Chapter 20

viṃśo'dhyāyaḥ |
viṣvaksenaḥ |
śruṇu nārada tattvena sādhakānāṃ hitāya vai |
pūjābhedaṃ pravakṣyāmi paramātmādimūrtiṣu || 1 ||
[Analyze grammar]

pūte manorame deśe vane puṇyatame'pi vā |
tīrthe vā kṣetravarye vā grāme vā nagare'pi vā || 2 ||
[Analyze grammar]

kharvaṭe kheṭake vāpi pattane vā taṭe taṭe |
mahāgrāme viśeṣeṇa paścime madhyame'pi vā || 3 ||
[Analyze grammar]

kārayenmandiraṃ samyak saumyaṃ sumanasāṃ prabhoḥ |
viṣṇoḥ pūrvoktamārgeṇa kalpayedbahuberakam || 4 ||
[Analyze grammar]

lakṣaṇaṃ pūrvamuktena tatra yadyekaberakam |
rāmatrayādikānāṃ tu kalyayedbahuberakam || 5 ||
[Analyze grammar]

ātmārthaberamekaṃ vā svatantraparatantrayoḥ |
pūjābhedaḥ suramune kiñci dasti taducyate || 6 ||
[Analyze grammar]

āvāhanaṃ visargaṃ ca svatantre triṣu sandhiṣu |
agnikāryaṃ baliṃ caiva paratantreṣu tairvinā || 7 ||
[Analyze grammar]

ātmarthe phalakāyāṃ vā paṭe vālikhya yatnataḥ |
pūrvoktalakṣaṇopetaṃ pratiṣṭhāyāḥ krameṇa ca || 8 ||
[Analyze grammar]

saṃprokṣya navaratnānvā āvāhyabhyarcayeta vā |
sthaṇḍile pratimāyāṃ vā lauhyāmicchānurūpataḥ || 9 ||
[Analyze grammar]

indranīlaṃ maratakaṃ sphaṭikaṃ vajrameva ca |
padmarāgaṃ pravālaṃ ca vaiḍūryaṃ muktameva ca || 10 ||
[Analyze grammar]

māṇikkamiti ratnāni nava teṣāṃ yathākramam |
kālaṃ vakṣye tathārcāyāḥ prātarmadhyāhna eva ca || 11 ||
[Analyze grammar]

sāyāhnaśca pradoṣaścāpyardharātramuṣastathā |
iti ṣaṭkaṃ parārthe tu pūjāyāmuttamaṃ smṛtam || 12 ||
[Analyze grammar]

madhyamārādhane sāyamuṣaśca parivarjayet |
adhame cārdharātraṃ ca sāyāhnaṃ ca vivarjayet || 13 ||
[Analyze grammar]

prātarmadhyapradoṣeṣu balibhramaṇamācaret |
nānyeṣūttamapūjāyāmapi vā madhyamārcane || 14 ||
[Analyze grammar]

balihīne tu kāle tu pūjābhedamatho śrṛṇu |
āhvānamarghyapādyaṃ ca ācāmaṃ gandhapuṣpakam || 15 ||
[Analyze grammar]

dhūpo dīpo nivedyaṃ ca mukhavāsavisarjane |
iti karmottamādīnāṃ nāḍīkālaḥ pravakṣyate || 16 ||
[Analyze grammar]

prathamā saptanāḍī syāt madhyamā pañcanāḍikā |
kanīyasī trināḍī syāt iti śāstrasya niścayaḥ || 17 ||
[Analyze grammar]

divākarodayāt pūrvamācāryaḥ snānamācaret |
arkodaye muniśreṣṭha pūjākarma samācaret || 18 ||
[Analyze grammar]

snānapūrvāḥ kriyāḥsarvāḥ phalasaṃsiddhihetavaḥ |
atastān prathamaṃ vakṣye sādhakānāṃ hitāya vai || 19 ||
[Analyze grammar]

samudragāminyo vāpi hrade nadyāṃ jalādiṣu |
taṭāke nirjhare vāpi snānaṃ kurvīta sādhakaḥ || 20 ||
[Analyze grammar]

brāhme muhūrte cotthāya dharmamokṣārthacintakaḥ |
prāgudagdiśamāsādya sādhakaḥ snānamācaret || 21 ||
[Analyze grammar]

prācyuttare nīrarāśau snānaṃ kuryādvicakṣaṇaḥ |
vāyavye nairṛtāgneyyāṃ varuṇāyāṃ visarjayet || 22 ||
[Analyze grammar]

varjite deśanīre tu yo mohāt snānamācaret |
tat snānaṃ niṣphalaṃ yāti punaḥsnānaṃ samācaret || 23 ||
[Analyze grammar]

prātarutthāya mūrtīnāṃ yāṃ mūrtiṃ svayamarcati |
tanmūrtyarcanamantreṇa sādhakaḥ snānamācaret || 24 ||
[Analyze grammar]

viṣṇumantreṇa vā sāṅgamathavā mūlavidyayā |
avagāhya jale madhye trirācamya ca mantrataḥ || 25 ||
[Analyze grammar]

visṛjyārdrāmbaraṃ cānyat vastrayugmena veṣṭayet |
sapavitrakareṇaiva mantrācamanamācaret || 26 ||
[Analyze grammar]

suvārṇādyaṅgulīyaivā dhārayeddakṣiṇe bhuje |
āpohiṣṭheti mantreṇa prokṣayet svaśiropari || 27 ||
[Analyze grammar]

tarpayet svasvamantreṇa snānakarma samācaret |
aśaktaḥ punarācamya proktāṃ vidyāmanusmaran || 28 ||
[Analyze grammar]

saṃprokṣya snānakāryāṇi kṛtvā kāryaṃ viśedbudhaḥ |
praviśya kṛtasacchaucaḥ pūjāmantreṇa mantravit || 29 ||
[Analyze grammar]

kavāṭodghāṭanaṃ kṛtvā mantreṇādyena vā mune |
vāyumantreṇa vā dvāraṃ kavāṭoddhāṭanaṃ kramāt || 30 ||
[Analyze grammar]

taddvāraṃ tu dvidhā kṛtvā sādhako mantravittamaḥ |
sūtrasyottarapārśve tu pratiśeddakṣiṇāṅghriṇā || 31 ||
[Analyze grammar]

praṇamya sādhako mantraṃ ṣaḍakṣaramanusmaran |
nityadīpaṃ tato jvālya viṣṇumantreṇa mantravit || 32 ||
[Analyze grammar]

sūtrasya dakṣiṇe pārśve uttarābhimukhaḥ svayam |
same śucau pradeśe tu kṛṣṇājinakuśāstare || 33 ||
[Analyze grammar]

phalake vā samāsīnaḥ svasthāntaḥkaraṇaḥśuciḥ |
padmaṃ vā svastikaṃ vāpi baddhvā svecchānurūpataḥ || 34 ||
[Analyze grammar]

tena mantreṇa digbandhamaṣṭadikṣu niveśayet |
rakṣārthaṃ yāgadeśaṃ taditi tattvārthadarśinaḥ || 35 ||
[Analyze grammar]

evaṃ kṛtvā tu digbandhaṃ prāṇāyāmamathārabhet |
savyāhṛtiṃ sapraṇavāṃ gāyatrīṃ śirasā saha || 36 ||
[Analyze grammar]

prāṇānāyamya yastisraḥ prāṇāyāmottamaḥ smṛtaḥ |
pañcaviṃśatikṛtvāntaḥ prāṇānāyamya mānasaḥ || 37 ||
[Analyze grammar]

abhyāso'ṣṭākṣarasyaikaḥ prāṇāyāmaḥ sa madhyamaḥ |
prāṇo vāyuḥ śarīrasthaḥ tasyāyāmo nirodhakaḥ || 38 ||
[Analyze grammar]

pūrakaṃ kumbhakaṃ caiva recakaṃ trividha smṛtam |
jānuṃ pradakṣiṇīkṛtya na drutaṃ na vilambitam || 39 ||
[Analyze grammar]

kriyate cāṅgulisphoṭaḥ sā mātrā parikīrtitaḥ |
tathā dvādaśamātrābhiḥ pūrakaṃ kriyate kramāt || 40 ||
[Analyze grammar]

tasmāddviguṇamātrābhiḥ kumbhakaṃ kriyate budhaiḥ |
tathaiva recakaṃ kṛtvā budhāstattvārthadarśinaḥ || 41 ||
[Analyze grammar]

prāṇāyāmamidaṃ proktamadhamaṃ mutisattama |
tripradhāne vidhāne'tra yathāsaṃbhavamācaret || 42 ||
[Analyze grammar]

prāṇāyāmatrayaṃ kṛtvā pañca vā sapta vāthavā |
prāṇāyāmaṃ prakurvīta prāṇāyāmavidāṃ vara || 43 ||
[Analyze grammar]

tatastu kāyaśuddhyarthaṃ varṇaṃ dhūmrādi vinyaset |
śabdaḥsparśaśca rūpaṃ ca raso gandhaśca pañcamaḥ || 44 ||
[Analyze grammar]

ahaṅkāramano buddhiyuktamātmānamānayet |
sadāviṣṇau tu saṃyojya dhātudehaṃ suśodhayet || 45 ||
[Analyze grammar]

yadbījaṃ nābhimadhyasthaṃ dhūmraṃ caṇḍānilātmakam |
viśoṣayedaśeṣaṃ tu dhyāyeddehasthakalmaṣam || 46 ||
[Analyze grammar]

kṣaumaṃ hṛtpadmamadhyasthaṃ bījaṃ tejomayaṃ smaret |
athordhvatiryagābhiśca jvālābhiḥ kalmaṣaṃ dahet || 47 ||
[Analyze grammar]

śaśāṅkākṛtivaddhāyannambarasthaṃ sudhāmbudhim |
hṛtpadmavyāpibhirdehaṃ svakarma bhrāmayet sudhīḥ || 48 ||
[Analyze grammar]

suṣumnā yogamārgeṇa sarvanāḍīvisarpibhiḥ |
paścācchabdādiviṣayān yojayenmūrdhnimadhyame || 49 ||
[Analyze grammar]

evaṃ cāmṛtarūpaṃ tu mayā proktaṃ tu nārada |
yadbījaṃ tu nyasennābhau anāmikyā tu nārada || 50 ||
[Analyze grammar]

aṅguṣṭhānāmikābhyāṃ tu kṣaumabījaṃ hṛdi nyaset |
sarvāsāmaṅgulīnāṃ tu mūrdhnīmaṃ bījamuttamam || 51 ||
[Analyze grammar]

yakārādi vakārāntaṃ dhūmramavyāruṇāsitam |
evaṃ saṃśodhya dehaṃ tu ūrdhvapuṇḍraṃ samācaret || 52 ||
[Analyze grammar]

ūrdhvapuṇḍravidhiṃ vakṣye śrṛṇu nārada tattvataḥ |
sarvāghanāśanaṃ puṇyaṃ sarvatīrthaphalapradam || 53 ||
[Analyze grammar]

svamūrtyarcanamantreṇa lalāṭādi kakutparam |
candanaṃ śvetamṛd bilvatulasīmūlatoyakaiḥ || 54 ||
[Analyze grammar]

ūrdhvapuṇḍraṃ likhedvidvānanāmikyā tu sādhakaḥ |
dvādaśa dvādaśairmāsairnāmabhirvā viśuddhaye || 55 ||
[Analyze grammar]

evaṃ pūto bhavedūrdhvapuṇḍrāṇāṃ dhāraṇānmune |
sṛṣṭisthityādivaśato hastāṅganyāsayordvayoḥ || 56 ||
[Analyze grammar]

vinābhya rcā phalavatī mūrtimantraprabhāvataḥ |
ārādhanakramaṃ vakṣye dvārapūjādi nārada || 57 ||
[Analyze grammar]

sādhakaḥsiddhasarvāṅgaḥ subhago rogavarjitaḥ |
kuṣṭhāpasmārarahito dvārapūjāṃ samācaret || 58 ||
[Analyze grammar]

caṇḍapracaṇḍagaruḍāḥ caturthyantaṃ namo'ntakam |
dakṣiṇottarapūrve tu dvāre ca praṇavaiḥ saha || 59 ||
[Analyze grammar]

caṇḍādhare tu cakraṃ syāt pracaṇḍasyādhare'mbujam |
gandhapuppādibhirdvārapūjāmevaṃ samācaret || 60 ||
[Analyze grammar]

athavā dvārapūjāyāḥ kramaṃ śrṛṇu mahāmune |
caṇḍādīn pūrvavat pūjya cakrādirahitena tu || 61 ||
[Analyze grammar]

dhātāraṃ pūjayedvāme vidhātāraṃ tu dakṣiṇe |
sūtrasya dakṣiṇe sthitvā ācāryo mantravitamaḥ || 62 ||
[Analyze grammar]

adhobhāge tu bhūmiḥ syāduparyaṅgaṃ pūjayecchriyam |
durgā gaṇapatī caiva kavāṭasthau prapūjayet || 63 ||
[Analyze grammar]

śaṅgapadmanidhī caiva śākhayormūladeśataḥ |
gaṅgāṃ ca yamunāṃ caiva kavāṭādhārake nyaset || 64 ||
[Analyze grammar]

utkarṣaṇīṃ karṣaṇīṃ ca antaryantre hyadhopari |
gandhapuṣpākṣatairdhūpaiḥ dīpādyairdvāramarcayet || 65 ||
[Analyze grammar]

atha caṇḍaṃ pracaṇḍaṃ ca garuḍāntaṃ samarcayet |
praṇavādi snanāmnā ca mantramityabhidhīyate || 66 ||
[Analyze grammar]

pūrvavat pūjayeddvāradevāṃstantravicakṣaṇaḥ |
triprakāraṃ mayā proktaṃ yathāyogaṃ samācaret || 67 ||
[Analyze grammar]

praṇavādisvanāmnā ca pūjayediha nārada |
evaṃ saṃkṣepataḥ proktaḥ dvārapūjāvidhikramaḥ || 68 ||
[Analyze grammar]

kāṃsyaghaṇṭādhvaniṃ kṛtvā dvāramācchādya vāsasā |
praviśeddevapārśve tu sādhakaḥ saṃyatendriyaḥ || 69 ||
[Analyze grammar]

pūvoktamāsanaṃ kṛtvā devasyāsanamārabhet |
sauvarṇe rājate vātha tāmre vātha mahāmune || 70 ||
[Analyze grammar]

kuśena vātha puṣpeṇa kalpayedāsanaṃ hareḥ |
devasya purataḥ kṛtvā hyāsanaṃ saṃyatendriyaḥ || 71 ||
[Analyze grammar]

ādhāraḥ praṇavo jñeyaḥ śaktirvāgīśvarī tathā |
kandaṃ ca pṛthivīṃ smṛtya nālamākāśarūpakam || 72 ||
[Analyze grammar]

nālasyāgre smaret padmaṃ hṛtpadmaṃ paramālayam |
ādhārādīni sarvāṇi hyāsanasya mahāmune || 73 ||
[Analyze grammar]

ajñānāt kalpayenmohāt niṣphalaṃ syānna saṃśayaḥ |
tasmāt sarvaprayatnena ādhārādīni kalpayet || 74 ||
[Analyze grammar]

ādhāraṃ prathamaṃ nyasya śaktiṃ caiva tataḥ param |
śaktyopari nyaseddhīmān kandaṃ caiva mahāmune || 75 ||
[Analyze grammar]

kandasyopari vinyasya nālamākāśarūpakam |
nālasyāgre tu vinyasya dharmādīni yathākramam || 76 ||
[Analyze grammar]

dharmādīnāṃ tu tanmadhye padmaṃ śvetāṣṭapatrakam |
dharmaṃ jñānaṃ ca vairāgyaṃ aiśvaryaṃ ca catuṣṭayam || 77 ||
[Analyze grammar]

catvāryetāni koṇeṣu āgneyādiṣu vinyaset |
madhye tu rudraṃ vinyasya nālamūlasya madhyame || 78 ||
[Analyze grammar]

adharmājñāna vairāgyānaiśvaryaṃ ca catuṣṭayam |
vinyasecca caturdikṣu pūrvādiṣu yathākramam || 79 ||
[Analyze grammar]

dharmādīni nyasedādau mantreṇādyena saṃyutam |
svanāmnā caiva sarveṣāṃ mantramityabhidhīyate || 80 ||
[Analyze grammar]

adharmādīni sarveṣāṃ svasvanāmnā ca sādhakaḥ |
vinyasecca caturdikṣu pūrvādikramayogataḥ || 81 ||
[Analyze grammar]

evaṃ nyāsaṃ kramāt kṛtvā hyādhārādi mahāmune |
nāradaḥ |
dharmajñānādirūpāṇi śrotumicchāmyahaṃ prabho || 82 ||
[Analyze grammar]

āyudhāni ca sarveṣāṃ yathāvadvaktumarhasi |
viṣvaksenaḥ |
śruṇu nārada tattvajña viṣṇupādaparāyaṇa || 83 ||
[Analyze grammar]

dharmādīnāṃ svarūpāṇi pravakṣyāmyāyudhāni ca |
caturvaktraṃ caturbāhuṃ dvipādaṃ cāsitānanam || 84 ||
[Analyze grammar]

śaṅkhacakradharaṃ saumyaṃ pītāmbarasamanvitam |
jātipuṣpadalaprakhyaṃ sarvābharaṇabhūṣitam || 85 ||
[Analyze grammar]

dharmamūrtiriti khyātaṃ jñānamūrtiṃ bravīmi te |
dvipādaṃ ca caturbāhuṃ caturvaktraṃ sanātanam || 86 ||
[Analyze grammar]

nīlotpaladalaprakhyaṃ śaṅkacakragadādharam |
jñānamūrtiriti khyātaṃ vairāgyasya vadāmyaham || 87 ||
[Analyze grammar]

raktākṣitrayasaṃyuktaṃ caturvaktraṃ caturbhujam |
pītāmbaradharaṃ saumyaṃ śaṅkhacakradharaṃ sadā || 88 ||
[Analyze grammar]

karṇikāradalaprakhyaṃ vāyavyaṃ diśamāśritam |
vairāgyasye ti nirdiṣṭaṃ aiśvaryasya vadāmi te || 89 ||
[Analyze grammar]

raktotpaladalaprakhyaṃ caturvaktraṃ caturbhujam |
pītābhbadharaṃ saumyaṃ śaṅkhacakradharaṃ sadā || 90 ||
[Analyze grammar]

sitānanasamāyuktaṃ muktāhārasamanvitam |
aiśvaryasyeti nirdiṣṭamīśvarasya vadāmi te || 91 ||
[Analyze grammar]

kundendumukta saṃkāśaṃ dvipādaṃ ca caturbhujam |
raktākṣitrayasaṃyuktaṃ jaṭāmakuṭadhāriṇam || 92 ||
[Analyze grammar]

pītāmbaradharaṃ saumyaṃ paraśuṃ śūladhāriṇाm |
sarvābharaṇasaṃyuktaṃ sarvaśobhitaśobhanam || 93 ||
[Analyze grammar]

itthaṃ harasya rūpaṃ tu devarṣe viddhi nārada |
evaṃ saṃkṣepataḥ proktaṃ dharmajñānādirūpakam || 94 ||
[Analyze grammar]

adharmādīni gātrāṇi vakṣyāmi śrṛṇu nārada |
raktavarṇaṃ mahākāyaṃ kambugrīvaṃ caturbhujam || 95 ||
[Analyze grammar]

ekavaktraṃ bṛhatkukṣiṃ netratrayasamanvitam |
raktāmbaradharaṃ raudraṃ khaṅgamudgaradhāriṇam || 96 ||
[Analyze grammar]

adharmasayaivamuktaṃ tu ajñānasya vadāmi te |
pītavarṇaṃ bṛhatkukṣiṃ mahākāyaṃ caturbhujam || 97 ||
[Analyze grammar]

śūlakhaṅgadharaṃ raudraṃ sarvābharaṇabhūṣitam |
etadajñānarūpaṃ syādavairāgyaṃ vadāmi te || 98 ||
[Analyze grammar]

dūrvāśyāmanibhaṃ brahman dvipādaṃ ca caturbhujam |
paraśupāśadharaṃ raudraṃ raktāmbaradharaṃ sadā || 99 ||
[Analyze grammar]

akṣitrayasamopetaṃ jaṭāmakuṭadhāriṇam |
avairāgyasya rūpaṃ syāt anaiśvaryaṃ vadāmi te || 100 ||
[Analyze grammar]

dhūmrākāraṃ bṛhatkukṣiṃ caturbāhuṃ mahāhanum |
ekavaktraṃ mahākāyaṃ muktakeśasamanvitam || 101 ||
[Analyze grammar]

aśrīkaramasaumyaṃ ca akṣitrayasamanvitam |
anaiśvaryasya rūpaṃ tu nirdiṣṭamadhunā mune || 102 ||
[Analyze grammar]

dharmādipañcapādāni adharmādīni nārada |
teṣāṃ rūpaṃ smarennityaṃ nyasettasmin yathākramam || 103 ||
[Analyze grammar]

anyathā kalpayenmohāt ādhārādinirūpakam |
tatpūjā niṣphalā yāti grāmasyāgnibhayaṃ bhavet || 104 ||
[Analyze grammar]

tasmāt sarvaprayatnena smaredrūpāṇi sādhakaḥ |
nyasedaṣṭadalaṃ padmaṃ teṣāmupari nārada || 105 ||
[Analyze grammar]

tatrārkasomavahnīṃśca uparyupari vanyiset |
vṛttākāraṃ tu raktābhamarkamaṇḍalakaṃ nyaset || 106 ||
[Analyze grammar]

tatropari nyaseddhyātvā śvetaṃ vṛttaṃ śaśāṅkakam |
agnimagninibhaṃ dhyātvā trikoṇaṃ maṇḍalopari || 107 ||
[Analyze grammar]

evaṃ rūpaṃ tu saṃcintya maṇḍalārkādi nārada |
maṇḍalopari vinyasya tāmasādi guṇatrayam || 108 ||
[Analyze grammar]

tāmasaṃ rājasaṃ caiva sātvikaṃ ca yathākramam |
tāmasaṃ kṛṣṇarūpaṃ tu rājasaṃ raktarūpakam || 109 ||
[Analyze grammar]

sātvikaṃ śvotavarṇaṃ tu varṇānyetāni saṃsmaret |
tatra tadvarṇakaṃ cintya maṇḍalopari vinyaset || 110 ||
[Analyze grammar]

tāmasādini vinyasya nyasedātmadvayaṃ budhaḥ |
ātmānaṃ cāntarātmānaṃ vāsudevaparāyaṇau || 111 ||
[Analyze grammar]

ātmā tu śvetavarṇaḥ syādantarātmā tathaiva ca |ś |
teṣāṃ varṇaṃ tu saṃcintya nyasedātmāntarātmake || 112 ||
[Analyze grammar]

ādhārādyantarātmāntaṃ nyāsakramamatho śrṛṇu |
ādhāraṃ prathamaṃ nyasya śvetavarṇaṃ trimūrtiyuk || 113 ||
[Analyze grammar]

śaktinyāsaṃ dvitīye tu kandanyāsamataḥ param |
nālamākāśarūpaṃ syāttamovarṇaṃ caturthakam || 114 ||
[Analyze grammar]

nālasyāgneyakoṇe tu dharmamūrtiṃ tu pañcamam |
ṣaṣṭhaṃ tu nairṛte nyasya jñānamūrtiṃ tu nārada || 115 ||
[Analyze grammar]

saptame tu nyasedvidvān vairāgyaṃ vāyugocare |
aiśvaryamaṣṭamaṃ nyasya īśāne tantravittamaḥ || 116 ||
[Analyze grammar]

navamaṃ nālamūle tu rudramūrtiṃ sadāśivam |
daśamaṃ nālasyāgre tu pūrve'dharmaṃ tu vinyaset || 117 ||
[Analyze grammar]

ekādaśe tu vinyasya dakṣiṇe'jñānarūpakam |
paścime tu nyaset paścādavairāgyaṃ tu nārada || 118 ||
[Analyze grammar]

udīcyāṃ vinyaseddevamanaiśvaryaṃ trayodaśa |
nālasyāgre smaredvidvān padmaṃ tatparamālayam || 119 ||
[Analyze grammar]

etat padmāsanaṃ proktaṃ tridaśaiḥ pūjitaṃ sadā |
tatropari nyaset paścāt maṇḍalārkādi nārada || 120 ||
[Analyze grammar]

guṇatrayaṃ nyasenmadhye tāmasādi yathākramam |
guṇamadhye nyaseddhīmānātmānaṃ cāntarātmakam || 121 ||
[Analyze grammar]

evaṃ saṃkṣepataḥ prokta āsanasya kramo mayā |
āsanasyārcanaṃ vakṣye saṃkṣepādvidhipūrvakam || 122 ||
[Analyze grammar]

ādhārādyantarātmāntaṃ mūrtīnāṃ munisattama |
vyastaiḥsaṃpūjayet sarvaṃ samastairvā samāhitaḥ || 123 ||
[Analyze grammar]

arcayedgandhapuṣpādyaiḥ pūjayettaṃ manoramaiḥ |
teṣāṃ svanāmakairmantrairdadyāt sarvaṃ yathākramam || 124 ||
[Analyze grammar]

etat kalpyaṃ muniśreṣṭha āhvānaṃ ca vadāmyaham |
svarṇādyanyatamaṃ pātraṃ kuḍubadvayapūritam || 125 ||
[Analyze grammar]

itthaṃ hi lakṣaṇaṃ proktaṃ sarvapātrāṇi nārada |
āvāhanādi pātraṃ tat pañcaṣaṭsapta eva vā || 126 ||
[Analyze grammar]

pūjakasyāgrataḥ sthāpya prokṣayenmūlavidyayā |
eteṣāmapyalābhe tu śaṅkhaśuktimathāpi vā || 127 ||
[Analyze grammar]

kṣālayet sarvapātrāṇi viṣṇugāyatriyā mune |
āḍhakadvayasaṃpūrṇāṃ pakvabimbaphalākṛtim || 128 ||
[Analyze grammar]

vardhanīṃ vāmapārśve tu vinyasyāpūrayedbudhaḥ |
gālitairudakairyasyāṃ gandhapuṣpayutāṃ nyaset || 129 ||
[Analyze grammar]

śeṣaṃ dakṣiṇapārśve tu parito vāgrato'pi vā |
sthāpayettu krameṇaiva pūjādravyaṃ samastakam || 130 ||
[Analyze grammar]

tat pātreṣvekapātraṃ tu saṃgṛhya munisattama |
ṣaḍakṣareṇa mantreṇa saṃprokṣya tu punaḥ punaḥ || 131 ||
[Analyze grammar]

tatpātraṃ tu punaḥ prokṣya gandhodena prapūrayet |
tasmin śirasi puṣpaṃ ca nyasettoyaṃ sapuṣpakam || 132 ||
[Analyze grammar]

uddhṛtya pūjāmantreṇa dhyātvā'tra mahāmune |
yadrūpaṃ cinिtataṃ samyak tadrūpaṃ cintya sādhakaḥ || 133 ||
[Analyze grammar]

avatīrṇaṃ mahāberādāgacchāntena mūrdhni ca |
prokṣya caivāsanaṃ dadyāt kevalena jagadguroḥ || 134 ||
[Analyze grammar]

prakṣipya vādamūle tu puṣpamuṣṭiṃ tataḥ param |
namaskṛtyāñjaliṃ paścāt darśayenmunisattama || 135 ||
[Analyze grammar]

ardhyaṃ pādyaṃ tathācāmaṃ datvā devāya mantravit |
tatastu parivārāṇi pātraśeṣeṇa kalpayet || 136 ||
[Analyze grammar]

parivārakramaṃ vakṣye yathātattvena nārada |
āvāhanāṃśatoyena kalpeyattu yathākramam || 137 ||
[Analyze grammar]

pūrve tu vāsudevaṃ tu śuddhasphaṭikasaṃnibham |
śaṅkhacakragadāpāṇiṃ pītāmbaravibhūṣitam || 138 ||
[Analyze grammar]

saṃkarṣaṇaṃ nyasedyāmye śaśibālārkasaṃnibham |
śaṅkhacakrasamopetaṃ caturbāhuvirājitam || 139 ||
[Analyze grammar]

pradyumnaṃ paścime nyasya śātakumbhanibhaṃ mune |
śaṅkhacakragadāpāṇiṃ pītāmbaravibhūṣitam || 140 ||
[Analyze grammar]

aniruddhaṃ nyasettasminnuttare nīlarūpiṇam |
śaṅkhacakrasamāyuktaṃ pītavastraṃ caturbhujam || 141 ||
[Analyze grammar]

śriyaṃ suvarṇavarṇābhāṃ śvetarūpāṃ sarasvatīm |
raktavarṇāṃ ratiṃ paścāt śāntiṃ kuṅkumasaṃnibhām || 142 ||
[Analyze grammar]

āgneyādiṣu koṇeṣu vinyasecchaktirūpakam |
paiśāce tu nyaset paścāt śaṅkhādīnāṃ tu nārada || 143 ||
[Analyze grammar]

pūrve śaṅkha niyuñjīta śvetavarṇaṃ sa nādayuk |
kālāgnisadṛśākāraṃ dakṣiṇe cakramuttamam || 144 ||
[Analyze grammar]

paścime tu gadāṃ nyasya haridrābhāmanuttamām |
raktavarṇanibhaṃ padmamuttare tu nyasedbudhaḥ || 145 ||
[Analyze grammar]

musalaṃ kṛṣṇavarṇaṃ tu āgneyyāṃ diśi vinyaset |
nairṛtāyāṃ nyasettatra khaṅgamākāśasaṃnibham || 146 ||
[Analyze grammar]

pañcavarṇa tathā śārṅgaṃ vāyavye tantravittamaḥ |
sarvavarṇamayākārāṃ vanamālāṃ tathaiśake || 147 ||
[Analyze grammar]

etaddbrijīyāvaraṇaṃ garbhāgāre prakīrtitam |
dvārasya dakṣiṇe caṇḍaṃ kṛṣṇavarṇaṃ caturbhujam || 148 ||
[Analyze grammar]

śaṅkhacakragadāpāṇiṃ triṇetraṃ raktalocanam |
evaṃ rūpaṃ tu saṃcintya pracaṇḍaṃ tu tataḥ śrṛṇu || 149 ||
[Analyze grammar]

śaṅkhacakragadāpāṇiṃ raktavarṇaṃ caturbhujam |
dvārasyottarapārśve tu triṇetraṃ bhīmarūpiṇam || 150 ||
[Analyze grammar]

purato vainateyaṃ ca suvarṇābhaṃ kṛtāñjalim |
karaṇḍamakuṭaṃ nīlavāsasaṃ priyadarśanam || 151 ||
[Analyze grammar]

nīlāgranāsikāyuktaṃ nāgābharaṇabhūṣitam |
evaṃ tu garuḍaṃ cintya balarāmasya mūrtivat || 152 ||
[Analyze grammar]

yo bhaktyā devamabhyarcet tathaiva garuḍaṃ yajet |
bhagavatpramukhaṃ paścādgarutmantaṃ niyojayet || 153 ||
[Analyze grammar]

raktavarṇaṃ caturbāhuṃ dvibāhuṃ vā munīśvara |
sarvābharaṇasaṃyuktaṃ sarvaśobhanaśobhitam || 154 ||
[Analyze grammar]

kālāgnisadṛśākāraṃ cakradhṛṅmakuṭānvitam |
evaṃ cakrādhidaivaṃ tu pūjayeddvārapārśvake || 155 ||
[Analyze grammar]

śaṅkhābhaṃ saumyarūpaṃ tu sarvābharaṇabhūṣitam |
upavītayutaṃ śvetaṃ śaṅkhadhṛṅmakuṭānvitam || 156 ||
[Analyze grammar]

caturbāhuṃ dvibāhuṃ vā dhyāyeddvārasya vāmake |
dhātāraṃ pītavarṇaṃ vidhātāramaruṇaprabham || 157 ||
[Analyze grammar]

śyāmavarṇā tu bhūmiḥ syāt raktavarṇāṃ haripriyām |
durgāṃ ca komalaśyāmāṃ śvetarūpaṃ vināyakam || 158 ||
[Analyze grammar]

śaṅkhapadmanidhī caiva śvetaraktanibhau mune |
gaṅgāṃ ca yamunāṃ caiva śvetakṛṣṇanibhe mune || 159 ||
[Analyze grammar]

utkarṣaṇīṃ tu raktāṃ vai karṣaṇīṃ raktavarṇakām |
evaṃ dvāre tu saṃcintya trisandhyāyāṃ prapūjayet || 160 ||
[Analyze grammar]

nārcayedupasandhyāyāṃ caṇḍādīn dvārapālakān |
ajñānādarcayenmohāt sthānanāśo bhaviṣyati || 161 ||
[Analyze grammar]

durbhikṣaṃ jāyate rāṣṭraṃ dhanadhānyavināśakṛt |
tasmāt sarvaprayatnena vidhinoktaṃ samācaret || 162 ||
[Analyze grammar]

vimānāgneyayāmye tu tanmadhye gaṇanāyakam |
pūrvavadvarṇakaṃ cintya hastivaktraṃ caturbhujam || 163 ||
[Analyze grammar]

vimāne dakṣiṇe kuryāt dakṣiṇāmūrtimīśvaram |
akṣamālādharaṃ devamaṣṭākṣaraparāyaṇam || 164 ||
[Analyze grammar]

triṇetraṃ śvetasaṃkāśaṃ saumyaṃ somārdhadhāriṇam |
nāradādyṛṣisaṃghaiśca sevitaṃ dakṣiṇāmukham || 165 ||
[Analyze grammar]

evaṃ rahasyarūpaṃ te saṃkṣepeṇa vidhīyate |
tasya dakṣiṇapāśve tu mātṝṇāmuttarāmukham || 166 ||
[Analyze grammar]

kalpayenmuniśārdūla sarvasaṃpatsukhāvaham |
ālayasyottare mātṝḥ kalpayedbā munīśvara || 167 ||
[Analyze grammar]

teṣāṃ nāma kramādguhyaṃ śrṛṇuṣvāvahito'dhunā |
vāgīśvarīkriyākīrtiḥ lakṣmīsṛṣṭistathaiva ca || 168 ||
[Analyze grammar]

vidyākāntiśca saptaitāḥ kathitā viṣṇumātaraḥ |
uttare paścime caiva hayāsyaḥ śrīdharastathā || 169 ||
[Analyze grammar]

vīrabhadragaṇeśau vā mātṝṇāṃ dvārapālakau |
sādhakecchānurūpeṇa kalpayedviṣṇumātaraḥ || 170 ||
[Analyze grammar]

mātaraśca suvarṇābhāḥ śrīdharaḥ śyāma eva ca |
hayaśīrṣaḥsuvarṇābho varṇā etāḥ prakīrtitāḥ || 171 ||
[Analyze grammar]

tathaiva vīrabhadrādi varṇaṃ tu paripaṭhyate |
vimānapṛṣṭhabhāge tu anantamatha sādhakaḥ || 172 ||
[Analyze grammar]

pañcāsyapannagordhve tu pañcavaktraiḥ samāvṛtam |
caturbhujaṃ samāsīnaṃ śaṅkhacakragadādharam || 173 ||
[Analyze grammar]

itthaṃ hi lakṣaṇopetaṃ sarvadevairnamaskṛtam |
saumyāsyeśānayormadhye durgāṃ śyāmanibhāṃ yajet || 174 ||
[Analyze grammar]

tasyottare tu vinyasya mama rūpaṃ camūpateḥ |
śyāmalaṃ piṅgalākṣaṃ tu piṅgaśmaśruḥ sanātanam || 175 ||
[Analyze grammar]

śaṅkhacakragadāpāṇiṃ caturbāhuṃ kirīṭinam |
pītāmbaradharaṃ saumyaṃ vivṛttākṣisamanvitam || 176 ||
[Analyze grammar]

tarjayan vāmatarjanyā nāsāgrāsannayā jagat |
evaṃ hi mama rūpaṃ te paṭhyate munisattama || 177 ||
[Analyze grammar]

parivāravidhānoktamatha bāhyeṣu vinyaset |
dvārasya śaṅkhacakre tu dakṣiṇottarataḥ smaret || 178 ||
[Analyze grammar]

dakṣiṇe śaṅkhavarṇaṃ tu śaṅkhacakragadādharam |
caturbhujaṃ triṇetraṃ tu mūrdhni śaṅkhaṃ nyaset sadā || 179 ||
[Analyze grammar]

vāmapārśve nyaseccakramagnirūpaṃ caturbhujam |
triṇetraṃ bhīmasaṃkāśaṃ śaṅkhacakragadādharam || 180 ||
[Analyze grammar]

tanmūrdhni vinyaseccakraṃ nīlāmbarakirīṭinam |
evaṃ tu lakṣaṇaṃ proktaṃ śaṅcakrādirūpakam || 181 ||
[Analyze grammar]

indrādīśānaparyantaṃ sveṣu sthāneṣu yojayet |
vajrahasttaṃ sahasrākṣaṃ saumyaṃ tu śyāmalākṛtim || 182 ||
[Analyze grammar]

saundaryamindradaivatyaṃ dhyāyedindraṃ kirīṭinam |
triśikhaṃ raktavarṇābhaṃ raktamālyairalaṃkṛtam || 183 ||
[Analyze grammar]

tripādaṃ cāṣṭabāhuṃ ca raktanetratrayaṃ mune |
raktakeśanakhaśmaśruvahnirūpaṃ saśaktikam || 184 ||
[Analyze grammar]

dharmarājaṃ tato dhyāyet sarvalakṣaṇalakṣitam |
kālameghanibhākāraṃ dvibhujaṃ daṃṇḍapāṇinam || 185 ||
[Analyze grammar]

kirīṭahārakeyūramakuṭādivibhūṣitam |
sarvapretādhināthasya lakṣaṇaṃ kathitaṃ mayā || 186 ||
[Analyze grammar]

tatastu rakṣasāmīśaṃ nirṛtiṃ raktamūrdhajam |
khaṅgabāhuṃ mahākāyaṃ raktavaktraṃ triṇetrakam || 187 ||
[Analyze grammar]

etattu lakṣaṇaṃ proktaṃ rākṣasādhipatestataḥ |
sarvalakṣaṇasaṃyuktaṃ sarvālaṃkārabhūṣitam || 188 ||
[Analyze grammar]

śyāmalaṃ pāśahastaṃ ca jaleśaṃ paṅkajāsanam |
dhūmravarṇanibhākāraṃ dhvajayuktaṃ mahābhujam || 189 ||
[Analyze grammar]

dvipādaṃ ca dvihastaṃ ca sarveṣāṃ prāṇasaṃjñitam |
itthaṃ te muniśārdūla lakṣaṇaṃ paripaṭhyate || 190 ||
[Analyze grammar]

dhyāyet saumye tu matimān yakṣeśvaramanuttamam |
taptahāṭakasaṃkāśaṃ sarvalakṣaṇalakṣitam || 191 ||
[Analyze grammar]

dvipādaṃ ca dvihastaṃ ca daṇḍapāṇiṃ dhaneśvaram |
śvetādriśikharākāraṃ dvipādaṃ ca caturbhujam || 192 ||
[Analyze grammar]

vṛṣadhvajaṃ triṇetraṃ ca śūlapāṇīndumaulinam |
evaṃ dhyāyet kramāt sarvān svanāmnā pūjayet pṛthak || 193 ||
[Analyze grammar]

etattṛtīyāvaraṇो dvārapārśvendusūryayoḥ |
raktavarṇaṃ mahākāyaṃ kambugrīvaṃ caturbhujam || 194 ||
[Analyze grammar]

śaṅkhacakragadāpāṇiṃ triṇetraṃ bhīmarūpiṇam |
cintaceddakṣiṇe pārśve tṛtīyadvārake ravim || 195 ||
[Analyze grammar]

kundapuṣpanibhākāraṃ śaṅkhacakragadādharam |
caturbhujaṃ triṇetraṃ ca pītavastraṃ ca cintayet || 196 ||
[Analyze grammar]

dvārasya vāmapārśve tu śaśāṅkākṛtimuttamam |
maulipṛṣṭhasya sūryādau cintayenmaṇḍalākṛtim || 197 ||
[Analyze grammar]

evaṃ śaśiṃ raviṃ dhyātvā tṛtīyadvārapārśvayoḥ |
kumudādīni sarvāṇi nyaset pūrvādiṣu kramāt || 198 ||
[Analyze grammar]

kumudaḥ kumudākṣaśca puṇḍarīko'tha vāmanaḥ |
śaṅkukarṇaḥsarpanetraḥ sumukhaḥ supratiṣṭhitaḥ || 199 ||
[Analyze grammar]

eteṣāṃ lakṣaṇaṃ proktaṃ dhyāyedasmin mahotsave |
tadvat jñātvā'tra bhūteśān pūjayet sādhakottamaḥ || 200 ||
[Analyze grammar]

purataḥ sthāpayet sarvān viṣṇupāriṣadān bahūn |
sarvavarṇadharāḥsarve sarve śastrāstrapāṇayaḥ || 201 ||
[Analyze grammar]

mahāpīṭhe tu saṃsmṛtya sarvān bhūtagaṇānvitān |
pūjākāle tato dhyāyet svarūpaṃ pūjakaḥ kramāt || 202 ||
[Analyze grammar]

svanāmnā parivārāṇāṃ praṇavādinamontakam |
arghyapādyādibhirvāpi gandhādyairvā munīśvara || 203 ||
[Analyze grammar]

arcayennityapūjāyāṃ praṇavādimanusmaran |
asmin tantre mayā proktaṃ caṇḍādyāvaraṇārcanam || 204 ||
[Analyze grammar]

utsave parivārāṇāmarcanāvidhiruttamaḥ |
tathaivābhyarcya matimān parivārānatandritaḥ || 205 ||
[Analyze grammar]

evamabhyarcya bhūteśān paścāt pūjāṃ samācaret |
kṣālayet sarvapātrāṇi pūrvoktena vidhānataḥ || 206 ||
[Analyze grammar]

sarvadravyāṇi saṃprokṣya nirīkṣyādyena mantrataḥ |
āvāhanādibhiḥ sarvairupacārakrameṇa tu || 207 ||
[Analyze grammar]

devadevaṃ samabhyarcya sa yāti paramāṃ gatim |
upacārakramaṃ vakṣye yathāvadanupūrvaśaḥ || 208 ||
[Analyze grammar]

pūrvamāvāhanaṃ kuryāt punarāsanameva ca |
tṛtīyaṃ puṣpavikṣepaṃ turīyaṃ tu namaskṛtim || 209 ||
[Analyze grammar]

pañcamo'ñjalimudrā ca ṣaṣṭhamardhyaṃ tathaiva ca |
pādyaṃ tu saptamaṃ kuryāt tathācamanamaṣṭamam || 210 ||
[Analyze grammar]

snapanaṃ navamaṃ vidyāddaśamo vasanaṃ bhavet |
ekādaśo bhūṣaṇaṃ syāt dvādaśastūpavītakam || 211 ||
[Analyze grammar]

trayodaśaścācamanaṃ gandhaścaiva caturdaśaḥ |
puṣpaṃ pañcadaśaścaiva ṣoḍaśo dhūpa eva ca || 212 ||
[Analyze grammar]

dīpaḥ saptadaśaścaiva mudrāṣṭādaśa ucyate |
havirekonaviṃśaśca pānīyaṃ viṃśakastathā || 213 ||
[Analyze grammar]

ekaviṃśastathācāmaḥ tāmbūlaṃ ca dvāviṃśakaḥ |
upacārastrayoviṃśa ācāmastadanantaram || 214 ||
[Analyze grammar]

mukhavāsaḥ pañcaviṃśaḥ ṣaḍviṃśo geyamucyate |
purāṇaṃ saptaviṃśaśca nṛttahomamataḥ param || 215 ||
[Analyze grammar]

balibhramaṇamekonatriṃśa ardhyamataḥ param |
puṣpaṃ vā muniśārdūla dadyādicchānurūpataḥ || 216 ||
[Analyze grammar]

ekatriṃśo mukhavāsaścodvāsanamataḥ param |
dvātriṃśadupacārāṇāmuktamevaṃ mahāmune || 217 ||
[Analyze grammar]

vakṣye kalopacārāṇi śrṛṇuṣvāvahito bhava |
ādya āvāhanaṃ paścāt āsanaṃ tadanantaram || 218 ||
[Analyze grammar]

pādyaṃ tṛtīya ardhyaṃ syādācāmaṃ pañcamaḥ smṛtaḥ |
ṣaṣṭhaṃ tu snapanaṃ vidyāt saptamo vasanaṃ bhavet || 219 ||
[Analyze grammar]

aṣṭamastūpavītaṃ syānnavamaṃ gandha ucyate |
daśamaḥ puṣpavinyāsaḥ dhūpa ekādaśo bhavet || 220 ||
[Analyze grammar]

dīpastataḥ paraṃ vidyāt caruṇastu nivedanam |
caturdaśyañjalimudrā pradakṣiṇamataḥ param || 221 ||
[Analyze grammar]

udvāsanaṃ ṣoḍaśaḥ syādityevamaparaḥkramaḥ |
evaṃ ṣoḍaśadhā proktā upacārāṇi nārada || 222 ||
[Analyze grammar]

ekādaśopacārāṇāṃ kramaṃ śrṛṇu mahāmune |
āvāhanaṃ tu prathamaḥ dvitīyaścāsanaṃ bhavet || 233 ||
[Analyze grammar]

arghya cānantaraṃ vidyāt pādyaṃ caiva tataḥ param |
devasyācamanaṃ vidyāt pañcamaṃ tu vicakṣaṇaḥ || 224 ||
[Analyze grammar]

gandhaṃ cānantaraṃ vidyāt saptamaṃ puṣpameva ca |
dhūpaṃ tu cāṣṭamaṃ vidyāt dīpastu navamaḥ smṛtaḥ || 225 ||
[Analyze grammar]

daśamastu nivedyaṃ syādudvāsanamataḥ param |
mukhyagauṇakrameṇaiva viniyogaṃ tataḥ śrṛṇu || 226 ||
[Analyze grammar]

yatra pūjottamā tatra kuryānmukhyopacārakam |
madhyamārādhanaṃ yattu trakṛdhyamaprayojayet || 227 ||
[Analyze grammar]

arcā kanīyasī yatra tatraivaikādaśena tu |
prayojyamiti śāstrasya niścayaḥ sādhakottamaiḥ || 228 ||
[Analyze grammar]

sarve sarvatra vā pūjā deśakālānurūpataḥ |
sādhakecchānurūpeṇa kuryādvā munipuṅgava || 229 ||
[Analyze grammar]

ani rādhayiṣurmūtrā yadyadvai sādhakottamaḥ |
tattadvai mūrtimantreṇa kuryāt sarvopacārakam || 230 ||
[Analyze grammar]

snapane mantrabhedo'sti mūrtīnāṃ munisattama |
nitye naimittike vāpi viṣṇornukamathāvapi || 231 ||
[Analyze grammar]

nārāyaṇopaniṣadaṃ dvādaśākṣarameva ca |
nārāyaṇaṃ brāhmaṇaṃ vā ato devī ti vā punaḥ || 232 ||
[Analyze grammar]

sahasraśīrṣaṃ devamaṣṭākṣaramathāpi vā |
sahasraśīrṣā puruṣo mantraṃ vā parameṣṭhinaḥ || 233 ||
[Analyze grammar]

eteṣvanyatamaṃ vāpi snapanaṃ sādhakaḥ śuciḥ |
kurvan svarāṣṭramuddhṛtya viṣṇulokamavāpnuyāt || 234 ||
[Analyze grammar]

kevalaṃ mūlamantreṇa pūjakaḥ puruṣottama |
āvāhanādibhiḥ sarvairupacāraiḥ samarcayet || 235 ||
[Analyze grammar]

suguṇo vaṃśasaṃpanno nirdoṣo rogavarjitaḥ |
āvāhanādi karmāṇi sarvāṇyetāni sarvadā || 236 ||
[Analyze grammar]

aṣṭākṣareṇa vā kuryāt mūrtīnāṃ munisattama |
pūjakasyottamatvācca nirdoṣatvānmahāmune || 237 ||
[Analyze grammar]

kevalaṃ puṣpamātreṇa deveśastṛpyate'tra tu |
sā pūjā saphalaṃ yāti vṛddhikṛt grāmarājyoḥ || 238 ||
[Analyze grammar]

evaṃ yaḥ kārayedbhaktyā sa yāti paramāṃ gatim |
yatirvā brahmacārī vā pūjako munisattama || 239 ||
[Analyze grammar]

dviguṇaṃ phalamāpnoti nātra kāryā vicāraṇā |
evaṃ saṃpūjayedbhaktyā viṣṇuṃ sakalamavyayam || 240 ||
[Analyze grammar]

iha loke śriyaṃ prāpya paraloke tathaiva ca |
sarvān kāmānavāpnoti sarvayajñaphalaṃ bhavet || 241 ||
[Analyze grammar]

viśeṣamatra vakṣyāmi ātmārthasya parasya ca |
upacārakramaṃ sarvaṃ sādhakānāṃ hitāya tu || 242 ||
[Analyze grammar]

arghyādimukhavāsantaṃ kramāddevāya kalpayet |
arghyaṃ pādyaṃ tathācāmaḥ madhuparkaḥ punaśca tat || 243 ||
[Analyze grammar]

tāmbūlaṃ gandhapuṣpaṃ ca akṣato dhūpa eva ca |
dīpo hyañjalimudrā tu nivedyaṃ tu mahāmune || 244 ||
[Analyze grammar]

pānīyācamanīyaṃ ca mukhavāsastathaiva ca |
evaṃ kramo muniśreṣṭha tatkrameṇāthavārcayet || 245 ||
[Analyze grammar]

kṣālayet sarvapātrāṇi pūrvavattantravittamaḥ |
tattat pātreṣu taddravyaṃ nikṣipyāpūrya puṣpakam || 246 ||
[Analyze grammar]

arghyatoyaṃ svamantreṇa mukhamālepayaddhareḥ |
pādyaṃ devasya pāde ca dīyate svasvavidyayā || 247 ||
[Analyze grammar]

devasya dakṣiṇe haste hyācāmaṃ madhuparkakam |
punarācāmatāmbūlaṃ tathaiva ca punaḥ punaḥ || 248 ||
[Analyze grammar]

jātiśrīkaṇṭha mādāya peṣayet piṣṭhapaṅkavat |
karpūreṇa samāyuktaṃ kuḍubadvayapūritam || 249 ||
[Analyze grammar]

kevalaṃ candanaṃ vāpi gandhaṃ ṣaṇmuṣṭimātrakam |
puṣpaprasthacatuṣkaistu mūrtīnāṃ tu pṛthakpṛthak || 250 ||
[Analyze grammar]

dāpayettu prayatnena sādhakaḥ paramārthavit |
dhūpaṃ surabhiṇā vyāptaṃ prāptajvālocchritojjñitam || 251 ||
[Analyze grammar]

bahurekhamanāragnyaṃ daśamātraṃ pradāpeyat |
dīpaṃ saptāṅgulotthānaṃ ghṛtakarpūradīpitam || 252 ||
[Analyze grammar]

dhūpaṃ tu dāpayedgandhaṃ nāsikāyāṃ tu dakṣiṇe |
dadyādyathākramaṃ sarvaṃ vāsudevāya bhaktitaḥ || 253 ||
[Analyze grammar]

kalamādīni sarvāṇi śeṣāṅgaṃ mardayedbudhaḥ |
vāmahastena mantrajñaḥ puṣpaṃ gṛhya samāhitaḥ || 254 ||
[Analyze grammar]

dakṣiṇena kareṇaiva dadyāddevasya pādayoḥ |
muṣṭimātraṃ pradadyāttu trivāreṇa svavidyayā || 255 ||
[Analyze grammar]

madhyamānāmikāmadhye cāṅguṣṭhena samanvitam |
akṣataṃ tu tato dadyāt tathaiva ca punaḥ punaḥ || 256 ||
[Analyze grammar]

devasya vāmanāsau ca dhūpaṃ dadyāt samāhitaḥ |
dakṣiṇe devadṛkpārśve dīpaṃ dadyāttu mantravit || 257 ||
[Analyze grammar]

trimātrakaṃ tu mudrāyā darśanaṃ dakṣiṇādṛśi |
kapilājyena saṃsrāvya hyannasuktena saṃspṛśet || 258 ||
[Analyze grammar]

pariṣicyādi mantreṇa pāṇiṃ dadyāttu pāṇinā |
dadyāttaddakṣiṇe haste haviḥprāśanamudrayā || 259 ||
[Analyze grammar]

pānīyācamanīyaṃ ca mukhavāsaṃ tathaiva ca |
evaṃ ṣoḍaśadhā proktaṃ viśeṣeṇopacārakam || 260 ||
[Analyze grammar]

dadyādyathākramaṃ sarvaṃ bhaktipūtena cetasā |
tatastu sādhakaḥ samyak praṇamyāñjalimudrayā || 261 ||
[Analyze grammar]

devasya pādau hastābhyāṃ saṃspṛśettat samāhitaḥ |
tatastvatharvavede tu śaunakāyāṃ tu śākhayā || 262 ||
[Analyze grammar]

nārāyaṇopaniṣadaṃ uccārya ca punaḥ punaḥ |
tribhiḥ kāṇḍaiḥsamuccārya mantreṇaiva mahāmune || 263 ||
[Analyze grammar]

deveśastṛpyate caiva nātra kāryā vicāraṇā |
rājarāṣṭravivṛddhiḥ syāt grāmādiṣu tathaiva ca || 264 ||
[Analyze grammar]

arcayennānyathā mohādābhicārakaro bhavet |
sā pūjā niṣphalā caiva rogavṛddhirbhaviṣyati || 265 ||
[Analyze grammar]

tasmāt sarvaprayatnena tribhiḥ kāṇḍaiḥ samarcayet |
agnikāryaṃ tu pūrvoktaṃ kuryāttantravicakṣaṇaḥ || 266 ||
[Analyze grammar]

samidho mūlamantreṇa ājyamājyena mantrataḥ |
caruṃ puruṣasūktena pratyekaṃ ṣoḍaśāhutīḥ || 267 ||
[Analyze grammar]

hutvā hutvāgnimadhye tu sādhako mantravittamaḥ |
śeṣadravyāṇi sarvāṇi pūrvoktenaiva kārayet || 268 ||
[Analyze grammar]

agnikāryaṃ samāpyaivaṃ balidānamathocyate |
balidānakramaḥ sarvaḥ saṃkṣepādvakṣyate'dhunā || 269 ||
[Analyze grammar]

nitye naimittike caiva sarvasaṃpat sukhāvaham |
svarṇādīnāṃ tu pātrāṇāṃ lakṣaṇaṃ kathyate'dhunā || 270 ||
[Analyze grammar]

tālaṃ tu karṇikā proktaṃ tatpādārdhatalaṃ tathā |
pādaṃ tu tadbahiḥ kuryāt tadante valayaṃ bhavet || 271 ||
[Analyze grammar]

balipātraṃ samākhyātaṃ tāmrarājatahaimakam |
uttamādhamamadhyaṃ syāt vibhavasyānurūpataḥ || 272 ||
[Analyze grammar]

kārayedbalipātraṃ tu ekadravyeṇa śilpinā |
ācāryo'laṃkṛtaḥ samyak pātramādāya maṇḍale || 273 ||
[Analyze grammar]

sādhitaṃ prokṣitaṃ paścāt gālitenodakena tu |
tasminmadhye tu kurvīta sudṛḍhaṃ haviṣāsanam || 274 ||
[Analyze grammar]

karṇikāraparīmāṇaṃ yattāvadvistāramucyate |
caturaṅgulamutsedhamannapīṭhasya nārada || 275 ||
[Analyze grammar]

lakṣaṇaṃ cātra saṃproktaṃ nityapūjotsavasya tu |
mahotsave na kurvīta cānnapīṭhasya copari || 276 ||
[Analyze grammar]

kārayecchibikādyeṣu balibhramaṇamuttamam |
kalpayet saparīvāramantarāvaraṇasthitam || 277 ||
[Analyze grammar]

tasmin pātropari nyasya svanāmnā munisattama |
annopari paṭaṃ nyasya puṣpairanyaiḥ prakīrya ca || 278 ||
[Analyze grammar]

vastrairābharaṇaiścitraiḥ gandhaiḥ puṣpairalaṃkṛtam |
suvarṇakusumaiścitraiḥ prabhāvāsitasaṃyutam || 279 ||
[Analyze grammar]

vāsikādyābhirmālābhiḥ bhūṣitaṃ sumanoramam |
sauvarṇaṃ rājataṃ vāpi tāmraṃ vātīva sundaram || 280 ||
[Analyze grammar]

tasmin tiṣṭhāpayedbimbaṃ svasvamūrtyanusārataḥ |
alābhe kāñcane vāpi rājataṃ tāmrameva vā || 281 ||
[Analyze grammar]

taṇḍulaṃ ca caruṃ puṣpaṃ prātarmadhyāhna eva ca |
pradoṣe ca baliṃ kuryāt yathāyogakrameṇa tu || 282 ||
[Analyze grammar]

arghyādi cāṣṭamaṃ dadyāt mukhavāsāntameva vā |
dīpāntaṃ vā pradātavyaṃ svena mantreṇa deśikaḥ || 283 ||
[Analyze grammar]

anyapātre tu mantrajñaḥ cānnaṃ toyasamanvitam |
gandhapuṣpasamāyuktaṃ svastivācanasaṃyutam || 284 ||
[Analyze grammar]

pīṭhe pīṭhe muniśreṣṭha balidānaṃ samācaret |
śaṅkhaghoṣasamāyuktaṃ dhūpadīpasamanvitam || 285 ||
[Analyze grammar]

vitānadhvajasaṃyuktaṃ chatracāmaraśobhitam |
tūryavāditraghoṣaiśca jayaśabdasamanvitam || 286 ||
[Analyze grammar]

śiṣyamabhyarcya gandhādyaiḥ garuḍaṃ saṃsmaret svayam |
vidyānāmādimantreṇa pātramutthāpayedguruḥ || 287 ||
[Analyze grammar]

sthāpayenmūrdhni śiṣyasya balipātramanuttamam |
tatpātre sthāpayeddevaṃ gacchamānaṃ prakalpayet || 288 ||
[Analyze grammar]

śanaiḥ śanairmuniśreṣṭha śaṅkhādyairgeyasaṃyutam |
balibhramaṇakāle tu bimbāgre balimācaret || 289 ||
[Analyze grammar]

yo mohādbimbahīne tu balikarmaṇi cenmune |
tatsthānaṃ nidhanaṃ yāti tatrasthā narakaṃ vrajet || 290 ||
[Analyze grammar]

tasmāt sarvaprayatnena bimbāgre balimācaret |
pratimācāryayormadhye gamanaṃ varjayettataḥ || 291 ||
[Analyze grammar]

gamanaṃ yadi cettatra snapanaṃ pañcagavyakaiḥ |
tadante gandhatoyena snāpayettena mūrtinā || 292 ||
[Analyze grammar]

puṇyāhaghoṣasaṃyuktaṃ svastisūktaravairyutam |
mantrāṇāmādimantreṇa mūrtimantreṇa vā mune || 293 ||
[Analyze grammar]

samidājyena caruṇā pratyekaikāhutiṃ kramāt |
hutvā sve sve tu juhuyāt svāhāntena yathākramam || 294 ||
[Analyze grammar]

paścāt pūrṇāhutiṃ hutvā śeṣakarma samācaret |
ādyaṃ pradakṣiṇaṃ kṛtvā nṛttageyasamanvitam || 295 ||
[Analyze grammar]

dvitīyaṃ ca paribhramya geyatūryasamanvitam |
tṛtīyaṃ tu paribhramya tūryairnānāvidhairyutam || 296 ||
[Analyze grammar]

caṇḍapracaṇḍaprabhṛti mahāpīṭhāntameva ca |
arghyapādyādinābhyarcya gandhādyairjalasaṃyutam || 297 ||
[Analyze grammar]

parivārān samabhyarcya yathāpūrvaṃ prakalpitam |
balibhramāntaṃ kṛtvā tu mahāpīṭhapradakṣiṇam || 298 ||
[Analyze grammar]

tṛtīyasavane gatvā punaḥ kuryāt pradakṣiṇam |
śaṅkhaśabdatrayaṃ kuryāt gopure niḥsvanaṃ gatā || 299 ||
[Analyze grammar]

vimānadvāramāsādya ārghyaṃ vā puṣpameva vā |
datvā tanmūrtimantreṇa garbhāgāre praveśayet || 300 ||
[Analyze grammar]

pīṭhasya dakṣiṇe pārśve balibimbaṃ prasādayet |
pādyādi caturo dadyāt karmārcāyāṃ tathaiva ca || 301 ||
[Analyze grammar]

balipātrasthitaṃ puṣpaṃ mamāgre nikṣipedbudhaḥ |
annapīṭhaṃ satoyaṃ ca mahāpīṭhe vinikṣipet || 302 ||
[Analyze grammar]

prakṣālya pādau hastau ca ācamya vidhinā punaḥ |
nyāsaṃ kṛtvā vidhānena mūrtimantreṇa pūrvavat || 303 ||
[Analyze grammar]

kakudantaṃ lalāṭādi nyaseddehe yathākramam |
sahasraṃ vā śataṃ vāpi aṣṭāviṃśाmathāpi vā || 304 ||
[Analyze grammar]

svena svena tu mantreṇa yathāśakti japet kramāt |
namaskāraṃ kramāt kṛtvā tanmūrtistutibhiḥ kramāt || 305 ||
[Analyze grammar]

japenmantrī svamantreṇa devadevasya saṃnidhau |
asmin kāle tu deveśastṛpyate nātra saṃśayaḥ || 306 ||
[Analyze grammar]

sarvān kāmānavāpnoti grāmarājñośca vṛddhikṛt |
anyathā devadeveśaḥ kupyate nātra saṃśayaḥ || 307 ||
[Analyze grammar]

tasmāt sarvaprayatnena japenmūrtistutiṃ budhaḥ |
puṣpaṃ datvā namaskṛtya mūlabere nayeddharim || 308 ||
[Analyze grammar]

āvāhanaṃ yathāpūrvaṃ tadvadudvāsanaṃ kuru |
ālokya dattamityāhuḥ balidānottamaṃ param || 309 ||
[Analyze grammar]

saṃkṣepeṇa mayā proktaṃ vakṣye dattāvalokanam |
athavā parivārāṇāṃ balidānavidhikramam || 310 ||
[Analyze grammar]

pravakṣyāmi muniśreṣṭha guhyādguhyataraṃ śrṛṇu |
jhallarīmaddalairyuktaṃ nānāvādyasamanvitam || 311 ||
[Analyze grammar]

nityotsavasya pūrve tu balidānaṃ samācaret |
sarvālaṃkārasaṃyuktaṃ vitānadhvajasaṃyutam || 312 ||
[Analyze grammar]

nṛttagītasamāyuktaṃ paścādbimbaṃ paribhramet |
madhyamaṃ balidānaṃ taccaṇḍādibhyo hyatandritaḥ || 313 ||
[Analyze grammar]

dattāvalokyakaṃ nāma rājño rāṣṭrasya vṛddhikṛt |
evaṃ dine dine kuryāt parivārabalikramam || 314 ||
[Analyze grammar]

evaṃ saṃkṣepataḥ prokto nityotsavabalibhramaḥ |
viśeṣaṃ cātra vakṣyami parārthe balikarmaṇi || 315 ||
[Analyze grammar]

śṛṇuṣvāvahito bhūtvā guhyādguhyataraṃ mune |
indrādilokapālān vā kalyayet kramayogataḥ || 316 ||
[Analyze grammar]

ekāvaraṇamārgaṃ cet parivārabalikramam |
prathamāvaraṇe kuryāt vighneśādīn vivarjayet || 317 ||
[Analyze grammar]

caṇḍādiśarvaparyantaṃ saṃsthāpya balimācaret |
paścādbaliṃ mahāpīṭhe saṃsthāpya prathamaṃ mune || 318 ||
[Analyze grammar]

śaṅkhādigeyasaṃyuktaṃ dvitīyaṃ bhrāmayeddharim |
nānāvādyasamāyuktaṃ tṛtīyaṃ bhrāmayeddharim || 319 ||
[Analyze grammar]

paścāddevaṃ mahābhāgo nītvārghyādyaiḥsamarcayet |
śaṅkhādigeyasaṃyuktaṃ dvitīyaṃ bhrāmayeddharim || 320 ||
[Analyze grammar]

nānāvādyasamāyuktaṃ tṛtīyaṃ bhrāmayeddharim |
paścāddevaṃ mahābhāgo nītvārghyādyaiḥ samarcayet || 321 ||
[Analyze grammar]

pādyodakaṃ gṛhītvā tu bhaktān saṃprokṣya mantravit |
evaṃ balividhiḥ prokto ekāvaraṇapūjane || 322 ||
[Analyze grammar]

punaḥ prākāramatraiva kalpitaścenmunīśvara |
caṇḍādīśāvasānaṃ tu prathamāvaraṇe nyaset || 323 ||
[Analyze grammar]

śeṣāṇi parivārāṇi dvitīye ca tṛtīyake |
indrādi supratiṣṭhāntaṃ punaḥsaṃsthāpya mantravit || 324 ||
[Analyze grammar]

pūrvoktena vidhānena balidānaṃ samācaret |
sā pūjā saphalā bhūtvā vardhate śrīrdine dine || 325 ||
[Analyze grammar]

rājño rāṣṭrasya vṛddhiḥ syāt ālayasya tathaiva ca |
evaṃ dine dine kuryāt tṛtīyāvaraṇāvṛtam || 326 ||
[Analyze grammar]

evameva baliṃ kuryāt dvitīyāvaraṇālaye |
arghyāvasānaṃ pūvoktamārgeṇa prathame nyaset || 327 ||
[Analyze grammar]

vidhneśādi muniśreṣṭha prathamaṃ balimācaret |
prathamāvaraṇe paścāt indrādīnāṃ baliṃ haret || 328 ||
[Analyze grammar]

tṛtīyāvaraṇe paścāt kumudādibaliṃ haret |
taṃ baliṃ madhyamamidaṃ pūrvā pūrvā garīyasī || 329 ||
[Analyze grammar]

anyathāphalamāpnoti durbhikṣānarthadā bhavet |
tasmāt kuryāt prayatnena baliṃ viṇorvidhānataḥ || 330 ||
[Analyze grammar]

vṛkṣamūle'drimūle vā kuḍye vā'tra guhāntare |
kiṃcidasmin viśeṣo'sti tatkramaṃ śrṛṇu nārada || 331 ||
[Analyze grammar]

devāgre pūrvavat kalpya maṇḍapaṃ saparicchadam |
tatropalipya vidhivat hastamātraṃ samaṃtataḥ || 332 ||
[Analyze grammar]

tanmadhye śaktimāvāhya pātre pādukasaṃyute |
arghyādisaptamaṃ datvā pṛthak pādyādibhiḥ kramāt || 333 ||
[Analyze grammar]

maṇḍapaṃ paritaḥ kalpya parivārān viśeṣataḥ |
ekāvaraṇamārgeṇa maṇḍapaṃ bhrāmayet kramāt || 334 ||
[Analyze grammar]

matsyādīnāṃ tu devarṣe evameva samācaret |
balidānaṃ muniśreṣṭha śeṣaṃ pūrvavadācaret || 335 ||
[Analyze grammar]

anyathāphalamāpnoti kartā bhartā ca naśyati |
kevalaṃ balidānaṃ tu pravakṣyāmi śrṛṇu kramāt || 336 ||
[Analyze grammar]

homotsavavihīnaṃ cet sādhako munisattama |
pañcottaradaśān sarvān caṇḍādidvārapālakān || 337 ||
[Analyze grammar]

pūjayenmuniśārdūla gandhapuṣpādibhiḥ kramāt |
taddvāre balirityāhuradhamaḥ paripaṭhyate || 338 ||
[Analyze grammar]

uttame'pyuttamaṃ kuryāt madhyame madhyamaṃ kuru |
adhame'pyadhamaṃ kuryāt vibhavasyānurūpataḥ || 339 ||
[Analyze grammar]

nityotsavasya pūrve tu kārayettu viśeṣataḥ |
balidānaṃ muniśreṣṭha paścāddevaṃ paribhramet || 340 ||
[Analyze grammar]

adhamādhamamityāhuḥ parivāravihīnataḥ |
dattāvalokyakaṃ nāma tadgrāmasyaiva vṛddhikṛt || 341 ||
[Analyze grammar]

alaṃkārāṇi sarvāṇi cāsmin pūrvavadācaret |
ityuttamādi saṃprokto balikarmavidhirmayā || 342 ||
[Analyze grammar]

evaṃ sakṣepataḥ prokto nityotsavavidhirmune |
sādhakecchānurūpeṇa kārayedekadhā'tra tu || 343 ||
[Analyze grammar]

ātmārthaṃ vaidikenaiva tāntrikeṇaiva vā mune |
parārthe tāntrikeṇaiva miśritaṃ vā hariṃ param || 344 ||
[Analyze grammar]

arcayet pūrvavaddhīmān rājño rāṣṭrasya vardhanam |
parārthe vaidikenaiva na kuryāttu kathaṃcana || 345 ||
[Analyze grammar]

tasmāt sarvaprayatnena miśritaṃ tāntrikeṇa tu |
svārtha āvāhanaṃ kuryāt phalakādvā paṭādapi || 346 ||
[Analyze grammar]

sūryamaṇḍalamadhyādvā parārthe mūlaberakāt |
ekaberaṃ tu santyajyodvāsanāvāhanena tu || 347 ||
[Analyze grammar]

kuryāt svārthe parārthe ca śailabimbe viśeṣataḥ |
tathaiva bālagehasya bimbasya munisattama || 348 ||
[Analyze grammar]

āvāhanaṃ visargaṃ tu na smareccheṣamācaret |
aśakto'nadhikārī vā svārthaṃ yaḥ kārayatyapi || 349 ||
[Analyze grammar]

pareṇa tatkulaṃ sarvaṃ svakulaṃ tārayiṣyati |
viṣṇorniveditaṃ sarvaṃ mamāpi priyameva ca || 350 ||
[Analyze grammar]

hastayoraṅgulīnāṃ tu svāṅguṣṭhānāmikena tu |
nirmālyaṃ mocayitvā tu prāṇānāyamya mānasaḥ || 351 ||
[Analyze grammar]

tena mālyaṃ ca taddravyaṃ mama prītikaraṃ śubham |
tanmālyaṃ caiva taddravyaṃ bhaktānāṃ caiva dāpayet || 352 ||
[Analyze grammar]

matpūjā tadvimāne tu vinā cenmunisattama |
sā pūjā niṣphalā bhūyāt grāmasyānarthakṛdbhavet || 353 ||
[Analyze grammar]

kākaśvānādi jantūnāṃ pāṣaṇḍīnāṃ tathaiva ca |
vedavikrayakānāṃ ca vedanindakameva ca || 354 ||
[Analyze grammar]

śūdrānnatatparāṇāṃ ca nāstikānāṃ viśeṣataḥ |
evamādīni jātīnāṃ bhakṣaṇārthaṃ na dāpayet || 355 ||
[Analyze grammar]

avicāreṇa vā mohāt datvā rauravamāpnuyāt |
na laṅghayīta nirmālyaṃ mamāpi puruṣottama || 356 ||
[Analyze grammar]

yaścettu laṅghayet mohāt mahān doṣo bhaviṣyati |
mahārauravamāyāgnau nimagnastatra doṣabhāk || 357 ||
[Analyze grammar]

dvijātyāditrivarṇāntaṃ vaiṣṇavānāṃ viśeṣataḥ |
tretāgnīnāṃ vratasthānaṃ yatīnāṃ śāntacetasām || 358 ||
[Analyze grammar]

dīkṣitānāṃ tapasvīnāṃ vandhyādiṣu tathaiva ca |
evamādīni bhaktānāṃ dāpayeddevasaṃnidhau || 358 ||
[Analyze grammar]

tasmāt sarvaprayatnena varjitānāṃ na dāpayet |
evaṃ yaḥ kārayedbhaktyā viṣṇupūjāmanuttamām || 360 ||
[Analyze grammar]

mokṣadaṃ mokṣamicchūnāṃ dhanadaṃ dhanakāminām |
annadaṃ cānnamicchūnāṃ sarvakāmapradaṃ śubham || 361 ||
[Analyze grammar]