Chapter 83

vītahavyopākhyāne cittānuśāsanaṃ nāma sargaḥ |
tryaśītitamaḥ sargaḥ |
vasiṣṭhaḥ |
vītahavyo mahābuddhirvindhyādrau kandarodare |
kṣurāgraśitayā buddhyā bhūyaścedaṃ vyacārayat || 1 ||
[Analyze grammar]

mūrkhendriyagaṇāśeṣe samagraracanānvite |
sarvasaṅkalpavalite sarvāṅkuraparāvṛte || 2 ||
[Analyze grammar]

samagraparivāre'smin sarvanāśe tavotthite |
nūnamevābhyudetyātmā tamasīva kṣate raviḥ || 3 ||
[Analyze grammar]

nityodito'pi bhavato nodeti parameśvaraḥ |
ravirandhekṣaṇasyeva vāsanāvalitātmanaḥ || 4 ||
[Analyze grammar]

vāsanāmalasaṃśāntau tvaṃ samūlaṃ vinaśyasi |
tataḥ prakaṭatāmeti brahma bṛṃhitacidghanam || 5 ||
[Analyze grammar]

bandho hi vāsanāmātraṃ tatkṣayo mokṣa ucyate |
vāsanārajjuvicchedavilāsenodito bhava || 6 ||
[Analyze grammar]

indriyālī vibhau dṛṣṭe kṣīyate sahavāsanā |
āndhyasaṅkalpanā kāle nāndhyakṣaya ivodite || 7 ||
[Analyze grammar]

ātmalābhe kṣayaṃ yāti manaṣṣaṣṭhendriyāvalī |
indriyāvalināśe ca svātmanātmopalabhyate || 8 ||
[Analyze grammar]

satataṃ śreyase tasmāddvayameva samācaret |
ātmalābhendriyavaśāvabhyāsenaiva sidhyataḥ || 9 ||
[Analyze grammar]

svayaṃ guṇasamāhāraḥ kṣīyate dṛṣṭa ātmani |
śārvaro bhūtasaṃrambho divākara ivodite || 10 ||
[Analyze grammar]

yasmindṛṣṭe kṣayaṃ yāti yaḥ sa tena satā kṣayī |
kathaṃ sambandhamāyāti cetanena jaḍātmakaḥ || 11 ||
[Analyze grammar]

prakāśasyāprakāśena śītalenoṣṇarūpiṇaḥ |
jīvatā pramṛtasyeva na sambhavati saṅgamaḥ || 12 ||
[Analyze grammar]

kva samagrakalātītaḥ kva samagrakalānvitaḥ |
kva nityaḥ samprakāśātmā kvānityastimirākṛtiḥ || 13 ||
[Analyze grammar]

nityamastamitākāraḥ kva nityoditacidvapuḥ |
kva cāsajjaḍamūkāndhaḥ kva sarvālokacidghanaḥ || 14 ||
[Analyze grammar]

ātmendriyagaṇairyukta ityanarthāya niścayaḥ |
yāvadajñānamevāntarbālānāmeva valgati || 15 ||
[Analyze grammar]

tajjñānāmātmanā saṅgo nendriyāṇāmiti sthite |
akṣagrāme kṣayaṃ yāte paramātmamayaṃ jagat || 16 ||
[Analyze grammar]

yayāyuktyā mudhaiṣā te śaṅkā sphurati pīvarī |
ātmā kalaṅkita iti sā vinaṣṭājñatādhunā || 17 ||
[Analyze grammar]

anigīrṇaviṣo mūrkhaḥ sa yāto viṣamūrchanām |
ātmendriyaśaṭhairyukta iti yenāśrito'ntaram || 18 ||
[Analyze grammar]

duḥkhiṣvindriyamūrkheṣu sukheṣūpahateṣu vā |
sākṣiṇo'kṣīṇasadvṛtterātmanaḥ kimivāgatam || 19 ||
[Analyze grammar]

cittendriyātmanāṃ saṅga iti no sambhavatyalam |
sambandhābhāvasaṃsiddhau bhoktṛtākartṛte katham || 20 ||
[Analyze grammar]

nātaḥ kartā na bhoktāsmi na mokṣo'sti na bandhanam |
nāhamasmi na cānyo'sti saṃvidātmāstyalepakaḥ || 21 ||
[Analyze grammar]

sa evāhaṃ sa eva tvaṃ sa jagatso'mbaraṃ sa bhūḥ |
sarvaṃ nūnaṃ sa eveti nirṇīte kiṃ vimuhyasi || 22 ||
[Analyze grammar]

saṃvidaścyavanaṃ duḥkhaṃ saṃvido mā cyuto bhava |
etāvataikadhyānena nityadhyāno bhavātmadṛk || 23 ||
[Analyze grammar]

abhāve duḥkhadasyāntardṛśyādṛśyasya vastunaḥ |
saṅkalponmukhatāṃ viddhi duḥkhadāṃ saṃvidaścyutim || 24 ||
[Analyze grammar]

jaḍeṣūpalabhedeṣu manodehendriyādiṣu |
kīdṛśī kartṛtā citta kathaṃ vyomni vanaṃ bhavet || 25 ||
[Analyze grammar]

nirastakalanāpaṅke mananadhvaṃsarūpiṇi |
na caivātmani kartṛtvaṃ sambhavatyambarāṅgavat || 26 ||
[Analyze grammar]

ayaṃ kevalamātmaiva nānānānātayātmani |
sphuratyabdhirivāmbhobhirmudhā lokaḥ kadarthitaḥ || 27 ||
[Analyze grammar]

ābhāsamātre sarvasmin sphuratyasmiṃścidātmani |
dvitīyā nāsti kalanā taptāṅgāra ivāmbudhau || 28 ||
[Analyze grammar]

kalanārahite deve dehe manasi vā jaḍe |
saṃvitsaṃvedyanirmuktā sārā sundara netarat || 29 ||
[Analyze grammar]

idamanyadidaṃ cānyacchubhaṃ vāśubhameva vā |
iti saṅkalpanā nāsti yathā nabhasi kānanam || 30 ||
[Analyze grammar]

saṃvedyarahitaṃ saṃvinmātramevedamātatam |
tatrāyamahamanyo'yamiti saṅkalpanā katham || 31 ||
[Analyze grammar]

anādimati nīrūpe sarvage vitatātmani |
āropayetkaḥ kalanāmṛgvedaṃ vyomni ko likhet || 32 ||
[Analyze grammar]

nityodite sakalavastupadārthasāre deve sthite bharitanirbharabhūridikkam |
ātmanyasattvamiti sādhu gate'malatvātkṣīṇau sukhāsukhalavau mama vai samoham || 33 ||
[Analyze grammar]