Chapter 146

śrīvasiṣṭha uvāca |
athānyadapi te vacmi vrataṃ rājanmahāphalam |
aparādhaśataṃ yena kṣayaṃ yāti śṛṇuṣva tat || 1 ||
[Analyze grammar]

ikṣvākuruvāca |
kiṃ vrataṃ tanmamācakṣva ko'parādhastu taṃ vada |
kaḥ pūjyate ca vai tasminkadā vā kriyate naraiḥ || 2 ||
[Analyze grammar]

śrīvasiṣṭha uvāca |
śṛṇu rājanmahābāho aparādhaśatavratam |
yenānuṣṭhitamātreṇa kāmamokṣau labheta nā || 3 ||
[Analyze grammar]

prāyaścittānyaśeṣāṇi sarvapāpāpanuttaye |
kṛtānyapyakṛtāni syuriti hovāca padmajaḥ || 4 ||
[Analyze grammar]

pāpaṃ gurutaraṃ cāpi dahyate tūlarāśivat |
aparādhaśataṃ rājañśṛṇuṣva gadato mama || 5 ||
[Analyze grammar]

na karoti naro mohādvratametaddinedine |
anāśramitvaṃ prathamo'nagnitā vratahīnatā || 6 ||
[Analyze grammar]

adātṛtvamaśaucaṃ ca nirdayatvaṃ spṛhālutā |
akṣāṃtirjanapīḍā ca māyitvamapyamaṃgalam || 7 ||
[Analyze grammar]

kṣatavratatvaṃ nāstikyaṃ vedaniṃdā kaṭhoratā |
asatyatā hiṃsakatvaṃ stainyami ndriyaviplavaḥ || 8 ||
[Analyze grammar]

manaso'nigrahaścaiva krodha īrṣyātha matsaraḥ |
daṃbhaḥ śāṭhyaṃ ca dhaurtyaṃ ca kaṭukoktiḥ pramādatā || 9 ||
[Analyze grammar]

bhāryāmātṛsutādīnāṃ tyāgaścāpūjya pūjanam |
śrāddhahānirjapatyāgaḥ paṃcayajñavivarjanam || 10 ||
[Analyze grammar]

saṃdhyātarpaṇahomānāṃ hāniragneḥ praṇāśanam |
anṛtau maithunaṃ pārtha parvaṇyapi ca maithunam || 11 ||
[Analyze grammar]

paiśunyaṃ paradāreṣu dānaṃ veśyābhigāmitā |
apātradānaṃ cālpaṃ ca mūlikākulibhakṣaṇam || 12 ||
[Analyze grammar]

aṃtyajāgamanaṃ mātṛtyāgaḥ pitṛvivarjanam |
pitrorabhaktirvādaśca purāṇasmṛtivarjanam || 13 ||
[Analyze grammar]

abhakṣyabhojanaṃ cāpi patidroho'vicāratā |
kṛṣikarmakriyāvāhaṃ bhāryāsaṃgrahakāritā || 14 ||
[Analyze grammar]

iṃdriyājayamāyitvaṃ vidyāvismaraṇaṃ tathā |
śāstratyāga ṛṇaṃ citrakarma cānaṃgadhāvanam || 15 ||
[Analyze grammar]

bhāryāputrasutādīnāṃ vikrayaḥ paśumaithunam |
indhanārthaṃ drumacchedo bile vāryādipūraṇam || 16 ||
[Analyze grammar]

taḍāgāgamane vṛttaṃ vidyāvikrayakāritā |
vṛttilopo mahīpāla yācakatvaṃ kumitratā || 17 ||
[Analyze grammar]

strīvadho govadhaścaiva paurohityaṃ suhṛdvadhaḥ |
bhrūṇahatyā parānnaṃ ca śūdrānnasya niṣevaṇam || 18 ||
[Analyze grammar]

śūdrasya cāgnikarmatvamavidhitvaṃ kuputratā |
vidvadbhyo yācakatvaṃ hi vācāṭatvaṃ pratigrahaḥ || 19 ||
[Analyze grammar]

śrautasaṃskāra dīnatvamārtatrāṇavivarjanam |
brahmahatyāsurāpānarukmastainyamataḥ param || 20 ||
[Analyze grammar]

gurudārābhigāmitvaṃ saṃyogaścāpi taiḥ saha |
aparādhaśataṃ tvetatkathitaṃ te mayānagha || 21 ||
[Analyze grammar]

anye'pi vividhāḥ saṃti proktāḥ prādhānyatastvamī |
yadi vaktrasahasrāṇi vaktre jihvāśatāni ca || 22 ||
[Analyze grammar]

tathāpyete na śakyaṃte vaktuṃ yasmādanaṃtakāḥ |
aparādhasahasrāṇi lakṣakoṭiśatāni ca || 23 ||
[Analyze grammar]

naśyaṃti tatkṣaṇānnūnaṃ satyeśasyānupūjanāt |
pūjye bhagavānatra kṛtakṛtye parājite || 24 ||
[Analyze grammar]

dhvaje satye sthitaścāyaṃ lakṣmyā saha jagatpatiḥ |
vāmadevastataḥ pūrvaṃ nṛsiṃho dakṣiṇe sthitaḥ || 25 ||
[Analyze grammar]

kapilaḥ paścimāsye tu vārāhaścottare sthitaḥ |
ūrdhvavaktro'cyuto jñeya etadvai brahmapaṃcakam || 26 ||
[Analyze grammar]

taṃ satyeśaṃ sthitaṃ rājanpūjayecca sadaiva hi |
kṣīrodayārdhacandrasthapadmakarṇikasaṃsthitam || 27 ||
[Analyze grammar]

padmakaumodakīśaṃkhacakrāyudhavidhāraṇam |
vāme cādhastathā dakṣe ūrdhve paścādadho nṛpa || 28 ||
[Analyze grammar]

pādādhastādviniṣkrāṃtā gaṃgā pūtā sadā nṛbhiḥ |
śaktyaṣṭakaṃ tathā cānyattannāmāni ca me śṛṇu || 29 ||
[Analyze grammar]

jayā ca vijayā caiva jayaṃtī pāpanāśinī |
unmīlinī vaṃjulī ca trispṛśātha vivarddhanā || 30 ||
[Analyze grammar]

etābhiḥ śaktibhiryuktaṃ lokadikpālavarjitam |
śuklāṃbaradharaṃ saumyaṃ prahṛṣṭavadanaṃ śivam || 31 ||
[Analyze grammar]

sarvābharaṇaśobhāḍhyaṃ bhuktimuktipradaṃ harim |
pūjayecca prayatnena vidhinā yena taṃ śṛṇu || 32 ||
[Analyze grammar]

mārgaśīrṣādimāseṣu dvādaśasvapi sarvadā |
dvādaśyāmapyamāyāṃ vā aṣṭamyāṃ ca sitāsite || 33 ||
[Analyze grammar]

kṛtopavāsaḥ śuddhātmā kuryādvratamataṃdritaḥ |
pakṣayorubhayorevaṃ pūjaye'haṃ janārdanam || 34 ||
[Analyze grammar]

evaṃ tu niyamaṃ kṛtvā daṃtadhāvanapūrvakam |
gacchettatastaḍāge vā puṣkariṇyāṃ gṛhe'pi vā || 35 ||
[Analyze grammar]

snātvā tu naityakaṃ karma kṛtvā naimittikaṃ tataḥ |
kuryātsarvaṃ prayatnena yathāvadanupūrvaśaḥ || 36 ||
[Analyze grammar]

sauvarṇaṃ kārayeddevaṃ pūrvoktaṃ satyarūpiṇam |
śaktyaṣṭakayutaṃ lakṣmyā yuktaṃ padmāsanasthayā || 37 ||
[Analyze grammar]

suvarṇapalamānena kāryametatsavistaram |
dugdhakuṃbhopariṣṭāttu svarṇapadmaṃ prakalpayet || 38 ||
[Analyze grammar]

tatkarṇikāgataṃ devaṃ śaktivṛndasamanvitam |
pūjayedvidhivatpaścādgurumaṃtrapracoditaḥ || 39 ||
[Analyze grammar]

śuddhaśuklāṃbaradharo maṃtrasaṃbhārasaṃsthitaḥ |
devakṣīrasamudre'sminvṛtte candre ca puṣkare |
tatra tvaṃ satyayā sārddhaṃ satyeśa bhava sannidhau || 40 ||
[Analyze grammar]

oṃ kṣīrasāgarakallole snāhi pāpaniṣūdana |
anena bhūtabhavyena dattena jalabindunā || 41 ||
[Analyze grammar]

harasva sarvaṃ duritaṃ mama nātha janārdana |
vastradānena śubhreṇa satyeśa kuru me śubham || 42 ||
[Analyze grammar]

yajñe yoge tathā sāṃkhye pavitrastvaṃ sadocyase |
yajñopavītadānena kuru māṃ sarvapāvanam || 43 ||
[Analyze grammar]

viliptaṃ karmaṇā sarvaṃ satyaṃ satyaṃ na kenacit |
mama candanaliptāṃgaḥ sarvalepāpaho bhava || 44 ||
[Analyze grammar]

satyanātha namastubhyaṃ mūrtāmūrtasvarūpiṇe |
vāsudeva nṛsiṃhākhya kapilādivyabhūdhara || 45 ||
[Analyze grammar]

vārāhācyuta yajñeśa lakṣmīkāṃta nṛpeśvara |
paśuṃ putraṃ ca me dehi pāpaśatro niraṃjana || 46 ||
[Analyze grammar]

saṃkarṣaṇa mahāvīrya sarveśāmitavikrama |
aniruddhendra govinda dhṛtacakra namo'stu te || 47 ||
[Analyze grammar]

kṛṣṇakṛṣṇa prabho rāmarāma kṛṣṇa vibho hare |
trāhi māṃ sarvaduḥkhebhyo ramayā saha mādhava || 48 ||
[Analyze grammar]

pūjā ceyaṃ mayā dattā pitāmahajagadguro |
gṛhāṇa jagadīśāna nārāyaṇa namo'stu te || 49 ||
[Analyze grammar]

dhanaṃ guptaṃ mahīpāla sarvapāpāpanuttaye |
ekasyaiva tu viprasya yāvadvarṣaṃ samarpayet || 50 ||
[Analyze grammar]

dānaṃ dadyānmahārāja hyaśaktau tadabhāvataḥ |
pakṣepakṣe prakartavyaṃ vratametanmahattaram || 51 ||
[Analyze grammar]

saṃvatsare tataḥ pūrṇe kuryādudyāpanaṃ budhaḥ |
pūrvavatpūjayedevaṃ bahusaṃbhāravi staraiḥ || 52 ||
[Analyze grammar]

anujñāṃ prārthayedviprānpāpaghvaṃso mamāstu vai |
pāpadhvaṃso'stu satataṃ taveti ca dvijo vadet || 53 ||
[Analyze grammar]

tataḥ sarvaṃ brāhmaṇāya samarpya ca kṣamāpayet |
asminvrate kṛte rājanbhavedbahuphalodayaḥ || 54 ||
[Analyze grammar]

yatphalaṃ sarvavedeṣu sarvatīrtheṣu yatphalam |
tatphalaṃ koṭiguṇitaṃ vratasyāsya niṣevaṇāt || 55 ||
[Analyze grammar]

ihaloke dhanaṃ dhānyaṃ putramitrasukhādikam |
prāpnoti puruṣaḥ samyagvidyārogyakalāyudham || 56 ||
[Analyze grammar]

dharmamatha ca kāmaṃ ca mokṣaṃ ca nṛpasattama |
labhate nātra saṃdeho brahmaṇo vacanaṃ yathā || 57 ||
[Analyze grammar]

yaḥ paṭhecchṛṇuyādvāpi sarvapāpaiḥ pramucyate |
yaḥ kuryātpunaretaddhi so'nantaphalabhāgbhavet || 58 ||
[Analyze grammar]

aśaktastu tathā śakto vittaśāṭhyavivarjitaḥ |
vrataṃ kurvannaro bhaktyā labhate śāśvataṃ padam || 59 ||
[Analyze grammar]

kṛte vai kriyamāṇe tu kartā phalamavāpnuyāt |
aparādhaśatāghaughaṃ vratenānena nāśayet || 60 ||
[Analyze grammar]