Chapter 229

pāṣāṇopakhyāne kalpakṣobho nāma sargaḥ |
ekonatriṃśaduttaradviśatatamaḥ sargaḥ |
vasiṣṭhaḥ |
athākṛṣṭavati prāṇān svayambhuvi nabhobhuvaḥ |
virāḍātmani tatyāja vātaskandhasthitiṃ sthirām || 1 ||
[Analyze grammar]

te hi tasya kila prāṇāstenākrānteṣu teṣvapi |
ṛkṣacakrasthitiṃ ko'nyaścakre bhūtaikadhāriṇīm || 2 ||
[Analyze grammar]

vātaskandhe samākrānte brahmaṇā prāṇamārute |
śamaṃ gantuṃ parityajya saṃsthitiṃ kṣobhamāgate || 3 ||
[Analyze grammar]

nirādhārāḥ savātāgnideholmukavadāpatan |
vyomnastārāstaroḥ puṣpanikarā iva bhūtale || 4 ||
[Analyze grammar]

kālapākagalanmūlā jagatṣaṇḍaphalādayaḥ |
praśāntapavanādhārā vimānāvalayo'patan || 5 ||
[Analyze grammar]

praśamonmukhatāṃ yāte brāhme saṅkalpanendhane |
siddhānāṃ gatayaśśemuriddhānāmarciṣāmiva || 6 ||
[Analyze grammar]

prabhramantyo'mbare kalpamārutaistanutūlavat |
svaśaktyapacaye mūkāḥ siddhasantatayo'patan || 7 ||
[Analyze grammar]

sakalpadrumajālāni sendrādinagarāṇi ca |
peturbhūkampalolasya śirāṃsyamarabhūbhṛtaḥ || 8 ||
[Analyze grammar]

rāmaḥ |
vakṣi saṅkalpamātrātmā virāḍbrahmā jagadvapuḥ |
kimaṅgaṃ tasya bhūlokaḥ kiṃ svargaḥ kiṃ rasātalam || 9 ||
[Analyze grammar]

kathametāni cāṅgāni brahmaṃstasya sthitāni vā |
kathaṃ vā so'ntare tasya svasyaiva vapuṣaḥ sthitaḥ || 10 ||
[Analyze grammar]

brahmā saṅkalpamātrātmā nirākṛtiridaṃ sthitam |
jagadityeva jāto me niścayaḥ kathayetarat || 11 ||
[Analyze grammar]

vasiṣṭhaḥ |
ādau tāvadidaṃ nāsanna sadāste nirāmayam |
cinmātraparamākāśamāśākośaikapūrakam || 12 ||
[Analyze grammar]

tatsvāmākāśatāṃ caitaccetyamityavabudhyate |
svarūpamajahannityaṃ cittvādbhavati cetanam || 13 ||
[Analyze grammar]

viddhi tvaṃ cetanaṃ jīvaṃ sa ghanatvānmanaḥ sthitam |
etāvati sthite jāle na kiñcitsākṛti sthitam || 14 ||
[Analyze grammar]

śuddhaṃ vyomaiva cidvyoma sthitamātmani pūrvavat |
yadetatpratibhātaṃ tu tadananyacchivāttataḥ || 15 ||
[Analyze grammar]

atha tanmana ābhogi bhāvitāhaṅkṛti sphurat |
saṅkalpātmakamākāśamāste timitamavyayam || 16 ||
[Analyze grammar]

tatsaṅkalpacidābhāsanabho'hamiti bhāvitam |
asantamevānubhavatsanniveśaṃ khameva khe || 17 ||
[Analyze grammar]

vetti bhāvitamātmānaṃ paśyatyanubhavatyapi |
saṅkalpakātmakaṃ śūnyameva deha iti sthitam || 18 ||
[Analyze grammar]

śūnyameva yathākāri saṅkalpanagaraṃ bhavān |
paśyatyevamajo dehaṃ khe khamevānubhūtavān || 19 ||
[Analyze grammar]

saṃvido nirmalatvātsa yāvadicchaṃ tathāvidham |
anubhūyānubhavanaṃ svecchayaivopaśāmyati || 20 ||
[Analyze grammar]

yadā tvatra parijñānamasmadādestadātatam |
idaṃ saṃsaraṇaṃ viddhi śūnyaṃ satyamiva sthitam || 21 ||
[Analyze grammar]

yathābhūtaparijñānādatra śāmyati vāsanā |
advaitānnirahaṅkārāttato mokṣo'vaśiṣyate || 22 ||
[Analyze grammar]

evameṣa sa yo brahmā sa evedaṃ jagatsthitam |
virājo brahmaṇo rāma deho yastadidaṃ jagat || 23 ||
[Analyze grammar]

saṅkalpākāśarūpasya tasya yā bhrāntirutthitā |
tadidaṃ jagadābhāti tadbrahmāṇḍamudāhṛtam || 24 ||
[Analyze grammar]

sarvamākāśamevedaṃ saṅkalpakalanātmakam |
vastutastvasti na jagattvattāmatte ca na kvacit || 25 ||
[Analyze grammar]

kva cinmātre'male vyomni kathaṃ vā kena vā jagat |
kiṃ jāyate kimatrāsti kāraṇaṃ sahakāri yat || 26 ||
[Analyze grammar]

ato'līkamidaṃ jātamalīkaṃ paridṛśyate |
alīkaṃ svadate'līkameva naśyati śūnyakam || 27 ||
[Analyze grammar]

jagadādikayā bhāsā cinmātraṃ svadate svataḥ |
ātmanātmāmbare dvaitaṃ spandaneneva mārutaḥ || 28 ||
[Analyze grammar]

idaṃ kiñcinnakiñcidvā dvaitādvaitavivarjitam |
cidākāśaṃ jagadviddhi śūnyamacchaṃ nirāmayam || 29 ||
[Analyze grammar]

śāntāśeṣaviśeṣo'haṃ tena rāghava saṃsthitaḥ |
sannevāsannivātastvamevamevāssva nirmamaḥ || 30 ||
[Analyze grammar]

nirvāsanaśśāntamanā maunī vigatacāpalaḥ |
sarvaṃ kuru yathāprāptaṃ kuru vā mātra kiṃ grahaḥ || 31 ||
[Analyze grammar]

anādinityānubhavo ya ekaḥ sa eva dṛśyaṃ na tu dṛśyamanyat |
satyānubhūteranubhūtayo yāḥ suvistṛtā dṛśyamahādṛśastāḥ || 32 ||
[Analyze grammar]