Chapter 38

[English text for this chapter is available]

ṛṣaya ūcuḥ |
dhanyo'si kṛtakṛtyo'si jīvitaṃ saphalaṃ tava |
yacchrāvayasi nastāta maheśvarakathāṃ śubhām || 1 ||
[Analyze grammar]

bahubhiścarṣibhi ssūta śrutaṃ yadyapi vastu sat |
sandeho na mato'smākaṃ tadetatkathayāmi te || 2 ||
[Analyze grammar]

kena vratena santuṣṭaḥ śivo yacchati satsukham |
kuśalaśśivakṛtye tvaṃ tasmātpṛcchāmahe vayam || 3 ||
[Analyze grammar]

bhuktirmuktiśca labhyeta bhaktairyena vratena vai |
tadvada tvaṃ viśeṣeṇa vyāsaśiṣya namo'stu te || 4 ||
[Analyze grammar]

sūta uvāca |
samyakpṛṣṭamṛṣiśreṣṭhā bhavadbhiḥ karuṇātmabhiḥ |
smṛtvā śivapadāṃbhojaṃ kathayāmi yathāśrutam || 5 ||
[Analyze grammar]

yathā bhavadbhiḥ pṛccheta tathā pṛṣṭaṃ hi vedhasā |
hariṇā śivayā caiva tathā vai śaṃkaraṃ prati || 6 ||
[Analyze grammar]

kasmiṃścitsamaye taistu pṛṣṭaṃ ca paramātmane |
kena vratena santuṣṭo bhuktiṃ muktiṃ ca yacchasi || 7 ||
[Analyze grammar]

iti pṛṣṭastadā taistu hariṇā tena vai tadā |
tadahaṃ kathayāmyadya śṛṇvatāṃ pāpahārakam || 8 ||
[Analyze grammar]

|| śiva uvāca |
bhūri vratāni me santi bhuktimuktipradāni ca |
mukhyāni tatra jñeyāni daśasaṃkhyāni tāni vai || 9 ||
[Analyze grammar]

daśa śaivavratānyāhurjābālaśrutipāragāḥ |
tāni vratāni yatnena kāryāṇyeva dvijaissadā || 10 ||
[Analyze grammar]

pratyaṣṭamyāṃ prayatnena kartavyaṃ naktabhojanam |
kālāṣṭamyāṃ viśeṣeṇa hare tyājyaṃ hi bhojanam || 11 ||
[Analyze grammar]

ekādaśyāṃ sitāyāṃ tu tyājyaṃ viṣṇo hi bhojanam |
asitāyāṃ tu bhoktavyaṃ naktamabhyarcya māṃ hare || 12 ||
[Analyze grammar]

trayodaśyāṃ sitāyāṃ tu kartavyaṃ niśi bhojanam |
asitāyāṃ tu bhūtāyāṃ tatra kāryaṃ śivavrataiḥ || 13 ||
[Analyze grammar]

niśi yatnena kartavyaṃ bhojanaṃ somavāsare |
ubhayoḥ pakṣayorviṣṇo sarvasmiñchiva tatparaiḥ || 14 ||
[Analyze grammar]

vrateṣveteṣu sarveṣu śaivā bhojyāḥ prayatnataḥ |
yathāśakti dvijaśreṣṭhā vratasaṃpūrtihetave || 15 ||
[Analyze grammar]

vratānyetāni niyamātkartavyāni dvijanmabhiḥ |
vratānyetāni tu tyaktvā jāyante taskarā dvijāḥ || 16 ||
[Analyze grammar]

muktimārgapravīṇaiśca kartavyaṃ niyamāditi |
muktestu prāpakaṃ caiva catuṣṭayamudāhṛtam || 17 ||
[Analyze grammar]

śivārcanaṃ rudrajapaṃ upavāsaśśivālaye |
vārāṇasyāṃ ca maraṇaṃ muktireṣā sanātanī || 18 ||
[Analyze grammar]

aṣṭamī somavāre ca kṛṣṇapakṣe caturdaśī |
śivatuṣṭikaraṃ caitannātra kāryā vicāraṇā || 19 ||
[Analyze grammar]

caturṣvapi baliṣṭhaṃ hi śivarātrivrataṃ hare |
tasmāttadeva kartavyaṃ bhuktimuktiphalepsubhiḥ || 20 ||
[Analyze grammar]

etasmācca matādanyannāsti nṛṇāṃ hitāvaham |
etadvratantu sarveṣāṃ dharmasādhanamuttamam || 21 ||
[Analyze grammar]

niṣkāmānāṃ sakāmānāṃ sarveṣāṃ ca nṛṇāntathā |
varṇānāmāśramāṇāṃ ca strībālānāṃ tathā hare || 22 ||
[Analyze grammar]

dāsānāṃ dāsikānāṃ ca devādīnāṃ tathaiva ca |
śarīriṇāṃ ca sarveṣāṃ hitametadvrataṃ varam || 23 ||
[Analyze grammar]

māghasya hyasite pakṣe viśiṣṭā sātikīrtitā |
niśīthavyāpinī grāhyā hatyākoṭivināśinī || 24 ||
[Analyze grammar]

taddine caiva yatkāryaṃ prātarārabhya keśava |
śrūyatāntanmano dattvā suprītyā kathayāmi te || 25 ||
[Analyze grammar]

prātarutthāya medhāvī paramānandasaṃyutaḥ |
samācarennityakṛtyaṃ snānādikamatandritaḥ || 26 ||
[Analyze grammar]

śivālaye tato gatvā pūjayitvā yathāvidhi |
namaskṛtya śivaṃ paścātsaṃkalpaṃ samyagācaret || 27 ||
[Analyze grammar]

devadeva mahādeva nīlakaṇṭha namo'stu te |
kartumicchāmyahaṃ deva śivarātrivrataṃ tava || 28 ||
[Analyze grammar]

tava prabhāvāddeveśa nirvighnena bhavediti |
kāmādyāḥ śatravo māṃ vai pīḍāṃ kurvantu naiva hi || 29 ||
[Analyze grammar]

evaṃ saṃkalpamāsthāya pūjādravyaṃ samāharet |
susthale caiva yalliṃgaṃ prasiddhaṃ cāgameṣu vai || 30 ||
[Analyze grammar]

rātrau tatra svayaṃ gatvā saṃpādya vidhimuttamam |
śivasya dakṣiṇe bhāge paścime vā sthale śubhe || 31 ||
[Analyze grammar]

nidhāya caiva taddravyaṃ pūjārthaṃ śivasannidhau |
punaḥ snāyāttadā tatra vidhipūrvaṃ narottamaḥ || 32 ||
[Analyze grammar]

paridhāya śubhaṃ vastramantarvāsaśśubhantathā |
ācamya ca trivāraṃ hi pūjāraṃbhaṃ samācaret || 33 ||
[Analyze grammar]

yasya maṃtrasya yaddravyaṃ tena pūjāṃ samācaret |
amaṃtrakaṃ na kartavyaṃ pūjanaṃ tu harasya ca || 34 ||
[Analyze grammar]

gītairvādyaistathā nṛtyairbhaktibhāvasamanvitaḥ |
pūjanaṃ prathame yāme kṛtvā maṃtraṃ japedbudhaḥ || 35 ||
[Analyze grammar]

pārthivaṃ ca tadā śreṣṭhaṃ vidadhyānmaṃtravānyadi |
kṛtanityakriyaḥ paścātpārthivaṃ ca samarcayet || 36 ||
[Analyze grammar]

prathamaṃ pārthivaṃ kṛtvā paścātsthāpanamācaret |
stotrairnānāvidhairdevaṃ toṣayedvṛṣabhadhvajam || 37 ||
[Analyze grammar]

māhātmyaṃ vratasaṃbhūtaṃ paṭhitavyaṃ sudhīmatā |
śrotavyaṃ bhaktavaryeṇa vratasampūrtikāmyayā || 38 ||
[Analyze grammar]

caturṣvapi ca yāmeṣu mūrtīnāṃ ca catuṣṭayam |
kṛtvāvāhanapūrvaṃ hi visargāvadhi vai kramāt || 39 ||
[Analyze grammar]

kāryaṃ jāgaraṇaṃ prītyā mahotsava samanvitam |
prātaḥ snātvā punastatra sthāpayetpūjayecchivam || 40 ||
[Analyze grammar]

tataḥ saṃprārthayecchaṃbhuṃ nataskandhaḥ kṛtāñjaliḥ |
kṛtasampūrṇa vratako natvā taṃ ca punaḥ punaḥ || 41 ||
[Analyze grammar]

niyamo yo mahādeva kṛtaścaiva tvadājñayā |
visṛjyate mayā svāminvrataṃ jātamanuttamam || 42 ||
[Analyze grammar]

vratenānena deveśa yathāśaktikṛtena ca |
santuṣṭo bhava śarvādya kṛpāṃ kuru mamopari || 43 ||
[Analyze grammar]

puṣpāñjaliṃ śive dattvā dadyāddānaṃ yathāvidhi |
namaskṛtya śivāyaiva niyamaṃ taṃ visarjayet || 44 ||
[Analyze grammar]

yathāśakti dvijāñchaivānyatinaśca viśeṣataḥ |
bhojayitvā susantoṣya svayaṃ bhojanamācaret || 45 ||
[Analyze grammar]

yāmeyāme yathā pūjā kāryā bhaktavarairhare |
śivarātrau viśeṣeṇa tāmahaṃ kathayāmi te || 46 ||
[Analyze grammar]

prathame caiva yāme ca sthāpitaṃ pārthivaṃ hare |
pūjayetparayā bhaktyā sūpacārairanekaśaḥ || 47 ||
[Analyze grammar]

paṃcadravyaiśca prathamaṃ pūjanīyo harassadā |
tasya tasya ca mantreṇa pṛthagdravyaṃ samarpayet || 48 ||
[Analyze grammar]

tacca dravyaṃ samarpyaiva jaladhārāṃ dadeta vai |
paścācca jaladhārābhirdravyāṇuttārayedbudhaḥ || 49 ||
[Analyze grammar]

śatamaṣṭottaraṃ mantraṃ paṭhitvā jaladhārayā |
pūjayecca śivaṃ tatra nirguṇaṃ guṇarūpiṇam || 50 ||
[Analyze grammar]

gurudattena maṃtreṇa pūjayedvṛṣabhadhjam |
anyathā nāmamaṃtreṇa pūjayedvai sadāśivam || 51 ||
[Analyze grammar]

candanena vicitreṇa taṇḍulaiścāpyakhaṇḍitaiḥ |
kṛṣṇaiścaiva tilaiḥ pūjā kāryā śaṃbhoḥ parātmanaḥ || 52 ||
[Analyze grammar]

puṣpaiśca śatapatraiśca karavīraistathā punaḥ |
aṣṭabhirnāmamaṃtraiścārpayetpuṣpāṇi śaṃkare || 53 ||
[Analyze grammar]

bhavaḥ śarvastathā rudraḥ punaḥ paśupatistathā |
ugro mahāṃstathā bhīma īśāna iti tāni vai || 54 ||
[Analyze grammar]

śrīpūrvaiśca caturthyaṃtairnāmabhiḥ pūjayecchivam |
paścāddhūpaṃ ca dīpaṃ ca naivedyaṃ ca tataḥ param || 55 ||
[Analyze grammar]

ādye yāme ca naivedyaṃ pakvānnaṃ kārayedbudhaḥ |
arghaṃ ca śrīphalaṃ dattvā tāmbūlaṃ ca nivedayet || 56 ||
[Analyze grammar]

namaskāraṃ tato dhyānaṃ japaḥ prokto gurormanoḥ |
anyathā paṃcavarṇena toṣayettena śaṃkaram || 57 ||
[Analyze grammar]

dhenumudrāṃ pradarśyātha sujalaistarpaṇaṃ caret |
paṃcabrāhmaṇabhojaṃ ca kalpayedvai yathābalam || 58 ||
[Analyze grammar]

mahotsavaśca kartavyo yāvadyāmo bhavediha |
tataḥ pūjāphalaṃ tasmai nivedya ca visarjayet || 59 ||
[Analyze grammar]

punardvitīye yāme ca saṃkalpaṃ susamā caret |
athavaikadaiva saṃkalpya kuryātpūjāṃ tathāvidhām || 60 ||
[Analyze grammar]

dravyaiḥ pūrvaistathā pūjāṃ kṛtvā dhārāṃ samarpayet |
pūrvato dviguṇaṃ maṃtraṃ samuccāryārcayecchivam || 61 ||
[Analyze grammar]

pūrvaistilayavaiścātha kamalaiḥ pūjayecchivam |
bilvapatrairviśeṣeṇa pūjayetparameśvaram || 62 ||
[Analyze grammar]

arghyaṃ ca bījapūreṇa naivedyaṃ pāyasantathā |
maṃtrāvṛttistu dviguṇā pūrvato'pi janārdana || 63 ||
[Analyze grammar]

tataśca brāhmaṇānāṃ hi bhojyo saṃkalpamācaret |
anyatsarvaṃ tathā kuryādyāvacca dvitayāvadhi || 64 ||
[Analyze grammar]

yāme prāpte tṛtīye ca pūrvavatpūjanaṃ caret |
yavasthāne ca godhūmāḥ puṣpāṇyarkabhavāni ca || 65 ||
[Analyze grammar]

dhūpaiśca vividhaistatra dīpairnānāvidhairapi |
naivedyāpūpakairviṣṇo śākairnānāvidhairapi || 66 ||
[Analyze grammar]

kṛtvaiva cātha karpūrairārārtika vidhiṃ careta |
arghyaṃ sadāḍimaṃ dadyāddviguṇaṃ japamācaret || 67 ||
[Analyze grammar]

tataśca brahmabhojasya saṃkalpaṃ ca sadakṣiṇam |
utsavaṃ pūrvavatkuryā dyāvadyāmāvadhirbhavet || 68 ||
[Analyze grammar]

yāme caturthe saṃprāte kuryāttasya visarjanam |
prayogādi punaḥ kṛtvā pūjāṃ vidhivadācaret || 69 ||
[Analyze grammar]

māṣaiḥ priyaṃgubhirmudgaissaptadhānyaistathāthavā |
śaṃkhīpuṣpairbilvapatraiḥ pūjayetparameśvaram || 70 ||
[Analyze grammar]

naivedyaṃ tatra dadyādvai madhurairvividhairapi |
athavā caiva māṣānnaistoṣayecca sadāśivam || 71 ||
[Analyze grammar]

arghaṃ dadyātkadalyāśca phalenaivāthavā hare |
vividhaiśca phalaiścaiva dadyādarghyaṃ śivāya ca || 72 ||
[Analyze grammar]

pūrvato dviguṇaṃ kuryānmaṃtrajāpaṃ narottamaḥ |
saṃkalpaṃ brahmabhojasya yathāśakti caredbudhaḥ || 73 ||
[Analyze grammar]

gītairvādyaistathā nṛtyairnayetkālaṃ ca bhaktitaḥ |
mahotsavairbhaktajanairyāvatsyādaruṇodayaḥ || 74 ||
[Analyze grammar]

udaye ca tathā jāte punassnātvārcayecchivam |
nānāpūjopahāraiśca svābhiṣekamathācaret || 75 ||
[Analyze grammar]

nānāvidhāni dānāni bhojyaṃ ca vividhantathā |
brāhmaṇānāṃ yatīnāṃ ca kartavyaṃ yāmasaṃkhyayā || 76 ||
[Analyze grammar]

śaṃkarāya namaskṛtya puṣpāñjalimathācaret |
prārthayetsustutiṃ kṛtvā mantrairetairvicakṣaṇaḥ || 77 ||
[Analyze grammar]

tāvakastvadgataprāṇastvaccitto'haṃ sadā mṛḍa |
kṛpānidhe iti jñātvā yathā yogyaṃ tathā kuru || 78 ||
[Analyze grammar]

ajñānādyadi vā jñānājjapapūjādikaṃ mayā |
kṛpānidhitvājjñātvaiva bhūtanātha prasīda me || 79 ||
[Analyze grammar]

anenaivopavāsena yajjātaṃ phalameva ca |
tenaiva prīyatāṃ devaḥ śaṃkaraḥ sukhadāyakaḥ || 80 ||
[Analyze grammar]

kule mama mahādeva bhajanaṃ te'stu sarvadā |
mābhūttasya kule janma yatra tvaṃ nahi devatā || 81 ||
[Analyze grammar]

puṣpāṃjaliṃ samarpyaivaṃ tilakāśiṣa eva ca |
gṛhṇīyādbrāhmaṇebhyaśca tataśśaṃbhuṃ visarjayet || 82 ||
[Analyze grammar]

evaṃ vrataṃ kṛtaṃ yena tasmāddūro haro na hi |
na śakyate phalaṃ vaktuṃ nādeyaṃ vidyate mama || 83 ||
[Analyze grammar]

anāyāsatayā cedvai kṛtaṃ vratamidamparam |
tasya vai muktibījaṃ ca jātaṃ nātra vicāraṇā || 84 ||
[Analyze grammar]

pratimāsaṃ vrataṃ caiva kartavyaṃ bhaktito naraiḥ |
udyāpanavidhiṃ paścātkṛtvā sāṃgaphalaṃ labhet || 85 ||
[Analyze grammar]

vratasya karaṇānnūnaṃ śivo'haṃ sarvaduḥkhahā |
dadmi bhuktiṃ ca muktiṃ ca sarvaṃ vai vāñchitaṃ phalam || 86 ||
[Analyze grammar]

sūta uvāca |
iti śivavacanaṃ niśamya viṣṇurhitataramadbhutamājagāma dhāma |
tadanu vratamuttamaṃ janeṣu samacaradātmahiteṣu caitadeva || 87 ||
[Analyze grammar]

kadācinnāradāyātha śivarātrivratantvidam |
bhuktimuktipradaṃ divyaṃ kathayāmāsa keśavaḥ || 88 ||
[Analyze grammar]

iti śrīśivamahāpurāṇe caturthyāṃ koṭirudrasaṃhitāyāṃ vyādheśvaramāhātmye śivarātrivratamahimanirūpaṇaṃnāmāṣṭatriṃśo'dhyāyaḥ || 38 ||
[Analyze grammar]