Chapter LI

śrīvasiṣṭha uvāca |
tataḥprabhṛti tatrāsau prasiddhastāpasāśrame |
kadambadāśūra iti śūrastapasi dāruṇe || 1 ||
[Analyze grammar]

tasmiṃllatādale sthitvā vilokya kakubhaḥ kṣaṇāt |
dṛḍhapadmāsanaṃ baddhvā digbhyaḥ pratyāhṛtātmanā || 2 ||
[Analyze grammar]

ajñātaparamārthena kriyāmātre ca tiṣṭhatā |
phalakārpaṇyayuktena manasā so'karonmakham || 3 ||
[Analyze grammar]

nabhogatalatāpatrasaṃsthitenāntarātmanā |
sarvāḥ svamanasā tena kṛtā yajñakriyāḥ kramāt || 4 ||
[Analyze grammar]

tatrāsau daśa varṣāṇi manasaivāyajatsurān |
gavāśvanaramedhādyairyajñairvipuladakṣiṇaiḥ || 5 ||
[Analyze grammar]

kālenāmalatāṃ yāte vitate tasya cetasi |
balādavatatārāntarjñānamātmaprasādajam || 6 ||
[Analyze grammar]

tato viśīrṇāvaraṇo vigaladvāsanāmalaḥ |
sa dadarśaikadā tasyāṃ latāyāmagrataḥ sthitām || 7 ||
[Analyze grammar]

vanadevīṃ viśālākṣīmālokakusumāmbarām |
kāminīṃ kāntavadanāṃ madaghūrṇitalocanām || 8 ||
[Analyze grammar]

nīlotpalāmodavatīmatīva sumanoharām |
tāmuvācānavadyāṅgīṃ sa munirvinatānanām || 9 ||
[Analyze grammar]

kokilākusumāpūranatāṃ vanalatāmiva |
kā tvamutpalapatrākṣi kāntivikṣobhitasmarā || 10 ||
[Analyze grammar]

vayasyāmiva puṣpāḍhyāṃ latāṃ kimiva tiṣṭhasi |
ityukte mṛgaśāvākṣī gaurapīnapayodharā || 11 ||
[Analyze grammar]

munimāha manohāri mugdhākṣaramidaṃ vacaḥ |
yāni yāni durāpāni vāñchitāni mahītale || 12 ||
[Analyze grammar]

prāpyante tāni tānyāśu mahatāmeva yācñayā |
ahamasmiṃllatākīrṇe tvatkadambābhyalaṃkṛte || 13 ||
[Analyze grammar]

latālīlālayā brahmanvipine vanadevatā |
yaścaitrasitapakṣasya trayodaśyāṃ smarotsave || 14 ||
[Analyze grammar]

babhūva vanadevīnāṃ samājo nandane vane |
tatrāhamagamaṃ nātha trailokyalalanāsadaḥ || 15 ||
[Analyze grammar]

tatra dṛṣṭā mayā sarvā vayasyā madanotsave |
aputrayā putrayutāstenāhaṃ duḥkhitā bhṛśam || 16 ||
[Analyze grammar]

tvayi sarvārthasārthasya bṛhatkalpatarau sthite |
anātheva kathaṃ nātha kila śocāmyaputrikā || 17 ||
[Analyze grammar]

dehi me bhagavanputra no ceddehamihāgnaye |
prakaromyāhutiṃ putra duḥkhadāhopaśāntaye || 18 ||
[Analyze grammar]

tāmityuktavatīṃ tanvīṃ vihasya munipuṅgavaḥ |
āha hastagataṃ puṣpaṃ tasyai dattvā dayānvitaḥ || 19 ||
[Analyze grammar]

gaccha tanvaṅgi māsena pūjārhamalilocanam |
prasoṣyase sutaṃ kāntaṃ prasūnamiva sallatā || 20 ||
[Analyze grammar]

kiṃtvasau maraṇāveśayāyinyā nastvayā sutaḥ |
yācitaḥ kṛcchraṃ saṃprāpya jñātā tena bhaviṣyati || 21 ||
[Analyze grammar]

ityuktvā sa munistanvīṃ prasannamukhamaṇḍalām |
paricaryāṃ karomīti prārthanotkāṃ vyasarjayat || 22 ||
[Analyze grammar]

sā jagāmātmasadanaṃ so'tiṣṭhatsvātmanā saha |
avahatkramaśaḥ kāla ṛtusaṃvatsarāṅkitaḥ || 23 ||
[Analyze grammar]

atha dīrgheṇa kālena saivotpalavilocanā |
dvādaśābdamupādāya sutaṃ munimupāyayau || 24 ||
[Analyze grammar]

sā praṇamyopaviśyāgre munimindusamānanam |
uvāca kalayā vācā cūtadrumabhivālinī || 25 ||
[Analyze grammar]

ayaṃ sa bhagavanbhavyaḥ kumāraḥ putra āvayoḥ |
kṛto mayā samagrāṇāṃ kalānāṃ kila kovidaḥ || 23 ||
[Analyze grammar]

prabho kevalametena jñānaṃ nādhigataṃ śubham |
yena saṃsāracakre'sminna punaḥ paripīḍyate || 27 ||
[Analyze grammar]

jñānaṃ tvamevāsya vibho kṛpayopadiśādhunā |
ko hi nāma kule jātaṃ putraṃ maurkhyeṇa yojayet || 28 ||
[Analyze grammar]

evaṃ vadantīṃ sa muniḥ sacchiṣyamabale sutam |
ihaiva sthāpayainaṃ tvamityuktvā tāṃ vyasarjayat || 29 ||
[Analyze grammar]

tasyāṃ gatāyāṃ sa piturantevāsitayā tayā |
atiṣṭhatsaṃyato dhīmānarkasyevāruṇaḥ puraḥ || 30 ||
[Analyze grammar]

kadarthaḥ prāpya vijñānaṃ tataścitrābhiruktibhiḥ |
cirakālamasau tatra muniḥ putramabodhayat || 31 ||
[Analyze grammar]

ākhyāyikākhyānaśatairdṛṣṭāntairdṛṣṭikalpitaiḥ |
tathetihāsavṛttāntairvedavedāntaniścayaiḥ || 32 ||
[Analyze grammar]

anudvegitayā nityaṃ vistareṇa kathākramaiḥ |
anubhūtimupārūḍhai rūḍhimeti yathā mayi || 33 ||
[Analyze grammar]

anubhavavaśato rasātiriktairalamucitārthavacogaṇairmahātmā |
jalada iva śikhaṇḍinaṃ puraḥsthaṃ tanayamabodhayadambare maharṣiḥ || 34 ||
[Analyze grammar]