Chapter 178

śrīkṛṣṇa uvāca |
bhagavāñchaṃkaraḥ pūrvaṃ kṛtodvāho mayā saha |
ramamāṇastayā sārddhaṃ bahuvarṣagaṇānsthitaḥ || 1 ||
[Analyze grammar]

tataḥ suragaṇāḥ sarve paraṃ trāsamupāgatāḥ |
tayorapatyasya bhayāttameva śaraṇaṃ gatāḥ || 2 ||
[Analyze grammar]

vaiśvānaramukhā devā mahādevaṃ trilocanam |
prasannaścābhavatteṣāṃ vibudhānāṃ trilocanaḥ || 3 ||
[Analyze grammar]

īśvara uvāca |
kiṃ bhītāstridaśāḥ sarve kaṃ varaṃ ca dadāmi vaḥ |
mayi prasanne vibudhā durlabhaṃ hi na kiṃcana || 4 ||
[Analyze grammar]

devā ūcuḥ |
bhagavaṃstava saṃyogātpārvatyā saha śaṃkara |
mogho bhavatu deveśa bhītāḥ sma tanayasya te || 5 ||
[Analyze grammar]

anapatyaśca deveśa bhava bhūtapate sadā |
aśaktāḥ sma vayaṃ sarve bhavadojo vidhāraṇe || 6 ||
[Analyze grammar]

śrībhagavānuvāca |
ataḥ prabhṛtyahaṃ devā ūrdhvaretā vyavasthitaḥ |
sthāṇuvacca sthitaścāsmi nāma caitadbhaviṣyati || 7 ||
[Analyze grammar]

tataḥ kruddhā umā teṣāṃ devānāṃ vākyamabravīt |
vitathaṃ putrajaṃ saukhyaṃ bhavadbhirme kṛtaṃ surāḥ || 8 ||
[Analyze grammar]

yasmāttasmādbhavaṃto'pi na putrāñjanayiṣyatha |
tataḥ prabhṛti vai devāḥ prasūyaṃte na bhūpate || 9 ||
[Analyze grammar]

dattvā śāpaṃ tato devī devānāmāha śaṃkaram |
putrajanma mayā prāptaṃ na tāvajjagataḥ pate || 10 ||
[Analyze grammar]

aputrasya gatirnāsti itīyaṃ śrūyate śrutiḥ |
tadādiśa mahābhāga lokadvayahitaṃ prabho || 11 ||
[Analyze grammar]

bhagavānuvāca |
aputraḥ puruṣo yaśca nārī vā parvatātmaje |
sauvarṇastena dātavyaḥ kalpavṛkṣo guṇānvitaḥ || 12 ||
[Analyze grammar]

kṛtrimaṃ vāpi gṛhṇīyādvṛkṣaṃ vā sthāvarādikam |
jātaputro'tha vā putraḥ putratve parikalpayet || 13 ||
[Analyze grammar]

tena putravatāṃ lokā devi tasya na saṃśayaḥ |
kalpavṛkṣastu kartavyaḥ śuddhakāṃcanasaṃbhavaḥ || 14 ||
[Analyze grammar]

bahuśākhaḥ suvarṇāṃgopyanekakusumānvitaḥ |
mahāskaṃdhasvarūpaśca ratnālaṃkṛtavigrahaḥ || 15 ||
[Analyze grammar]

phalāni tasya divyāni sauvarṇāni prakalpayet |
kuryāviṃśatpalādūrddhvaṃ śaktyā vā nṛpasattama || 16 ||
[Analyze grammar]

dānametatpradātavyaṃ rājataṃ caivamuttamam |
pravālāṃkurasaṃchannaṃ muktādāmāvalaṃbitam || 17 ||
[Analyze grammar]

catuṣkoṇeṣu kurvīta caturaḥ kāṃcanadrumān |
suvarṇasya pramāṇaṃ ca kathayāmi varānane || 18 ||
[Analyze grammar]

sahasreṇa tadarddhena tasyāpyarddhena vā punaḥ |
nadyāstīre gṛhe vāpi devatāyatane tathā || 19 ||
[Analyze grammar]

prāgudakpravaṇe deśe maṃḍapaṃ tatra kārayet |
daśahastapramāṇena daśahastāśca vedikāḥ || 20 ||
[Analyze grammar]

hastamātrapramāṇena kuṃḍamekaṃ suśobhanam |
āgneyyāṃ kārayedrājanmekhalāmupalepanam || 21 ||
[Analyze grammar]

tatra vai brāhmaṇā yojyā ṛgyajuḥsāmapāṭhakāḥ |
upadeṣṭā ca tatraiva tṛtīyaḥ paṃcamo'tha vā || 22 ||
[Analyze grammar]

sarvābharaṇasaṃpannāstāmrapatradvayānvitāḥ |
anuliptāścaṃdanena vastramālyādibhūṣitāḥ || 23 ||
[Analyze grammar]

guḍaprasthopariṣṭācca sthāpayetkalpapādapam |
brahmaviṣṇuśivopetaṃ paṃcaśākhaṃ sabhāskaram || 24 ||
[Analyze grammar]

kāmadevamadhastācca sakalatra prayojayet |
saṃtānaṃ saha gāyatryā pūrvato lavaṇopari || 25 ||
[Analyze grammar]

maṃdāraṃ dakṣiṇe pārśve śriyā saha tathā ghṛte |
paścime pārijātaṃ tu umayā saha pādapam || 26 ||
[Analyze grammar]

surabhīsaṃyutaṃ tadvattileṣu haricaṃdanam |
kauśeyavastrasaṃyuktānikṣumālyaphalānvitān || 27 ||
[Analyze grammar]

tathāṣṭau pūrṇakalaśānsamaṃtātparikalpayet |
agnipraṇayanaṃ kṛtvā adhivāsya ca pādapān || 28 ||
[Analyze grammar]

dhānyāni caiva sarvāṇi samaṃtātparikalpayet |
nānā bhakṣyāṇi naivedyaṃ sarvaṃ tatra niyojayet || 29 ||
[Analyze grammar]

dīpamālā vicitrāśca jvālayeta samaṃtataḥ |
maṃtreṇa yojayitvā tā mayoktena varānane || 30 ||
[Analyze grammar]

kāmadastvaṃ hi devānāṃ kāmavṛkṣastataḥ smṛtaḥ |
mayā saṃpūjito bhaktyā pūrayasva manorathān || 31 ||
[Analyze grammar]

evaṃ saṃpūjya vidhinā jāgaraṃ tatra kārayet |
śaṃkhavāditranirghoṣairvedadhvanivimiśritaiḥ || 32 ||
[Analyze grammar]

homaṃ ca brāhmaṇāḥ kuryurmadgatenāṃtarātmanā |
āghārāvājyabhāgau tu pūrvaṃ hutvā vicakṣaṇaḥ || 33 ||
[Analyze grammar]

talliṃgaiḥ sthāpitāndevānhomenāpyāyayettataḥ |
mahāvyāhṛtibhiścaiva homaṃ kuryustataḥ param || 34 ||
[Analyze grammar]

ayutena bhavetsiddhiryajñasya varavarṇini |
tataḥ prabhāte cotthāya snātvā śuklāṃbaraḥ śuciḥ || 35 ||
[Analyze grammar]

dadyātparvasamīpe tu kalpavṛkṣaṃ sada kṣiṇam |
triḥpradakṣiṇamāvṛtya maṃtrametamudīrayet || 36 ||
[Analyze grammar]

namaste kalpavṛkṣāya vitatārthapradāya ca |
viśvaṃbharāya devāya namaste viśvamūrtaye || 37 ||
[Analyze grammar]

yasmāttvameva viśvātmā brahmasthāṇudivākarāḥ |
mūrtāmūrtaparaṃ bījamataḥ pāhi sanātana || 38 ||
[Analyze grammar]

evamāmantrya taṃ dṛṣṭvā gurave kalpapādapam |
caturbhyaścāpi ṛtvigbhyaḥ sāmaṃtādīnprakalpayet || 39 ||
[Analyze grammar]

anena vidhinā yastu dānametatprayacchati |
tasya puṇyaphalaṃ devi śṛṇuṣva gadato mama || 40 ||
[Analyze grammar]

vimānavaramāruhya sūryatejaḥsamaprabham |
apsarogaṇasaṃkīrṇaṃ kiṃkiṇījālamālitam || 41 ||
[Analyze grammar]

yāti lokaṃ sureśasya sarvabādhāvivarji tam |
punaḥ karmakṣitāvetya jāyate śrotriye kule || 42 ||
[Analyze grammar]

yajvā śūro'pi vidvāṃśca naro bhavati dhārmikaḥ |
punaraṃte prāpnuyādvai lokaṃ devasya śārṅgiṇaḥ || 43 ||
[Analyze grammar]

iti śrībhaviṣye mahāpurāṇa uttaraparvaṇi śrīkṛṣṇayudhiṣṭhirasaṃvāde kalpavṛkṣadānavidhivarṇanaṃ nāmāṣṭasaptatyuttaraśatata mo'dhyāyaḥ || 178 ||
[Analyze grammar]