Chapter 19

ekonaviṃśo'dhyāyaḥ |
viṣvaksenaḥ |
ataḥ paraṃ pravakṣyāmi cāṅganyāsādilakṣaṇam |
śrṛṇu guhyamanā bhūtvā sādhakānāṃ hitāya vai || 1 ||
[Analyze grammar]

aṅganyāsakramaṃ caiva mudrāyā lakṣaṇaṃ tathā |
phalāni vividhānyatra sarvavidyāprakāśakam || 2 ||
[Analyze grammar]

ācāryaḥ prayato bhūtvā prāṅmukho vāpyudaṅmukhaḥ |
paṅkajaṃ vāsanaṃ baddhvā svastikaṃ vā yathecchayā || 3 ||
[Analyze grammar]

pūjārambhe'ñjaliṃ kṛtvā namaskṛtya yathāvidhi |
uttāne vāmahastāgre tiryagdakṣiṇamañjasā || 4 ||
[Analyze grammar]

maṇḍalākṛti saṃspṛśya vāmāntamitareṇa tu |
vāmāṅguṣṭhaṃ tato baddhvā muṣṭyordhvāṅguṣṭhayā mune || 5 ||
[Analyze grammar]

muṣṭiṃ kṛtvā gato dhāma dhyātvā mantraṃ samāhitaḥ |
saṃspṛśya hṛdayaṃ devaṃ trimātre śirasā tathā || 6 ||
[Analyze grammar]

praṇamya pāṇivyatyāsaṃ baddhvā mudrāṃ tathā punaḥ |
praviśyāñjalimudrāṃ tu pūjāmantreṇa mantravit || 7 ||
[Analyze grammar]

namo'ntaṃ hṛdayaṃ mūrdhni śikhāyāṃ kavace tathā |
astre netre tato dhyātvā taccihnena nyasedbudhaḥ || 8 ||
[Analyze grammar]

mudrāyā lakṣaṇaṃ cāpi niruktaṃ ca tataḥ śrṛṇu |
labdhayā tu yayā yasmāt sādhako devavairiṇām || 9 ||
[Analyze grammar]

drāvayīta mudaṃ tasmāt mudrā tallakṣaṇaṃ śrṛṇu |
baddhāyāstu bahirmuṣṭyā ṛjumaṅguṣṭhamāyatam || 10 ||
[Analyze grammar]

kṛtvāto madhyamāyāṃ tu tanmūlaṃ hṛdaye spṛśet |
āhṛtya tarjanīṃ samyak baddhvāṅguṣṭhena muṣṭikam || 11 ||
[Analyze grammar]

athāṅguṣṭhalalāṭānte śikhordhvamahatīṃ tathā |
bṛhadagradvayenaiva kṣudramudrasya bandhanam || 12 ||
[Analyze grammar]

hastābhyāmūrdhvamāyamya kṛtvā cānābhimaṇḍalam |
kavacasya dhiyā nyasya kavacasya tu mudrikā || 13 ||
[Analyze grammar]

aparā'strasya mudraiṣā kathyate dakṣiṇāgrakam |
muṣṭiṃ baddhvā tatastarjanyagramaṅguṣṭharekhayā || 14 ||
[Analyze grammar]

spṛṣṭvā sphoṭamudakṣepaḥ pūrvādi daśadikṣvapi |
kaniṣṭhānāmike baddhvā nahatā talamadhyage || 15 ||
[Analyze grammar]

tarjanīmadhyamāgrābhyāṃ netrayornetramudrikā |
madhyamutthāpitaṃ kṛtvā hastaṃ saṃkocya yatnataḥ || 16 ||
[Analyze grammar]

kanīyasaṃ tu saṃhṛtya śeṣayorubhayorapi |
atho vaktramukhāṃ śeṣāṅgulinā vāmakena tu || 17 ||
[Analyze grammar]

kareṇa dakṣiṇaṃ spṛṣṭvā bhrāmayeddīpamudrikā |
lalāṭe hṛdi vā samyak saṃpuṭo'ñjalirūrdhvagaḥ || 18 ||
[Analyze grammar]

nāmnā mudreyaṃ vijñeyā praṇāme'ñjalimudrikā |
uktānāmiha vānyeṣvapyanuktānāṃ prayatnataḥ || 19 ||
[Analyze grammar]

pradarśane'pyaśaktaḥ san añjaliṃ tu pradarśayet |
añjalirnāma mudreyaṃ sarvamudrāmayā priyā || 20 ||
[Analyze grammar]

viṣṇoḥ praṇāmamudraiṣā sarvakāmān pradāpayet |
etābhirnyastasarvāṅgo japahomādikān mune || 21 ||
[Analyze grammar]

yaḥ karoti svarakṣāṃ ca dīrghamāyuryaśaskaram |
sukhamaiśvaryabalatāṃ kalpyatāṃ ca labhet parām || 22 ||
[Analyze grammar]

vidyā hi vividhāṃ śreṣṭhāṃ bhuktimuktistathaiva ca |
rāṣṭro yasyoditānāṃ tu vidyānāmekayā mune || 23 ||
[Analyze grammar]

mūrtimantraprakāreṇa sādhakaḥ sakṛdarcayet |
tasya sarvamabhiprāyaṃ siddhyatyeva na saṃśayaḥ || 24 ||
[Analyze grammar]

anāvṛṣṭibhayaṃ nāsti ativṛṣṭibhayaṃ tathā |
vyādhidurbhikṣacorādi pīḍākālamṛtistathā || 25 ||
[Analyze grammar]

bahunātra pralāpena kiṃ sarvān sādhayiṣyati |
yadyat kāmayate svasya samṛddhaṃ puruṣo bhuvi || 26 ||
[Analyze grammar]

tattadeva labhet samyak harestasya nivedayet |
sādhakaścāpi vā bhaktyā prayataḥ samyagarcayet || 27 ||
[Analyze grammar]

tattatsarvaṃ labhedevaṃ mṛṣṭānnaṃ nātra saṃśayaḥ |
nṛpo vā nṛpamātro vā vedamantraistathā mune || 28 ||
[Analyze grammar]

mūrtimantrairaśakto vā svadravyairarcanādikān |
kārayīta muniśreṣṭha sādhakena yathāvidhi || 29 ||
[Analyze grammar]