Chapter 29

yudhiṣṭhira uvāca |
śuklapakṣatṛtīyāstu bahavaḥ samudāhṛtāḥ |
ānantaryavrataṃ brūhi tṛtīyobhayasaṃyutam || 1 ||
[Analyze grammar]

hitāya sarvabhūtānāṃ lalanānāṃ viśeṣataḥ |
nāma prāśananaivedyairmāsimāsi pṛthakpṛthaka || 2 ||
[Analyze grammar]

śrīkṛṣṇa uvāca |
brahmaviṣṇumaheśādyairyathoktaṃ surasattamaiḥ |
apūrvaṃ sarvamaṃtrāṇāmānaṃtaryavrataṃ śṛṇu || 3 ||
[Analyze grammar]

ādau mārgaśire māsi vratametatsamācaret |
naktaṃ kuryāddvitīyāyāṃ tṛtīyāyāmupoṣitā || 4 ||
[Analyze grammar]

umāṃ devīṃ samabhyarcya puṣpagaṃdhādibhiḥ kramāt |
śarkarāputrikāṃ śaktyā praṇipatya nivedayet || 5 ||
[Analyze grammar]

saṃprāśya dadhi rātrau ca svapyādvigatamatsarā |
prabhāte vidhivadbhaktyā mithunaṃ bhojayetsudhīḥ || 6 ||
[Analyze grammar]

aśvamedhamavāpnoti samagraṃ nātra saṃśayaḥ |
tathā kṛṣṇatṛtīyāyāṃ sopavāsā jitendriyā || 7 ||
[Analyze grammar]

japetkātyāyanīṃ nāma nāli keraṃ nivedayet |
svapyātprāśya payo rātrau kāmakrodhavivarjitā |
dāṃpatyaṃ subhagaṃ bhojyaṃ gomedhaphalamāpnuyāt || 8 ||
[Analyze grammar]

pauṣasyāditṛtīyāyāṃ sopavāsā jitendriyā |
gaurīṃ nāma tu saṃpūjya laḍḍukānvinivedayet || 9 ||
[Analyze grammar]

svapyātprāśya ghṛtaṃ rātrau tyaktvā kāmaṃ tadagrataḥ |
prabhāte mithunaṃ bhojyaṃ naramedhaphalaṃ bhavet || 10 ||
[Analyze grammar]

evaṃ kṛṣṇatṛtīyāyāṃ pārvatīmiti pūjayet |
nivedayānnaṃ śaṣkulyo gomayaṃ prāśayenniśi |
dāṃpatyaṃ vividhaṃ bhojyama śvamedhaphalaṃ labhet || 11 ||
[Analyze grammar]

māghasya śuklapakṣe tu tṛtīyāyāmupoṣitaḥ |
suranāyikāṃ ca saṃpūjya khaṇḍabilvaṃ nivedayet || 12 ||
[Analyze grammar]

tataḥ kuśodakaṃ prāśya svapyādbhūmau jitendriyā |
prabhāte madhurānnena mithunaṃ bhojya bhaktitaḥ |
kṣamāpyāṃte namaskṛtya iti svarṇaphalaṃ labhet || 13 ||
[Analyze grammar]

punaretattato māghe kṛṣṇapakṣe śucivratā |
āryāṃ nāmnā prapūjyātha khādyakāni nivedayet || 14 ||
[Analyze grammar]

madhu prāśya svapedrātrau kāmakrodhavivarjitā |
mithunaṃ bhojayitvā tu vājapeyaphalaṃ labhet || 15 ||
[Analyze grammar]

evaṃ vai phālgune māsi sopavāsā śucivratā |
bhadrīṃ nāma prapūjyātha kāsāraṃ vinivedayet || 16 ||
[Analyze grammar]

suprāśya śarkarāṃ cātha svapyādrātrau vimatsarā |
prabhāte mithunaṃ bhojyaṃ sautrāmaṇiphalaṃ labheta || 17 ||
[Analyze grammar]

punaḥ kṛṣṇatṛtīyāyāṃ phālgunasyaiva bhārata |
viśālākṣīṃ samabhyarcya pūrikā vinivedayet || 18 ||
[Analyze grammar]

sodakāṃstaṃḍulāndattvā svapyādbhūmau manasvinī |
bhojayenmithunaṃ prātaragniṣṭomaphalaṃ labhet || 19 ||
[Analyze grammar]

caitrasyāditṛtīyāyāṃ śucirbhūtā jitendriyā |
śriyaṃ devīṃ yajedbhaktyā vaṭakānvinivedayet || 20 ||
[Analyze grammar]

bilvapatraṃ tataḥ prāśya svapyāddhyāna parāyaṇā |
prātarutthāya madbhaktyā mithunaṃ pūjayetsudhīḥ |
praṇipatya kṣamāpyaivaṃ rājasūyaphalaṃ labhet || 21 ||
[Analyze grammar]

punaḥ kṛṣṇatṛtīyāyāṃ caitre samyagupoṣitaḥ |
kālīṃ nāma samabhyarcya piṣṭaṃ prāśya svapenniśi || 22 ||
[Analyze grammar]

pūpakāni nivedyātha kuryādrātrau prajāgaram |
mithunāni ca saṃbhojya atirātraphalaṃ bhavet || 23 ||
[Analyze grammar]

evaṃ vaiśākhamāse tu sopavāsā jitendriyā |
pūjayeccaṇḍikāṃ devīṃ madhukāni nivedayet || 24 ||
[Analyze grammar]

śrīkhaṃḍaṃ caṃdanaṃ liptvā svapyāddevyagrato bhuvi |
bhojayitvā ca dāṃpatyaṃ cāṃdrāyaṇaphalaṃ labhet || 25 ||
[Analyze grammar]

tathā kṛṣṇatṛtīyāyāṃ sopavāsā vimatsarā |
pūjayetkālarātriṃ tu gandhapuṣpaiḥ sadīpakaiḥ || 26 ||
[Analyze grammar]

surājyaṃ yāvakaṃ dattvā tilānbhuṃjansvapenniśi |
prabhāte mithunaṃ bhojyama tikṛcchraphalaṃ labhet || 27 ||
[Analyze grammar]

jyeṣṭhe sitatṛtīyāyāṃ hyupavāsakṛtāṃ varā |
śubhāṃ devīṃ samabhyarcya āmrāṇi vinivedayet |
saṃprāśyāmalakaṃ rātrau gaurīṃ dhyātvā sukhaṃ svapet || 28 ||
[Analyze grammar]

tataḥ prātaḥ samutthāya daṃpatī rūpaśālinau |
bhojayitvā vidhānena tīrthayātrāphalaṃ labhet || 29 ||
[Analyze grammar]

punaḥ kṛṣṇatṛtīyāyāṃ sopavāsā suvāsinī |
skandamāteti saṃpūjya iḍāyai vinivedayet || 30 ||
[Analyze grammar]

prāśayetpaṃcagavyañca svapyāddevyagratastataḥ |
prabhāte mithunaṃ bhojyaṃ kanyādānaphalaṃ labhet || 31 ||
[Analyze grammar]

āṣāḍhamāse saṃprāpte pūjayecca yaśodhanam |
karaṃjakaṃ ca naivedyaṃ gośṛṃgāṃbhaḥ pibenniśi |
prabhāte mithunaṃ bhojyaṃ kanyādānaphalaṃ labhet || 32 ||
[Analyze grammar]

tathā kṛṣṇatṛtīyāyāṃ kūṣmāṃḍīṃ śaktito yajet |
saktūnguḍājyasaṃmuktānpurato vinivedayet || 33 ||
[Analyze grammar]

kuśodakaṃ ca saṃprāśya svapyādrātrau jitendriyā |
prabhāte mithunaṃ bhojyaṃ gosahasraphalaṃ labhet || 34 ||
[Analyze grammar]

śrāvaṇe sopavāsā ca caṃḍāṃ ghaṇṭāṃ prapūjayet |
kulmāṣāstatra naivedyaṃ pibetpuṣpodakaṃ punaḥ || 35 ||
[Analyze grammar]

prabhāte śaktito dadyādbhojanaṃ mithunasya tu |
prāpnotyabhayadānasya phalaṃ naivātra saṃśayaḥ || 36 ||
[Analyze grammar]

tadvatkṛṣṇatṛtīyāyāṃ rudrāṇīṃ nāmabhiryajet |
siddhapiṃḍāni divyāni naivedyaṃ dāpayettathā || 37 ||
[Analyze grammar]

piṇyākaṃ prāśa yitvā tu svapyādrātrau vimatsarā |
saṃpūjya dvijadāṃpatyamiṣṭāpūrtaphalaṃ labhet || 38 ||
[Analyze grammar]

bhādre śuklatṛtīyāyāṃ pūjayeta himādrijām |
godhūmānnaṃ nivedyaiva prāśayeccandanaṃ sitam || 39 ||
[Analyze grammar]

gandhodakaṃ tataḥ prāśya sakhībhiḥ sahitā svapet |
prabhāte mithunaṃ bhojyaṃ mārgapālīśataṃ labhet || 40 ||
[Analyze grammar]

tadvatkṛṣṇatṛtīyāyāṃ durgāṃ daivīṃ samarcayet |
dadyātpiṣṭaphalāndivyānguḍājyaparipūritān || 41 ||
[Analyze grammar]

prāśayitvā tu gomūtraṃ svapyācchāṃtena cetasā |
prātastu mithunaṃ bhojyaṃ sadāsatraphalaṃ labhet || 42 ||
[Analyze grammar]

māsi cāśvayuje bhaktyā devīṃ nārāyaṇīṃ yajet |
sopavāsā khaṇḍapūpānnaivedyaṃ parikalpayet || 43 ||
[Analyze grammar]

prāśayeccaṃdanaṃ raktaṃ svapyācca gatamatsarā |
prabhāte bhojyaṃ dāṃpatyamagnihotraphalaṃ labhet || 44 ||
[Analyze grammar]

tathā kṛṣṇatṛtīyāyāṃ svasti nāma prapūja yet |
śālyodanaṃ guḍopetaṃ naivedyaṃ nirvapettataḥ || 45 ||
[Analyze grammar]

kusuṃbhabījānsaṃprāśya tyaktvā kāmaṃ svapenniśi |
saṃbhojya mithunaṃ prātargavāhnikaphalaṃ labhet || 46 ||
[Analyze grammar]

kārtikasya tṛtīyāyāṃ svāhānāmnīṃ prapūjayet |
kṣīraṃ khaṇḍaghṛtopetaṃ naivedyaṃ dāpayecca tām || 47 ||
[Analyze grammar]

svapyādrātrau jitakrodhā prāśya kuṃkumakeśarān |
prabhāte mithunaṃ bhojyamekabhaktaphalaṃ labhet || 48 ||
[Analyze grammar]

tathā kṛṣṇatṛtīyāyāṃ svadhānāmnīṃ prapūjayet |
mudgaudanaṃ nivedyātha ghṛtaṃ prāśya svapenniśi || 49 ||
[Analyze grammar]

prātaḥ saṃbhojya mithunaṃ naktavrataphalaṃ labhet |
evaṃ saṃvatsaraṃ kṛtvā muktapāpā śucirbhavet || 50 ||
[Analyze grammar]

śuklapakṣe tṛtīyāyāṃ sopavāsā nirāmayā |
vijñāya ca drutaṃ bhaktyā umāṃ śāstrārthabodhakaiḥ || 51 ||
[Analyze grammar]

maṃḍalaṃ ca tato likhya navanābhaṃ varapradam |
sauvarṇaṃ kārayeddevamumayā sahitaṃ prabhum || 52 ||
[Analyze grammar]

tābhyāṃ netreṣu dātavyaṃ mauktikaṃ nīlameva ca |
pravālamoṣṭhayordadyātkarṇayo ratnakuṇḍale || 53 ||
[Analyze grammar]

upavītaṃ tu devasya devyā hāraṃ tatho rasi |
raktavastradharāṃ devīṃ sitavastraṃ maheśvaram || 54 ||
[Analyze grammar]

catuḥsamena vālabhya puṣpairdhūpairathārccayet |
maṃḍale pūjayitvā ca homaṃ kuryāttato'guroḥ || 55 ||
[Analyze grammar]

tato'parājitāṃ nāma devīṃ tatraiva pujayet |
mṛtsnāṃ saṃprāśayitvā ca rātrau kuryātprajāgaram || 56 ||
[Analyze grammar]

gītavādyotsavairhṛdyairvīṇāmaṃgalapāṭhakaiḥ |
rātrimeva japedbhaktyā yāvadudgacchate raviḥ || 57 ||
[Analyze grammar]

tūlīgaṃḍakasaṃyukte paryaṃketyaṃtaśobhite |
uddhṛtya maṇḍalāddevaṃ paryaṃkopari vinyaset || 58 ||
[Analyze grammar]

vitānadhvajamālālikiṃkiṇīdarppaṇānvitam |
puṣpamaṇḍapikācchannaṃ dhūpagugguluvāsitam || 59 ||
[Analyze grammar]

tasyāgre bhojayedbhaktyā svaśaktyā mithunāni ca |
prīṇayedbhakṣyabhojyaiśca pakvānnairmadhuraiḥ śubhaiḥ || 60 ||
[Analyze grammar]

tato dattvā'kṣatānhaste tāṃbūlaṃ vinivedayet |
prīyatāṃ me umākāṃtaḥ pārvatyā sahitaḥ śivaḥ || 61 ||
[Analyze grammar]

ucchiṣṭaṃ śodhayitvā tu punaḥ prokṣya samantataḥ |
raktavarṇāṃ suśīlāṃ ca surūpāṃ supayasvinīm || 62 ||
[Analyze grammar]

śṛṃgābhyāṃ dattakanakāṃ rājatakhurasaṃyutām |
kāṃsyadohanakopetāṃ raktavastrāvaguṃṭhitām || 63 ||
[Analyze grammar]

ghaṇṭābharaṇaśobhāḍhyāṃ devadevyagrasaṃsthitām |
pādukopānahacchatrabhojyabhājanasaṃyutām |
tridhā pradakṣiṇīkṛtya guroḥ sarvaṃ nivedayet || 64 ||
[Analyze grammar]

umāmaheśvaraṃ devamaviyogaṃ surārcitam |
avyavacchedabhūtaṃ ca suprītaṃ tadihāstu me || 65 ||
[Analyze grammar]

praṇamya śirasā bhūmau kṣamasveti guruṃ vadet |
evaṃ samāpyate devyāṃ ānaṃtaryavratodyamam |
yaḥ prakuryātpumānstrī vā tasya puṇyaphalaṃ śṛṇu || 66 ||
[Analyze grammar]

gandharvayakṣalokāṃśca vidyādharamahoragān |
ṛṣisiddhāmaraṃ brāhmaṃ viṣṇulokaṃ sanātanam || 67 ||
[Analyze grammar]

bhuktvā bhogānaśeṣāṃśca ekaviṃśatkulānvitaḥ |
ratnayāne samārūḍho guhyāpsarasasaṃvṛtaḥ || 68 ||
[Analyze grammar]

devavidyādharairyakṣairvṛto yāti śivālayam |
tatra bhuktvā mahābhogānsa bhuṃkte śivavadbahūn || 69 ||
[Analyze grammar]

bhuktvā bhogānyadā bhūtaḥ kadācittapasaḥ kṣayāta |
pṛthivyāṃ tu samāgamya bhavetsakalabhūmipaḥ || 70 ||
[Analyze grammar]

strī vā samācaredyā tu mahādevī tu jāyate |
ānaṃtaryavyavacchinnānbhogāndevī umā yathā |
trailokyapatirudreṇasā bhuṃkte sahitā tathā || 71 ||
[Analyze grammar]

manurddevyā yathāmahyā śacyā śakro yathāsukham |
nairaṃtaryaṃ yathā saukhyaṃ sā bhuṃkte patinā saha || 72 ||
[Analyze grammar]

muneraruṃdhatī yadvadviṣṇorlakṣmīrhṛdi sthitā |
tathā tayormahatsaukhyaṃ nairaṃtaryaṃ hi jāyate || 13 ||
[Analyze grammar]

sāvitrī brahmaṇo yadvadgaṃgā toyanidheryathā |
avyavacchinnayoḥ prītistathā janmanijanmani || 74 ||
[Analyze grammar]

atha janmanyahonyasminvratametatkṛtaṃ bhavet |
tenaiva patinā sārddhaṃ na viyogamupaiti sā |
yojanāyutasāhasre surūpā maṇḍale bhavet |
arghāḍhyā subhagā sādhvī putrapautrairalaṃkṛtā || 75 ||
[Analyze grammar]

ettate nikhilaṃ proktamānaṃtaryavrataṃ mayā |
bhaktāya suvinītāya kathitavyaṃ na cānyathā || 76 ||
[Analyze grammar]

eṣā viśeṣavihitābhihitā tṛtīyā yānaṃtarītya vidhavābhirudīritoccaiḥ |
etāmupoṣya vidhivatpratipakṣayogānnaivāṃtaraṃ sutasuhṛtsvajanairupaiti || 77 ||
[Analyze grammar]