Chapter 32

yudhiṣṭhira uvāca |
yanna siddhyanti karmāṇi prārabdhāni narottamaiḥ |
tatkena kāraṇenaitatpṛṣṭo me brūhi mādhava || 1 ||
[Analyze grammar]

śrīkṛṣṇa uvāca |
vināyakorthasiddhyarthaṃ lokasya viniyojitaḥ |
gaṇānāmādhipatye ca rudreṇa brahmaṇā tathā || 2 ||
[Analyze grammar]

tenopasṛṣṭo yastasya lakṣaṇāni nibodhata |
svapne'vagāhate'tyarthaṃ jalaṃ muṇḍāṃśca paśyati || 3 ||
[Analyze grammar]

kāṣāyavāsasaścaiva kravyādāṃścādhirohati |
aṃtyajairgardabhairuṣṭraiḥ sahaikatrāvatiṣṭhate || 4 ||
[Analyze grammar]

vrajamānastathātmānaṃ manyate tu gataṃ paraiḥ |
vimanā viphalāraṃbhaḥ sasīdatyanimittataḥ || 5 ||
[Analyze grammar]

pātakī vihīnacchāyo mlānatvahetulakṣaṇaḥ |
karabhārūḍhamātmānaṃ mahiṣakharagaṃ tathā || 6 ||
[Analyze grammar]

yātudhānāśritaṃ yānaṃ śmaśānasyāṃtikaṃ nṛpa |
vīkṣeta kuruśārdūla svapnāṃte nātra saṃśayaḥ |
tailārdramātraṃ svaṃ dehaṃ karavīravibhūṣitam || 7 ||
[Analyze grammar]

tenopasṛṣṭo labhate na rājyaṃ rājanaṃdanaḥ |
kumārī na ca bhartāramapatyaṃ garbhamaṃganā || 8 ||
[Analyze grammar]

ācāryatvaṃ śrotriyaśca na śiṣyo'dhyayanaṃ tathā |
vaṇiglābhaṃ na cāpnoti kṛṣiṃ caiva kṛṣīvalaḥ || 9 ||
[Analyze grammar]

snapanaṃ tasya kartavyaṃ puṇye'hni vidhipūrvakam |
gaurasarṣapakalkena vastreṇācchāditasya tu || 10 ||
[Analyze grammar]

sarvauṣadhaiḥ sarvagandhairviliptaśirasastathā |
śuklapakṣe caturthyāṃ tu vāre vā dhiṣaṇasya tu || 11 ||
[Analyze grammar]

puṣye ca vīranakṣatre tasyaiva purato nṛpa |
bhadrāsanopaviṣṭasya svastirvācyā dvijaiḥ śubhaiḥ || 12 ||
[Analyze grammar]

catvāra ṛgyajuḥ sāmātharvaṇapravaṇāstataḥ |
vyomakeśaṃ tu saṃpūjya pārvatīṃ bhūmijaṃ tathā || 13 ||
[Analyze grammar]

kṛṣṇasya pitaraṃ cātha avatāraṃ sitaṃ tathā |
dhiṣaṇaṃ kledaputraṃ ca koṇaṃ lakṣmīṃ ca bhārata |
vidhuṃtudaṃ bāhuleyaṃ naṃdakasya ca dhāriṇam || 14 ||
[Analyze grammar]

aśvasthānādgajasthānādvalmīkātsaṃgamādhradāt |
mṛttikāṃ rocanāṃ ratnaṃ gugguluṃ cāpsu nikṣipet || 15 ||
[Analyze grammar]

yadāhṛtaṃ hyekavarṇaiścaturbhiḥ kalaśairhradāt |
carmaṇyānaḍuhe rakte sthāpya bhadrāsanaṃ tathā || 16 ||
[Analyze grammar]

sahasrākṣaṃ śatadhāramṛṣibhiḥ pāvanaṃ kṛtam |
tena tvāmabhiṣiṃcāmi pāva mānyaḥ punaṃtu me || 17 ||
[Analyze grammar]

oṃ bhagaṃ te varuṇo rājā bhagaṃ sūryo bṛhaspatiḥ |
bhagamindraśca vāyuśca bhagaṃ saptarṣayo daduḥ || 18 ||
[Analyze grammar]

yatte keśeṣu daurbhāgyaṃ sīmaṃte yacca mūrddhani |
lalāṭe karṇayorakṣṇorāpastadghnaṃtu sarvadā || 19 ||
[Analyze grammar]

snātasya sārṣapaṃ tailaṃ sruveṇauduṃbareṇa tu |
juhuyānmūrdhni śakalānsavyena pratigṛhya ca || 20 ||
[Analyze grammar]

mitaśca sammitaścaiva tathā śālakaṭaṃkaṭo |
kūṣmāṇḍo rājaputraścetyaṃte svāhāsamanvitaiḥ || 21 ||
[Analyze grammar]

nāmabhirbalimantraiśca namaskārasamanvitaiḥ |
dadyāccatuṣpathe śūrpe kuśānāstīrya sarvataḥ || 22 ||
[Analyze grammar]

kṛtākṛtāṃstaṃḍulāṃśca pala laudanameva ca |
matsyānhyapakvāṃśca tathā māṃsametāvadeva tu || 23 ||
[Analyze grammar]

puṣpānvitaṃ sugandhaṃ ca surāṃ ca trividhāmapi |
mūlakaṃ pūrikā pūpāṃstathaivoṃḍerakasrajaḥ || 24 ||
[Analyze grammar]

dadhyannaṃ pāyasaṃ caiva guḍaveṣṭitamodakam |
vināyakasya jananīmupatiṣṭhettatoṃbikām |
dūrvāsarṣapa puṣpāṇāṃ dattvārghyaṃ pūrṇamañjalim || 25 ||
[Analyze grammar]

rūpaṃdehi jayaṃ dehi bhagaṃ bhavati dehi me |
putrāndehi dhanaṃ dehi sarvānkāmāṃśca dehi me || 26 ||
[Analyze grammar]

prabalaṃ kuru me devi balavikhyātisambhavam |
śuklamālyāṃbaradharaḥ śuklagandhānulepanaḥ |
bhojayedbrāhmaṇāndadyādvastrayugmaṃ gurorapi || 27 ||
[Analyze grammar]

evaṃ vināyakaṃ pūjya grahāṃścaiva vidhānataḥ |
karmaṇāṃ phalamāpnoti śriyaṃ prāpnotyanuttamām || 28 ||
[Analyze grammar]

ādityasya sadā pūjāṃ tilakaṃ svāminastathā |
mahāgaṇapateścaiva kurvansiddhimavāpnuyāt || 29 ||
[Analyze grammar]

vaināyakaṃ vinayasattvavatāṃ narāṇāṃ snānaṃ praśastamiha vighnavināśakāri |
kurvaṃti ye vidhivadatra bhavaṃti teṣāṃ kāryāṇyabhīṣṭaphaladāni na saṃśayo'tra || 30 ||
[Analyze grammar]