Chapter 87 - virutādhyāyaḥ [viruta-adhyāya]

[English text for this chapter is available]

śyāmāśyenaśaśaghnavañjulaśikhiśrīkarṇacakrāhvayāścāṣāṇḍīrakakhañjarīṭakaśukadhvāṅkṣāḥ kapotāstrayaḥ |
bhāradvājakulālakukkuṭakharā hārītagṛdhrau kapiḥ pheṇṭaḥ kukkuṭapūrṇakūṭacaṭakāḥ proktā divāsañcarāḥ || 1 ||
[trayāḥ | caṭakāśca uktā]
[Analyze grammar]

lomāśikā piṅgalacchippikākhyau |
valgulyulūkau śaśakaśca rātrau |
sarve svakālotkramacāriṇaḥ syur 87.02ddeśasya nāśāya nṛpāntadā vā || 2 ||
[Analyze grammar]

hayanarabhujagoṣṭradvīpisiṃharkṣagodhā vṛkanakulakuraṅgaśvājagovyāghrahaṃsāḥ |
pṛṣatamṛgaśṛgālaśvāvidākhyānyapuṣṭā dyuniśamapi biḍālaḥ sārasaḥ sūkaraśca || 3 ||
[Analyze grammar]

bhaṣakūṭapūrikurabakakarāyikāḥ pūrṇakūṭasaṇjñāḥ syuḥ |
nāmānyulūkaceṭyāḥ piṅgalikā pecikā hakkā || 4 ||
[kūṭapūri]
[Analyze grammar]

kapotakī ca śyāmā vañjulakaḥ kīrtyate khadiracañcuḥ |
chucchundarī nṛpasutā vāleyo gardabhaḥ proktaḥ || 5 ||
[Analyze grammar]

srotastaḍāgabhedyaikaputrakaḥ kalahakārikā ca ralā |
bhṛṅgāravacca viruvati niśi bhūmau dvyaṅgulaśarīrā || 6 ||
[taḍāgabhedyeka | vāśati]
[Analyze grammar]

durbaliko bhāṇḍīkaḥ prācyānāṃ dakṣiṇaḥ praśasto'sau |
dhikkāro mṛgajātiḥ kṛkavākuḥ kukkuṭaḥ proktaḥ || 7 ||
[Analyze grammar]

gartākukkuṭakasya prathitaṃ tu kulālakukkuṭo nāma |
gṛhagodhiketi saṃjñā vijñeyā kuḍyamatsyasya || 8 ||
[Analyze grammar]

divyo dhanvana uktaḥ kroḍaḥ syātsūkaro'tha gaurusrā |
śvā sārameya ukto jātyā caṭikā ca sūkarikā || 9 ||
[Analyze grammar]

evaṃ deśe deśe tadvidbhyaḥ samupalabhya nāmāni |
śakunarutajñānārthaṃ śāstre sañcitya yojyāni || 10 ||
[sañcintya]
[Analyze grammar]

vañjulakarutaṃ tittiḍiti dīptamatha kilkilīti tatpūrṇam |
śyenaśukagṛdhrakaṅkāḥ prakṛteranyasvarā dīptāḥ || 11 ||
[Analyze grammar]

yānāsanaśayyānilayanaṃ kapotasya sadmaviśanaṃ vā |
aśubhapradaṃ narāṇāṃ jātivibhedena kālo'nyaḥ || 12 ||
[Analyze grammar]

āpāṇḍurasya varṣāccitrakapotasya caiva ṣaṇmāsāt |
kuṅkumadhūmrasya phalaṃ sadyaḥ pākaṃ kapotasya || 13 ||
[Analyze grammar]

ciciditi śabdaḥ pūrṇaḥ śyāmāyāḥ śūliśūl iti ca dhanyaḥ |
cacceti dīptaḥ syātsvapriyalābhāya cikcigiti || 14 ||
[yogāya]
[Analyze grammar]

hārītasya tu śabdo gugguḥ pūrṇo'pare pradīptāḥ syuḥ |
svaravaicitryaṃ sarvaṃ bhāradvājyāḥ śubhaṃ proktam || 15 ||
[Analyze grammar]

kiṣkiṣiśabdaḥ pūrṇaḥ karāyikāyāḥ śubhaḥ kahakaheti |
kṣamāya kevalaṃ karakareti na tvarthasiddhikaraḥ || 16 ||
[kṣemāya]
[Analyze grammar]

koṭuklīti kṣemyaḥ svaraḥ kaṭuklīti vṛṣṭaye tasyāḥ |
aphalaḥ koṭikilīti ca dīptaḥ khalu guṃ kṛtaḥ śabdaḥ || 17 ||
[Analyze grammar]

śastraṃ vāme darśanaṃ divyakasya siddhirjñeyā hastamātrocchritasya |
tasminneva pronnatasthe śarīrāddhātrī vaśyaṃ sāgarāntābhyupaiti || 18 ||
[śastam]
[Analyze grammar]

phaṇito'bhimukhāgamo'risaṅgaṃ kathayati bandhuvadhātyayaṃ ca yātuḥ |
atha vā samupaiti savyabhāgāt na sa siddhyai kuśalo gamāgame ca || 19 ||
[bandha]
[Analyze grammar]

abjeṣu mūrdhasu ca vājigajoragāṇāṃ rājyapradaḥ kuśalakṛcchuciśādvaleṣu |
bhasmāsthikāṣṭhatuṣakeśatṛṇeṣu duḥkhaṃ dṛṣṭaḥ karoti khalu khañjanako'bdamekam || 20 ||
[Analyze grammar]

kilikilkili tittirasvanaḥ śāntaḥ śastaphalo'nyathāparaḥ |
śaśako niśi vāmapārśvago vāśacchastaphalo nigadyate || 21 ||
[Analyze grammar]

kilikilivirutaṃ kapeḥ pradīptaṃ na śubhaphalapradamuddiśanti yātuḥ |
śubhamapi kathayanti cugluśabdaṃ kapisadṛśaṃ ca kulālakukkuṭasya || 22 ||
[Analyze grammar]

pūrṇānanaḥ kṛmipataṅgapipīlakādyaiścāṣaḥ pradakṣiṇamupaiti narasya yasya |
khe svastikaṃ yadi karotyatha vā yiyāsostasyārthalābhamacirātsumahatkaroti || 23 ||
[Analyze grammar]

cāṣasya kākena virudhyataścetparājayo dakṣiṇabhāgagasya |
vadhaḥ prayātasya tadā narasya viparyaye tasya jayaḥ pradiṣṭaḥ || 24 ||
[Analyze grammar]

keketi pūrṇakuṭavad yadi vāmapārśve cāṣaḥ karoti virutaṃ jayakṛttadā syāt |
krekreti tasya virutaṃ na śivāya dīptaṃ sandarśanaṃ śubhadamasya sadaiva yātuḥ || 25 ||
[krakreti]
[Analyze grammar]

aṇḍīrakaṣṭīti rutena pūrṇaṣṭiṭṭiṭṭiśabdena tu dīpta uktaḥ |
pheṇṭaḥ śubho dakṣiṇabhāgasaṃstho na vāśite tasya kṛto viśeṣaḥ || 26 ||
[Analyze grammar]

śrīkarṇarutaṃ tu dakṣiṇe |
kvakvakveti śubhaṃ prakīrtitam |
madhyaṃ khalu cikcikīti yañśeṣaṃ sarvamuśanti niṣphalam || 27 ||
[Analyze grammar]

durbalerapi cirilvirilviti proktamiṣṭaphaladaṃ hi vāmataḥ |
vāmataśca yadi dakṣiṇaṃ vrajet 87.28d kāryasiddhimacireṇa yacchati || 28 ||
[Analyze grammar]

cikcikivāśitameva tu kṛtvā dakṣiṇabhāgamupaiti tu vāmāt |
kṣemakṛdeva na sādhayate'rthānvyatyayago vadhabandhabhayāya || 29 ||
[Analyze grammar]

krakreti ca sārikā drutaṃ tretre vāpyabhayā virauti yā |
sā vakti yiyāsato'cirādgātrebhyaḥ kṣatajasya visrutim || 30 ||
[gātrebhya]
[Analyze grammar]

pheṇṭakasya vāmataścirilvirilviti svanaḥ |
śobhano nigadyate pradīpta ucyate'paraḥ || 31 ||
[Analyze grammar]

śreṣṭhaṃ kharaṃ sthāsnumuśanti vāmamoṃkāraśabdena hitaṃ ca yātuḥ |
ato'paraṃ gardabhanāditaṃ yatsarvāśrayaṃ tatpravadanti dīptam || 32 ||
[ataḥ paraṃ]
[Analyze grammar]

ākārarāvī samṛgaḥ kuraṅga okārarāvī pṛṣataśca pūrṇaḥ |
ye'nye svarāste kathitāḥ pradīptāḥ pūrṇāḥ śubhāḥ pāpaphalāḥ pradīptāḥ || 33 ||
[Analyze grammar]

bhītā ruvanti kukukukviti tāmracūḍāstyaktvā rutāni bhayadānyaparāṇi rātrau |
svasthaiḥ svabhāvavirutāni niśāvasāne tārāṇi rāṣṭrapurapārthivavṛddhidāni || 34 ||
[Analyze grammar]

nānāvidhāni virutāni hi chippikāyāstasyāḥ śubhāḥ kulukulurna śubhāstu śeṣāḥ |
yāturbiḍālavirutaṃ na śubhaṃ sadaiva gostu kṣutaṃ maraṇameva karoti yātuḥ || 35 ||
[Analyze grammar]

huṃhuṃguglugiti priyāmabhilaṣan krośatyulūko mudā pūrṇaḥ syādgurulu pradīptamapi ca jñeyaṃ sadā kiskisi |
vijñeyaḥ kalaho yadā balabalaṃ tasya asakṛdvāśitaṃ doṣāyaiva ṭaṭaṭṭaṭeti na śubhāḥ śeṣāstu dīpta svarāḥ || 36 ||
[tasyāḥ | dīptāḥ]
[Analyze grammar]

sārasakūjitamiṣṭaphalaṃ tad yad yugapadvirutaṃ mithunasya |
ekarutaṃ na śubhaṃ yadi vā syādekarute pravirauti cireṇa || 37 ||
[pratirauti]
[Analyze grammar]

cirilvirilviti svaraiḥ śubhaṃ karoti piṅgalāḥ |
ato'pare tu ye svarāḥ pradīptasaṃjñitāstu te || 38 ||
[piṅgalā]
[Analyze grammar]

iśivirutaṃ gamanapratiṣedhi kuśukuśu cetkalahaṃ prakaroti |
abhimatakāryagatiṃ ca yathā sā kathayati taṃ ca vidhiṃ kathayāmi || 39 ||
[Analyze grammar]

dināntasandhyāsamaye nivāsamāgamya tasyāḥ prayataśca vṛkṣam |
devān samabhyarcya pitāmahādīnnavāmbarastaṃ ca taruṃ sugandhaiḥ || 40 ||
[Analyze grammar]

eko niśīthe'naladiksthitaśca divyetaraistāṃ śapathairniyojya |
pṛcched yathācintitamarthamevamanena mantreṇa yathāśṛṇoti || 41 ||
[Analyze grammar]

viddhi bhadre mayā yattvamimamarthaṃ pracoditā |
kalyāṇi sarvavacasāṃ veditrī tvaṃ prakīrtyase || 42 ||
[Analyze grammar]

āpṛcche'dya gamiṣyāmi veditaśca punastvaham |
prātarāgamya pṛcche tvāmāgneyīṃ diśamāśritaḥ || 43 ||
[Analyze grammar]

pracodayāmyahaṃ yattvāṃ tanme vyākhyātumarhasi |
svaceṣṭitena kalyāṇi yathā vedmi nirākulam || 44 ||
[Analyze grammar]

ityevamukte tarumūrdhagāyāścirilvirilvīti rute'rthasiddhiḥ |
atyākulatvaṃ diśikāraśabde kucākucetyevamudāhṛte vā || 45 ||
[avyākulatvam]
[Analyze grammar]

avākpradāne'pi hitārthasiddhiḥ |
pūrvoktadikcakraphalairato'nyat |
vācyaṃ phalaṃ cottamamadhyanīcaśākhāsthitāyāṃ varamadhyanīcam || 46 ||
[vihita]
[Analyze grammar]

diṅmaṇḍale'bhyantarabāhyabhāge phalāni vindyādgṛhagodhikāyāḥ |
chucchundarī cicciḍiti pradīptā |
pūrṇā tu sā tittiḍiti svanena || 47 ||
[Analyze grammar]