Chapter 23 - utsavacakram

ataḥparaṃ pravakṣyāmi pūrvoddiṣṭaṃ sudarśanam |
sudarśanasya coddiṣṭaṃ pramāṇaṃ ca viśeṣuḥ || 1 ||
[Analyze grammar]

mahāberasya mānena navāṅgulamiti smṛtam |
tasya vṛttaṃ samuddiṣṭamarāścaiva tu tṣaṅgulam || 2 ||
[Analyze grammar]

vṛttaṃ paṭṭasya vistāramekāṅgulamudāhṛtam |
tanmadhye cārakūṭaṃ syādekāṃgulamudāhṛtam || 3 ||
[Analyze grammar]

arā dvādaśa uddiṣṭā etaccakrasya vai tathā |
adhamaṃ mārgamālokya proktametatpramāṇakam || 4 ||
[Analyze grammar]

tatra madhyaṃ pramāṇantu vakṣyāmi śruṇutādarāt |
mahāberasya hastena dvādaśāṃgulamucyate || 5 ||
[Analyze grammar]

tadvṛttaṃ tasya hastena dvādaśāṃgulamucyate |
vṛttaṃ tasya samuddiṣṭamārakūṭaṃ dviyaṅgulam || 6 ||
[Analyze grammar]

vṛttapaṭṭasya vistāramekāṃgulamudāhṛtam |
aṣṭau ca caturaṅgulyā duddiṣṭāśca samāsataḥ || 7 ||
[Analyze grammar]

arāṣṣoḍaśa uddiṣṭāścakrasyaiva tu madhyame |
kūrmaṃ vāpyatha siṃhaṃ vā padmaṃ vāpyatha kālayet || 8 ||
[Analyze grammar]

adhastādyogadaṇḍaṃ ca ekāṅgulamudāhṛtam |
ubhayoḥ pādayoścaiva siṃhenaiva tu kārayet || 9 ||
[Analyze grammar]

āyasenaiva vā kuryāddāruṇā vā tathaiva ca |
sarvatra suṃdaraṃ kuryātsajānana vidhīyate || 10 ||
[Analyze grammar]

etallakṣaṇamudgiṣṭaṃ cakrasyaiva pramāṇataḥ |
madhūcchiṣṭena vidhinā kuryādvai tatra tatra tu || 11 ||
[Analyze grammar]

vidadhyāddeva devasya heti pravaramuttamam |
pramāṇaṃ ca tu sarvatra tattribhāgaṃ viśeṣataḥ || 12 ||
[Analyze grammar]

sthāpanāṃ mūrtimantraṃ ca cakrasya śruṇutarṣayaḥ |
athātassaṃpravakṣyāmi vaiṣṇavaṃ cakramuttamam || 13 ||
[Analyze grammar]

trividhaṃ cakramuddiṣṭaṃ brahmaṇā parameṣinā |
kālacakraṃ vīracakraṃ sahasravikacaṃ kramāt || 14 ||
[Analyze grammar]

karoddhṛtaṃ vīracakraṃ devasya mukhamānataḥ |
sarvājināṃ samūhanta bajaṃ khatrayamantataḥ || 15 ||
[Analyze grammar]

devasya mukhamānaṃ syāddvādaśāṣṭāracihnitam |
jvālāpañcakasaṃyuktaṃ karāgre dakṣiṇe caret || 16 ||
[Analyze grammar]

mayaṃ mahīmayaṃ divyamaṣṭāraṃ dvādaśārakam |
ebhirmantraissamabhyarcya rakṣārthaṃ mokṣaśāntaye || 17 ||
[Analyze grammar]

kālacakraṃ pravakṣyāmi autsavaṃ sarvaśāntidam |
dhruvaberamukhāyāmaṃ dviguṇāyāmavistṛtam || 18 ||
[Analyze grammar]

vṛttaṃ ca ṣaḍguṇaṃ proktaṃ kṣatāntaṃ tatsuvṛttakam |
vṛttasya paṭṭavistāraṃ triyaṅgulamiti smṛtam || 19 ||
[Analyze grammar]

ṣaḍaṅgulasamāyāmamārakūṭaṃ tu tṣaṅgulam |
yavā kārakarā jñeyā ubhayatra praveśatā || 20 ||
[Analyze grammar]

arakūṭe'tha siṃhaṃ vā makaraṃ vātha padmakam |
jvālātrikaṃ vā kartavyaṃ jvālāpañjakameva vā || 21 ||
[Analyze grammar]

śatāṣṭāraṃ niṃśatiṃ vā uttame samyagācaret |
catuṣpañcadvipañcāśanmadhyame samudāhṛtam || 22 ||
[Analyze grammar]

dvātriṃśadvā caturviṃśadadhame saṃprayojayet |
evaṃ syātkālacakrantu utsavārthaṃ prakalpayet || 23 ||
[Analyze grammar]

cakrādhastāttathā nālaṃ dvādaśāṃgulamācaret |
cakradviguṇadaṇḍantu khadiraṃ cāsanaṃ bhavet || 24 ||
[Analyze grammar]

yājñikairatha vā vṛkṣaiḥ kārayedatra śāsanam |
ṣaḍaṅgulāyatavistārāṃ phalakāṃ saṃprakalpayet || 25 ||
[Analyze grammar]

vṛttaṃ vā caturaśraṃ vā laṃbadāmasamāyutam |
triyaṅgulasamutsedhaṃ saṃdhayettarikopari || 26 ||
[Analyze grammar]

tadadhastāttu tāṭiṃ ca kuṃbhalaṃbakasaṃyutam |
aṣṭāṃgulasamutsethaṃ kārayediti śāsanam || 27 ||
[Analyze grammar]

antassuṣirasaṃ kṛtvā daṇḍāgre cādha eva vā |
kūradaṇḍena saṃyojya phalakophalapadmakam || 28 ||
[Analyze grammar]

latā prasthataraṃ vāpi kārayediti śāsanam |
padmaṃ tu tṣaṅgunāyāmaṃ vistāramadhikāṃgulam || 29 ||
[Analyze grammar]

pālikopari siṃhau dvāvubhayoḥ pārśvayoścaret |
cakraṃ saṃvahamānau tau yāvattatra ca kālayet || 30 ||
[Analyze grammar]

tayormānaṃ samuddiṣṭaṃ pañcāṃgulamiti smṛtam |
daṇḍamadhyena kuryāttaddaṇḍamūle ṣaḍaṅgulam || 31 ||
[Analyze grammar]

pīṭhaṃ ṣaḍaṅgulotsedhaṃ caturaṅgulameva vā |
vṛttaṃ vā caturaśraṃ vā sarojadalakarṇayuk || 32 ||
[Analyze grammar]

ṣāḍhaśāṃgulamāyāmaṃ vistāraṃ saṃprakīrtitam |
karṇikāmadhyame nālamaṣṭāṃgula samāyutam || 33 ||
[Analyze grammar]

nāladaṇḍena saṃyojya bandhayedaṣṭabandhanaiḥ |
hāravatsudṛḍhaṃ kuryādavakramṛjusaṃyutam || 34 ||
[Analyze grammar]

evaṃ kṛtvā yathāmārgaṃ sthāpanaṃ samyagācaret |
sahasravikacaṃ cakraṃ puruṣākāramācaret || 35 ||
[Analyze grammar]

raktābhaṃ nīlavarṇaṃ ca navatālena mānataḥ |
dvibhujaṃ mukuṭodbandhaṃ cakracūlinamācaret || 36 ||
[Analyze grammar]

sudarśanaṃ tathā cakraṃ sahasravikacaṃ tathā |
anapāyinamityevaṃ mūrtimantraissamarcayet || 37 ||
[Analyze grammar]

śatadhāraṃ kālacakraṃ sarvāsuravimardanam |
sarvavighnaharaṃ ceti kālacakraṃ samarcayet || 38 ||
[Analyze grammar]

kālacakraṃ pravakṣyāmi sarvāsuravināśanam |
ṣaṭṭriṃśadaṅgulaṃ vāpi ṣaṭ pañcāśacchatāṣṭakam || 39 ||
[Analyze grammar]

vistārāyāmatomānamuttamādhamamadhyamam |
mānāṃgulena tadgrāhyaṃ takṣakaṃ vartulaṃ bhavet || 40 ||
[Analyze grammar]

sahasrārā aṣṭaśataṃ triśataṃ ṣaṣṭimeva vā |
arāḥkrameṇa saṃyuktā uttamādhamamadhyamāḥ || 41 ||
[Analyze grammar]

caturviṃśattathā jvālāṣṣoḍaśa dvādaśātha vā |
daśasaptāṅgulaṃ pañca vṛttaṃ paṭṭasya saṃyutam || 42 ||
[Analyze grammar]

cakraprabhehakaṃ bhāgaṃ pīṭhaṃ padmakamācaret |
daṇḍādīni vinā tasya padmaṃ pīṭhasyayojayet || 43 ||
[Analyze grammar]

etaduktaṃ mahaccakraṃ sarvāriṣṭavināśanam |
cakrasya sthāpanaṃ mārgaṃ pravakṣyāmi tapodhanāḥ || 44 ||
[Analyze grammar]

aṅkurānarpayitvātu kārayedakṣimocanam |
tathādhivāsanaṃ kṛtvā gavyānāmadhivāsanam || 45 ||
[Analyze grammar]

yāgaśālāṃ tathā kṛtvā bhūṣayettoraṇānvitam |
śayyāvediṃ ca tanmadhye cādhyardhāyāmavistṛtam || 46 ||
[Analyze grammar]

tatturyāṃśodayāṃ vediṃ kṛtvā tāṃ caturaśrakam |
prācyāmāhavanīyaṃ ca kuṇḍamaupāsanāgnivat || 47 ||
[Analyze grammar]

prācyāṃ tu snānavediṃ ca kṛtvācaiva vicakṣaṇaḥ |
athādhivāsitaṃ cakramādāyevābhiṣicya ca || 48 ||
[Analyze grammar]

agniṃ saṃsādhya pūrvoktaṃ kuṃbhaṃ saṃsāthayetpunaḥ |
cakrasyābhimukhe kuṃbhaṃ dhānyapīṭhoparikramāt || 49 ||
[Analyze grammar]

sannyasya tu gururdhīmānyaditaṃ bhāvayettathā |
grāmaṃ pradakṣiṇaṃ kṛtvā śālāyāṃ sthāpayettathā || 50 ||
[Analyze grammar]

hṛtpadmamadhye cakreśaṃ dvibhujaṃ prāṃjalīkṛtam |
raktābhaṃ kṛtavastrābhaṃ dhyātvāsamyakprapūrya ca || 51 ||
[Analyze grammar]

tasmātkuṃbhe samāvāhya pūrvoktamabhipūjya ca |
vedyāṃ saṃsnāpya taccakraṃ kalaśaisnāpayettadā || 52 ||
[Analyze grammar]

samala kṛtya vaktrādyairdhānyapīṭhoparikramāt |
sannyasya kuṃbhaṃ saṃyuktaṃ baddhvā pratisaraṃ tataḥ || 53 ||
[Analyze grammar]

śāyayitvā tathā cakraṃ hautraṃ samyakpraśaṃsya ca |
cakrāṅgānyāyadhāṃgāni mūrtimantrānpracakṣate || 54 ||
[Analyze grammar]

paścādagniṃ paristīrya vaiṣṇavairmantra saṃyutaiḥ |
bhūmānano'gre vandyāna'hutvā gāyatrisaṃyutam || 55 ||
[Analyze grammar]

śatamaṣṭottaraṃ hutvā rātriśeṣaṃ vyapohya ca |
snātvā prabhāte pūrvoktaṃ cakramādāya pūrvavat || 56 ||
[Analyze grammar]

grāmaṃ pradakṣiṇaṃ kṛtvā kuṃbhenāsādayettathā |
maṇḍape dakṣiṇe pārśve kṛtapīṭhe viśeṣataḥ || 57 ||
[Analyze grammar]

ratnaṃ nikṣipya pūrvoktamantreṇa sthāpayettadā |
cakramantrau susannyasya bījān sannyasya pūrvavat || 58 ||
[Analyze grammar]

kuṃbhācchaktiṃ tathāvāhya pūjayedāsanādibhiḥ |
pāyasādyairni vaidyātha guruṃ samyakprapūjayet || 59 ||
[Analyze grammar]