Chapter 31

yudhiṣṭhira uvāca |
rūpasaubhāgyasukhadaṃ naranārījanapriyam |
pāpāpahaṃ bahuphalaṃ sukaraṃ sūpavāsakam || 1 ||
[Analyze grammar]

ṛddhibuddhikaraṃ svargyaṃ yaśasyaṃ sarvakāmadam |
tanme vada vrataṃ kiñcidyadi tuṣṭo'si mādhava || 2 ||
[Analyze grammar]

śrīkṛṣṇa uvāca |
śṛṇu pārtha paraṃ guhyaṃ yanmayā kathitaṃ na ca |
purā tava vanasthasya tadadya pravadāmyaham || 3 ||
[Analyze grammar]

śivayoratisaṃharṣādraktabiṃduścyutaḥ kṣitau |
medinyā sa prayatnena vidhṛto dhṛtiyuktayā || 4 ||
[Analyze grammar]

tasmājjātaḥ kumāro'sau rakto raktasamudbhavaḥ |
aṃgaṃ prasiddhamevehāṃgārako vega ucyate || 5 ||
[Analyze grammar]

śivāṃgādrabhasā jāta stenāṃgāraka ucyate |
agasthoṃ'gārakāṃtiśca aṃgapratyaṅgasaṃbhavaḥ || 6 ||
[Analyze grammar]

saubhāgyārogyakṛdyasmāttasmādaṃgārakaḥ smṛtaḥ |
bhaktyā caturthyāṃ naktena yastu śraddhāsamanvitaḥ || 7 ||
[Analyze grammar]

taṃ pūjayati yatnena nārī vā'nanyamānasā |
tasya tuṣṭaḥ prayacchetsa yattvayā samudāhṛtam |
rūpaṃ saubhāgyasaṃpannaṃ naranārīmanoharam || 8 ||
[Analyze grammar]

yudhiṣṭhira uvāca |
etanme vada deveśa aṃgārakavidhiṃ śubham |
sahomamaṃtrasaṃsthānaṃ sādhivāsavidhānataḥ || 9 ||
[Analyze grammar]

śrīkṛṣṇa uvāca |
pūrvaṃ tu kṛtasaṃkalpaḥ snānaṃ kṛtvā bahirjale |
snānārthaṃ mṛttikāṃ maṃtrairgṛhṇīyādaṃbhasi sthitaḥ || 10 ||
[Analyze grammar]

tvaṃ mṛde vaṃditā pūrvaṃ kṛṣṇenoddharatā kila |
tena me daha pāpaughaṃ yanmayā pūrvasaṃcitam || 11 ||
[Analyze grammar]

imaṃ maṃtraṃ paṭhanpārtha ādityāya pradarśayet |
ādityaraśmisaṃtaptāṃ gaṃgājalakaṇokṣitām || 12 ||
[Analyze grammar]

tāṃ mṛdaṃ śirasi prārthya pūrvaṃ dattvāṃgasaṃdhiṣu |
tataḥ snānaṃ prakurvīta maṃtreṇāntarjale punaḥ || 13 ||
[Analyze grammar]

tvamāpo yoniḥ sarveṣāṃ daityadānavarakṣasām |
svedajodbhijjayonīnāṃ rasānāṃ pataye namaḥ || 14 ||
[Analyze grammar]

snāto'haṃ sarvatīrtheṣu sarvaprasravaṇeṣu ca |
nadīṣu devakhāteṣu snānaṃ teṣu ca me bhavet || 15 ||
[Analyze grammar]

dhyāyandhvanimimaṃ maṃtraṃ tataḥ snānaṃ samācaret |
tataḥ snātvā śucirbhūtvā gṛhamāgatya na spṛśet |
na jalpecca na vīkṣeta kvacitpāpiṣṭhameva hi || 16 ||
[Analyze grammar]

dūrvāśvatthau śamīṃ spṛṣṭvā māṃ ca maṃtreṇa maṃtravit |
dūrvāmapyasya maṃtreṇa yutena samupasthitām || 17 ||
[Analyze grammar]

tvaṃ dūrve'mṛtajanmāsi sarvadevaiśca vaṃditā |
vaṃditā daha tatsarvaṃ yanmayā duṣkṛtaṃ kṛtam || 18 ||
[Analyze grammar]

pavitrāṇāṃ pavitraṃ tvaṃ kāśyapī paṭhyase śrutau |
śamī śamaya tatpāpaṃ yanmayā duranuṣṭhi tam || 19 ||
[Analyze grammar]

aśvatthamaṃgaṃ labhate maṃtrametaṃ nibodha me |
akṣispaṃdaṃ bhujaspaṃdaṃ duḥsvapnaṃ durviciṃtitam |
śatrūṇāṃ ca samutthānamaśvattha śamayasva me || 20 ||
[Analyze grammar]

gāṃ dadyāttu tato devīṃ savatsāṃ sapradakṣiṇām |
samālabhya tu maṃtreṇa maṃtrametamudīrayet || 21 ||
[Analyze grammar]

sarvadevamaye devi daivataistvaṃ supūjitā |
tasmātspṛśāmi vaṃdāmi vaṃditā pāpahā bhava || 22 ||
[Analyze grammar]

evaṃ maṃtraṃ paṭhanpārtha bhaktibhāvena bhāvitaḥ |
pradakṣiṇāṃ yaḥ kurute gāṃ dṛṣṭvā varavarṇinīm || 23 ||
[Analyze grammar]

pradakṣiṇīkṛtā tena pṛthivī nātra saṃśayaḥ |
evaṃ maunena cāgatya vaṃdyānvaṃdya gṛhaṃ vrajet || 24 ||
[Analyze grammar]

prakṣālya ca mṛdā pādau āhitā'gnigṛhaṃ viśet |
homaṃ tatra prakurvīta ebhirmaṃtraiḥ padairvaraiḥ || 25 ||
[Analyze grammar]

śarvāya śarvaputrāya pārvatyā goḥ sutāya ca |
kujāya lohitāṃgāya graheśāṃgārakāya ca |
bhūyobhūyoyamāhutyā hutvāhutvā juhoti vai || 26 ||
[Analyze grammar]

oṃkārapūrvakairmaṃtraiḥ svāhākārāṃtayojitaiḥ |
aṣṭottara śataṃ pārtha arddhamardhārdhameva ca || 27 ||
[Analyze grammar]

ebhimaṃtrapadairbhaktyā śaktyā vā kāmameva vā |
samidbhiḥ khādirībhiśca ghṛtadugdhaistilairyavaiḥ || 28 ||
[Analyze grammar]

bhakṣyairnānāvidhairanyaiḥ śaktyā vā maṃtravidvaśī |
hutvāhutīstataḥ pārtha devaṃ saṃsthāpayetkṣitau || 29 ||
[Analyze grammar]

snapanaṃ kecidicchaṃti saguḍe tāmrabhājane |
sauvarṇaṃ raktavarṇaṃ ca śaktyā dārumayaṃ tathā || 30 ||
[Analyze grammar]

kṛṣṇāgarumayaṃ caiva śrīkhaṇḍaghaṭitaṃ punaḥ |
sauvarṇapātre raupye vā arcyaṃ kuṃkumakesaraiḥ || 31 ||
[Analyze grammar]

anyairālohitaiḥ pārtha puṣpairvastraiḥ phalaiḥ śubhaiḥ |
rājanratnaiśca vividhairarthavānbhaktito'rcayet || 32 ||
[Analyze grammar]

yāvaddhi śakyate cittaṃ vittavānbhaktibhāvitaḥ |
tāvaddhi vardhate puṇyaṃ dātuḥ śatasahasrikam || 33 ||
[Analyze grammar]

kiñcittāmramaye pātre vaṃśaje mṛnmayepi vā |
pūjayaṃti narā raktaiḥ puṣpaiḥ kuṃkumakeśaraiḥ || 34 ||
[Analyze grammar]

tilaśarāvikām |
anena vidhinā dattvā yathoktaphalabhāgbhavet || 54 ||
[Analyze grammar]

evaṃ caturthīṃ yo bhaktyā kujayuktā mupoṣayet |
tasya puṇyaphalaṃ yacca tannibodha yudhiṣṭhira || 55 ||
[Analyze grammar]

iha sthitvā ciraṃ kālaṃ putrapautraśriyā vṛtaḥ |
dehāvasāne divyaujā divyagandhānu lepanaḥ || 56 ||
[Analyze grammar]

divyanārīgaṇavṛto vimānavaramāsthitaḥ |
yāti devapuraṃ hṛṣṭo devaiḥ sahābhinaṃditaḥ || 57 ||
[Analyze grammar]

sa tatra ramate kālaṃ devaiḥ saha sureśavat |
caturyugāni ṣaṭtriṃśattataḥ kālāṃtare punaḥ || 58 ||
[Analyze grammar]

iha cāgatya rājāsau kule mahati jāyate |
rūpavāndhanavānvāgmī dānaśīlo dayāparaḥ || 59 ||
[Analyze grammar]

nārī ca rūpasaṃpannā subhagā jātisaṃyutā |
pu्trapautraiḥ parivṛtā bhartrā saha ramecciram || 60 ||
[Analyze grammar]

ramitvā suciraṃ kālaṃ punaḥ svargagatiṃ labhet |
eṣa te kathito rājansarahasyo vidhistathā |
durllabho yo manuṣyāṇāṃ devānāṃ bhadramastu te || 61 ||
[Analyze grammar]

aṃgārakeṇa sahitā tu sitā caturthī śastā surārccanavidhau pitṛpiṇḍadāne |
tasyāṃ kujaṃ kurukulodvaha ye'rcayaṃti bhūmau bhavaṃti bahumaṃgalabhājanāste || 62 ||
[Analyze grammar]