḍakān |
khaṭvāñca tulikāyugmaṃ sopadhānaṃ sava strakāṃ || 40 ||
[Analyze grammar]

kuryyādvittānusāreṇa śayane lakṣyakalpane |
ghṛtakṣaudrayutaṃ pātraṃ kuryyāt svarṇaśalākikāṃ || 41 ||
[Analyze grammar]

varddhanīṃ śivakumbhañca lokapālaghaṭānapi |
ekaṃ nidrākṛte kumbhaṃ śāntyarthaṃ kuṇḍasaṅkhyayā || 42 ||
[Analyze grammar]

dvārapālādidharmmādi praśāntādighaṭānapi |
vāstulakṣmīgaṇeśānāṃ kalaśānaparānapi || 43 ||
[Analyze grammar]

dhānyapuñjakṛtādhārān savastrān sragvibhūṣitān |
sahiraṇyān samālabdhān gandhapānīyapūritān || 44 ||
[Analyze grammar]

pūrṇapātraphalādhārān pallavādyān salakṣaṇān |
vastrairācchādayet kumbhānāharedgaurasarṣapān || 45 ||
[Analyze grammar]

vikirārthantathā lājān jñānakhaḍgañca pūrvavat |
sāpidhānāṃ carusthālīṃ darvvī ca tāmranirmmitāṃ || 46 ||
[Analyze grammar]

ghṛtakṣaudrānvitaṃ pātraṃ pādābhyaṅgakṛte tathā |
viṣṭarāṃstriśatādarbhadalairbāhupramāṇakān || 47 ||
[Analyze grammar]

caturaścaturastadvat pālāśān paridhīnapi |
tilapātraṃ haviḥ pātramardhapātraṃ pavitrakaṃ || 48 ||
[Analyze grammar]

palaviṃśāṣṭamānāni ghaṭo dhūpapradānakaṃ |
śrukśruvau piṭakaṃ pīṭhaṃ vyajanaṃ śuṣkamindhanaṃ || 49 ||
[Analyze grammar]

puṣpaṃ patraṃ guggulañca ghṛtairddīpāṃśca dhūpakaṃ |
akṣatāni trisūtrīñca gavyamājyaṃ yavāṃstilān || 50 ||
[Analyze grammar]

kuśāḥ śānatyai trimadhuraṃ samidho daśaparvikāḥ |
bāhumātraṃ śruvaṃ hastam arkādigrahaśāntye || 51 ||
[Analyze grammar]

samidho'rkapalāśotthāḥ khādirāmārgapippalāḥ |
udumbaraśamīdūrvākuśotthāḥ śatamaṣṭa ca || 52 ||
[Analyze grammar]

tadabhāve yavatilā gṛhopakaraṇaṃ tathā |
sthālīdarvīpidhānādi devādibhyoṃ'śukadvayaṃ || 53 ||
[Analyze grammar]

mudrāmukṛṭavāsāṃsi hārakuṇḍalakaṅkaṇān |
kuryyādācāryapūjārthaṃ vittaśāṭhyaṃ vivarjayet || 54 ||
[Analyze grammar]

tatpādapādahīnā ca mūttibhṛdastrajāpināṃ |
pūjā syājjāpibhistulyā vipradaivajñaśilpināṃ || 55 ||
[Analyze grammar]

vajrārkaśāntau nīlātinālmuktāphalāni ca |
puṣpapadmādiśagañca vaidūryyaṃ ratnamaṣṭamaṃ || 56 ||
[Analyze grammar]

uṣīramādhavakrāntāraktacandanakāguruṃ |
śrīkhaṇḍaṃ sārikaṅkuṣṭhaṃ śaṅkhinī hyoṣadhīgaṇaḥ || 57 ||
[Analyze grammar]

hematāmramayaṃ raktaṃ rājatañca sakāṃsyakaṃ |
śīsakañceti lohāni haritālaṃ manaḥ śilā || 58 ||
[Analyze grammar]

gairikaṃ hemamākṣīkaṃ pārado vahnigairikaṃ |
gandhakābhrakamityaṣṭau dhātavo brīhayastathā || 59 ||
[Analyze grammar]

godhūmān satilānmāṣānmudgānapyāharedyavān |
nīvārān śyāmakānevaṃ vrīhayo'pyaṣṭa kīrttitāḥ || 60 ||
[Analyze grammar]