Chapter 30 - prāyaścittam

athavakṣye viśeṣeṇa tantrasaṃkaraniṣkṛtim |
vaiṣṇavasyānyatantreṇa saṃkare doṣamādiśet || 1 ||
[Analyze grammar]

grāmasya yajamānasya rājño rāṣṭrasya saṃkṣayaḥ |
taddoṣaśamanāyaiva sāṃkaryamapahāya ca || 2 ||
[Analyze grammar]

padmāvale vaiṣṇavaṃ ca viṣṇusūktaṃ ca pauruṣam |
pāramātmikamīṅkārā dyaṣṭāśītiṃ viśeṣataḥ || 3 ||
[Analyze grammar]

aṣṭottarasahasraṃ vā śatamaṣṭottaraṃ tu vā |
doṣagauravamuddiśya hutvā pūrvavadācaret || 4 ||
[Analyze grammar]

vaiṣṇavaṃ dvividhaṃ śāstraṃ munibhiḥ parikīrtitam |
vaikhānasaṃ pañcarātraṃ vaidikaṃ tāntrikaṃ kramāt || 5 ||
[Analyze grammar]

vaikhānasaṃ vaidikaṃ syādvaidikairarcitaṃ dvijaiḥ |
aihikāmuṣmikaphalapradaṃ saumyaṃ prakīrtitam || 6 ||
[Analyze grammar]

pañcarātramathāgneyamavaidikamatāttvikam |
tāpādipañcasaṃskāradīkṣāvadbhissamarcitam || 7 ||
[Analyze grammar]

aśrīkaramatha proktaṅkevalāmuṣmikapradam |
saumyaṃ sarvatra saṃpūjyaṃ grāmādiṣu viśeṣataḥ || 8 ||
[Analyze grammar]

brāhmaṇānāṃ ca geheṣu saumye nai vārcayeddharim |
āgneyamarcayettadvadavāstvaṅgālaye tathā || 9 ||
[Analyze grammar]

parvatādiṣvaraṇyeṣu vivikteṣu sthaleṣuca |
viprāvāse janāvāse naiva kuryādanena tu || 10 ||
[Analyze grammar]

saumye vaikhānase mārge yadyāgne yena saṃkaraḥ |
pañcarātreṇa saṃprāpto rājā rāṣṭraṃ vinaśyati || 11 ||
[Analyze grammar]

taddoṣaśamānāyaiva padmāgnau juhuyātkramāt |
mahāśāntiṃ vidhānena saptāhaṃ vā tṣahantu vā || 12 ||
[Analyze grammar]

aṣṭādhikaśadaiścaiva saṃsnāpya kalaśaistataḥ |
abhyarcya devadeveśaṃ saṃpūjyaiva tu vaiṣṇavān || 13 ||
[Analyze grammar]

bhojayitvā brāhmaṇāṃstu kārayetpūrvavartmanā |
pañcarātravidhānena pratiṣṭhāpyārcanekṛte || 14 ||
[Analyze grammar]

kālenāntarite tasmin kuryātsaumya praveśanam |
saumyatvādrājarāṣṭrāṇāṃ tatsa mṛddhikaraṃ bhavet || 15 ||
[Analyze grammar]

padmānale mahāśāntiṃ hutvādau ca tataḥkramāt |
vaikhānasena vidhināvimānaṃ biṃbameva ca || 16 ||
[Analyze grammar]

saṃskṛtya cocitaissarvaiskaṃskāraiḥ karṣaṇādibhiḥ |
pratiṣṭhāpya tadārabhya sarvaṃ tenaiva cācaret || 17 ||
[Analyze grammar]

ālayāśritadevānāṃ parivārasya parṣadām |
pūjāyāmapyamukhyāyāṃ saṃkaro naiva sammataḥ || 18 ||
[Analyze grammar]

mahātmyaṃ kimuvakṣyāmi śāstrasya mahato'sya vai |
nālaṃ devāstrayassendrā ananto'pyupavarṇitum || 19 ||
[Analyze grammar]

śruṇantu munayassarve śāstramāhātmyamuttamam |
yāvacchakti pravakṣyāmi jñātaṃ gurukṛpābalāt || 20 ||
[Analyze grammar]

purā caturmukho brahmāsisṛkṣurakhilaṃ jagat |
suptodthitaściraṃ kālaṃ prākrāmītsargakarmaṇi || 21 ||
[Analyze grammar]

visasmāra yadā dhātā nidrayākrāntamānasaḥ |
vedāntsargapradhānāṃstu sṛṣṭirnaivapravartate || 22 ||
[Analyze grammar]

cintātura stadā brahmā mūḍhaḥ kartavyakarmaṇi |
bahudhā dhyāyamānastuna lebhe kāraṇaṃ svataḥ || 23 ||
[Analyze grammar]

svaśaktyā yadvidheyaṃ syātsarvaṃ cakre vimūḍhadhīḥ |
na hi tatkāraṇaṃ lebhe vedavismaraṇaṃ tu yat || 24 ||
[Analyze grammar]

cirācchintāṃ tu tāṃ tyaktvā svasthacittaḥ prajāpatiḥ |
hṛtpadmamadhye puruṣaṃ parameṇa samādhinā || 25 ||
[Analyze grammar]

cintayāmāsa vai viṣṇumṛgyajussāmarūpiṇam |
tuṣṭāva ca tadā brahmā haripravaṇamānasaḥ || 26 ||
[Analyze grammar]

nanāma ca tadā viṣṇuṃ śaṅkhacakragaddharam |
arcayāmāsa deveśaṃ pādyādyairvigrahaissamaiḥ || 27 ||
[Analyze grammar]

muhurmuhuḥ praṇamyāthamūrthnā devaṃ jagatpatim |
nirvyājakaruṇāleśāddevasya vimalāntaraḥ || 28 ||
[Analyze grammar]

tuṣṭāvajagadīśānaṃ nārāyaṇamajaṃ vidhiḥ |
jitante puṇḍarīkākṣa namaste viśvabhāvana || 29 ||
[Analyze grammar]

namaste'stu hṛṣīkeśa mahāpuruṣa pūrvaja |
deśakālaparicchedarahitānanta cinmaya || 30 ||
[Analyze grammar]

satyajñānasukhānandasvarūpa parameśvara |
pañcavyūha caturvyūhāna ntavyūhātmavigraha || 31 ||
[Analyze grammar]

viṣṇo puruṣa satyācyutāniruddha jagatpate |
nityamuktajanāvāsaparamavyomanāyaka || 32 ||
[Analyze grammar]

śrībhūnīlādisaṃsevya divyamaṅgalavigraha |
śaṅkhacakragadāvāṇe bhaktābhayavaraprada || 33 ||
[Analyze grammar]

kīrīṭa hāra keyūra kaṭakāṅgadabhūṣita |
graiveyakapariṣkāra kaṭīsūtravirājita || 34 ||
[Analyze grammar]

tulasīmālikārājadviśālorasthsalāṃcita |
pralaṃbayajñasūtrāḍhya kaustubhābharaṇojjvala || 35 ||
[Analyze grammar]

sarvalokeśvarācintya śrīvatsakṛtalakṣaṇa |
divyāyudhasamāsevya pītāṃbarasuśobhita || 36 ||
[Analyze grammar]

nityaniryatnanirandhravisārikaruṇārasa |
mandasnitamukhāṃbhoja madhurādharapallava || 37 ||
[Analyze grammar]

rukmābha raktanetrāsyapāṇipāda sukhodvaha |
subhrūlalāṭasubhaga sunasa svāyatekṣaṇa || 38 ||
[Analyze grammar]

vṛttapīnāyatabhuja tanumadhya mahāhano |
vilāsavikramākrānta trailokyacaraṇāṃbuja || 39 ||
[Analyze grammar]

jñānaśakti balaiśvaryavīrya tejovidhe'nagha |
namaste viṣṇave tubhyaṃ puruṣāya namo namaḥ || 40 ||
[Analyze grammar]

samassatyasvarūpāya acyutāya namo namaḥ |
namo'niruddharūpāya vāsudevāya śārṅgiṇe || 41 ||
[Analyze grammar]

namaścidātmane'nanta śāntarūpāya dhanvine |
śāsate nirapekṣāya svatantrāyādhikāriṇe || 42 ||
[Analyze grammar]

acyutāyāvikārāya tejasāṃ nidhaye namaḥ |
pradhāna puruṣeśāya vedavedyāya vedine || 43 ||
[Analyze grammar]

namaḥ para vyūharūpa namo vibhavavigraha |
antaryāminnamaste'stu namor'cārūpa śāśvata || 44 ||
[Analyze grammar]

sahasraśīrṣaṃ puruṣaṃ sahasrākṣaṃ nirañjanam |
sahasrapādaṃ trātāraṃ śaraṇaṃ tvāṅgato'smyaham || 45 ||
[Analyze grammar]

mātā tvaṃ me pitā tvaṃ me bhrātā tvaṃ me sakhāmama |
sarvaṃ tvamasi viśvātmaṃstvayi sarvaṃ pratiṣṭhitam || 46 ||
[Analyze grammar]

saṃsārasāgaraṃ ghoramanantaṃ kleśabhājanam |
tvāmeva śaraṇaṃ pāpya nistaranti manīṣiṇaḥ || 47 ||
[Analyze grammar]

na hi te gopya te kiñcinna hyantyaviditaṃ tava |
tvaṃ sākṣī dehināmekassarvaṃ vyāpya tvamedhase || 48 ||
[Analyze grammar]

na te rūpaṃ na karaṇaṃ kāraṇaṃ nāsti te'nagha |
tvaṃ śāstā sarvalokānāṃ sraṣṭāpātā haran hare || 49 ||
[Analyze grammar]

ahaṃ bhavaśca te brahmanprasādakrodhajāvubhau |
tvatto me mānasaṃ janma prathamaṃ dvijapūjitam || 50 ||
[Analyze grammar]

vijñānaṃ tadidaṃ prāptaṃ brahmatvaṃ ca yadārjitam |
sarvaṃ tava kaṭākṣasya leśo'yaṃ madhusūdana || 51 ||
[Analyze grammar]

tamasākrāntacittasya vismṛtā nigamā mama |
avedavihitassargo mayā kartuṃ na śakyate || 52 ||
[Analyze grammar]

prasīda parameśāna vedabhikṣāṃ prayaccha me |
iti cintayatastasya babhūvāvāvilaṃ manaḥ || 53 ||
[Analyze grammar]

tatastubhagavānbrahmā vedarāśimavāptavān |
sasmāra nikhilānvedān sāṃgānupaniṣadgaṇam || 54 ||
[Analyze grammar]

purāṇanyāyamīmāṃsādharmaśāstrāṇi sarvaśaḥ |
catuṣṣaṣṭikalāścaiva vidyāsthānāni yāni ca || 55 ||
[Analyze grammar]

antarhitānāṃ khananādvedānāntu viśeṣataḥ |
sa vibhuḥ procyate brahmā vikhanā brahmavādibhiḥ || 56 ||
[Analyze grammar]

vaikhānasaśca bhagavānprocyate sa pitāmahaḥ |
jagatsarvamaśeṣeṇa vedadṛṣṭena vartmanā || 57 ||
[Analyze grammar]

prāṇācca cakṣuṣastadvadabhimānācca marmaṇaḥ |
hṛdayācchirasaśśrotrādudānādvyānatastataḥ || 58 ||
[Analyze grammar]

samānācca tathāpānādṛṣiśreṣṭhānimāndaśa |
dakṣaṃ marīcinaṃ nīlalohitaṃ bhṛgumena ca || 59 ||
[Analyze grammar]

tathāṃgirasamatriñca pulastyaṃ pulahaṃ tathā |
vasiṣṭhaṃ cakratuṃ caiva kramādasṛjadabjabhūḥ || 60 ||
[Analyze grammar]

nava brahmāṇa evai te vināsyurnīlalohitam |
vedānāṃ vyasanādarpākprāgrūpaṃ militaṃ tu yat || 61 ||
[Analyze grammar]

tāntu vaikhānasīṃ śākhāyetānadhyāpayanmuniḥ |
nāmnā vikhanasaṃ prāhuryaṃ ca śātātapaṃ tathā || 62 ||
[Analyze grammar]

bhṛgvaṅgiromarīcyatripulastyapulahāḥkratuḥ |
tathā vasiṣṭhodakṣaśca nava brahmāṇariritā || 63 ||
[Analyze grammar]

nava brāhmāṇa evaite vinyānye nīlalohitam |
ete vikhanasaśsiṣyāśśrutismṛtividhānataḥ |
tacchiṣyāstu mahātmāno munayastattvadarśinaḥ || 64 ||
[Analyze grammar]

vedānugāni śāstrāṇi cakrurlokahitaiṣiṇaḥ |
ke cidgṛhyāṇi vai cakrurgṛhyaśrautātmakāni tu || 65 ||
[Analyze grammar]

dharmaśāstrāṇi kecittu purāṇāni ca ke cana |
itihāsāṃstathākalpānprocuranye maharṣaya || 66 ||
[Analyze grammar]

ke cidvyākaraṇaṃ kecinnyāyamanye tathetarat |
vāṅmayaṃ sakalaṃ sarvaṃ śāstrabaddhaṃ pracakrire || 67 ||
[Analyze grammar]

tāntuvākhānasīṃ śākhāṃ svasūtre viniyuktavān |
padmabhūḥparamo dhātā tasminnārādhanatrayam || 68 ||
[Analyze grammar]

tāntu vaikhānasīṃ śākhāṃ svasūtre viniyuktavān |
cakre ṛgādibhedaistu vyasitvā tu pṛthakpṛthak || 69 ||
[Analyze grammar]

ādikāle tu bhagavānbrahmātu vikhanā muniḥ |
yajuśśākhānusāreṇa cakresūtraṃ mahattaram || 70 ||
[Analyze grammar]

varṇāśramācārayutaṃ śrautasmārtasamanvitam |
yatsūtrādyantamadhyeṣu bhagavānviṣṇuravyayaḥ || 71 ||
[Analyze grammar]

yaṣṭavyo gīyate yasmātsarvasūtrottamaṃ tu tat |
vede vaikhānase sūtre yo dharmaḥ parikīrtitaḥ || 72 ||
[Analyze grammar]

sarvaissadharmonuṣṭheyo nātra kāryāvicāraṇā |
svasūtrasya parityāgādanyasūtrasamāśrayāt || 73 ||
[Analyze grammar]

sadyaḥpatati vai viprona vedasya samāśraye |
sūtraṃ vaikhānasaṃ yattu vedassaṃpratipadyate || 74 ||
[Analyze grammar]

etadvaikhānasaṃ sūtramanyasūtrānapekṣitam |
etadvaikhānasaṃ sūtraṃ sarvavedārthasaṃgrahaḥ || 75 ||
[Analyze grammar]

vaiṣṇavaṃ sarvaviprāṇāṃ sāmnyamabhidhīyate |
vaikhānasasya sūtrasya cāgneśśrāmaṇakasya ca || 76 ||
[Analyze grammar]

nārāyaṇasya devasya māhātmyaṃ nāvabudhyate |
yathā vedeṣu sarveṣu sāmavedaḥ praśasyate || 77 ||
[Analyze grammar]

tathā sarveṣu sūtreṣu sūtrametatpraśasyate |
agnirvaikhānasaṃ śāstraṃ viṣṇurvedāścaśāśvatāḥ || 78 ||
[Analyze grammar]

gāyatrī vaiṣṇavā viprāssaptaite bahupāvanāḥ |
adhīteṣu ca vedeṣu sāṃgeṣu labhate phalam || 79 ||
[Analyze grammar]

tatphalaṃ labhate sadyassūtrametatpaṭhandvijaḥ |
agnīṣomādayo devā ye yajñāṃśahavirbhujaḥ || 80 ||
[Analyze grammar]

te sarve sūtramāśritya cainaṃ gacchanti mādhavam |
śārīrāṇyanyasūtrāṇi tathā svargaphalāni ca || 81 ||
[Analyze grammar]

vaiṣṇavaṃ sūtrametaddhi sarvasiddhikaraṃ param |
ādyatvātsarvasūtrāṇāṃ vaiṣṇavatvādviśeṣataḥ || 82 ||
[Analyze grammar]

mayānuvartitaṃ tadvatkāśyapātrimarīcibhiḥ |
yasminneva tu saṃprokte sūtre vikhanasā purā || 83 ||
[Analyze grammar]

vanasthānāṃ tu sarveṣāṃ vidhiśśrāmaṇakābhidhaḥ |
vānaprasthāstatassvarve yedvijāścānyasūtriṇaḥ || 84 ||
[Analyze grammar]

tatsūtravidhyamaṣṭhānātsmṛtā vaikhānasā amī |
kiṃ bahūktena vidhinā sarvaṃ vaikhānasaṃ jagat || 85 ||
[Analyze grammar]

parasminvyomni yaccār'ke yattejastutrayīmayam |
tadvaikhānaḥ paraṃ brahma iti vedādadhīmahi || 86 ||
[Analyze grammar]

śāstrametacca sūtraṃ ca sarveṣāmapi jīvanam |
ye vaikhānasasūtreṇa saṃskṛtāstu dvijātayaḥ || 87 ||
[Analyze grammar]

te viṣṇusadṛśā jñeyāssarveṣāmuttamottamāḥ |
vaikhānasānāṃ sarveṣāṃ garbhavaiṣṇavajanmanām || 88 ||
[Analyze grammar]

nārāyaṇassvayaṃ garbhemudrāṃ dhārayite nijām |
viprā vaikhānasākhyāye tebhaktāstattvamucyate || 89 ||
[Analyze grammar]

ekāntinassusattvasthā dehāntaṃ nānyayājīnaḥ |
viṣṇoḥpriyatamā loke catvāraḥ parikīrtitāḥ || 90 ||
[Analyze grammar]

aśvadthaḥkapilā gāvastulasī vaiṣṇavā dvijāḥ |
dvijeṣu brāhmāṇāśśreṣṭhā brāhmaṇeṣu ca caiṣṇavāḥ || 91 ||
[Analyze grammar]

vaiṣṇaveṣu paraṃ śreṣṭhā ye vaikhānasasūtriṇaḥ |
vaiṣṇavīṃ pratimāṃ loke vipraṃ vaikhānasaṃ tathā || 92 ||
[Analyze grammar]

gaṅgāṃ viṣṇupadīṃ dṛṣṭvā sarvapāpaiḥ pramucyate mūlamasyāpi śāstrasya |
sārdhakoṭipramāṇataḥ upādiśatsa bhagavānasmabhyaṃ naimiśe vane || 93 ||
[Analyze grammar]

iti saṃkṣepataḥ proktaṃ mahattvaṃ sūtraśāstrayoḥ |
tasmādvaikhānasā viprāssaṃpūjyā bhagavatpriyāḥ || 94 ||
[Analyze grammar]

pūjānte snapanānte ca tathānte cotsavasya ca |
ācāryamarcakaṃ cāpi sarvānvaikhānasāṃstathā || 95 ||
[Analyze grammar]

prathamaṃ pūjayitvaiva paścātkāryaṃ samācaret |
yaḥpūjakamanādṛtya vipraṃ vaikhānasaṃ haṭhāt || 96 ||
[Analyze grammar]

tīrthaṃ gṛhītuṃ prathamcchetsa patati dhruvam yaḥ |
pūjakamanādṛtya vipraṃ vaikhānasaṃ punaḥ || 97 ||
[Analyze grammar]

prasādaṃ devadevasya prathamaṃ tu jighṛkṣati |
brahmahatyāmavāpnoti tatbūjā niṣpalā bhavet || 98 ||
[Analyze grammar]

yaḥ pūjakamanādṛtya vipraṃ vaikhānasaṃ punaḥ |
yādṛśīmapi devāgre vāñchatyapacitiṃ janaḥ || 99 ||
[Analyze grammar]

caturvedyapi so viprassadyaścaṇḍālatāṃ vrajet |
tatpūjā niṣphalā ca syādrājarāṣṭraṃ vinaśyati || 100 ||
[Analyze grammar]

ṣaṭkālaṃ vā trikālaṃ vā dvikālaṃ kālameva vā |
ālaye bhagavatpūjā saumyena vidhinā kṛtā || 101 ||
[Analyze grammar]

sarvasaṃpatkarī sā syājjagatāmiti śāsanam |
tatrārcane tu śuddhātmā pūjakaḥ paritoṣitaḥ || 102 ||
[Analyze grammar]

tena rājā ca rājyaṃ ca yajamānaśca nānvayaḥ |
sarvalokaśca saṃtuṣṭo vardhate brahmatejasā || 103 ||
[Analyze grammar]

agraṃ vṛkṣasya rājānomūlaṃ vṛkṣasya pūjakāḥ |
tasmānmūlaṃ na hiṃsīyānmūlādagraṃ prarohati || 104 ||
[Analyze grammar]

phalaṃ vṛkṣasya rājānaḥ puṣpaṃ vṛkṣasya pūjakāḥ |
tasmātpuṣpaṃ na hiṃsīyātpuṣpātsaṃjāyate phalam || 105 ||
[Analyze grammar]

devasyaṃ brāhmaṇasvaṃ ca sanmānaṃ pūjakasya ca |
yastu na trāyate rājā tamāhurbrahmaghātukam || 106 ||
[Analyze grammar]

durbalānāmanāthānāṃ bālavṛddhatapasvinām |
anyāyaiḥ paribhūtānāṃ sarveṣāṃ pārthivo gatiḥ || 107 ||
[Analyze grammar]

rājā pitā ca mātā ca rājā ca paramo guruḥ |
rājā ca sarvabhūtānāṃ paritrātā gururmataḥ || 108 ||
[Analyze grammar]

dāvāgnidavadagdhānāṃ rājā pūrṇamivāṃbhasā |
samudramiva tṛpyanti brāhmaṇā vedavādinaḥ || 109 ||
[Analyze grammar]

dahatyagnistejasā ca sūryo dahati raśmibhiḥ |
rājā dahati diḍena vipro dahati manyuvā || 110 ||
[Analyze grammar]

manyupraharaṇā viprāścakra praharaṇo hariḥ |
cakrāttīkṣṇataro manyustasmādviprānna kopayet || 111 ||
[Analyze grammar]

agnidagdhaṃ praroheta sūryadagdhaṃ tathaiva ca |
daṇḍyastu saṃpraroheta brahmaśāpahato hataḥ || 112 ||
[Analyze grammar]

āpadyapi ca kaṣṭāyāṃ nāvamānyo hi pūjakaḥ |
arcakena tu tuṣṭena yaduktaṃ devasannidhau || 113 ||
[Analyze grammar]

tadvākyaṃ tu ha rervākyaṃ nāvamānyo hi pūjakaḥ |
arcakaṃ kopayedyastu sa hi devasya kopakṛt || 114 ||
[Analyze grammar]

deveśaṃ toṣayedyastu sa hi pūjakatoṣakṛt |
gandhaṃ puṣpaṃ tathā mālyaṃ tāṃbūlaṃ cākṣatādikam || 115 ||
[Analyze grammar]

prasādaṃ cāpi devasya prathamaṃ pūjakor'hati |
ṣaḍaṅgaviduṣāṃ caiva kratupravarayājinām || 116 ||
[Analyze grammar]

vaikhānasaḥ punātyagre goṣṭhīṃ vipraśatasya tu |
phalābhisaṃdhirahitaṃ sarvaṃ karmākhilaṃ kṛtam || 117 ||
[Analyze grammar]

brahmārpaṇadhiyā kuryātsa bhavedvaiṣṇavottamaḥ |
nānyaṃ devaṃ namaskuryānnānyaṃ devaṃ prapūjayet || 118 ||
[Analyze grammar]

arcayetsatataṃ dhyāyennārāyaṇamanāyam |
kāyena manasā vācā sa tu vaiṣṇava ucyate || 119 ||
[Analyze grammar]

tiryakpuṇḍradharaṃ caiva pāṣaṇḍinamavaiṣṇavam |
devāgre pūjaye'nnaiva tadvaiṣṇavavimānanā || 120 ||
[Analyze grammar]

abhyarcyā viṣṇubhaktā hi vaiṣṇavā bhagavatpriyāḥ |
avaiṣṇavasya pūjā tu teṣāmagre sudāruṇā || 121 ||
[Analyze grammar]

tasmātsarvaprayatnena tyajeddūrādavaiṣṇavam |
yetu sāmānyabhāvena manyante puruṣottamam || 122 ||
[Analyze grammar]

rudrādibhissahājñā nātte'pi jñeyā avaiṣṇavāḥ |
nareṣu brāhmaṇāśśreṣṭhā brāhmaṇeṣu vipaścitaḥ || 123 ||
[Analyze grammar]

vipaścitsu kṛtadhiyasteṣu kartāra eva ca |
kartṛṣu brahmaviduṣo ye hi bhaktājanākdane || 124 ||
[Analyze grammar]

viṣṇubhakteṣu sarvatra śreṣṭhā vaikhānasāssmṛtāḥ |
tasmātsaṃpūjya sarvādau bhaktyā vaikhānasaṃ dvijam || 125 ||
[Analyze grammar]

viṣṇubhaktaṃ tataḥ pūjya yathāvarṇānupūrvyaśaḥ |
goṣṭhīṃ samarcayetkāle bhojyāścānye dvijātayaḥ || 126 ||
[Analyze grammar]

strīyaḥ pūjyā vidhānena vaiṣṇapyo vaiṣṇavāśrayāḥ |
na hi sādhāraṇi sṛṣyirvaiṣṇavīti vicintayet || 127 ||
[Analyze grammar]

janmāntarasahasreṣu tapodhyānasamādhibhiḥ |
narāṇāṃ kṣīṇapāpānāṃ kṛṣṇe bhaktiḥ prajāyate || 128 ||
[Analyze grammar]

na hyabhāgavatairviṣṇurjñrātuṃ stotuṃ ca tattvataḥ |
draṣṭuṃ vā śakyate mūḍhāḥ praveṣṭuṃ kuta eva hi || 129 ||
[Analyze grammar]

tadbhaktibhāvitāḥ pūtā narāstadgatacetasaḥ |
bhavantivai bhāgavatāste viṣṇuṃ praviśanti ca || 130 ||
[Analyze grammar]

aneka janmasaṃsāracite pāpasamuccaye |
vārṣiṇe jāyate puṃsāṃ govindābhimukhī matiḥ || 131 ||
[Analyze grammar]

pradveṣaṃ yāti govinde dvijānvedāṃśca nindati |
yo narastaṃ vijānīyādāsurāṃśasamudbhavam || 132 ||
[Analyze grammar]

pāṣaṇḍeṣu ratiḥ puṃsāṃ hetuvādānukūlatā |
jāyate viṣṇumāyātaḥ patitānāṃ durātmanām || 133 ||
[Analyze grammar]

yadā pāpakṣayaḥ puṃsāṃ tadā devadvijātiṣu |
viṣṭau ca yajñapuruṣe śraddhā bhavati niścalā || 134 ||
[Analyze grammar]

yathā svalpāna śeṣastu narāṇāṃ pāpasaṃcayaḥ |
bhavanti te bhāgavatā niśśreyaśaparā narāḥ || 135 ||
[Analyze grammar]

bhrāmyatāmatra saṃsāre narāṇāṃ karmadurgame |
hastāvalaṃbano hyeko bhaktikrīto janārdanaḥ || 136 ||
[Analyze grammar]

karmaṇā manasā vācā prāṇināṃ yo'nasūyakaḥ |
bhāvasaktaśca govinde viṣṇau bhāgavato hi saḥ || 137 ||
[Analyze grammar]

yo brāhmaṇāṃśca vedāṃśca nityameva namasyati |
na drogdhā paravittādeḥ sahi bhāgavataḥ smṛtaḥ || 138 ||
[Analyze grammar]

sarvāndevān hariṃ vetti sarvān lokāṃśca keśavam |
tebhyaśca nāsyamātmāvaṃ sa hi bhāgavatassmṛtaḥ || 139 ||
[Analyze grammar]

devaṃ manuṣyamanyaṃ vā paśupakṣipipīlikāḥ |
tarupāṣāṇakāṣṭhādīnbhūmyaṃbhogaganaṃ diśaḥ || 140 ||
[Analyze grammar]

ātmānaṃ cāpi deveśādvyatiriktaṃ janārdanāt |
yo na jānāti puṇyātmā sa hi bhāgavatassmṛtaḥ || 141 ||
[Analyze grammar]

sarvaṃ bhagavato bhāgo yadbhūtaṃ bhavyasaṃsthitam |
iti yo vai vijānāti sa hi bhāgavatassmṛtaḥ || 142 ||
[Analyze grammar]

bhavabhītiṃ haratyeṣa bhaktibhāvena bhāvitaḥ |
bhagavāniti yadbhāvassa tu bhāgavatassmṛtaḥ || 143 ||
[Analyze grammar]

bhāvaṃ na kurute yastu sarvabhūteṣu pāpakam |
karmaṇā manasā vācā sa tu bhāgavatassmṛtaḥ || 144 ||
[Analyze grammar]

bāhyārthanirapekṣo yo bhaktyā bhagavataḥ kriyām |
bhāvena niṣpādayati jñeyo bhāgavato hi saḥ || 145 ||
[Analyze grammar]

nārayo yasya susnigdhā na codāsīnavṛttayaḥ |
paśyatassarvamevedaṃ viṣṇuṃ bhāgavatassa hi || 146 ||
[Analyze grammar]

sutapteneha tapasā yajñairvā bahudakṣiṇaiḥ |
tāṃ gatiṃ na narāyānti yāṃ tu bhāgavatā narāḥ || 147 ||
[Analyze grammar]

yogacyutairbhāgavataiddevarājaśśatakratuḥ |
avāṅnirīkṣyate najrīkimu ye yogapāragāḥ || 148 ||
[Analyze grammar]

yajñaniṣpattaye vedā devā yajñapateḥ kṛte |
tattoṣaṇāya yatate sa hi bhāgavatassmṛtaḥ || 149 ||
[Analyze grammar]

yena sarvātmanā bhaktyā viṣṇau bhāvo niveśitaḥ |
yuktatvātkṛtakṛtyatvātsa hi bhāgavatassmṛtaḥ || 150 ||
[Analyze grammar]

vratināṃ yajñapuruṣaḥ pūjyo viṣṇurasaṃśayaḥ |
strīyaśca svaṃ ca bhartāramṛte pūjyanna daivatam || 151 ||
[Analyze grammar]

bharturgṛhasthasya sataḥ pūjyo yajñapatirhariḥ |
vaikhānasānāmārādhyastapobhirmadhusūdanaḥ || 152 ||
[Analyze grammar]

dhyeyaḥ parivrājakānāṃ vāsudevo mahātmanām |
evamāśramiṇāṃ viṣṇussarveṣāṃ ca parāyaṇam || 153 ||
[Analyze grammar]

na dānairnatapobhiśca prīyate bhagavān hariḥ |
varṇāśramācāravatā yathā sa parituṣyati || 154 ||
[Analyze grammar]

varṇāśramācāravatā puruṣeṇa paraḥpumān |
viṣṇurārādhyate panthā nānyastattoṣakārakaḥ || 155 ||
[Analyze grammar]

atrānukteṣu doṣeṣu prāyaścittaṃ pravakṣyate |
paiṇḍarīkāgnimāsādya pariṣicya ca pāvakam || 156 ||
[Analyze grammar]

ṣaṭkṛtvo vaiṣṇavaṃ tadvaccatuṣkṛtvaśca vyāhṛtīḥ |
aṣṭākṣaraṃ cāṣṭakṛtvastathā ca dvādaśākṣaram || 157 ||
[Analyze grammar]

hutvā dvādaśakṛtvastu viṣṇusūktaṃ ca pauruṣam |
ekākṣarādisūktaṃ ca śrībhūsūktadvayaṃ hunet || 158 ||
[Analyze grammar]

devaṃ saṃsnāpya cābhyarcya havissamyaṅni vedayet, |
anena vidhinā tatra śāntirbhavati śobhanā || 159 ||
[Analyze grammar]

hādoṣeṣu ca punaruktahomaissahaiva tu |
pāramātmikamīṅkārādyaṣṭāśītiṃ viśeṣataḥ || 160 ||
[Analyze grammar]

hutvā ca sarvadaivatyamaṣṭābhiśca śatairghaṭaiḥ |
devaṃ saṃsnāpya cābhyarcya havissamyaṅni vedayet || 161 ||
[Analyze grammar]