Chapter 193

śrīkṛṣṇa uvāca |
tithidānamidānīṃ te kathayāmi yudhiṣṭhira |
sarvapāpapraśamanaṃ sarvavighnavināśanam || 1 ||
[Analyze grammar]

mānasaṃ vācikaṃ cāpi karmajaṃ yadaghaṃ bhavet |
sarvaṃ praśamamāyāti dānenānena pāṃḍava || 2 ||
[Analyze grammar]

śrāvaṇe kārtike caitre vaiśākhe phālgune tathā |
sitapakṣātprabhṛtyeva dātavyaṃ puṇyavarddhanam || 3 ||
[Analyze grammar]

vittaṃ śraddhāsahāyaśca pātraprāptistathaiva ca |
dānakālaḥ sadaiveha kathitastattvadarśibhiḥ || 4 ||
[Analyze grammar]

tīrthe devālaye goṣṭhe gṛhe vā niyatātmavān |
yaddadāti naraśreṣṭhastadānaṃtyāya kalpate || 5 ||
[Analyze grammar]

pratipatsu dvijānpūjyapta pūjayitvā prajāpatim |
sauvarṇamaravindaṃ ca kārayitvāṣṭapatrakam || 6 ||
[Analyze grammar]

kṛtvā caudumbare pātre sugandhavṛtapūrite |
puṣpairdhūpaiḥ pūjayitvā viprāya pratipāda yet || 7 ||
[Analyze grammar]

anena vidhinā dattvā kamalaṃ kamalālayam |
īpsitāṃllabhate kāmānniṣkāmo brahmasātmyatām || 8 ||
[Analyze grammar]

vahniṃ pūjya dvitīyāyāṃ bhūrbhuvaḥsvariti kramāt |
tilājyena śataṃ hutvā dattvā pūrṇāhutiṃ tataḥ || 9 ||
[Analyze grammar]

vaiśvānaraṃ tu sauvarṇaṃ sthāpayettāmrabhājane |
guḍājyapūrite rājaṃstoyapūrṇaghaṭopari || 10 ||
[Analyze grammar]

pūjayitvā vastramālyairbhakṣyabhojyairanekadhā |
tatastaṃ brāhmaṇe dadyādvahnirme prīyatāmiti || 11 ||
[Analyze grammar]

yāvajjīvakṛtātpāpānmucyate nātra saṃśayaḥ |
mṛto vahni puraṃ yāti prāhedaṃ nārado muniḥ || 12 ||
[Analyze grammar]

tṛtīyāyāṃ mahārāja rādhāṃ svarṇamayīṃ śubhām |
sthāpayitvā tāmrapātre lavaṇopari vinyaset || 13 ||
[Analyze grammar]

jīrakaṃ kaṭukaṃ caiva guḍaṃ pārtheṣu dāpayet |
raktavastrayugacchannāṃ kuṃkumena vibhūṣitām || 14 ||
[Analyze grammar]

puṣpadhūpaiḥ sanaivedyaiḥ pūjayitvā dvijātaye |
dattvā yatphalamāpnoti pārtha tatkena varṇyate || 15 ||
[Analyze grammar]

prāsādā yatra sauvarṇā nadyaḥ pāyasakardamāḥ |
gandharvāpsaraso yatra tatra te yāṃti mānavāḥ || 16 ||
[Analyze grammar]

svargādihaitya saṃsāre surūpaḥ subhago bhavet |
dātā bhoktā bahudhanaḥ putrapautrasamanvitaḥ || 17 ||
[Analyze grammar]

nārī vā tadguṇairyuktā bhavatīha na saṃśayaḥ |
caturthyāṃ vāraṇaṃ haimaṃ palādūrddhvaṃ suśobhanam || 18 ||
[Analyze grammar]

kāmayitvāṃkuśayutaṃ tiladroṇopari nyaset |
vastraiḥ puṣpaiḥ pūjayitvā naiveyaṃ vinivedya ca || 19 ||
[Analyze grammar]

tatastu brāhmaṇe dadyādgaṇeśaḥ prīyatāmiti |
kāryāraṃbheṣu sarveṣu tasya vighnaṃ na jāyate || 20 ||
[Analyze grammar]

vāraṇāḥ sapta janmāni bhavaṃti madavihvalāḥ |
vāraṇendrasamārūḍhastrailokyavijayī bhavet || 21 ||
[Analyze grammar]

paṃcamyāṃ pannagaṃ caiva svarṇenaikena kārayet |
kṣīrājyapatramadhyasthaṃ pūjayitvā pradāpayet || 22 ||
[Analyze grammar]

dvijaṃ saṃpūjya vāsobhiḥ praṇipatya kṣamāpayet |
iha loke pare caiva dānametatsukhāvaham || 23 ||
[Analyze grammar]

nāgopadravavidrāvi sarvaduṣṭanibarhaṇam |
prāyaścittaṃ tathā proktaṃ nāgadaṣṭasya śaṃbhunā || 24 ||
[Analyze grammar]

ṣaṣṭhyāṃ śaktisamopetaṃ kumāraṃ śikhivāhanam |
kārayitvā yathāśaktyā hemamālāvibhūṣitam || 25 ||
[Analyze grammar]

taṃḍulenātha śikhare vāsobhiḥ pūjya bhaktitaḥ |
ṣaṣṭhyāṃ skaṃdaṃ yathāśakti kṛtvā skaṃdaṃ hiraṇmayam || 26 ||
[Analyze grammar]

pūjayitvā gaṃdhapuṣpadhūpainaivedyatastathā |
namaskṛtya tato dadyādbrāhmaṇāya kuṭuṃbine || 27 ||
[Analyze grammar]

iha bhūtiṃ parāṃ prāpya pretya svarge mahīyate |
śūdro brāhmaṇatāmeti brāhmaṇo brahmalokatām || 28 ||
[Analyze grammar]

saptamyāṃ bhāskaraṃ pūjya brāhmaṇānaśvamuttamam |
dadyādalaṃkṛtagrīvaṃ saparyāṇaṃ sadakṣiṇam || 29 ||
[Analyze grammar]

sūryalokamavāpnoti sūryeṇa saha modate |
gaṃdharvāstuṣṭimāyāṃti datte'śve samalaṃkṛte || 30 ||
[Analyze grammar]

aṣṭamyāṃ vṛṣabhaṃ śvetamavyaṃgāṃgaṃ dhuraṃdharam |
sitavastrayugacchannaṃ ghaṃṭābharaṇabhūṣitam || 31 ||
[Analyze grammar]

dadyātpraṇamya viprāya prīyatāṃ vṛṣabhadhvajaḥ |
pradakṣiṇaṃ tataḥ kṛtvā ādvārāṃtamanuvrajet || 32 ||
[Analyze grammar]

dānenānena nṛpate śivaloko na durlabhaḥ |
vṛṣaskaṃdhe pratiṣṭhaṃti bhuvanāni caturdaśa || 33 ||
[Analyze grammar]

tasmādvṛṣabhadānena dattā bhavati bhāratī |
navamyāṃ kāṃcanaṃ siṃhaṃ kārayitvā svaśaktitaḥ || 34 ||
[Analyze grammar]

muktāphalāṣṭakayutaṃ nīlavastrāvaguṇṭhitam |
dadyāddevīmanusmṛtya duṣṭadaityanibarhaṇīm || 35 ||
[Analyze grammar]

dvijātipravarāyetthaṃ sarvānkāmānsamaśnute |
kāṃtāravanadurgeṣu cauravyālā kule pathi || 36 ||
[Analyze grammar]

hiṃsakāstaṃ na hiṃsaṃti dānasyāsya prabhāvataḥ |
mṛto devīpuraṃ yāti pūjyamānaḥ surāsuraiḥ || 37 ||
[Analyze grammar]

puṇyakṣayādihābhyetya rājā bhavati dhārmikaḥ |
daśamyāṃ nṛpaśārdūla daśāśāḥ svarṇanirmitāḥ || 38 ||
[Analyze grammar]

lavaṇe ca guḍe kṣīre niṣpāveṣu tileṣu ca |
gavyatraye taṃduleṣu māṣāṇā supari sthitāḥ || 39 ||
[Analyze grammar]

saṃpūjya vastrapuṣpādyairdvijāya pratipādayet |
anena vidhinā yastu pumānstrī vātha vā punaḥ || 40 ||
[Analyze grammar]

nirvāpayati rājeṃdra tasya puṇyaphalaṃ śṛṇu |
iha loke bhūpatiḥ syātpretya svarge mahīyate || 41 ||
[Analyze grammar]

sakalāstasya sarvāśā yāḥ kāścinmanasecchitāḥ |
tataḥ svargādihābhyetya kule mahati jāyate || 42 ||
[Analyze grammar]

ekādaśyāṃ garutmaṃtaṃ kārayitvā hiraṇmayam |
yathāśaktyā tāmrapātre ghṛtasyopari pūjitam || 43 ||
[Analyze grammar]

paṃcāgnyabhirate vipre purāṇajñe viśeṣataḥ |
dattvā kiṃ bahunoktena viṣṇuloke mahīyate || 44 ||
[Analyze grammar]

gāṃ vṛṣaṃ mahiṣīṃ hemaṃ saptadhānyānyajāvikam |
vaḍavāṃ guraḍarasānsa rvāṃstathā bahuphaladrumān || 45 ||
[Analyze grammar]

puṣpāṇi ca vicitrāṇi gaṃdhāṃścoccāvacānbahūn |
yathāśaktyā melayitvā vastrairācchādayennavaiḥ || 46 ||
[Analyze grammar]

dvādaśyāṃ dvādaśaitāni brāhmaṇebhyo nivedayet |
ekasya vā mahārāja yatphalaṃ tanniśāmaya || 47 ||
[Analyze grammar]

iha kīrtiṃ parāṃ prāpya bhuktvā bhogānyathepsitān |
tato viṣṇupuraṃ yāti sevyamāno'psaroṇaṇaiḥ || 48 ||
[Analyze grammar]

karmakṣayādihābhyetya rājā bhavati dhārmikaḥ |
yajñayājī dānapatirjīvecca śaradāṃ śatam || 49 ||
[Analyze grammar]

snāpayedbrāhmaṇāṃścātra trayodaśyāṃ trayodaśa |
tānācchādya navairvastrairgaṃdhapuṣpairathārcayet || 50 ||
[Analyze grammar]

bhojayīta sumiṣṭānnaṃ dakṣiṇāṃ vinivedayet |
yathāśaktyā hemakhaṇḍāndharmātmā prīyatāmiti || 51 ||
[Analyze grammar]

dharmarājāya kālāya citraguptāya daṃḍine |
mṛtyave kṣayarūpāya aṃtakāya yamāya ca || 52 ||
[Analyze grammar]

pretanāthāya raudrāya tathā vaivasvatāya ca |
mahiṣasthāya devāya nāmānīha trayodaśa || 53 ||
[Analyze grammar]

uccārya śraddhayā yuktaḥ praṇipatya visarjayet |
yaḥ karoti mahārāja pūjāmetāṃ manoramām || 54 ||
[Analyze grammar]

yamāya sa sukhaṃ martye sthitvā vyādhivivarjitaḥ |
yamamārgagataḥ paścādduḥkhaṃ nāpnotyasau pumān || 95 ||
[Analyze grammar]

na paśyati pretamukhaṃ pitṛlokaṃ sa gacchati |
puṇyakṣayādihābhyetya sa sukhī nīrujo bhavet || 56 ||
[Analyze grammar]

mahiṣaṃ suśubhaṃ kuṃbhaṃ caturdaśyāṃ payobhṛtam |
taṃ karṣakeṇa saṃyuktaṃ hemnaḥ sadvastrasaṃyutam || 57 ||
[Analyze grammar]

ghaṃṭābharaṇaśobhāḍhyaṃ vṛṣabheṇa samanvitam |
yo dadyācchivabhaktāya brāhmaṇāya kuṭuṃbine || 58 ||
[Analyze grammar]

vṛṣaṃ dattvā naraśreṣṭha śivaloke mahīyate |
tatra sthitvā ciraṃ kālaṃ kramādetya mahītalam || 59 ||
[Analyze grammar]

ārogyadhanasaṃyukte kule mahati jāyate |
sarvakāmasamṛddhyarthaṃ yāvajanmaśatatrayam || 60 ||
[Analyze grammar]

paurṇamāsyāṃ vṛṣotsargaṃ kārayitvā vidhānataḥ |
caṃdrarajataniṣpannaṃ phalenaikena śobhanam || 61 ||
[Analyze grammar]

pūjayedgaṃdhakusumairnaivedyaṃ vinivedya ca |
dadyādviprāya saṃkalpya vāsolaṃkārabhūṣaṇaiḥ || 62 ||
[Analyze grammar]

maṃtreṇānena rājendra tannibodha yathoditam |
kṣīrodārṇavasaṃbhūta trailokyāṃgaṇadīpaka || 63 ||
[Analyze grammar]

umā pateḥ śiroratnaśivaṃ yaccha namonamaḥ |
dānenānena nṛpate bhrājate caṃdravaddivi || 64 ||
[Analyze grammar]

apsarobhiḥ parivṛto yāvadābhūtasaṃplavam || 65 ||
[Analyze grammar]

dānānyamūni vidhivatprayatikrameṇa yacchaṃti ye dvijavarāya viśuddhasattvāḥ |
te brahmaviṣṇubhuvaneṣu sukhaṃ vihṛtya yāṃtyekatāṃ saha śivena na saṃśayo me || 66 ||
[Analyze grammar]

iti śrībhaviṣye mahāpurāṇa uttaraparvaṇi śrīkṛṣṇayudhiṣṭhirasaṃvāde tithidānavarṇanaṃ nāma trinavatyuttaraśatatamo'dhyāyaḥ || 193 ||
[Analyze grammar]