Chapter 20

śrīkṛṣṇa uvāca |
śukle bhādra padasyaiva tṛtīyāyāṃ samarcayet |
sarvadhānyaistāṃ virūḍhāṃ bhūtāṃ haritaśāḍvalām |
harakālīṃ devadevīṃ gaurīṃ śaṃkaravallabhām || 1 ||
[Analyze grammar]

gandhaiḥ puṣpaiḥ phalairdhūpairnaivedyairmodakādibhiḥ |
prīṇayitvā samācchādya padmarāgena bhāsvatā || 2 ||
[Analyze grammar]

ghaṇṭāvādyādibhirgītaiḥ śubhairdivyakathānugaiḥ |
kṛtvā jāgaraṇaṃ rātrau prabhāte hyudgate ravau || 3 ||
[Analyze grammar]

suvāsinībhiḥ sā neyā madhye puṇyajalāśaye |
tasminvisarjayetpārtha harakālīṃ haripriyām || 4 ||
[Analyze grammar]

yudhiṣṭhira uvāca |
bhagavanharakālīti kā devī procyate bhuvi |
ārdradhānyaiḥ sthitā kasmātpūjyate strījanena sā |
pūjitā kiṃ dadātīha sarvaṃ me brūhi keśava || 5 ||
[Analyze grammar]

śrīkṛṣṇa uvāca |
sarvapāpaharāṃ divyāṃ mattaḥ śṛṇu kathāmimām |
āsīddakṣasya duhitā kālīnāmnī tu kanyakā || 6 ||
[Analyze grammar]

varṇenāpi ca sā kṛṣṇā navanīlotpalaprabhā |
sā ca dattā tryaṃbakāya mahādevāya śūline || 7 ||
[Analyze grammar]

vivāhitā vidhānena śaṃkhatūryānunādinā |
yatkuryādāgatairdevairbrāhmaṇānāṃ ca nisvanaiḥ || 8 ||
[Analyze grammar]

nirvartite vivāhe tu tayā sārdhaṃ trilocanaḥ |
krīḍate vividhairbhogairmanasaḥ prītivardhanaiḥ || 9 ||
[Analyze grammar]

atha devasamānastu kadācitsa vṛṣadhvajaḥ |
āsthānamaṃḍape ramye āste viṣṇusahāyavān || 10 ||
[Analyze grammar]

tatrasthaścāhvayāmāsa narmaṇā tripurāṃtakaḥ |
kālī nīlotpalaśyāmāṃ gaṇamātṛgaṇāvṛtām || 11 ||
[Analyze grammar]

ehyehi tvamitaḥ kāsi kṛṣṇāṃjanasamanvite |
kālasuṃdari matpārśve dhavale tvamupāviśa || 12 ||
[Analyze grammar]

evamutkṣiptamanasā devī saṃkuddhamānasā |
śvāsayāmāsa tāmrākṣī bāṣpagadgadayā girā || 13 ||
[Analyze grammar]

ruroda sasvaraṃ bālā tatrasthā sphuritādharā |
kiṃdaivayogāttāmrā gaurgaurī cetyabhidhīyate || 14 ||
[Analyze grammar]

yasmānmamopamā dattā kṛṣṇavarṇena śaṃkara |
harakālīti vāhūtā devarṣigaṇasevitā || 15 ||
[Analyze grammar]

tasmāddehamimaṃ kṛṣṇaṃ juhomi jvalite'nale |
ityuktvā vāryamāṇā tu harakālī ruṣānvitā || 16 ||
[Analyze grammar]

mumoca haritacchāyākāṃtiṃ haritaśādvale |
cikṣepa doṣaṃ rāgeṇa jvalite havyavāhane || 17 ||
[Analyze grammar]

punaḥ parvatarājasya gṛhe gaurī babhūva sā |
mahādevasya dehārddhe sthitā saṃpūjyate suraiḥ || 18 ||
[Analyze grammar]

evaṃ sā harakālīti gaurīśasya vyavasthitā |
pūjanīyā mahādevī maṃtreṇānena pāṃḍava || 19 ||
[Analyze grammar]

harakarmasamutpanne harakāye harapriye |
māṃ trāhīśasya mūrtisthe praṇatāstu namonamaḥ || 20 ||
[Analyze grammar]

itthaṃ saṃpūjya naivedyaṃ dadyādviprāya pāṃḍava |
tāṃ ca prātarjale ramye maṃtreṇaiva visarjayet || 21 ||
[Analyze grammar]

arcitāsi mayā bhaktyā gaccha devi surālayam |
harakāle śive gauri punarāgamanāya ca || 22 ||
[Analyze grammar]

evaṃ yaḥ pāṃḍavaśreṣṭha harakālīvrataṃ caret |
varṣevarṣe vidhānena nārī narapate śubhā || 23 ||
[Analyze grammar]

sā yatphalamavāpnoti tacchṛṇuṣva narādhipa |
martyaloke ciraṃ tiṣṭhetsarvarogavivarjitā || 24 ||
[Analyze grammar]

sarvabhogasamāyuktā sau bhāgyabalagarvitā |
putrapautrasuhṛnmitranaptṛdauhitrasaṃkulā || 25 ||
[Analyze grammar]

sāgraṃ varṣaśataṃ yāvadbhogānbhuktvā mahītale |
tatovasāne dehasya śivajñānā mahāmune || 26 ||
[Analyze grammar]

cirabhadrā mahākālanaṃdīśvaravināyakāḥ |
tadājñākiṃkarāḥ sarve mahādevaprasādataḥ || 27 ||
[Analyze grammar]

saṃpūrṇasūryagaṇasaptavirūḍhaśasyāṃ tāṃ vai himādritanayāṃ harakālikākhyām |
saṃpūjya jāgaramanuddhatagītavādyairyacchaṃti yā iha bhavaṃti patipriyāstāḥ || 28 ||
[Analyze grammar]