Chapter 22 - snapanam

athātassnapanāgāraṃ pramukhe cottare tathā |
aiśānyāṃ vā viśeṣaṇa prapāṃ vā maṇḍapantu vā || 1 ||
[Analyze grammar]

vitānopari saṃvītaṃ laṃbamānaṃ pariṣkṛtam |
staṃbhāntsaṃveṣṭya vastraiśca dukūlaistāntavairapi || 2 ||
[Analyze grammar]

muktādāmasamāyuktaṃ pūrṇakuṃbhasamanvitam |
satvaṃ rajastamaścaiva aiśvaryaṃ cādhidaivatam || 3 ||
[Analyze grammar]

caturvedādikairmantraistoraṇāṃsthsāpayetkramāt |
ubhayoḥ pārśvayoścaiva kadalīkramukānvitam || 4 ||
[Analyze grammar]

pūrvāstamuttarāntaṃ ca ṣaṭsūtraṃ saṃprasārya ca |
kalpayedāyatasamaṃ padānāṃ pañca viṃśatim || 5 ||
[Analyze grammar]

madhyebrāhmaṃ padaṃ hitvā caryārdhaṃ parito'ṣṭa ca |
pūrvādi catvāri padaṃ dvārārthaṃ parikalpayet || 6 ||
[Analyze grammar]

śiṣṭāṃśca dvādaśapadāndravyanyāsārthamāharet |
madhyeśvabhrantu kartavyamaupāsanavidhānataḥ || 7 ||
[Analyze grammar]

madhyenimnaṃ ca kṛtvā tu tālamātrapramāṇataḥ |
śvabhrasya madhyame caiva bilvajaṃ phalakaṃ nyaset || 8 ||
[Analyze grammar]

tatpramāṇādhikaṃ pīṭhaṃ paritaścaturaṅgulam |
madhyehitvā pratiṣṭhāpya dvivedisahitaṃ kramāt || 9 ||
[Analyze grammar]

tataḥpāvanamārgeṇa jalaṃ gacchedudaṅmukham |
maṇḍapāttu bahisthsāne jalasthānaṃ tu khānayet || 10 ||
[Analyze grammar]

ācchādya kadalīpatraiḥ padmapatrairathāpi vā |
hāridraiścātha patrairvāpatraiḥ kramukajaistu vā || 11 ||
[Analyze grammar]

atodevā'dimantreṇa kuśadarbhāṃntu śodhayet |
yāvacchvabhrapramāṇantu tāvatkṛtvāsamāharet || 12 ||
[Analyze grammar]

hastamātraṃ tathāyāme prokṣaṇārthaṃ tu kūrcakam |
mārjanārthantu kūrcaṃ ca ṣaḍaṅgulamiti smṛtam || 13 ||
[Analyze grammar]

pañcabhirvātribhirvātha dvādaśāṃgulamāyatam |
kalaśārthaṃ tu kurvīta yathākalaśasaṃkhyayo || 14 ||
[Analyze grammar]

taṇḍulairvrīhibhiścaiva satilaiścatrivedikam |
vrīhyardhaṃ taṇḍulaṃ proktaṃ tadardhaṃ ca tilānapi || 15 ||
[Analyze grammar]

uttamaṃ droṇamityuktaṃ madhyamaṃ tu tadardhakam |
adhamaṃ cāḍhakaṃ caiva paṅktiṃ kuryādvicakṣaṇaḥ, || 16 ||
[Analyze grammar]

samyak dagdhvātu kalaśānabhinnāntsaṃpragṛhya ca |
śarāvāṇāṃ pramāṇaṃ tu kuḍubaṃ samudāhṛtam || 17 ||
[Analyze grammar]

ṣaṭprasthamātraṃ karakaṃ kuṃbhaṃ tu droṇameva ca |
devasya'tveti kalaśān kuṃbhādīntsaṃpragṛhya ca || 18 ||
[Analyze grammar]

yavāntaraṃ tu tantūnāṃ saṃveṣṭya kalaśānapi |
pūrvarātrau viśeṣeṇa deveśaṃ saṃpraṇamya ca || 19 ||
[Analyze grammar]

samabhyarcya nivedyaiva mukhavāsaṃ dadettataḥ |
pūrvoktena vidhānena baddhvāpratisaraṃ tataḥ || 20 ||
[Analyze grammar]

śayanaṃ sopadhānaṃ ca kālayitvātu pūrvavat |
śayane śāyayeddevamuttarācchādanaṃ caret || 21 ||
[Analyze grammar]

nṛttairgeyaiśca vādyaiśca rātriśeṣaṃ nayetkramāt |
tataḥ prabhāte dharmātmā yajamānayuto guruḥ || 22 ||
[Analyze grammar]

śvabhramadhye pratiṣṭhāpya kūrcāntsamyaṅnyasetkramāt |
jayādīrapi tatraiva caindrādyaiśāntamarcayet || 23 ||
[Analyze grammar]

paṅktīśamarcayetpūrvaṃ nīlavāruṇamadhyame |
viṣvakcenaṃ samabhyarcya someśānāntarepi ca || 24 ||
[Analyze grammar]

lokapālāntsamabhyarcye dvigrahairdaśabhistribhiḥ prāgdravyāṇi |
nadītire mṛdaṃ gṛhya sasyaṅe tretaṭākake || 25 ||
[Analyze grammar]

darbhamūle ca saṃgṛhya gajadante tathaivaca |
gośruṅge karkaṭāvāse valmīkasya tu madhyame || 26 ||
[Analyze grammar]

mahīṃ devīmanujñāpya tāścāhṛtya pṛthakpṛthak |
ātapenātha saṃśoṣya viśvāmitrānparihraset || 27 ||
[Analyze grammar]

śarāveṣu mṛdaṃ caiva pūrayityā pṛthakpṛthak |
indrādīśānaparyantaṃ pradakṣiṇavaśena tu || 28 ||
[Analyze grammar]

udutya'miti mantreṇa prathamaṃ sannyasenmṛdaḥ |
mṛdupasnānamekaṃ tu aiśānyāṃ vipyasettadā || 29 ||
[Analyze grammar]

aśvadthena palāśena bilvena khadireṇa vā |
kuryādaṣṭāṃgulotsedhaṃ caturaśraṃ samastataḥ || 30 ||
[Analyze grammar]

mūlaṃ ṣaḍaṅgule cāgrāttṣaṅgulaṃ samudāhṛtam |
anena vā mṛdā vāpi kuryādvai parvatān kramāt || 31 ||
[Analyze grammar]

himavānūrjavānvindhyo vidūro vedaparvataḥ |
mahendraśca puraścandraśśataśruṅgāśca parvatāḥ || 32 ||
[Analyze grammar]

eṣāṃ varṇastathaivoktaḥ kuryādvarṇena saṃyutān |
śvetaṃ pītaṃ ca kṛṣṇaṃ ca raktaṃ vai śvetameva ca || 33 ||
[Analyze grammar]

pītaṃ kṛṣṇaṃ ca raktaṃ ca kramādvarṇa udāhṛtaḥ |
prāgādīśānta metāṃśca idaṃ viṣṇu'riti nyaset || 34 ||
[Analyze grammar]

śailānāṃ cāpyupasnāmekamīśānyagocaram |
śālivrīhiyavā mudgatilamāṣa priyaṅgavaḥ || 35 ||
[Analyze grammar]

godhūmaścaṇakastilvomasūraścādthasī tathā |
kuluddhamāṣakāścaiva ṣaṣṭirniṣpāva eva ca || 36 ||
[Analyze grammar]

etānyāhṛtya dhānyāni śarāveṣu pṛthakpṛthak |
prakṣipya tāṃśya saṃpūrṇān kramāddvau dvaunyakettathā || 37 ||
[Analyze grammar]

indrādīśānaparyantaṃ śukranta'iti mantrataḥ |
nyasedekamupasnānaṃ dhānyānāmagnidiśyapi || 38 ||
[Analyze grammar]

śarāvāṇāmalābhe tu kalaśeṣu pṛthakpṛthak |
soma oṣadhīnā'mucchārya pūrvavaccāṃkurānapi || 39 ||
[Analyze grammar]

yamanīlāntare cāpi śarāvetu suvinyaset |
aṅkurāṇāmupasnānamekamatraiva vinyaset || 40 ||
[Analyze grammar]

parvatārthaṃ samaṃ proktavṛkṣairyatnena vā mṛdā |
maṅgalāni prakuryācca dārupakṣāṇyanukramāt || 41 ||
[Analyze grammar]

śrīvatsaṃ pūrṇakuṃbhaṃ ca bherīmādarśanaṃ tathā |
matsyayugmāṃkuśaṃ śaṅkhamāvartamiti cāṣṭavai || 42 ||
[Analyze grammar]

śrīvatsaṃ tattu rukmābhaṃ ghaṭoraktābha ucyate |
raktāṃ bherīṃ suvarṇābhaṃ tasya pārśve'sitaṃ tathā || 43 ||
[Analyze grammar]

ādarśanaṃ ca śvetaṃ syādvṛttaṃ candravadiṣyate |
matsyayugmaṃ tathā śvetamūrdhvānanamitīritam || 44 ||
[Analyze grammar]

aṅkuśasya tu daṇḍaṃ ca raktaṃ kṛṣṇaghṛṇīyutam |
śaṅkhaṃ śaṅkhanibhaṃ proktaṃ raktamāvartamiṣyate || 45 ||
[Analyze grammar]

saptāṅgulasamutsedhameṣāṃ pīṭhaṃ dvigolakam |
yathā vṛkṣaistathā kuryātpañcavarṇairmṛdā tadhā || 46 ||
[Analyze grammar]

evaṃ lakṣaṇamuddiṣṭaṃ śeṣaṃ yuktyā samācaret |
pradakṣiṇakrameṇaiva caindrādīśāntamarcayet || 47 ||
[Analyze grammar]

dikṣvaṣṭasu mahādikṣu tattaddvārasya dakṣiṇe |
śaṃ sā niyaccha'tvityuktvāmaṅgalānyatra vinyaset || 48 ||
[Analyze grammar]

maṅgalānāmupasnānamendrādyecaikamevahi |
evaṃ prakaraṇaṃ proktaṃ kalaśānāṃ............ || 49 ||
[Analyze grammar]

dvādaśa pradhānadravyāṇi |
pañcagavyakramaṃ vakṣye devasya snapanaṃ prati |
kapilāyā varaṃ kṣīraṃ śvetāyā dadhi cocyate || 50 ||
[Analyze grammar]

raktavarṇāghṛtaṃ grāhyaṃ kṛṣṇāyā gośśakṛdbhavet |
mūtraṃ tu nīlavarṇāyāḥ pañcagavyamiti smṛtam || 51 ||
[Analyze grammar]

prasthapādaṃ ghṛtaṃ caiva dviguṇaṃ dadhi saṃyutam |
gṛhītvā triguṇaṃ kṣīraṃ gomayantu caturguṇam || 52 ||
[Analyze grammar]

ṣaḍguṇaṃ caiva gomūtraṃ pañcagavyayutaṃ kramāt |
apātitaṃ tu gomūtraṃ patitaṃ gomayaṃ bhavet || 53 ||
[Analyze grammar]

dhāroṣṇaṃ kṣīramādāya sadyastsaptaṃ ghṛtaṃ bhavet |
aśuktaṃ dadhi gṛhṇīyādetatsarvatra lakṣaṇam || 54 ||
[Analyze grammar]

gāṅgeyaṃ'mantramuccārya gomūtraṃ pūrvamāharet |
tatparaṃ tu śakṛdgrāhya mīśāna'miti mantrataḥ || 55 ||
[Analyze grammar]

hiraṇyapāṇi'mityuktvā paya ādāya nikṣipet |
iṣe tve'ti dadhi yañjyādghṛtaṃ cāyanta'ityapi || 56 ||
[Analyze grammar]

ityevaṃ pañcabhirmantraiḥ pañcagavyaṃ samāharet |
etadāḍhakapūrmantu kalaśedṛśyate pṛthak || 57 ||
[Analyze grammar]

sauvarṇaṃ rājataṃ tāmraṃ kāṃsyaṃ mṛṇmayameva vā |
dvādaśāṃgulavistāraṃ ṣoḍaśāṃgulanāhakam || 58 ||
[Analyze grammar]

dvyaṅgulaṃ saṃbharetkaṇṭhaṃ mukhaṃ pañcāṅgula bhavet |
pakvabiṃba phalākāraṃ khaṇḍasbhuṭītavarjitam || 59 ||
[Analyze grammar]

evaṃ kalaśamādāya pañcagavyaiḥprapūrya ca |
rudramasya'miti procya nyasedīśānagocare || 60 ||
[Analyze grammar]

āḍhakārdhaghṛtenaiva saṃpūrṇaṃ kalaśaṃ tathā |
ghṛtapratīka'ityuktvā i dreśānāntarenyaset || 61 ||
[Analyze grammar]

kalaśaṃ madhusaṃyuktaṃ sukuśaiḥ pūritaṃ tathā |
madhu vā'teti mantreṇa indrāgnyorantare nyaset || 62 ||
[Analyze grammar]

na śuktaṃ dadhi gavyaṃ ca saṃpūrṇakalaśaṃ tathā |
dadhi krāv ṇna'ityukvā āgneyyāṃ dadhi vinyaset || 63 ||
[Analyze grammar]

sadyo dugdhaṃ payogrāhya makṣataiḥ pūritantathā |
aṇoraṇīyā'nityuktvā yamāgnyormadhyame nyaset || 64 ||
[Analyze grammar]

uśīrāgaruparṇairvā saṃyuktaṃ candanena vā |
śuddhokena saṃgṛhya kalaśaṃ paripūritam || 65 ||
[Analyze grammar]

yamanīlāntare tatra apsara'ssviti vinyaset |
vrīhimāṣayavairyuktaṃ sarṣapañcākṣataṃ viduḥ || 66 ||
[Analyze grammar]

tūryaghoṣasamāyuktaṃ miśritaṃ cākṣatodakam |
tatrākṣatodakenaiva saṃpūrṇaṃ kalaśaṃ tataḥ || 67 ||
[Analyze grammar]

imā oṣadhaya'ityuktvā nyasennī le'kṣatodakam |
kadalīmātuluṅgāmra panasernālikerakaiḥ || 68 ||
[Analyze grammar]

ārdrādibhiḥ phalaiścānyairyathālābhaṃ samāhṛtaiḥ |
phalairardhāṃśasaṃyuktaṃ śeṣaṃ toyena pūritam || 69 ||
[Analyze grammar]

phalodakamiti proktaṃ kalaśaṃ saṃprasāthitam |
nīlavāruṇayormadhye somaṃ rā'jeti vinyaset, || 70 ||
[Analyze grammar]

kuśāgrairatha vā dūrvairakṣataiśca samanvitam |
kuśodakamiti proktaṃ kalaśaṃ tena pūritam || 71 ||
[Analyze grammar]

varuṇodānayormadhye yatassva'miti vinyaset |
vajraṃ nīlaṃ pravālaṃ ca śaṅkhajaṃ śuktijaṃ tathā || 72 ||
[Analyze grammar]

etāni pañcaratnāni tato maratakaṃ tathā |
vaiḍūryaṃ puṣyarāgaṃ ca gomedhikamiti kramāt || 73 ||
[Analyze grammar]

ratnodakamiti proktaṃ kalaśaṃ tena pūritam |
vāyavye sannyasedvidvānato devādi'muccaran || 74 ||
[Analyze grammar]

yathālābhaṃ tathā ratnasuvarṇasahitaṃ kramāt |
vaiṣṇavaṃ viṣṇusūktaṃ ca puruṣasūktayutaṃ japet || 75 ||
[Analyze grammar]

tathābhimantritaṃ toyaṃ japyodakamiti smṛtam |
kuberodānayormadhye brahmā devānā'miti nyaset || 76 ||
[Analyze grammar]

phalānte tu vitunnāssyuroṣadhyassamudāhṛtāḥ |
sarvauṣadhisamāyuktaṃ sarvauṣadhyudakaṃ bhavet || 77 ||
[Analyze grammar]

taryāṃśeṣu gṛhītaṃ ca kalaśaṃ pūrṇamaṃbhasā |
someśānāstarecaiva citraṃ devānā'miti nyaset || 78 ||
[Analyze grammar]

eṣāṃ pratyekamekaṃ tu kalaśaṃ śuddhavāriṇā |
gṛhītvā tadupasnānaṃ vāmapārśvetu vinyaset || 79 ||
[Analyze grammar]

upasnāne tu kalaśānato devā'dinā nyaset |
evaṃ pradhānakalaśāścaturviṃśatirīritāḥ || 80 ||
[Analyze grammar]

anudravyāṇi |
nandyāvartaṃ ca padmaṃ ca tulasī viṣṇuparṇikā |
bilvaṃ ca karavīraṃ ca padmaṃ kumudameva ca || 81 ||
[Analyze grammar]

aṣṭavai puṇyapuṣpāṇi grāhyāṇi tu yathākramam |
divāśuddhaṃ tu bilvaṃ ca kapidthaṃ bilvavanniśi || 82 ||
[Analyze grammar]

karavīraṃ divā śuddhaṃ niśi sitaṃ tathā śuci |
śarāveṣu samāhṛtya puṣpāṇi tu pṛthakpṛthak || 83 ||
[Analyze grammar]

imāssumanasa'iti mantreṇa yamanīlāntare nyaset |
tasyopasnānamekantu tatpārśve kalaśaṃ nyaset || 84 ||
[Analyze grammar]

śrīveṣṭakaṃ yavaṃ mudgamuśīraṃ caiva ratnakam |
tathā masūraṃ damanaṃ jātīphalayutaṃ tathā || 85 ||
[Analyze grammar]

lavaṅgaṃ ca samāhṛtya cūrṇayitvākrameṇa vai |
samārādhyaiva taccūrṇaṃ śarāveṣu ca pūrayet || 86 ||
[Analyze grammar]

paṅktīśāddakṣiṇe cūrṇaṃ vandyo na'iti vinyaset |
eṣāmalābhe cūrṇānāṃ grāhyamailādicūrṇakam || 87 ||
[Analyze grammar]

upasnānaṃ tu tatpārśve tvekaṃ vai kalaśaṃ nyaset |
aśvadthasya madhūkasya khadirasya vaṭasya ca || 88 ||
[Analyze grammar]

vañjulāsanayoścāpi citravṛkṣasya ca tvacaḥ |
hṛtvolūkhalamadhye ca udutya'miti vinyaset || 89 ||
[Analyze grammar]

ukta carmaṇyalābhe tu aśvadthasya vidhīyate |
kaṣāyaṃ parikalpyaiva ye te śata'miti bruvan || 90 ||
[Analyze grammar]

varuṇodānayormadhye kaṣāyakalaśaṃ nyaset |
upasnānaṃ tu tatpārśve ekaṃ vai kalaśaṃ nyaset || 91 ||
[Analyze grammar]

siṃhī ca nakulavyāghranandādityaṃ ca puṣkaram |
dūrvā ca sahadevī ca pāṭhā sāhvayameva ca || 92 ||
[Analyze grammar]

evaṃ vanauṣadhīrgṛhya somavāyvontu madhyame |
upasnānaṃ tu tatpārśve ekaṃ vai kalaśaṃ nyaset || 93 ||
[Analyze grammar]

nadītaṭākakūpānāṃ palvalasya ca vāribhiḥ |
pṛthaksaṃpūrya kalaśāṃścaturastu samāharet || 94 ||
[Analyze grammar]

tasyaikaṃ kalaśaṃ pārśve upasnānaṃ tu vinyaset |
hareṇukaṃ ca sthauṇeyaṃ patraṃ vyāghranakhaṃ tathā || 95 ||
[Analyze grammar]

parṇāgaruṃ ca dyāmākaṃ kacoraṃ ceruvālakam |
māñcī jātiphalailāṃśca lavaṅgaṃ candanaṃ tathā || 96 ||
[Analyze grammar]

karpūraṃ ca balośīrasthiranāradameva ca |
kastuṃburuṃ tathānyāni sugandhīni śucīni ca || 97 ||
[Analyze grammar]

prāṇyaṅgaṃ ca purīṣaṃ ca varjayitvā samāharet |
eteṣāmapi yaccūrṇaṃ sūkṣmamutpīḍya kalpitam || 98 ||
[Analyze grammar]

sarvagandhamiti proktaṃ śarāveṣu prapūrayet |
nyasettrātāra'mityeva yakṣarājeśamadhyame || 99 ||
[Analyze grammar]

tattatpārśvenyasetteṣāmupasnānaṃ tathaiva ca |
navasya snigdhavarṇasya hāridrasya prakalpayet, || 100 ||
[Analyze grammar]

cūrṇaṃ tu kalaśe kṣiptvā saṃpūrṇaṃ kalaśaṃ caret |
paṅktīśasyaiva pārśvetu sinī vā'līti vinyaset || 101 ||
[Analyze grammar]

tasya pārśve nyasedekamupasnānantu pūrvavat |
pālāśadūrvāpāmārganandyāvartadalāni ca || 102 ||
[Analyze grammar]

karavīrasya patrāṇi kuśapatrāṇi caiva hi |
mūlagandhārthamāhṛtya tasya pārśve nyasedbudhaḥ || 103 ||
[Analyze grammar]

śuddhodakalaśaṃ sthāpyedupasnānaṃ ca pūrvavat |
vastrayugmaṃ navaṃ sūkṣmaṃ kṛtaṃ kārpāsatantunā || 104 ||
[Analyze grammar]

plotārthantu samāhṛtya śuddhapātre tu nikṣipet |
viṣṇugāyatriyā sthāpya yakṣarājeśamadhyame || 105 ||
[Analyze grammar]

plotapārśvenyasettāni brahmajajñāna'mityapi |
jātiṃ hiṅgulikaṃ caiva añjanaṃ ca manaśśilām || 106 ||
[Analyze grammar]

gorocanaṃ ca girikamiti dhātūntsamāharet |
etāni cūrṇayitvātu śarāveṣu pṛthakpṛthak || 107 ||
[Analyze grammar]

prakṣipya jātave'deti nyasettatraiva pūrvavat |
ekādaśānukaraṇe kalaśāṃścaiva pūrayet || 108 ||
[Analyze grammar]

ahataṃ ca sumākṣmaṃ ca vastrayugmamakhaṇḍitam |
vastraṃ yajñopavītaṃ ca pavitraṃ bhūṣaṇādikam || 109 ||
[Analyze grammar]

evamādīni saṃgṛhya someśānāntare nyaset |
vinyasya kalaśāṃścaiva tathā cūrṇānpṛthakpṛthak || 110 ||
[Analyze grammar]

vastrairāveṣṭya tāntsarvānpunaḥkūrcāni nikṣipet |
utkūrcaṃ vāpyadhaḥkūrcaṃ prāgagraṃ vodagagrakam || 111 ||
[Analyze grammar]

vinyasya teṣu kūrcāni śarāve rapidhāya ca |
praṇamya devadeveśaṃ dravyārcasamathārabhet || 112 ||
[Analyze grammar]

tataścaryāpadānteṣu jayādyapsarasor'cayet |
jayāṃ ca vijayāṃ vindāṃnandakāṃ puṣṭikāmapi || 113 ||
[Analyze grammar]

kumudvatīmutpalakāṃ viśokāṃ ca samarcayet |
prāgādivedyāḥ paritaḥ paṅktau paṅktīśamarcayet || 114 ||
[Analyze grammar]

viṣvaksenaṃ tataḥ paścādindrādīṃśca samarcayet |
dravyadevārcanam |
mṛddevatā tu bhūdevī parvateśastu pāvakaḥ || 115 ||
[Analyze grammar]

vāyurvaidhānyadevassyādgaruḍā oṃkuradevatā |
maṅgalādhipatiśśakraḥpañcagavyādhipaśśivaḥ || 116 ||
[Analyze grammar]

tathaiva viśvedevāśca upasnānādhidevatāḥ |
sāmavedo ghṛteśassyādupasnāne tu vatsarāḥ || 117 ||
[Analyze grammar]

ṛgvedo madhudevassyādupasnāne tu vāyavaḥ |
yajurvedo dadhīśo'bhūdupasnā kapardinaḥ || 118 ||
[Analyze grammar]

kṣīre tvadharvavedaśca upasnāne'śvinau tathā |
gandhodake ṣaḍṛtavo marutastadanantare || 119 ||
[Analyze grammar]

akṣatode viśvamūrtirupasnāne bṛhaspatiḥ |
somaḥ phalodakeśassyādanantastadanantare || 120 ||
[Analyze grammar]

kuśodake ca munaya upasnāne tu takṣakaḥ |
viṣṇūratnodakeśassyādgandharvāstanadantare || 121 ||
[Analyze grammar]

mantroratnodakeśassyādupasnānetu puṣpajāḥ |
sarvauṣadhyudake bhānurupasnāne'psarogaṇāḥ || 122 ||
[Analyze grammar]

puṇyapuṣpeṣu dhātāraṃ cūrṇeṣvapyanapāyinam |
varuṇaḥ |
kaṣāyadevassyāttīrthe caiva jagadbhuvaḥ || 123 ||
[Analyze grammar]

vanauṣadhīśo rudro'bhūcchinīvālī haridrake |
upasnāni tu rākā syātsarvagandhe śatakratuḥ || 124 ||
[Analyze grammar]

brahmāṇaṃ mūlagandhetu plotavastre purandaram |
dhātuṣvapi ca durgāṃ ca tattaddravyadharaṃ smaran || 125 ||
[Analyze grammar]

trayodaśopacāraiśca mūrtimantrairathār'cayet |
upasnāneṣu cānyeṣu varuṇaṃ ca tathār'cayet || 126 ||
[Analyze grammar]

ācārya pūjayitvātu vastrairābharaṇaistathā |
śiṣyaṃ ca pūjayetpaścādyajamānassvaśaktitaḥ || 127 ||
[Analyze grammar]

tato guruḥprasannātmā deveśaṃ saṃpraṇamya ca |
aṣṭopacārairabhyarcya snapanāvasaraṃ tataḥ || 128 ||
[Analyze grammar]

vijñāpya haraye samyakpaścātkāryaṃ samācaret |
rakṣasva tva'miti procya dravyadevaṃ praṇamya ca || 129 ||
[Analyze grammar]

śiṣyastunamrakāyassannācāryājñāṃ pratīkṣate |
ājñāpayedguruśśiṣyaṃ harasveda'miti bruvan || 130 ||
[Analyze grammar]

tattaddravyaṃ samādāya śiṣyastasmai nivedayet |
adbhiḥprokṣya samādāya taddravyaṃ gururatvaraḥ || 131 ||
[Analyze grammar]

pvaṇavaṃ tu samuccārya tatra kāryaṃ samācaret |
lalāṭāntaṃ samuddhṛtya devadevaṃ praṇamya ca || 132 ||
[Analyze grammar]

taddravyeṇa sakṛttrirvā deveśasya pradakṣiṇam |
taddravyanāma saṃyojya tanmantrānte tu kārayet || 133 ||
[Analyze grammar]

ato devā'ditimantreṇa devadevaṃ praṇamya ca |
viṣṇuṃ ca puruṣaṃ satyamacyutaṃ cāniruddhakam || 134 ||
[Analyze grammar]

evaṃ mantraṃ samuccārya tatra kāryaṃ samācaret |
kriyānte pātramādāya pūrvasthāne niveśayet || 135 ||
[Analyze grammar]

snapanaprayogaḥ ekākṣareṇa'mantreṇa prokṣyaṃ gṛhya pradakṣiṇam |
kūrcenādāya saṃsrāvya mūrdhnivai snāpayenmṛdā || 136 ||
[Analyze grammar]

viśve nimagna'ityuktvāparvatena pradakṣiṇam |
dhānyena snāpayeccaiva prāṇaprasūti'muccaran || 137 ||
[Analyze grammar]

vitatya bāṇa'mityuktvā aṅkuraireva cār'cayet |
tvaṃ ya'jñeti ca mantreṇa maṅgalaiśca pradakṣiṇam || 138 ||
[Analyze grammar]

vasoḥ pavitra'mityuktvā pañcagavyābhiṣecanam |
vārīścatasra'ityuktvā sarvopasnānamācaret || 139 ||
[Analyze grammar]

agna āyāhi'mantreṇa ghṛtenaivābhiṣe cayet |
agnimīleti mantreṇa madhunaivābhiṣecayet || 140 ||
[Analyze grammar]

dadhmābhiṣecayetpaścādiṣe tve'ti samuccaran |
śanno devīra'bhītyuktvā kṣīreṇaivābhiṣecayet || 141 ||
[Analyze grammar]

abhi tvā śūra'ityuktvā snāpayedgandhavāriṇā |
imā oṣadhaya'ityuktvā snāpayedakṣatodakaiḥ || 142 ||
[Analyze grammar]

japanda'tveti cocchārya phalodaiścābhiṣecayet |
catvā'rīti ca mantreṇa kuśodaiścābhiṣecayet || 143 ||
[Analyze grammar]

tatpuruṣā'yeti mantreṇa ratnodaiścābhiṣecayet |
pūta sta'nyeti mantreṇa japyodairabhiṣecayet || 144 ||
[Analyze grammar]

catvāri śruṃgetyuccārya saryauṣadhyudakaiścaret |
dhātā vidhā'tetyuccārya puṇyapuṣpairathārcayet || 145 ||
[Analyze grammar]

ṛco yajūṃṣi'mantreṇa cūrṇena snāpayedguruḥ |
sa eṣa deva'uccārya udvarteta kaṣāyakaiḥ || 146 ||
[Analyze grammar]

sa sarvavettā'mantreṇa tīrthodeścābhiṣecayet |
sāmaiśca sāṃga'mityuktvā mārjayecca vanauṣadhīḥ || 147 ||
[Analyze grammar]

hāridracūrṇaissaṃsnāpya ato devā'iti bruvan |
tvaṃ strīpumā'nityuccārya lepayetsarvagandhakaiḥ || 148 ||
[Analyze grammar]

snāpayeduṣṇatoyena āpo hi'ṣṭheti coccaran |
nityasnānoktamārgeṇa śuddhodairabhiṣecayet || 149 ||
[Analyze grammar]

tattaddravyābhiṣekānte snānavastraṃ visṛjya ca |
dhautaṃ samarpayeccaiva pūjayedaṣṭavigrahaiḥ || 150 ||
[Analyze grammar]

mitrassuvarṇa'ityuktvā plotena parimṛjya ca |
vastrādyaissamalaṅkṛtya pūrvoktenaiva kārayet || 151 ||
[Analyze grammar]

tvaṃ bhūrbhuvastvaṃ'mantreṇa mūlagandhena mārjayet |
buddhimatā'mityuccārya cālaṅkuryācca dhātubhiḥ || 152 ||
[Analyze grammar]

pādyamācamanaṃ dadyādālayasya pradakṣiṇam |
svastisūktādisūktaṃ ca japtvācaivātha kārayet || 153 ||
[Analyze grammar]

arcāsthāne tu saṃsthāpya pūjayitvoktamārgataḥ |
mahāhāviḥ prabhūtaṃ vā yathāśakti nivedayet || 154 ||
[Analyze grammar]

niṣkādhikaṃ suvarṇaṃ ca savatsāmapi gāṃ tathā |
gurave dakṣiṇāṃ dadyātsnāpakānāṃ tathaiva ca || 155 ||
[Analyze grammar]

tatrānyakarmakartṝṇāṃ yathāśaktyāca dakṣiṇām |
dadyātkarmaphalaṃ prāpya yajamāno'tha bhaktimān || 156 ||
[Analyze grammar]

snapanāyattamuddiṣṭadhānyadravyāṃbarāṇi ca |
pātrāṇi ca tathānyāni snapanānte dhṛtāni ca || 157 ||
[Analyze grammar]

nivedayitvā gurave praṇamecca muhurmuhuḥ |
dhruvārcanā yadi syāttu pramukhe snapanaṃ caret || 158 ||
[Analyze grammar]

vitānastaṃbhaveṣṭādipūrvavatkārayettataḥ |
pañcahastābhedeṣu paṅktiṃ kuryādvidhānataḥ || 159 ||
[Analyze grammar]

madhye kubhaṃ ca snyasya arcayitvā ca pūrvavat |
dhruvapīṭhasya paritaḥ kūrcayuktaṃ caturdiśam || 160 ||
[Analyze grammar]

jayādīrarcayitvātu mṛdādīnpūrvavatkramāt |
tatpātraṃ saṃpragṛhyaiva pāṇibhyāṃ kṣālanaṃ caret || 161 ||
[Analyze grammar]

atha vā pātramādāya pūrayitvātu sannyaset |
dravyaṃ prati viśeṣeṇa pūrayitvār'cayetkramāt || 162 ||
[Analyze grammar]

pādyaṃ cācamanaṃ puṣpaṃ gandhaṃ dhūpaṃ tathaiva ca |
dīpamarghyaṃ tathācāmamarcayitvāṣṭavigrahaiḥ || 163 ||
[Analyze grammar]

devadevaṃ namaskṛtya pradakṣiṇamathācaret |
devasya puratastiṣṭheddravyamādāya pāṇinā || 164 ||
[Analyze grammar]

gauśṛṅgāgraṃ samuddhṛtya pūrvoktavidhinā kramāt |
punaḥ pradakṣiṇaṃ kṛtvā pūrvasthāne tu vinyaset || 165 ||
[Analyze grammar]

dhruveṇābhyastare caiva biṃbairanyaissahaivatu |
pūrvamuktaṃ dhruvārcā cetsnapanaṃ samyagācaret || 166 ||
[Analyze grammar]

yathoktenaiva mārgeṇa yathāvidhi samarcayet catvāriṃśat || 167 ||
[Analyze grammar]

gavyaṃ śrutaṃ dadhi madhu kṣīre syādratna toyakam || 168 ||
[Analyze grammar]

japyaṃ dvādaśaitān samāhṛtya || 169 ||
[Analyze grammar]

ntu upasnānamekaṃ hāridra madhyamottamam || 170 ||
[Analyze grammar]

upasnānavi mādhamaṃ caiva snapanaṃ tu vidhīyate || 171 ||
[Analyze grammar]

stathā kuryātkalaśaistu caturdaśaiḥ || 172 ||
[Analyze grammar]

madhyame madhyamaṃ caiva madhyamādhama vidhīyate || 173 ||
[Analyze grammar]

saptabhiḥ kalaśaiḥ madhyamaṃ teṣāṃ ṣaḍbhiḥ kala || 174 ||
[Analyze grammar]

dhamamucyate caturdaśaiḥ || 175 ||
[Analyze grammar]

gavyaṃ ghṛtaṃ kṣīramakṣa pasnānaṃ tathaiva ca || 176 ||
[Analyze grammar]

etai daśaitān kalasyācetkra ta || 177 ||
[Analyze grammar]

pūrvoktenaiva kalaśasyacet || 178 ||
[Analyze grammar]

dikṣaṣṭa gavyaistu aindre ghṛtami || 179 ||
[Analyze grammar]

myegandhodakaṃ tathā payo tyāṃ vāruṇyāmakṣatodakam || 180 ||
[Analyze grammar]

saumye japyodakaṃ kramāt vyastusaptabhiḥ kalaśaiḥ || 181 ||
[Analyze grammar]

catriṣaṭyoṇasthalaṃ saptabhiḥ kalaśoktavat || 182 ||
[Analyze grammar]

navakoṣṭhantu tatra vai ma bhaśca kuśāṃbhasā || 183 ||
[Analyze grammar]

japyā vinyaset evamevaṃ yet || 184 ||
[Analyze grammar]

dakṣiṇāyanakāletu uttarāyaṇakāletu paścāt || 185 ||
[Analyze grammar]

ye tu saṃprāpte tatsūryeṃdūparāgeṣu snapanaṃ devadevasya kṛtvā ta || 186 ||
[Analyze grammar]