Chapter 136

bhārgavopākhyāne samāśvāsanaṃ nāma sargaḥ |
ṣaṭtriṃśaduttaraśatatamaḥ sargaḥ |
vasiṣṭhaḥ |
atha kālabhṛgū devau mandarācalakandarāt |
gantuṃ pravṛttāvavanau samaṅgāsaritastaṭam || 1 || tau śailādavarohantau dṛṣṭavantau mahādyutī |
navahemalatājālakuñjasuptānnabhaścarān || 2 ||
[Analyze grammar]

vallīvalayadolābhiḥ krīḍantīrgaganāṅganāḥ |
hariṇīmugdhamugdhākṣiprekṣitasmāritotpalāḥ || 3 ||
[Analyze grammar]

siṃhānadhyāsitottuṅgaśilāśakalaviṣṭarān |
dhṛtākārānivotsāhān helādṛṣṭajagattrayān || 4 ||
[Analyze grammar]

tālottālalatānyastahastān hastighaṭāpatīn |
madāvalepanidrālūnmadānmūrtimivāsthitān || 5 ||
[Analyze grammar]

puṣpakesararaktāṅgapavanāruṇavāladhīn |
cañcalāṃścamarāṃścāru bhūbhṛnmaṅgalacālitān || 6 ||
[Analyze grammar]

kṛtājasrapatatpuṣpadhārāsāranimajjanān |
bhramarān sarjakharjūraśākhāśaraṇatāṃ gatān || 7 ||
[Analyze grammar]

parasparaphalāghātakṣveḍāvijitakīcakān |
dhātupāṭalasadvaktrānmarkaṭānaṭanotkaṭān || 8 ||
[Analyze grammar]

latāvitānasañchannasānūpavanamandirān |
siddhānamaranārībhirmandārakusumāhatān || 9 ||
[Analyze grammar]

dhātupāṭalanirvāripayodapaṭasaṃvṛtān |
taṭānajanasaṃsargānbauddhānpravrājitāniva || 10 ||
[Analyze grammar]

saritaḥ kundamandārapinaddhalaharīghaṭāḥ |
sāgarotkatayevāttamadhumāsaprasādhanāḥ || 11 ||
[Analyze grammar]

puṣpabhārapinaddhāṅgānvṛkṣānpavanakampitān |
kṣīvāniva madhuprāptau ghūrṇanmadhukarekṣaṇān || 12 ||
[Analyze grammar]

śailarājaśriyaṃ sphītāṃ paśyantau tāvitastataḥ |
prāptavantau vasumatīṃ purapattanamaṇḍitām || 13 ||
[Analyze grammar]

kṣaṇādavāpatustatra puṣpalolataraṅgiṇīm |
samaṅgāṃ saritaṃ sādhū sarvapuṣpamayīmiva || 14 ||
[Analyze grammar]

dadarśātha taṭe tasyāḥ kasmiṃścittanayaṃ bhṛguḥ |
dehāntaraparāvṛttaṃ bhāvamanyamupāgatam || 15 ||
[Analyze grammar]

śāntendriyaṃ samādhisthamacañcalamanomṛgam |
sucirādiva viśrāntaṃ suciraṃ śramaśāntaye || 16 ||
[Analyze grammar]

cintayantamivānantāścirabhuktāścirojjhitāḥ |
saṃsārasāgaragatīrharṣaśokanirantarāḥ || 17 ||
[Analyze grammar]

nūnaṃ niścalatāṃ yātamatibhramitacakravat |
anantajagadāvartavivartātiśayādiva || 18 ||
[Analyze grammar]

ekāntasaṃsthitaṃ kāntaṃ kāntyaikākinamāśritam |
upaśāntehitaṃ tyaktacittasambhramasaṅgamam || 19 ||
[Analyze grammar]

nirvikalpasamādhisthaṃ virataṃ dvandvavṛttitaḥ |
hasantamakhilā lokagatīśśītalayā dhiyā || 20 ||
[Analyze grammar]

viditākhilavṛttāntaṃ vigatāśeṣakautukam |
nirastakalpanājālamālambitamahāpadam || 21 ||
[Analyze grammar]

anantaviśrāntitate pade viśrāntamātmani |
pratibimbamagṛhṇantaṃ sitaṃ maṇimiva sthitam || 22 ||
[Analyze grammar]

heyopādeyasaṅkalpavikalpābhyāṃ samujjhitam |
suprabuddhamatiṃ dhīraṃ dadarśa tanayaṃ bhṛguḥ || 23 ||
[Analyze grammar]

tamālokya bhṛgoḥ putraṃ kālo bhṛgumuvāca ha |
vākyamabdhidhvaninibhaṃ tava putrastvasāviti || 24 ||
[Analyze grammar]

vibudhyatāmiti girā samādhervirarāma saḥ |
bhārgavo'mbhodaghoṣeṇa śanairiva śikhaṇḍabhṛt || 25 ||
[Analyze grammar]

unmīlya netre so'paśyadagre kālabhṛgū prabhū |
samodayāvivāyātau devau śaśidivākarau || 26 ||
[Analyze grammar]

kadambalatikāpīṭhādathotthāya nanāma tau |
samaṃ samāgatau kāntau viprau hariharāviva || 27 ||
[Analyze grammar]

mithaḥ kṛtasamācārāśśilāyāṃ samupāviśan |
merupṛṣṭhe jagatpūjyā brahmaviṣṇuharā iva || 28 ||
[Analyze grammar]

atha śāntatapā nāma sa samaṅgātaṭe dvijaḥ |
tāv uvāca vacaśśāntamamṛtasyandasundaram || 29 ||
[Analyze grammar]

bhavatordarśanenāhamadya nirvṛtimāgataḥ |
samamāgatayorlokaṃ śītaloṣṇarucoriva || 30 ||
[Analyze grammar]

yo na śāstrairna tapasā na jñānena na vidyayā |
vinaṣṭo me manomohaḥ kṣīṇo'sau darśanena vām || 31 ||
[Analyze grammar]

na tathā sukhayantyantarnirmalāmṛtavṛṣṭayaḥ |
yathā praharṣayantyetā mahatāmeva dṛṣṭayaḥ || 32 ||
[Analyze grammar]

caraṇābhyāmimaṃ deśaṃ bhavantau bhūritejasau |
kau pavitritavantau naśśaśāṅkārkāvivāmbaram || 33 ||
[Analyze grammar]

ityuktavantaṃ provāca bhṛgurjanmāntarātmajam |
smarātmānaṃ prabuddho'si nājño'sīti raghūdvaha || 34 ||
[Analyze grammar]

prabodhito'sau bhṛguṇā janmāntaradaśā nijāḥ |
muhūrtamātraṃ sasmāra dhyānonmīlitalocanaḥ || 35 ||
[Analyze grammar]

athāsau vismayasmeramukho muditamānasaḥ |
vitarkamantharāṃ vācamuvāca vadatāṃ varaḥ || 36 ||
[Analyze grammar]

jayatyaviratārambhā niyatiḥ paramātmanaḥ |
yadvaśādidamābhogi jagaccakraṃ vivartate || 37 ||
[Analyze grammar]

mamānantānyatītāni janmānyaviditāni ha |
tāni tāntadaśāḍhyāni saṃsmṛtānyucitāni ca || 38 ||
[Analyze grammar]

bhuktāni bahukāryāṇi vicitravibhavānyati |
daśāphalānyanantāni kalpāntakalitāni ca || 39 ||
[Analyze grammar]

dṛṣṭāḥ kaṭhinasaṃrambhā vibhavopārjanabhramāḥ |
vihṛtaṃ vītaśokāsu ciraṃ merusthalīṣu ca || 40 ||
[Analyze grammar]

pītamāmodi mandārakusumāruṇitaṃ payaḥ |
mandākinyāḥ sakalhāraṃ taṭeṣvamarabhūbhṛtaḥ || 41 ||
[Analyze grammar]

bhrāntaṃ santānakuñjeṣu phullahemalatāliṣu |
merau kalpatarucchāyāpuṣpasundarasānuṣu || 42 ||
[Analyze grammar]

na tadasti na yadbhuktaṃ na tadasti na yatkṛtam |
na tadasti na yaddṛṣṭamiṣṭāniṣṭāsu dṛṣṭiṣu || 43 ||
[Analyze grammar]

jñātaṃ jñātavyamadhunā dṛṣṭaṃ draṣṭavyamakṣatam |
viśrānto'smi ciraśrānto gato me sakalo bhramaḥ || 44 ||
[Analyze grammar]

uttiṣṭha tāta gacchāmaḥ paśyāmo mandarasthitām |
tāṃ tanuṃ tāvadāśuṣkāṃ śuṣkāṃ vanalatāmiva || 45 ||
[Analyze grammar]

nāsamīhitamastīha na samīhitamasti me |
niyate racanāṃ draṣṭuṃ kevalaṃ viharāmyaham || 46 ||
[Analyze grammar]

kimiti subhagamāryasevitaṃ tatsthiramanuyāmi madekabhāvabuddhyā |
tadalamabhimatāmatairmamāstu prakṛtamimaṃ vyavahāramācarāmi || 47 ||
[Analyze grammar]