Chapter 2

yudhiṣṭhira uvāca |
kasya pratiṣṭhā nirdiṣṭā ko hetuḥ kiṃ parāyaṇam |
kasminnaitallayaṃ yāti kasmādu tpadyate jagat || 1 ||
[Analyze grammar]

kati dvīpāḥ samudrāśca kiyaṃto hi kulācalāḥ |
kiyatpramāṇamavanerbhuvanāni kiyaṃti ca || 2 ||
[Analyze grammar]

śrīkṛṣṇa uvāca |
paurāṇaścaiva viṣayo yatpṛṣṭo'haṃ tvayānagha |
śruto'nubhūtaśca mayā saṃsāre saratā ciram || 3 ||
[Analyze grammar]

ajāya viśvarūpāya nirguṇāya guṇātmane |
namastasmai bhagavate vāsudevāya vedhase || 4 ||
[Analyze grammar]

atra te varṇayiṣyāmi śṛṇu pārtha purātanam |
yājñavalkyena muninā bhaviṣyaṃ bhāsvatāṃpatiḥ |
pṛṣṭo yaduttaraṃ prādādṛṣibhyastanmayā śrutam || 5 ||
[Analyze grammar]

dhanyaṃ yaśasyamāyuṣyaṃ sarvāśubhavināśanam |
bhaviṣyottarametatte kathayāmi yudhiṣṭhira || 6 ||
[Analyze grammar]

ekātmakaṃ tridaivatyaṃ catuḥpaṃcasulakṣaṇam |
guṇakālādibhedena sadasatsaṃpradarśitam || 7 ||
[Analyze grammar]

eka eva jagadyoniḥ pratiyoniṣu saṃsthitaḥ |
ekadhā bahudhā caiva dṛśyate jalacandravat || 8 ||
[Analyze grammar]

brahmā viṣṇurvṛṣāṃkaśca trayo devāḥ satāṃ matāḥ |
nāmabhedaiḥ kriyābhedairbhidyaṃte nātmanā svayam || 9 ||
[Analyze grammar]

prakriyā cānuṣaṃgaśca upoddhātastathaiva ca |
upasaṃhāra ityetaccatuṣpādaṃ prakīrtitam || 10 ||
[Analyze grammar]

tarkaśca pratisargaśca vaṃśo manvantarāṇi ca |
vaṃśānucaritaṃ caiva purāṇaṃ paṃcalakṣaṇam || 11 ||
[Analyze grammar]

eṣa vaktavyaviṣayaḥ sumahānpratibhāti me |
tathāpyuddeśato vacmi sargaṃ prati tavānagha || 12 ||
[Analyze grammar]

mahadādiviśeṣāntaṃ savairūpyaṃ salakṣaṇam |
pañcapramāṇaṃ ṣaṭkakṣaṃ puruṣādhiṣṭhitaṃ jagat || 13 ||
[Analyze grammar]

avyaktājjāyate buddhirmahāniti ca sā smṛtā |
ahaṃkārastu mahatastriguṇaḥ sa ca paṭhyate || 14 ||
[Analyze grammar]

tanmātrāṇi ca pañcāhurahaṅkārācca sāttvikāt |
jātāni tebhyo bhūtāni bhūtebhyaḥ sacarācaram || 15 ||
[Analyze grammar]

jalamūrtimaye viṣṇau naṣṭe sthāvarajaṃgame |
bhūtātmakamabhūdaṇḍaṃ mahattadudakeśayam || 16 ||
[Analyze grammar]

sṛṣṭyāṃ śaktyā ca nirbhinnaṃ tadaṇḍamabhavaddvidhā |
bhūkapālamathaikaṃ taddvi tīyamabhavannabhaḥ || 17 ||
[Analyze grammar]

ulbaṃ tasyābhavanmerurjarāyuḥ parvatāḥ smṛtāḥ |
nadyo dhamanyaḥ sañjātāḥ kledaḥ sarvatragaṃ payaḥ || 18 ||
[Analyze grammar]

yojanānāṃ sahasrāṇi ṣoḍaśādhaḥ pratiṣṭhita |
utsedhe caturāśītirdvātriṃśadūrdhvavistṛtaḥ |
bhūmipaṃkajavistīrṇā karṇikā merurucyate || 19 ||
[Analyze grammar]

ādityaścādidevatvāttatrābhūttriguṇātmakaḥ |
prātaḥ prajāpatirasau madhyāhne viṣṇuriṣyate |
rudro'parāhṇasamaye sa evaikastridhāmataḥ || 20 ||
[Analyze grammar]

prātaḥ prajāpaterjātā munayo nava mānavāḥ |
marīciratryaṃgirasau pulastyaḥ pulahaḥ kratuḥ |
bhṛgurvaśiṣṭha ityaṣṭau nārado navamaḥ smṛtaḥ || 21 ||
[Analyze grammar]

nava brahmāṇa ityeṣa purāṇe niścayaḥ smṛtaḥ |
aṃguṣṭhāddakṣiṇāddakṣaḥ saṃjajñe kamalodbhavāt || 22 ||
[Analyze grammar]

vāmā prasūtirudagādaṃguṣṭhāttau ca daṃpatī |
tābhyāṃ jātāstu tanayā haryaśvāste vināśitāḥ |
sṛṣṭiṃ prati samudyuktā nāradena mahātmanā || 23 ||
[Analyze grammar]

dakṣaḥ kṣīṇānsutānvīkṣya janayāmāsa kanyakāḥ |
pañcāśaddaśa vikhyātāḥ satyāyā nāmabhiḥ smṛtāḥ || 24 ||
[Analyze grammar]

dadau sa daśa dharmāya kaśyapāya trayodaśa |
kālasya nayane yuktāḥ saptarviśatimiṃdave || 25 ||
[Analyze grammar]

dve prādādbāhuputrāya dve kṛśāśvāya caiva hi |
rūpayauvanaśālinyaścatasro'riṣṭanemine || 26 ||
[Analyze grammar]

ekāṃ bhṛgorbhavāyaikāṃ prādāttebhyaścarācaraḥ |
abhavatpuruṣavyāghra bhūtagrāmaścaturvidhaḥ || 27 ||
[Analyze grammar]

vairājamatha vaikuṇṭhaṃ kelāsamiti nāmataḥ |
meroḥ śṛṃgatrayaṃ mūrdhni brahmaviṣṇuśivālayam || 28 ||
[Analyze grammar]

prācīdikkramayogena teṣāṃ pārśve puraḥ smṛtāḥ |
indrādilokapālānāṃ divyaiḥ svarllakṣaṇairyutāḥ || 29 ||
[Analyze grammar]

himavānhemakūṭaśca niṣadho merureva ca |
nīlaḥ śvetastathā śṛṃgī jambūdvīpe kulācalāḥ |
jambūdvīpapramāṇena sahasraguṇitaṃ śatam || 30 ||
[Analyze grammar]

bhidyate navadhā so'pi varṣabhedena bhārata |
jambūśākakuśakrauñcaśālmagomeda puṣkarāḥ |
dvīpāḥ sapta samākhyātāḥ samudre saptabhirvṛtāḥ || 31 ||
[Analyze grammar]

kṣārakṣīrekṣusurayā dadhnā caiva ghṛtena ca |
svādūdakena ca bhṛtairdviguṇairdviguṇaista thā || 32 ||
[Analyze grammar]

bhūrloko'tha bhuvarlokaḥ svarmaharjjana ityapi |
tapaḥ satyaśca kathitāḥ pārtha sapta surālayāḥ || 33 ||
[Analyze grammar]

mahātalo bhūmitalaḥ sutalo vitala stataḥ |
rasātalaśca vijñeyaḥ saptamaśca talātalaḥ || 34 ||
[Analyze grammar]

hiraṇyākṣaprabhṛtayo dānavendrā mahoragāḥ |
vasaṃtyeteṣu kaunteya siddhāśca ṛṣayaśca ye || 35 ||
[Analyze grammar]

svāyaṃbhuvo manuḥ pūrvaṃ tataḥ svārociṣo'bhavat |
uttamastāmasaścaiva raivataścākṣuṣeti ṣaṭ || 36 ||
[Analyze grammar]

vaivasvato'yamadhunā vartate manuruttamaḥ |
yasya putraiḥ prapautraiśca vibhakteyaṃ vasundharā || 37 ||
[Analyze grammar]

ādityā vasavo rudrā ekādaśa tathāśvinau |
uṣastrayaḥ samākhyātā deva vaivasvateṃ'tare || 38 ||
[Analyze grammar]

vipracittihiraṇyākhyau daityadānavasattamau |
tayorvaṃśe tu bahavo daityadānavasattamāḥ || 39 ||
[Analyze grammar]

pañcāśadguṇitakoṭiyojanānāṃ mahattayā |
saptadvīpasamudrāyāḥ pramāṇamavaneḥ smṛtam || 40 ||
[Analyze grammar]

piṇḍena ca sahasrāṇi saptatirjalamadhyataḥ |
gaurivaiṣā sumahatī bhrājate na ca līyate || 41 ||
[Analyze grammar]

lokā lokaḥ parataraḥ parvato'gramahocchrayaḥ |
dvaitamarthaṃ sa niyato yo'sau ravirucāmapi || 42 ||
[Analyze grammar]

naimittikaḥ prākṛtikastathaivātyantiko layaḥ || |
nityaścaturtho vijñeyaḥ kālo nityāpahārakaḥ || 43 ||
[Analyze grammar]

utpadyate svayaṃ yasmāttattasminneva līyate |
rakṣati ca pare puṃsi bhūtānāmeva niścayaḥ || 44 ||
[Analyze grammar]

yathartāvṛtuliṅgāni nānārūpāṇi paryaye |
dṛśyaṃte tāni tānyeva tathā bhāvā yugādiṣu || 45 ||
[Analyze grammar]

pratilīneṣu bhūteṣu vibuddhaḥ sakalaṃ jagat |
vedaśabdebhya evādau nirmame sa maheśvaraḥ || 46 ||
[Analyze grammar]

hiṃsrāhiṃsre mṛdukrūre dharmādharmāvṛtānṛte |
te taṃ vinā prapadyaṃte punasteṣveva karma su || 47 ||
[Analyze grammar]

bhūrdaśaguṇena payasā saṃvṛtā tacca tejasā |
tejo'nilena nabhasā tadguṇenānilo vṛtaḥ || 48 ||
[Analyze grammar]

bhūtādinā tathākāśaṃ bhūtādirmahatāvṛtaḥ |
mahānparivṛtastena puruṣeṇāvināśinā || 49 ||
[Analyze grammar]

evaṃ vidhānāmaṇḍānāṃ sahasrāṇi śatāni ca |
utpannāni vinaṣṭāni bhāvitāni mahātmanā || 50 ||
[Analyze grammar]

vaikuṇṭhakoṣṭhagatametadaśeṣatāyāṃ khyātaṃ jagatsuranaroragasiddhanaddham |
paśyaṃti śuddhamunayo bahiraṃtare ca māyā carācaraguroraparaiva kācit || 51 ||
[Analyze grammar]