Chapter 79

yudhiṣṭhira uvāca |
upavāsavratānāṃ tu vaikalyaṃ yanmahāmate |
dānadharme kṛtaṃ yasya vipākaṃ vada yādṛśaḥ || 1 ||
[Analyze grammar]

śrīkṛṣṇa uvāca |
yajñānāmupavāsānāṃ vratānāṃ ca nareśvara |
vaikalyātphalavaikalyaṃ yādṛśa tacchṛṇuṣva me || 2 ||
[Analyze grammar]

upavāsānvinā khaṇḍaṃ prāpnuvaṃtyeva tāñchṛṇu |
bhraṣṭaiśvaryā nirddhanāśca vasaṃti puruṣāḥ punaḥ || 3 ||
[Analyze grammar]

rūpaṃ tathottaraṃ prāpya vratavaikalyadoṣataḥ |
kāṇāḥ kubjāśca ṣaṇḍāśca bhavaṃtyaṃdhāśca mānavāḥ || 4 ||
[Analyze grammar]

upavāsī naraḥ patnīṃ nārīṃ prāpya tathā patim |
viyogaṃ vratavaikalye durbhagatvamavāpnuyāt || 5 ||
[Analyze grammar]

ye dravye satyadātārastathānne satyanagnayaḥ |
kule vasaṃti duḥśīlā duṣkulāḥ śīlaniścaye || 6 ||
[Analyze grammar]

vastrānulepanairhīnā bhūṣaṇaiścātirūpiṇaḥ |
virūparūpāśca tathā prasādhakaguṇānvitāḥ || 7 ||
[Analyze grammar]

te sarve vratavaikalyātphala vaikalyamāgatāḥ |
tasmāttadvratavaikalyaṃ yajñavaikalyameva ca |
upavāsena kartavyaṃ vaikalyādvikalaṃ phalam || 8 ||
[Analyze grammar]

yudhiṣṭhira uvāca |
kathaṃcidyadi vaikalyamupavāsādike bhavet |
kiṃ tatra vada kartavyamacchidraṃ yena jāyate || 9 ||
[Analyze grammar]

śrīkṛṣṇa uvāca |
akhaṃḍadvādaśī hyeṣā samasteṣveva karmasu || 10 ||
[Analyze grammar]

vaikalyaṃ praśamaṃ yāti śṛṇuṣva gadato mama |
mārgaśīrṣe site pakṣe dvādaśyāṃ niyataḥ śuciḥ |
kṛtopavāso deveśaṃ samabhyarcya janārdanam || 11 ||
[Analyze grammar]

snāto nārāyaṇaṃ brūyādbhuñjannārāyaṇaṃ tathā |
gacchannārāyaṇaṃ devaṃ svapannārāyaṇaṃ punaḥ || 12 ||
[Analyze grammar]

pañcagavyajalasnāto viśuddhātmā jitendriyaḥ |
yavavrīhimayaṃ pātraṃ dattvā viprāya bhaktitaḥ |
idamuccārayetpaścāddevasya purato hareḥ || 13 ||
[Analyze grammar]

saptajanmani yatkiñcinmayā khaṇḍavrataṃ kṛtam |
bhagavaṃstvatprasādena tadakhaṃḍamihāstu me || 14 ||
[Analyze grammar]

yathākhaṃḍaṃ jagatsarvaṃ tvameva puruṣottama |
tathākhilānyakhaṃḍāni vratāni mama saṃtu vai || 15 ||
[Analyze grammar]

caturbhirapi māsaistu pāraṇaṃ prathamaṃ smṛtam |
prīṇanaṃ ca hareḥ kuryātpārite pāraṇe tataḥ || 16 ||
[Analyze grammar]

caitrādiṣu ca māseṣu caturguṇyaṃ tu pāraṇam |
tatrāpi saktupātrāṇi dadyācchraddhāsamanvitaḥ || 17 ||
[Analyze grammar]

śrāvaṇādiṣu māseṣu kārttikāṃteṣu pāraṇam |
tatrāpi ghṛtapātrāṇi dadyādviprāya dakṣiṇāḥ || 18 ||
[Analyze grammar]

sauvarṇaṃ raupyaṃ tāmraṃ ca mṛnmayaṃ pātramiṣyate |
svaśaktyapekṣayā rājanpālāśaṃ vāpi kārayet || 19 ||
[Analyze grammar]

evaṃ saṃvatsarasyāṃte brāhmaṇānsa jitendriyaḥ |
dvādaśāmantrya viprāṃśca bhojayeddhṛtapāyasaiḥ || 20 ||
[Analyze grammar]

vastrābharaṇadānaiśca praṇipatya kṣamāpayet |
upadeṣṭāramapyatra pūjayedvidhivadgurum || 21 ||
[Analyze grammar]

evaṃ samyagyathānyāyyamakhaṃḍadvādaśīṃ naraḥ |
samupoṣya akhaṃḍasya vratasya phalamaśnute || 22 ||
[Analyze grammar]

saptajanmasu vaikalyaṃ yadvratasya kvacitkṛtam |
karotyavikalaṃ sarvamakhaṃḍadvādaśī tu tat || 23 ||
[Analyze grammar]

tasmādeṣā prayatnena naraiḥ strībhiśca suvrata |
akhaṃḍadvādaśī samyagupoṣyā phalakāṃkṣayā || 24 ||
[Analyze grammar]

ye dvādaśīvratamakhaṃḍamiti prasiddhaṃ mārgottamāṅgamadhikṛtya kṛtena yena |
khaṃḍavratāni puruṣaiḥ sukṛtāni yāni saṃpūrṇatāṃ samupayānti hareḥ prasādāt || 25 ||
[Analyze grammar]