Chapter 42

śrīkṛṣṇa uvāca |
yeyaṃ mārgaśire māsi ṣaṣṭhī bharatasattama |
puṇyā pāpaharā dhanyā śivā śāntā gṛhapriyā || 1 ||
[Analyze grammar]

nihatya tārakaṃ ṣaṣṭhyāṃ guhastārakarājavat |
rarāja tena dayitā kārttikeśasya sā tithiḥ |
snānadānādikaṃ karma tasyāmakṣayamucyate || 2 ||
[Analyze grammar]

yasyāṃ paśyaṃti gāṃgeyaṃ dakṣiṇāpathamāśritam |
brahmahatyādipāpaiste mucyaṃte nātra saṃśaya || 3 ||
[Analyze grammar]

tasmādasyāṃ sopavāsaḥ kumāraṃ svarṇasaṃbhavam |
rājataṃ vā mahārāja mṛnmayaṃ vāpi kārayet || 4 ||
[Analyze grammar]

aparāhṇe tataḥ snātvā samācamya yatavratī |
padmāsanastho gāṅgeyaṃ dhyāyaṃstiṣṭhetsamādhinā || 5 ||
[Analyze grammar]

brāhmaṇastu tato vidvāngṛhītvā karakaṃ navam |
pātayettasya śirasi dhārāṃ vai dakṣiṇāmukhaḥ || 6 ||
[Analyze grammar]

candramaṇḍalabhūtānāṃ bhavabhūtipavitritā |
gaṃgākumāradhāreyaṃ patitā tava mastake || 7 ||
[Analyze grammar]

evaṃ snātvā samabhyarcya bhāskaraṃ bhuvanādhipa |
puṣpadhūpādinā paścātpūjayetkṛttikāsutam || 8 ||
[Analyze grammar]

deva senāpate skanda kārttikeya bhavodbhava |
kumāra guha gāṃgeya śaktihasta namo'stu te || 9 ||
[Analyze grammar]

ebhirnnāmapadaiḥ pūjya naivedyaṃ vinivedayet |
phalāni dakṣiṇānnāni candanaṃ malayodbhavam || 10 ||
[Analyze grammar]

pārśvasthau pūjayecchāgakukkuṭau svāmivallabhau |
sakalāpaṃ mayūraṃ ca pratyakṣāṃ himajāṃ tathā || 11 ||
[Analyze grammar]

kṛttikākaṭakaṃ pārśve saṃpūjya skandavallabham |
tenaiva nāmabhirhomaḥ kāryaḥ sājyaistilaistathā || 12 ||
[Analyze grammar]

evaṃ nirvartya vidhivatphalamevaṃ yudhiṣṭhira |
bhakṣayitvā svapedbhūmau svāstṛte darbhasaṃstare || 13 ||
[Analyze grammar]

nālikeraṃ mātuluṃgaṃ nāriṃgaṃ panasaṃ tathā |
jaṃbīraṃ dāḍimaṃ drākṣāṃ hṛdyānyāmraphalāni ca || 14 ||
[Analyze grammar]

śrīphalāmalakaṃ tadvattrapusaṃ kadalīphalam |
krameṇa bhakṣayedrājansaṃyato niyatavratī |
alābhe kalakālaughaphalamadyādataṃdritaḥ || 15 ||
[Analyze grammar]

pratyakṣo hemaghaṭitaśchāgo vā kukkuṭo'thavā |
prātardadyāddvijāyaitatsenānīḥ prīyatāmiti || 16 ||
[Analyze grammar]

senāyāṃ sa ca saṃbhūtaḥ krauñcāriḥ ṣaṇmukho guhaḥ |
gāṃgeyaḥ kārttikeyaśca svāmī bālagrahāgraṇīḥ || 17 ||
[Analyze grammar]

chāgapriyaśśaktidharo dvāro dvādaśamaḥ smṛtaḥ |
prīyatāmiti sarveṣu kramānmāseṣu kīrtayet || 18 ||
[Analyze grammar]

brāhmaṇānbhojayitvādau paścādbhuñjīta vāgyataḥ |
evaṃ saṃvatsarasyānte kārttike māsi śobhane || 19 ||
[Analyze grammar]

kārttikeyaṃ samabhyarcya vāsobhirbhūṣaṇaiḥ saha |
gāṃgeyaḥ kārtikeyaśca sakṛdevaivamācaret || 20 ||
[Analyze grammar]

saṃvatsaravidhiṃ kṛtvā japaṃ homapuraskṛtam |
dadyādviprāya rājendra vācakāya viśeṣataḥ || 21 ||
[Analyze grammar]

ete viprāḥ smṛtā divyā bhaumāstvanye dvijātayaḥ |
pālite'sminvrate pārtha tīrṇaḥ syādbhavasāgarāt || 22 ||
[Analyze grammar]

evaṃ yaḥ kurute bhaktyā naro yoṣidathāpi vā |
sa prāpyeha śubhaṃ kāmaṃ gacchatīndrasalokatām || 23 ||
[Analyze grammar]

sadaiva pūjanīyastu kārtikeyo mahīpate |
kārttikeyādṛte nānyo rājñāṃ pūjyaḥ pravakṣyate || 24 ||
[Analyze grammar]

saṃgrāmaṃ gacchamāno yaḥ pūjayetkṛttikāsutam |
sa sarvaṃ jayate vīro yathendro dānavānraṇe || 25 ||
[Analyze grammar]

tasmātsarvaprayatnena pūjayecchaṃkarātmajam |
pūjyamānastu sadbhaktyā sarvānkāmānprayacchati || 26 ||
[Analyze grammar]

yastu ṣaṣṭhyāṃ naro naktaṃ kuryādbhāratasattama |
sarvapāpavinirmukto gāṃgeyasya sadā vrajet || 27 ||
[Analyze grammar]

śrutvaivaṃ dakṣiṇāṃ māsaṃ gatvā śraddhāsamanvitaḥ |
pūjayed devadeveśaṃ sa gatvā śivamaṃdiram || 28 ||
[Analyze grammar]

skandaṃ guhaṃ śaravaṇodbhavamādidevaṃ śambhoḥ sutaṃ sadayitaṃ girirājaputryāḥ |
svarge nirargalasukhānyanubhūyate na senāpatirbhavati rājyadhuraṃdhuro'sau || 29 ||
[Analyze grammar]