Chapter 58

śrīkṛṣṇa uvāca |
brahmaputro mahātejā atrirnāma mahānṛṣiḥ |
tasya patnī mahābhāga anasūyā pativratā || 1 ||
[Analyze grammar]

tayoḥ kālena mahatā jātaḥ putro mahā tapāḥ |
datto nāma mahāyogī viṣṇoraṃśo mahītale || 2 ||
[Analyze grammar]

dvitīyo nāma lokesminnanaghaśceti viśrutaḥ |
tasya bhāryā nadī nāma babhūva sahacāriṇī || 3 ||
[Analyze grammar]

aṣṭaputrā jīvavatsā sarvabrāhmaguṇairvṛtā |
anayorviṣṇurūpeṇa lakṣmīścaiva nadī smṛtā || 4 ||
[Analyze grammar]

evaṃ tasya sabhāryasya yogābhyāsaratasya vā |
ājagmuḥ śaraṇaṃ devāḥ śuṃbhadaityena pīḍitāḥ || 5 ||
[Analyze grammar]

brahmalabdhaprasādena drutaṃ gatvāmarāvatīm |
saṃruddhāṃ jaṃbhadaityena divyavarṣaśataṃ nṛpa || 6 ||
[Analyze grammar]

daityadānavasaṃyoge pātālādetya bhārata |
tasya sainyamasaṃkhyeyaṃ daityadānavarākṣasaiḥ || 7 ||
[Analyze grammar]

tena nirṇāśitā devāḥ seṃdracaṃdramarudgaṇāḥ |
tyājitāḥ svāni dhiṣṇyāni tyaktvā jagmurdiśo daśa || 8 ||
[Analyze grammar]

agrataḥ pralayaṃ yāṃtaḥ sendrā devā bhayārditāḥ |
pṛṣṭhatonu vrajaṃti sma daityā jaṃbhapuraḥsarāḥ || 9 ||
[Analyze grammar]

yudhyaṃtaḥ śarasaṃghātairgadāmusalamudgaraiḥ |
nardanto vṛṣabhārūḍhāḥ kecinmahiṣavāhanāḥ || 10 ||
[Analyze grammar]

śarabhairgaṃḍakairvyāghrairvānarai rabhasairdrutāḥ |
muñcanto yāṃti pāṣāṇācchataghnīstomarāñcharān || 11 ||
[Analyze grammar]

yāvadvindhyagiriṃ prāptāstattasyāśramamaṇḍalam |
anaghaścānadī caiva dāṃpatyaṃ yatra tiṣṭhati || 12 ||
[Analyze grammar]

tayoḥ samīpaṃ saṃprāptāste narāḥ śaraṇārthinaḥ |
anagho'pi ca tāndevāṃllīlayaiva savāsavān || 13 ||
[Analyze grammar]

abhyaṃtare praviśyātha tiṣṭhadhvaṃ vigatajvarāḥ |
tatheti nāma te kṛtvā sarve tuṣṭiṃ samāsthitāḥ || 14 ||
[Analyze grammar]

daityā api drutaṃ prāptā ghnaṃtaḥ praharaṇairarīn |
ityūcurulbaṇā ghorā gṛhṇīdhvaṃ brāhmaṇīṃ muneḥ || 15 ||
[Analyze grammar]

drutaṃ drumānākṣipadhvaṃ puṣpopagaphalopagān |
athāropyānaghaṃ mūrdhni daityā jagmustadāśramān || 16 ||
[Analyze grammar]

tatkṣaṇāccāpi daityānāṃ śrīrbabhūva śirogatā |
dattakenāpi te dṛṣṭā naṣṭā dhyānāgninā kṣaṇāt |
nistejaso babhūvurhiḥ niḥśrīkā madapaṃḍitāḥ || 17 ||
[Analyze grammar]

devairapi gṛhītāste daityāśca haraṇe raṇe |
rudaṃtī nistanaṃtaśca niśceṣṭā brahmakaṃṭakāḥ || 18 ||
[Analyze grammar]

ṛṣṭibhiḥ karaṇaiḥ śūlaistriśūlaiḥ parighairghanaiḥ |
evaṃ te pralayaṃ jagmustatprabhāvānmunestadā || 19 ||
[Analyze grammar]

asurā devaśastraughairjitā indreṇa ghātitāḥ |
devā api svarāṣṭreṣu tasthuḥ sarve yathā purā |
surairapi munestasya devarṣermahimā'bhavat || 20 ||
[Analyze grammar]

tataḥ sa sarvalokānāṃ bhavāya satatotthitaḥ |
karmaṇā manasā vācā śubhānyeva samācarat || 21 ||
[Analyze grammar]

kāṣṭhakuḍayaśilābhūta ūrdhvabāhurmahātapāḥ |
brahmottaraṃ nāma tapastepe suniyatavataḥ || 22 ||
[Analyze grammar]

netre hyanimiṣe kṛtvā bhruvormadhye vilokayan |
trīṇi varṣasahasrāṇi divyānīti hi naḥ śrutam || 23 ||
[Analyze grammar]

tathorddhvaretasastasya sthitasyānimiṣasya hi |
yogābhyāsaprayatnasya māhiṣmatyāḥ patiḥ prabhuḥ || 24 ||
[Analyze grammar]

ekāhāddrutamabhyetya kārtavīryorjuno nṛpaḥ |
śuśrūṣāṃ vinayaṃ cakre divārātramataṃdritaḥ || 25 ||
[Analyze grammar]

gātrasaṃvāhanaṃ pūjāṃ manasā ciṃtitaṃ tathā |
sampūrṇe niyame vṛtte dṛḍhatuṣṭyā samanvitaḥ || 26 ||
[Analyze grammar]

tasyai dadau varānpuṣṭāṃścaturo bhūritejasaḥ |
pūrvaṃ bāhusahasraṃ tu sa vavre prathamaṃ varam || 27 ||
[Analyze grammar]

adharmāddhīyamānasya sadbhistasmānnivāraṇam |
dharmeṇa pṛthivīṃ jitvā dharmeṇaivānupālanam || 28 ||
[Analyze grammar]

saṃgrāmānsubahūñjitvā hatvā vīrānsahasraśaḥ |
saṃgrāme yudhyamānasya vadho me syāddhareḥ karāt || 29 ||
[Analyze grammar]

tena dattena loke'smindattaṃ rājyaṃ mahītale |
kārtavīryāya kauṃteya yogābhyāsaḥ savistaraḥ || 1 ||
[Analyze grammar]

cakravartipadaṃ caiva aṣṭasiddhisamanvitam || 30 ||
[Analyze grammar]

tenāpi pṛthivī kṛtsnā saptadvīpā saparvatā |
sasamudrākaravatī dharmeṇa vidhinā jitā || 31 ||
[Analyze grammar]

tasya bāhusahasraṃ tu prabhāvātkila dhīmataḥ |
yāgādratho dhvajaścaiva prādurbhavati māyayā || 32 ||
[Analyze grammar]

daśayajñasahasrāṇi teṣu dvīpeṣu saptasu |
nirargalāni vṛttāni svayaṃ vai tasya pāṃḍava || 33 ||
[Analyze grammar]

sarve yajñā mahābāho prasannā bhūridakṣiṇāḥ |
sarve kāñcanavedikyāḥ sarve yūpaiśca kāñcanaiḥ || 34 ||
[Analyze grammar]

sarvadevairmahābhāgairvimānasthairalaṃkṛtāḥ |
gaṃdharvairapsarobhiśca nityamevopaśobhitāḥ || 35 ||
[Analyze grammar]

tasya yajñe jagurgāthāṃ gaṃdharvā nāradastathā |
caritaṃ rājasiṃhasya mahimānaṃ nirīkṣya te || 36 ||
[Analyze grammar]

na nūnaṃ kārtavīryasya gatiṃ yāsyanti pārthivāḥ |
yajñairdānaistapobhirvā vikrameṇa śrutena ca || 37 ||
[Analyze grammar]

dvīpeṣu saptasu sa vai khaḍgacarmaśarāsanī |
vyacaracchyenavadyo vai dūrādārādavaikṣata || 38 ||
[Analyze grammar]

anaṣṭadravyatā cāsya na śoko na ca vai klamaḥ |
prabhāveṇa mahīrājorakṣaddharmeṇa ca prajāḥ || 39 ||
[Analyze grammar]

pañcāśītisahasrāṇi varṣāṇāṃ vai narādhipa |
samudravasanāyāṃ sa cakravartī babhūva ha || 40 ||
[Analyze grammar]

sa eva paśupālobhūtkṣetrapālaḥ sa eva ca |
sa eva vṛṣṭyāṃ parjanyo yogitvādarjuno'bhavat || 41 ||
[Analyze grammar]

sa vai bāhusahasreṇa jyāghātakaṭhinatvacā |
vāti raśmisahasreṇa kṣobhyamāṇe mahodadhau || 42 ||
[Analyze grammar]

na hi nāgamanuṣyaistu māhipmatyāṃ mahādyutiḥ |
karkoṭāheḥ sutāñjitvā puri tatra nyaveśayat || 43 ||
[Analyze grammar]

sa vai patnīṃ samudrasya prāvṛṭkāleṃbujekṣaṇām |
krīḍate ca madonmattaḥ pratisrotaścakāra ha || 44 ||
[Analyze grammar]

lalitaṃ krīḍatā tena phalaniṣpandamālinī |
ūrmībhrukuṭimatyeva śaṃkitāsyeti narmadā || 45 ||
[Analyze grammar]

tasya bāhusahasreṇa kṣobhyamāṇe mahodadhau |
bhavaṃtyālīnaniśceṣṭāḥ pātālasthā mahāsurāḥ || 46 ||
[Analyze grammar]

tūṣṇīkṛto mahābhāga līnāhīnamahāmatiḥ |
cakārottuṅgakṣubdhormi doḥsahasreṇa sāgaram || 47 ||
[Analyze grammar]

krāṃtā niścalamūrddhāno babhūvuśca mahoragāḥ |
sāyāhne kadalīkhaṇḍānnirdhā tanihatā iva |
jitā dhanurdharāḥ sarve sutyaktaiḥ pañcabhiḥ śaraiḥ || 48 ||
[Analyze grammar]

laṅkādhipaṃ mohayitvā sabalaṃ rāvaṇaṃ balāt |
nirjitya vaśamānīya māhiṣmatyāṃ babaṃdha ca || 49 ||
[Analyze grammar]

tatobhyetya pulastyastu arjunaṃ saṃprasādayan |
mumoca rakṣaḥ paulastyaṃ paulastyenānugāminā |
tasya bāhusahasrasya babhūva jyātalasvanaḥ || 50 ||
[Analyze grammar]

kṣudhitena kadācitsa prārthitaścitrabhānunā |
saptadvīpāṃ citrabhānoḥ prādādbhikṣāṃ mahīmimām || 51 ||
[Analyze grammar]

kuṃḍeśayastato'dyāpi dṛśyate bhagavānhariḥ |
niṃbādityaśca pratyakṣo jāgratsaṃstasya veśmani |
babhūva duhiturhetoḥ śarado'dyāpi tiṣṭhati || 52 ||
[Analyze grammar]

sa evaṃ guṇasaṃyukto rājābhūdarjuno bhuvi |
anaghasya prasādena yogācā ryasya pāṃḍava || 53 ||
[Analyze grammar]

teneyaṃ varalabdhena kārtavīryeṇa yoginā |
pravartitā martyaloke prasiddhā hyanaghāṣṭamī || 54 ||
[Analyze grammar]

aghaṃ pāpaṃ smṛtaṃ loke taccāpi trividhaṃ bhavet |
yasmādaghaṃ nāśayati tenāsāvanaghā smṛtā || 55 ||
[Analyze grammar]

tasyāṣṭaguṇamaiśvaryaṃ vinodārthaṃ vibhāvyate |
aṇimā mahimā prāptiḥ prākāmye laghimā tathā || 56 ||
[Analyze grammar]

īśitvaṃ ca vaśitvaṃ ca sarvakāmāvasāyitā |
ityaṣṭau yogasiddhasya siddhayo mokṣalakṣaṇāḥ || 57 ||
[Analyze grammar]

samutpannā dattakasya loke pratyayakārakāḥ |
yātrāsamāptau saṃgṛhya yadaghāni tathaiva vā || 58 ||
[Analyze grammar]

jagatsamastamanaghaṃ kuryādasmādato'naghā |
madaṃśo madgataprāṇo loke sminnṛtako dvijaḥ || 59 ||
[Analyze grammar]

yudhiṣṭhira uvāca |
kīdṛśaṃ puṇḍarīkākṣa sa vai rājārjuno vratam |
cakre vā triṣu lokeṣu kairmantraiḥ samayaiśca kaiḥ |
kasminkāle tithau kasyāmetanme vada keśava || 60 ||
[Analyze grammar]

śrīkṛṣṇa uvāca |
kṛṣṇāṣṭamyāṃ mārgaśīrṣe daṃpatī darbhanirmitau |
anaghaṃ cānaghāṃ caiva bahuputraiḥ samanvitām || 61 ||
[Analyze grammar]

purā kṛtīkṛtau śāṃtau bhūmibhāge sthitau śubhau |
snātvaivamarcayetpuṣpaiḥ sasugandhairyudhiṣṭhira || 62 ||
[Analyze grammar]

ṛgvedoktaṛcā vipro viṣṇuṃ dhyātvā mamāṃśajam |
anaghaṃ vāsudevenānaghāṃ lakṣmīṃ vrajāṃ tanum |
pradyumnādiputravargaṃ harivaṃśe yathoditam || 63 ||
[Analyze grammar]

oṃ ato devā avaṃtu no yato viṣṇurvicakrame |
pṛthivyāḥ saptadhāmabhiḥ |
idaṃ viṣṇurvicakrame tredhā nidadhe padam |
samūḷhamasyapāṃsure |
trīṇi padā vicakrame viṣṇurgopā adābhyaḥ |
ato dharmāṇi dhārayan |
viṣṇoḥ karmāṇi paśyata yato vratāni paspaśe |
iṃdrasya yujyaḥ sakhā |
tadviṣṇoḥ paramaṃ padaṃ sadā paśyaṃti sūrayaḥ |
divīva cakṣurātatam |
tadviprāso vipanyavo jāgṛvāṃsaḥ samiṃdhate |
viṣṇoryatparamaṃ padam |
lokodbhavaiḥ phalaiḥ kandaiḥ śṛṃgārairbadaraiḥ śubhaiḥ |
vittaiśca dhānyaiḥ puṣpaiśca gaṃdhadhūpaiḥ sadīpakaiḥ || 64 ||
[Analyze grammar]

yaḥ pūjayedbhaktiyuktaḥ sarvapāpaiḥ pramucyate |
tato dvijānbhojayecca suhṛtsaṃbaṃdhibāṃdhavān || 65 ||
[Analyze grammar]

vratāvasāne gṛhṇīyātkaścideko naro vratam |
teṣāṃ madhye dṛḍhāścakruranaghavratapāragāḥ || 66 ||
[Analyze grammar]

idaṃ jīvanaghātī cetsatyaṃ tu samayoṣitam |
varṣamekaṃ tataḥ svecchā idaṃ tavānaghavratam || 67 ||
[Analyze grammar]

tatropekṣaṇakaṃ kāryaṃ naṭanartakagāyakaiḥ |
prabhāte tu navamyāṃ taṃ toyamadhye visarjayet || 68 ||
[Analyze grammar]

evaṃ yaḥ kurute yātrāṃ varṣevarṣe ca harṣitaḥ |
bhaktiyuktaḥ śraddhayā ca sarvapāpaiḥ pramucyate || 69 ||
[Analyze grammar]

kuṭuṃbaṃ varddhate tasya yasya viṣṇuḥ prasīdati |
ārogyaṃ sapta janmāni tato yāṃti parāṃ gatim || 70 ||
[Analyze grammar]

etāmaghaughaśamanāmanaghāṣṭamīṃ ca kauṃteya saṃprati mayā kathitā hitāya |
kurvaṃtyananyamanasaḥ svayaśobhivṛddhyai ṛddhiṃ prayāṃti kṛtavīryasutānurūpām || 71 ||
[Analyze grammar]