Chapter 31 - saṃprokṣaṇatrayam

atha vakṣyāmi tatroktaprāyaścittasya saṃgraham |
jalasaṃprokṣaṇaṃ caiva laghusaṃprokṣaṇaṃ tathā || 1 ||
[Analyze grammar]

mahāsaṃprokṣaṇaṃ ceti prāyaścittaṃ tridhā smṛtam |
nimitte samanuprāpte jñātvā gauravalāghavam || 2 ||
[Analyze grammar]

vakṣyamāṇakrāreṇa sadyassaṃprokṣaṇaṃ caret |
saṃprokṣaṇavidhānasya na kālaniyamassmṛtaḥ || 3 ||
[Analyze grammar]

na kuryānmāsanakṣatra tithivārādyavekṣaṇam |
tasmānnimitte saṃprāpte sadyassaṃprokṣaṇaṃ caret || 4 ||
[Analyze grammar]

deśakālādyavekṣāyā nimitte sati gauravam |
bahubereṣu caikasmin sthāvare jaṅgame'tha vā || 5 ||
[Analyze grammar]

arcanāyāṃ vihīnāyāṃ kālātīte viparyaye |
nirmālyapūjane caiva niveditanivedane || 6 ||
[Analyze grammar]

ekāhe'pyarcanāhīne nityasnāpanavarjane |
balihomādihīneca nityotsavavivarjane || 7 ||
[Analyze grammar]

prākārābhyantare prāpte pramādādaśubhe sati |
aspṛśyāgamane tatra caṇḍālādyaiḥ praveśane || 8 ||
[Analyze grammar]

śvakukkuṭa varāhoṣṭragardabhānāṃ praveśane |
udakyayā sūtikayā pāṣaṇḍādyairathāpi vā || 9 ||
[Analyze grammar]

kuṇḍagolavratabhraṣṭaturuṣkādipraveśane |
anyasūtridvijaisspṛṣṭe mohādajñānato'pivā || 10 ||
[Analyze grammar]

mahāvātahate biṃbe saṃsikte varṣabindubhiḥ |
viṇmūtrarudhirasrāve bahujalpe ca maithune || 11 ||
[Analyze grammar]

evamādinimitte tu jalasaṃprokṣaṇaṃ caret |
naivāsaṃprokṣite biṃbe harirvasati niścayaḥ || 12 ||
[Analyze grammar]

tasmādbiṃbaviśuddhyarthaṃ saṃprokṣyaiva samarcayet |
doṣādhikye samutpanne laghusaṃprokṣaṇaṃ caret || 13 ||
[Analyze grammar]

rāṣṭrakṣobhe ca durbhikṣe tantrasaṃkaradūṣaṇe |
śūdrairvāthānulomairvāpāṣaṇḍairbhramitairapi || 14 ||
[Analyze grammar]

udakyayā sūtikayā patitairvātha pātakaiḥ |
caṇḍālādyaiḥ praviṣṭe ca garbhāgāre viśeṣataḥ || 15 ||
[Analyze grammar]

sūtairvā kuṇḍagolādyaistathā devalakādibhiḥ |
śvakukkuṭa varāhādyaiḥ praviṣṭe gārdabhādibhiḥ || 16 ||
[Analyze grammar]

ulūkagṛdhrakākādyaiḥ praviṣṭe'ntargṛhe tathā |
turuṣkādyaiḥpraviṣṭe vā śukraṇoṇitayorapi || 17 ||
[Analyze grammar]

viṇmūtrādervisarge vā garbhāgārerdhamaṇḍape |
tṣahādūrdhvaṃ vihīne tu pūjane dīpavarjane || 18 ||
[Analyze grammar]

eka rātramatikramya devegrāmāntarasthite |
āgnidāhe'śanīpāte garbhāgārer'dhamaṇḍape || 19 ||
[Analyze grammar]

anyasūtṣarcite biṃbespṛṣṭe vā buddhipūrvakam |
anyairanuktairdeṣaiśca laghusaṃprokṣaṇaṃ caret || 20 ||
[Analyze grammar]

mahānimitte saṃprāpte mahāsaṃprokṣaṇaṃ caret |
dvādaśāhātsamārabhya vatsarāntaṃ vidhānataḥ || 21 ||
[Analyze grammar]

hīnāyāmarcanāyāṃ ca nitye naimittike tathā |
kriyāhīne viparyāse hīne māsotsavādike || 22 ||
[Analyze grammar]

nityasnapanahīne'pi mātrādānavihīnake |
balihomādihīne ca saṃprāpte śāstrasaṃkare || 23 ||
[Analyze grammar]

evamādiṣu hīneṣu vatsarāntaṃ pramādataḥ |
parṣadāṃ parivārāṇāmāśritālayasevinām || 24 ||
[Analyze grammar]

dhvajārohaṇapūrvaṃ tu kṛte kālotsavādike |
viprādimaraṇe prāpte devāgāre viśeṣataḥ || 25 ||
[Analyze grammar]

gardabhāśvalulāyoṣṭraśvasūkaramukhe mṛte |
gajādimṛganāśe ca devāgāre pramādataḥ || 26 ||
[Analyze grammar]

caṇḍālādyantyajātīnāṃ maraṇe vā viśeṣataḥ |
śūdrairvāthānulomairvā pāṣaṇḍaiḥ patitādibhiḥ || 27 ||
[Analyze grammar]

saṃspṛṣṭe vaiṣṇave biṃbe turuṣkādyairmalimlucaiḥ |
spṛṣṭe caṇḍālakādyairvā mahāpātakadūṣitaiḥ || 28 ||
[Analyze grammar]

vimāne'śanipāte vā maholkā patane'pi vā |
lohito palavarṣe ca vāṃsuvarṣe viśeṣataḥ || 29 ||
[Analyze grammar]

bhūkaṃpāccalite biṃbe valmīkasya samudbhave |
śithilibhavane vāpi cāṣṭabandhe viśeṣataḥ || 30 ||
[Analyze grammar]

jīrṇe staṃbhādipatane devāgārena vīkṛte |
agnisparśe ca berasya manuṣyaprasave tathā || 31 ||
[Analyze grammar]

suthākarmaṇi sarvatra garbhagehādike punaḥ |
biṃbeṣu garbhagehe vā kṛmikīṭādidarśane || 32 ||
[Analyze grammar]

hasane rodane caiva bhāṣaṇe ca viśeṣataḥ |
svedaśoṇitayorvāpi darśane varṇasaṃkṣaye || 33 ||
[Analyze grammar]

vimāne maṇḍape vātha yatra kutrāpi vā hareḥ |
devāgāre samutpanne doṣeṣveteṣu vā pṛthak || 34 ||
[Analyze grammar]

durbhikṣe rāṣṭrasaṃkṣobhe durnimitteṣu caiva hi |
dussvapne bhūmikaṃpe vā pararājādyupadrave || 35 ||
[Analyze grammar]

bhūgupte coddhṛte biṃbe ciramanyālaye sthite |
atikramya trirātraṃ tu deve grāmāntare sthite || 36 ||
[Analyze grammar]

kuṇḍagolakasūtādyairdīkṣitairarcane kṛte |
anuktāni ca karvāṇi duritānyadbhutāni ca || 37 ||
[Analyze grammar]

dṛṣṭvātu yajamānaśca ye tatparisare janāḥ |
grāmasthitā canāścaiva rājā rāṣṭraṃ ca yatnataḥ || 38 ||
[Analyze grammar]

jñātvā śāstroktavidhinā doṣajaṃ bhaktitaḥ phalam |
mahāsaṃprokṣaṇaṃ kuryānmahādoṣāpanuttaye || 39 ||
[Analyze grammar]

mahadoṣeṣu sarvatra mahāśāntirvithīyate |
pūrvaṃ sthāpitabiṃbasya na sādhāraṇahetunā || 40 ||
[Analyze grammar]

syātpunasthsāpanaṃ tasmānmahāsaṃprokṣaṇaṃ caret |
mahāsaṃprokṣaṇavidhernūtanasthāpanasya ca || 41 ||
[Analyze grammar]

svalpo bheda iti proktamṛṣibhiḥ kāśyapādibhiḥ |
jalasaṃprokṣaṇavidhiṃ pravakṣyāmi tapodhanāḥ || 42 ||
[Analyze grammar]

yajamānābhyanujñāto gurussnātvā vidhānataḥ |
ālayābhimukhe vāpi dakṣiṇe vā manorame || 43 ||
[Analyze grammar]

sthaṇḍile saikate śuddhe puṇyāhāgnimukhātvaram |
vāstuhomāvasāne ca doṣaduṣṭaṃ tu yatsthalam || 44 ||
[Analyze grammar]

paryagnipañcagavyābhyāṃ saṃskratya vidhinā budhaḥ |
biṃbaṃ puruṣasūktena kalaśairabhiṣicya ca || 45 ||
[Analyze grammar]

ṣaṭdroṇadhānya rāśau tu pañcakuṃbhānnidhāya ca |
vastrayugnena saṃveṣṭya pratimāsteṣu nikṣipet || 46 ||
[Analyze grammar]

nālikerāmrapatrādyairalaṅkṛtya pṛthak ghaṭān |
pañcasūktaṃ japitvaiva pañcaśāntibhireva ca || 47 ||
[Analyze grammar]

pañcamūrtibhirāvāhya samabhyarcyāṣṭavigrahaiḥ |
paścādagniṃ paristīrya pañcasūktaṃ hunetsudhīḥ r || 48 ||
[Analyze grammar]

iṅkārādīṃśca juhuyādaṣṭāśītimataḥ param |
pañcavāruṇamantraiśca mahāvyāhṛtibhissaha || 49 ||
[Analyze grammar]

paścādagniṃ visṛjyaiva gurave dakṣiṇāṃ dadet |
niṣkāhīnasuvarṇaṃ ca vastrābharaṇakuṇḍalān || 50 ||
[Analyze grammar]

paścātkuṃbhajalenaiva prokṣayitvā samantrakam |
prabhūtaṃ ca nivedyaiva nityārcanamathācaret || 51 ||
[Analyze grammar]

anena vidhinā doṣā naśyatyeva na saṃśayaḥ |
tadbiṃbe devasānnidhyaṃ bhavedityāha cāṅgirāḥ || 52 ||
[Analyze grammar]

etāvāneva saṃprokto jalasaṃprokṣaṇakramaḥ |
laghusaṃprokṣaṇaṃ kuryādyajamānena vai guruḥ || 53 ||
[Analyze grammar]

yathārhaṃ pūjitaḥ pūrvamāraṃbhadivasādadhaḥ |
tṣahe vā dviyahe vāpi kṛtvā caivāṅkurārpaṇam || 54 ||
[Analyze grammar]

aupāsanāgnau śvobhūte vāstuhomaṃ vidhāya ca |
paryagni pañcagavyābhyāṃ śodhayitvā samantataḥ || 55 ||
[Analyze grammar]

abhiṣicya ca deveśamaṣṭottaraśatairghuṭaiḥ |
śothayitvā vidhānena vastuvāstuparicchadān || 56 ||
[Analyze grammar]

paścātpadmāgnimāsādya kṛtāghāraṃ vidhānataḥ |
kuṃbhapūjāṃ tataḥ kuryātsamyak dhyānayuto guruḥ || 57 ||
[Analyze grammar]

dvātriṃśatprasthasaṃpūrṇān kuṃbhānāhṛtya śobhanān |
tantunā veṣṭayitvā tu toyairāpūrya mantrata || 58 ||
[Analyze grammar]

ṣaḍbhāradhānyarośau tu vedyāṃ saptadaśa kramāt |
vastrayugmena saṃveṣṭya pratimāsteṣu nikṣipet || 59 ||
[Analyze grammar]

niṣkatrayakṛtāṃstatra nava ratnāni yatnataḥ |
ratnālābhe suvarṇaṃ vā pratyekaṃ nikṣipedghaṭe || 60 ||
[Analyze grammar]

gandhapuṣpaissamabhyarcya nālikerāmrapallavaiḥ |
āyudhaiḥpañcabhistadvattoraṇairaṣṭamaṅgalaiḥ || 61 ||
[Analyze grammar]

alaṅkṛtya gururdhīmāntpṛṣṭvā kūrcena tān ghaṭān |
pañcasūktaṃ pañcaśāntiṃ tato dvādaśasūktakam || 62 ||
[Analyze grammar]

sārasvatādisūktaṃ ca diksūktaṃ pañcavāruṇam |
svastisūktaṃ japitvaiva tathaivauṣadhisūktakam || 63 ||
[Analyze grammar]

navamūrtibhirāvāhya devībhyāṃ saha pārṣadaiḥ |
dvātriṃśadvigrahaissamyagabhyarcya tu nivedayet || 64 ||
[Analyze grammar]

paiṇḍarīkāgnimāsādya pariṣicya ca pāvakam |
pañcasūktena juhuyādvyāpakatrayamantrataḥ || 65 ||
[Analyze grammar]

aṣṭottaraśataṃ tadvadaṣṭāviṃśatireva vā |
riṅkārādīṃśca juhuyādaṣṭāśītimataḥ param || 66 ||
[Analyze grammar]

dhātādiṃ mūlahomaṃ ca pañcavāruṇameva ca |
hutvā kūśmāṇḍahomaṃ ca pañcavāruṇameva ca || 67 ||
[Analyze grammar]

paṅkajairbilvapatrairvā viṣṇugāyatriyā tataḥ |
aṣṭottaraśataṃ hutvā paścādagniṃ visarcayet || 68 ||
[Analyze grammar]

paścādguruḥ pūjitassanvastrābharaṇakuṇḍalaiḥ |
kuṃbhamādāya śiraso grāmamālayameva vā || 69 ||
[Analyze grammar]

pradakṣiṇaṃ parītyātha devadevasya sannidhau |
kūrcenādāya tattoyaṃ prokṣayetpañcamūrtibhiḥ || 70 ||
[Analyze grammar]

śucī vo havya'mantreṇa prokṣayetsarvamandiram |
upacāraissamabhyarcya kṣama'sveti praṇamya ca || 71 ||
[Analyze grammar]

mahāhaviḥ prabhūtaṃ vā deveśāya nivedayet |
brāhmaṇānāṃ sahasraṃ ca bhojayedguruṇā saha || 72 ||
[Analyze grammar]

gurave dakṣiṇāṃ dadyātsuvarṇaṃ pañcaniṣkakam |
pradadyādbhūmimiṣṭāṃ ca pronmiṣatsasyamālinīm || 73 ||
[Analyze grammar]

daśadānaṃ tataḥ kṛtvā nityārcanamathācaret |
evaṃ yaḥ kurute bhaktyā laghusaṃprokṣaṇaṃ hareḥ || 74 ||
[Analyze grammar]

viṣṇusānnidhyamāpnoti doṣaśāntiśca jāyate |
rājarāṣṭrābhivṛddhiśca jagatpuṣṭikaraṃ bhavet || 75 ||
[Analyze grammar]

laghusaṃprokṣaṇavidhirmayā prakhyāpitaḥ kila |
kāśyapādyaiśca munibhirevameva pracoditaḥ || 76 ||
[Analyze grammar]

mahāsaṃprokṣaṇa vidhau viśeṣo vakṣyate mayā |
jalādhivāsarahitaṃ netronmīlanavarjanam || 77 ||
[Analyze grammar]

pratiṣṭhoktavidhānena sarvaṃ pūrvavadācaret |
netrayostejane tadvaddṛṣṭidoṣe viśeṣataḥ || 78 ||
[Analyze grammar]

jalādhivāsanaṃ kuryādakṣṇorunmīlanaṃ punaḥ |
mahāśāntividhānasya viśeṣo'tra prakīrtitaḥ || 79 ||
[Analyze grammar]

jaṅgamapratimāssarvā adhivāsapurassaram |
prokṣayitvā vidhānena devaṃ pūrvavadarcayet || 80 ||
[Analyze grammar]

mahānimitte saṃprāpte yajamānārthito guruḥ |
pratiṣṭhoktadine vidvānṛtvigbhirlakṣaṇānvitaiḥ || 81 ||
[Analyze grammar]

vastrairābharaṇaiścāpi pūrvoktamiva bhūṣitaḥ |
prokṣaṇādivasātsūrvamaṅkurārpaṇamācaret || 82 ||
[Analyze grammar]

dravyāṇyapi susaṃbhṛtya yāgaśālāṃ praviśya ca |
kadalīpūgamālādyaiḥ patākādyairalaṅkṛtām || 83 ||
[Analyze grammar]

tanmadhyekalpayedvediṃ śayanārthaṃ vidhānataḥ |
tasyāstu pūrvadigbhāge kuṃbhavediṃ salakṣaṇam || 84 ||
[Analyze grammar]

paritaścāgnikuṇḍāṃśca paiṇḍarīkaṃ ca kārayet |
devālayaṃ ca saṃśodhya mṛṣṭasiktopalepanaiḥ || 85 ||
[Analyze grammar]

ācāryassuprasannātmā yajamānārthito muhuḥ |
snātvāsnānavidhānena gāyatrīṃ ca sahasraśaḥ || 86 ||
[Analyze grammar]

japtvā dvādaśasūktāni puṇyāhamapi vācayet |
vāstuhomaṃ tataḥ kṛtvā kuṇḍe tvaupāsane guruḥ || 87 ||
[Analyze grammar]

paryagni pañcagavyābhyāṃ saṃśodhyaiva ca sarvataḥ |
gārhapatyādikuṇḍeṣu kramādāghāramācaret || 88 ||
[Analyze grammar]

pakvabiṃbasamākāraghaṭānāṃ pañcaviṃśatim |
tantunā trivṛtā veṣṭya śodhayitvā sudhūpitān || 89 ||
[Analyze grammar]

ādāya mantravaddivyaṃ jalamāhṛtya yatnataḥ |
pūtābhiradbhirāpūrya nālikerāmrapallavaiḥ || 90 ||
[Analyze grammar]

alaṅkṛtya tathā kūrcairgandhapuṣpākṣatādibhiḥ |
yavairvāhrīhibhirvātha vedyāṃ dvādaśabhārakaiḥ || 91 ||
[Analyze grammar]

āstīrya teṣu saṃsthāpya pṛthagvastreṇa veṣṭayet |
sauvarṇapratimāstatra pañcaniṣkakṛtāḥ pṛthak || 92 ||
[Analyze grammar]

gajakūrmādirūpāṇi navaratnādi ca kṣipet |
dhyānamārgeṇa kuṃbheṣu madhyamādiṣu cakramāt || 93 ||
[Analyze grammar]

navamūrtikrameṇaiva mantreṇāvāhayedguruḥ |
vedyadhastheṣu kuṃbheṣu ceṃ dādīnaṣṭadikpatīn || 94 ||
[Analyze grammar]

āvāhya gandhapuṣpādyaissamabhyarcya nivedayet |
sahasrakalaśaissnāpya snapanoktaprakārataḥ || 95 ||
[Analyze grammar]

sauvarṇaṃ kautukaṃ baddhvā pratiṣṭhoktavidhānataḥ |
śayyāvediṃ samabhyukṣya pañcatalpānprākalpyaca || 96 ||
[Analyze grammar]

śālivrīhiyavaiścāpi ṣaḍbhāraiśca pṛthakpṛthak |
tadardhaistaṇḍulaiścātha tadardhaiśca tilaistathā || 97 ||
[Analyze grammar]

uparyupari cāstīrya carmajādīn samāstaret |
śayane śāyayedvedyāmautsavaṃ biṃbamuktavat || 98 ||
[Analyze grammar]

kūrcādhivāsaṃ kurvīta dhruvamātraṃ yadikramāt |
vedānadhyāpayeddikṣu ṛcāṃ prācī'riti śrutiḥ || 99 ||
[Analyze grammar]

gārhapatyādikuṇḍeṣu pratiṣṭhoktavidhānataḥ |
ṛtvigbhiḥ kārayeddhomaṃ tattaddaivatyapūrvakam || 100 ||
[Analyze grammar]

gurussabhyāgnimāsādya pariṣicya ca pāvakam |
pañcasūktaṃ krameṇaiva mahāvyāhṛtipūrvakam || 101 ||
[Analyze grammar]

vyāpakatrayamantraṃ ca viṣṇugāyatriyā punaḥ |
aṣottaraśataṃ hutvā vyāhṛtyā ca tathaiva ca || 102 ||
[Analyze grammar]

tato'bjāgniṃ samāsādya pañcasūktaissahaiva tu |
dhātādimūlahomaṃ ca pañcavāruṇasaṃyutam || 103 ||
[Analyze grammar]

mahāśāntyuktamantrāṃśca trirāvartya hunettataḥ |
kuṃbhavediṃ samāsādya samabhyarcyāṣṭavigrahaiḥ || 104 ||
[Analyze grammar]

spṛṣṭvā kūrcena tatkuṃbhānṛtvigbhissaha vai guruḥ |
ātmasūktaṃ japitvaiva pañcasūktamataḥ param || 105 ||
[Analyze grammar]

svastisūktaṃ ca daurgaṃ ca rātrimekākṣaraṃ tathā |
aṣṭadikpālasūktāni pañcaśāntimataḥ param || 106 ||
[Analyze grammar]

āpo hiraṇyavarṇā'bhyāṃ pāvamānībhireva ca |
japtvā dvādaśasūktaṃ ca tatassabhyānale kramāt || 107 ||
[Analyze grammar]

hautrapraśasanaṃ kuryātsarvaṃ hottu pūrvavat |
caturmūrtikrameṇaiva sahasrāhutinā saha || 108 ||
[Analyze grammar]

yaddevā'dyaiśca kūśmāṇḍaissarvadaivatyamantrakaiḥ |
hutvātu doṣaśāntyarthaṃ lojaistadvattilairapi || 109 ||
[Analyze grammar]

sāpūpairviṣṇugāyatṣā hutvākuṇḍeṣu pūrvavat |
aṣṭottaraśataṃ tadvadaṣṭāviṃśatireva vā || 110 ||
[Analyze grammar]

pariṣegaṃ tataḥ kṛtvā paiṇḍarīke viśeṣataḥ |
padmairvā bilvapatrairvā viṣṇugāyatriyā tataḥ || 111 ||
[Analyze grammar]

aṣottarasahasraṃ tu ghṛtenāplutya vai hunet |
pāramātmikamantraiśca riṅkārādyaiśca yatnataḥ || 112 ||
[Analyze grammar]

aṣṭāśītiṃ tato hutvā mahāvyāhṛtipūrvakam |
hutvā taddoṣanāśāya rājarāṣṭrābhivṛddhaye || 113 ||
[Analyze grammar]

sabhyāgniṃ pauṇḍarīkāgniṃ hitvānyeṣvantahomakam || 114 ||
[Analyze grammar]

nṛttagītādivādyaiśca rātriśeṣaṃ nayedguruḥ |
prātassnātvā vidhānena kalaśaissnapanaṃ caret || 115 ||
[Analyze grammar]

pañcasūktaiśca saṃsnāpya pañcaśāntisamanvitam |
paścāddevamalaṅkṛtya suvastrābharaṇādikaiḥ || 116 ||
[Analyze grammar]

gandhapuṣpaissugandhaiśca yāpannetramanaḥpriyam |
muhūrte samanuprāpte kuṃbhamādāya deśikaḥ || 117 ||
[Analyze grammar]

svastisūktaṃ japan grāmamālayaṃ vā pradakṣiṇam |
kṛtvā devāgrataḥ kuṃbhaṃ dhyānyapīṭhe niveśayet || 118 ||
[Analyze grammar]

yajamānena śaktyāvai gurussaṃpūjitastadā |
kūryādanantaroktāṃśca saṃskārānbhagavatpriyān || 119 ||
[Analyze grammar]

vastrerābharaṇaiśśubhraiḥ kuṇḍalaiśca viśeṣataḥ |
yajamānassusaṃpūjya paśubhūmyādibhirgurum || 120 ||
[Analyze grammar]

gurave dakṣiṇāṃ dadyānniṣkāṇāmekaviṃśatim |
ṛtvigbhyaśca tathā dadyātsuprīto bhagavān hariḥ || 121 ||
[Analyze grammar]

guruḥ paścātsamāvāhya samabhyarcyāṣṭavigrahaiḥ |
mahāhavirni vedyaina pāyasāpūpasaṃyutam || 122 ||
[Analyze grammar]

sājyaṃ savyañjanaṃ datvā mukhavāsaṃ nivedayet |
puṣpāñjaliṃ tato datvā kṣaya'sveti praṇamya ca || 123 ||
[Analyze grammar]

sahasraṃ brāhmaṇānāṃ ca bhojayecchāntihetave |
daśadānaṃ viśeṣeṇa devaprītikaṃ bhavet || 124 ||
[Analyze grammar]

evamādvādaśābdāttu pratiṣṭhāmācarettataḥ |
punasthsāpanasaṃskārātprāyaścittaṃ na hītarat || 125 ||
[Analyze grammar]

tasmātsarvaprayatnena śāstroktaṃ sarvamācaret |
evaṃ yaḥkurute bhaktyā viṣṇossaṃprokṣaṇatrayam || 126 ||
[Analyze grammar]

pratiṣṭhāphalamāsādya vaiṣṇavaṃ lokamāpnuyāt || 127 ||
[Analyze grammar]