Chapter 31

sūta uvāca |
śṛṇu vipra mahābhāga caṃdrabhaṭṭastadā svayam |
mahīrājaṃ sadaḥsthaṃ taṃ candratulyassamāgataḥ || 1 ||
[Analyze grammar]

tamāgataṃ samālokya sa rājā śokatatparaḥ |
uvāca vacanaṃ ramyaṃ śṛṇu maṃtrivara prabho || 2 ||
[Analyze grammar]

kṛṣṇāṃśādyairmahāśūrairmadgrāme bhayamāgatam |
kadā te ca mariṣyaṃti kaṃṭakā mama dāruṇāḥ || 3 ||
[Analyze grammar]

ityuktassa tu śuddhātmā dhyātvā sarvamayīṃ śivām |
vacanaṃ prāha rājānaṃ stha bhūpaśiromaṇe || 4 ||
[Analyze grammar]

jiṣṇoraṃśātsamudbhūto brahmānaṃdo mahāvatīm |
sa kṛṣṇāṃśasakhaḥ śreṣṭhaḥ sarvadā tatpriye rataḥ || 5 ||
[Analyze grammar]

yadā ca malanāputro dehaṃ tyaktvā gamiṣyati |
tadā te sarvadevāṃśā gamiṣyaṃti yato gatāḥ || 6 ||
[Analyze grammar]

ityevaṃvādinaṃ dhīramamātyaṃ ca mahīpatiḥ |
vacanaṃ prāha namrātmā ko'pyarthaściṃtito mayā || 7 ||
[Analyze grammar]

ekākinaṃ mahāśūraṃ brahmānaṃdaṃ nṛpottamam |
samāhūya mahīrājo dvirāgamanahetave |
chadmanā ghātayitvā taṃ kṛtakṛtyo bhaviṣyati || 8 ||
[Analyze grammar]

ityukte nṛpatiṃ prāha mahīrājaḥ prasannadhīḥ |
vacanaṃ śṛṇu bho mitra gaccha śīghraṃ mahāvatīm || 9 ||
[Analyze grammar]

malanāṃ ca samāgatya bodhayitvā tu tāṃ svayam |
mamāntikamupāgamya ciraṃ jīva sukhībhava || 10 ||
[Analyze grammar]

iti śrutvā tu vacanaṃ natvā taṃ ca mahīpatiḥ |
rātrau ghoraṃ muniśreṣṭha malanāṃ prāha nirbhayaḥ || 11 ||
[Analyze grammar]

vadhūstava mahārājñi velā nāma surūpiṇī |
saṃprāptā yauvanavatī patiyogyā śubhānanā || 12 ||
[Analyze grammar]

kujātiścaiva kṛṣṇāṃśaḥ śruto rājñā mahātmanā |
ato na preṣitā putrī tava putrāya dhīmate |
ato madvacanaṃ matvā kuru kāryaṃ tava priyam || 13 ||
[Analyze grammar]

mayā sārddhaṃ tava suto brahmānaṃdo mahābalaḥ |
urvīyāṃ nagarīṃ prāpya tadā matsainyasaṃyutaḥ || 14 ||
[Analyze grammar]

mahīrājamupāgamya patnīṃ śīghramavāpsyati |
no cenmamājñayā velā tyaktvā kāntaṃ mariṣyati || 15 ||
[Analyze grammar]

iti śrutvā tu sā rājñī mohitā devamāyayā |
rājānaṃ samupāgamya bhrāturvacanamuttamam |
kathayāmāsa vai sarvaṃ śrutvā bhūpo'bravīdidam || 16 ||
[Analyze grammar]

mahīpatirmahādhūrto madvināśāya codyataḥ |
tasya vārtā na me ramyā kapaṭastena nirmitaḥ || 17 ||
[Analyze grammar]

iti śrutvā ca malanā rājānaṃ kopasaṃyutam |
vacanaṃ prāha bho rājanyathā baṃdhustathā hyaham |
vacanaṃ kuru me rājanno cetprāṇāṃstyajāmyaham || 18 ||
[Analyze grammar]

ityuktavādinīṃ rātrau tadā parimalo nṛpaḥ |
brahmānandaṃ dadau tasmai sa suto mātṛvatsalaḥ || 19 ||
[Analyze grammar]

māturājñāṃ puraskṛtya mātulena samanvitaḥ |
rātrau ca mātulagrāmaṃ saṃprāpya mudito'bhavat || 20 ||
[Analyze grammar]

prātaḥkāle ca saṃprāpte harināgaramāsthitaḥ |
ekākī dehalīṃ ramyāṃ prayayau devamohitaḥ || 21 ||
[Analyze grammar]

sāyaṃkāle tu saṃprāpte mahīrājasya maṃdire |
agamāṃ darśayāmāsa surūpāṃ divyavigrahām || 22 ||
[Analyze grammar]

agamā ca samālokya paraṃ harṣamupāyayau |
māghaśuklasya cāṣṭamyāṃ brahmānaṃdaśca nirbhayaḥ |
śyālānāṃ yoṣitaḥ sapta dadarśa rucirānanā || 23 ||
[Analyze grammar]

tisro nāryaśca vidhavāścatasro dhavasaṃyutāḥ |
brahmānaṃdaṃ śarumayaṃ vākyamūcurmudānvitāḥ || 24 ||
[Analyze grammar]

brahmānaṃda mahābhāga sāvadhānaṃ vacaḥ śṛṇu |
tava patnī svayaṃ kālī velā kalaharūpiṇī |
saṃjahāra dhavāneva no vayaṃ tu suduḥkhitā || 25 ||
[Analyze grammar]

sāpatnyamastu tattasyā gṛhāṇāsmānmanohara |
dhavānvidehi no vīra patirbhava mudānvitaḥ || 26 ||
[Analyze grammar]

iti śrutvā vacastāsāṃ brahmānaṃdo mahābalaḥ |
uvāca madhuraṃ vākyaṃ śrutismṛtisamanvitam || 27 ||
[Analyze grammar]

purā satyayuge nārī cottamā ca pativratā |
tretāyāṃ madhyamā jātā nikṛṣṭā dvāpare punaḥ || 28 ||
[Analyze grammar]

adhamā hi kalau nārī parapuṃsopabhoginī |
atastu kalikāle vai vihāho vidhavāstriyāḥ |
devalena śubhaḥ proktaścāsitena svayaṃ smṛtau || 29 ||
[Analyze grammar]

satī satye tu sā proktā tretāyāṃ patibhasmagā || 30 ||
[Analyze grammar]

satī sā madhyamā proktā dvāpare vidhavā satī |
brahmacaryaparā jñeyā kalau nāsti satīvratam || 31 ||
[Analyze grammar]

ato yūyaṃ mayā sārddhaṃ bhuṃkṣadhvamamalaṃ sukham |
iti śrutvā priyaṃ vākyaṃ tisrastā vidhavāḥ striyaḥ || 32 ||
[Analyze grammar]

kṛtvā śṛṃgāra rūpāṇi bhūṣaṇāni ca sarvaśaḥ |
brahmānaṃdamupāgamya samāliṃganatatparāḥ || 33 ||
[Analyze grammar]

tā dṛṣṭvā malanāputro vacanaṃ prāha nirbhayaḥ || 34 ||
[Analyze grammar]

yuṣmābhiḥ patayo muktā ye ca madbaṃdhunā hatāḥ || 35 ||
[Analyze grammar]

yuṣmānato na gṛhṇīyāṃ satyaṃsatyaṃ bravīmyaham |
iti śrutvā vaco ghoraṃ hāsyayuktaṃ ca yoṣitaḥ || 36 ||
[Analyze grammar]

mahīrājantamāgamya rurudurbhṛśaduḥkhitāḥ |
rājanvelāpatirdhūrto mama dharmaṃ jahāti vai |
daṃḍaṃ dehi ca dhūrtāya no cetprāṇāṃstyajāmyaham || 37 ||
[Analyze grammar]

iti śrutvā mahīrājo brahmānandaṃ mahābalam |
samāhūya vacaḥ prāha bhavānbhūpakulādhamaḥ || 38 ||
[Analyze grammar]

parastriyaṃ ca yo bhuṃkte sa yāti yamamaṃdiram |
adyaiva tvaṃ sutākānta kārāgṛhamavāpnuyāḥ || 39 ||
[Analyze grammar]

itiśrutvā vaco ghoraṃ brahmānaṃdo mahābalaḥ |
satsaroḥ khaḍgamutsṛjya mahīrājamadhāvata || 40 ||
[Analyze grammar]

dṛṣṭvā bhayāturo rājā cāmuṃḍāntamupāyayau |
kapāṭaṃ dṛḍhamācchādya tatra vāsamakārayat || 41 ||
[Analyze grammar]

ṛṣaya ūcuḥ |
tāsāṃ kathaṃ vivāhāḥ syustattvaṃ no brūhi vistarāt |
kutratyāstāḥ kimaṃśāśca dṛṣṭā yogena vai tvayā || 42 ||
[Analyze grammar]

sūta uvāca |
aṃgadeśe muniśreṣṭha māyāvarmanṛpo'bhavat |
tāmasīṃ pūjayitvā vai śaktiṃ sarvavimohinīm || 43 ||
[Analyze grammar]

varmottamaṃ tayā dattaṃ sarvasattvabhayaṃkaram |
gṛhītvā sa tu bhūpālaḥ prasthito'bhūnmahītale || 44 ||
[Analyze grammar]

pramadā nāma tatpatnī daśa putrānasūṣuvat |
kauravāṃśānmahābhāga varṣānte nāma me śṛṇu || 45 ||
[Analyze grammar]

mattaḥ pramatta unmatta sumatto durmadastathā |
durmukho durdharo bāhuḥ suratho virathaḥ kramāt |
teṣāṃ svasānujā cāsītsunāmnā madirekṣaṇā || 46 ||
[Analyze grammar]

tasyā vai suṃdaraṃ rūpaṃ madāghūrṇitalocanam |
kitavo nāma vai daityo dṛṣṭvā mohamupāgataḥ || 47 ||
[Analyze grammar]

māyāvarmāṇamāgatya vacanaṃ prāha namradhīḥ |
yadi tvaṃ me svatanayāṃ dehi kāmāturāya ca || 48 ||
[Analyze grammar]

tarhi te sakalaṃ kāryaṃ kariṣyāmi na saṃśayaḥ |
iti śrutvā tadā bhūpo dadau tasmai svakanyakām || 49 ||
[Analyze grammar]

kitavo gahvarāvāsī rātrau ghore tamovṛte |
nṛpagehamupāgamya bubhuje smaravihvalaḥ |
prātaḥkāle tu tāṃ tyaktvā kandarāntamupāyayau || 50 ||
[Analyze grammar]

varmadevamate jāte tato rājā madāturaḥ |
purohitaṃ samāhūya lakṣadravyasamanvitam |
mahīrājāya saṃpreṣya tārakaṃ sa samāvṛṇot || 51 ||
[Analyze grammar]

mahīrājastu balavāṃllakṣaṣoḍaśasainyapaḥ |
saṃyutaḥ śatabhūpālairmāsānte samupāgamat || 52 ||
[Analyze grammar]

kṛṣṇāṃśe paṃcadaśake saṃprāpte vratatatpare |
tārakaśca vivāhāya bahubhūpoṃgamānayat || 53 ||
[Analyze grammar]

māyāvarmā ca taṃ dṛṣṭvā tārakaṃ bhūpasaṃyutam |
vacanaṃ prāha balavānrājarāja vacaḥ śṛṇu || 54 ||
[Analyze grammar]

kitavo nāma medhāvī daityavaṃśayaśaskaraḥ |
tena me pīḍitā bālā rātrau ghoratamovṛte || 55 ||
[Analyze grammar]

hatā bhūpakumārāśca matsutārthaṃ samāgatāḥ |
bhakṣitāstena daityena saṃyayuste yamālayam || 56 ||
[Analyze grammar]

teṣāṃ ca bahudhā dravyaṃ luṃṭhayitvā madāturaḥ |
matsutāyai dadau sarvaṃ tasmāttvaṃ ditijaṃ jahi || 57 ||
[Analyze grammar]

iti śrutvā mahīrājassarvasainyasamanvitaḥ |
kitavaṃ ca samāhūya mahadyuddhamacīkarat || 58 ||
[Analyze grammar]

kitavassa tu māyāvī jitvā sarvānmahābalān |
tārakaṃ ca samāhṛtya guhāyāṃ samupāgamat || 59 ||
[Analyze grammar]

tārakaśca tadā duḥkhī dhyātvā śaṃkaramuttamam |
pāṣāṇabhūto hyagamanmahādevaprasādataḥ || 60 ||
[Analyze grammar]

etasminnaṃtare prāptā mahāvatīnivāsinaḥ |
kṣatriyā daśasāhasrā kṛṣṇāṃśādyaiśca pālitāḥ || 61 ||
[Analyze grammar]

mahīrājastu tāndṛṣṭvā balakhāniṃ mahābalam |
uvāca vacanaṃ premṇā putraśokena duḥkhitaḥ || 62 ||
[Analyze grammar]

tārakaḥ kitavenaiva saṃhṛto ditijena vai |
yadi tvaṃ me sutaṃ dehi koṭisvarṇaṃ dadāmi tat || 63 ||
[Analyze grammar]

iti śrutvā tu te dhīrāḥ kṛṣṇāṃśo devasiṃhakaḥ |
vatsajau ca tathāgamya kitavaṃ rurudhurbalāt || 64 ||
[Analyze grammar]

ahorātramabhūdyuddhaṃ teṣāṃ tena samanvitam |
kitavastu ruṣāviṣṭaḥ kṛṣṇāṃśaṃ devasiṃhakam |
balakhāniṃ mohayitvā jagarja ca punaḥpunaḥ || 65 ||
[Analyze grammar]

sukhakhānistadā śūraḥ kitavaṃ balavattaram |
svakhaḍgena śirastasya chittvā rājānamāgamat || 66 ||
[Analyze grammar]

trayaste sukhino bhūtvā sukhakhāniṃ praśasya ca |
mahīrājāya ca dadau tārakaṃ kaitavaṃ śiraḥ || 67 ||
[Analyze grammar]

tadā bhūpasutā devī sukhakhāniṃ samāvṛṇot |
mahīpatistadāgatya tatsutāṃ madirekṣaṇām || 68 ||
[Analyze grammar]

saṃbodhya vividhairvākyairbhūmirājāṃtamāgamat |
tārakasya tayā sārddhaṃ vivāho mudito'bhavat || 69 ||
[Analyze grammar]

koṭisvarṇaṃ nṛpātprāpya balakhānirmahābalaḥ |
prayayau baṃdhubhissārddhaṃ śirīṣākhyapuraṃ śubham || 70 ||
[Analyze grammar]

sūta uvāca |
gurjare nṛpatiścāsīnmūlavarmā mahābalaḥ |
prabhāvatī tasya sutā daśaputrānujābhavat || 71 ||
[Analyze grammar]

balaśca prabalaścaiva subalo balavānbalī |
sumūlaśca mahābhūlo durgo bhīmo bhayaṃkaraḥ || 72 ||
[Analyze grammar]

karabho nāma vai yakṣo lallarājasya sevakaḥ |
prabhāvatīṃ samālokya mumoha madavihvalaḥ |
pañcavarṣāṃtare jāte tena bhuktā kumārikā || 73 ||
[Analyze grammar]

mūlavarmā mahīrājaṃ samāhūya sasainyakam |
vacanaṃ prāha namrātmā rājarāja vacaḥ kuru || 74 ||
[Analyze grammar]

prabhāvatīṃ śubhāṃ kanyāṃ nṛharāya dadāmyaham |
ityuktvā nṛharaṃ putraṃ samāhūya svamaṃdire |
dadau vedavidhānena sutāṃ ca nṛharāya vai || 75 ||
[Analyze grammar]

pakṣamātrāṃtare yakṣaḥ karabhastatra cāgataḥ |
daṃpatī pīḍayāmāsa jitvā sarvamahīpatīn || 76 ||
[Analyze grammar]

mahīrājastadā duḥkhī vatsajau balavattarau |
samāhūya kathitvāgre ruroda balavānbalī || 77 ||
[Analyze grammar]

dayālū vatsajau vīrau karabhāṃtamupeyatuḥ |
karabhastau samālokya tatraivāṃtardhimāgamat |
nāgapāśena tau baddhvā pīḍayāmāsa daṃpatī || 7 ||
[Analyze grammar]

iti śrutvā sa kṛṣṇāṃśaḥ karabhaṃ yakṣakiṃkaram |
baddhvā yogabalenaiva mocayāmāsa dampatī || 79 ||
[Analyze grammar]

bhrātarau tau samāgamya nāgapāśaṃ tu cāsinā |
chittvā mumoda balavānkoṭisvarṇaṃ gṛhītavān |
bhūmirājaḥ prasannātmā dehalīṃ mudito'gamat || 80 ||
[Analyze grammar]

sūta uvāca |
kāśmīre ca nṛpaścāsītkaikayo nāma viśrutaḥ |
daśa putrāśca tasyaiva kanyā ca madanāvatī || 81 ||
[Analyze grammar]

kāmaḥ prakāmaḥ sakāmo niṣkāmo nirapatrapaḥ |
jayaśca vijayaścaiva jayanto jayavāñjayaḥ || 82 ||
[Analyze grammar]

sa bhūpo bhūmirājaṃ ca samāhūya vaco'bravīt |
putraste vai saradano matkanyāṃ prāptumarhati || 83 ||
[Analyze grammar]

gaṃdharvassukalo nāma matkanyāṃ ca śubhānanām |
jyotsnāyāṃ niśi saṃhṛtya tayā sārdraṃ hi dīvyati || 84 ||
[Analyze grammar]

pūrṇimāyāṃ ca saṃprāptaḥ sa vai citrarathapriyaḥ |
vaiśākhasyāsite pakṣe cāṣṭamī cādya maṃgalā |
vadhaṃ kuru nṛpaśreṣṭha dehalīṃ gaṃtumarhasi || 85 ||
[Analyze grammar]

iti śrutvā mahīrājo lakṣasainyasamanvitaḥ |
gṛhītvā daṃpatī śīghraṃ dehalīnagaraṃ yayau || 86 ||
[Analyze grammar]

vaiśākhyāṃ sukhajātāyāṃ sukalonāma vīryavān |
gaṃdharvo daśa sāhasrai rurodha nagaraṃ ruṣā || 87 ||
[Analyze grammar]

nagarācca bahirjātā ye śūrā madavihvalāḥ |
hatvā tānsukalaḥ śīghraṃ rājñe duḥkhaṃ cakāra ha || 88 ||
[Analyze grammar]

bhayabhīto mahīrājo dhyātvā sarvamayīṃ śivām |
suṣvāpa niśi śuddhātmā tuṣṭābhūjjagadaṃbikā || 89 ||
[Analyze grammar]

kṛṣṇāṃśādīnbodhayitvā taiśca sārdhaṃ samāgamat |
teṣāṃ cāsīnmahadyuddhaṃ gaṃdharveṇa tadāhnikam || 90 ||
[Analyze grammar]

balakhāniśca balavāñchatagaṃdharvamuttamam |
tridināṃte ca saṃhatya sukhakhānistathaiva ca || 91 ||
[Analyze grammar]

sukalaśca tadā kruddho gāṃdharvīṃ ca sasarja ha |
bahudhā te hi gaṃdharvāstaiśca sārddhaṃ samārudhan || 92 ||
[Analyze grammar]

bhayabhītāstadā sarve rāmāṃśaṃ śaraṇaṃ yayuḥ |
āhlādaśca prasannātmā śāradāṃ sarvamaṃgalām || 93 ||
[Analyze grammar]

divāsūktena tuṣṭāva tadā prādurabhūcchivā || |
gaṃdharvānmohayitvāśu drāvayāmāsa śāradā || 94 ||
[Analyze grammar]

parājite ca gaṃdharve kṛṣṇāṃśo janamohanaḥ |
mahīrājamupāgamya koṭisvarṇaṃ gṛhītavān || 95 ||
[Analyze grammar]

ṣoḍaśābde ca kṛṣṇāṃśe saṃprāpte devipūjake |
mārgamāsaṃ tu saṃprāpte mardanaśca vivāhitaḥ || 96 ||
[Analyze grammar]

sūta uvāca |
puṃḍradeśe mahārājo nāgavarmā mahābalaḥ |
babhūva takṣakaparo dharmavāñjagatītale |||1 || 97 ||
[Analyze grammar]

patnī nāgavatī tasya takṣakasya sutā śubhā |
pituḥ śāpena sañjātā kaliṃgādhipateḥ sutā || 98 ||
[Analyze grammar]

daśaiva tanayāścāsankanyā tasya śubhānanā |
suvelā nāma vikhyātā rūpayauvanaśālinī || 99 ||
[Analyze grammar]

purohitaṃ samāhūya mahīrājāya praiṣayat |
sa gatvā kathayitvāgre mardano vīrato mayā || 100 ||
[Analyze grammar]

mahīrājastu tacchrutvā trilakṣabalasaṃyutaḥ |
maṃgalaṃ kārayāmāsa gatvā nāgapure śubhe || 101 ||
[Analyze grammar]

suvelā pitaraṃ prāha dehi me nāgabhūṣaṇam |
vivāhaṃ hi kariṣyāmi nocetprāṇāṃstyajāmyaham || 102 ||
[Analyze grammar]

iti śrutvā nāgavarmā mahīrājāntamāyayau |
suvelāyā abhiprāyaṃ varṇayāmāsa vistarāt || 103 ||
[Analyze grammar]

ityuktaḥ sa mahīrājo vismitobhūtsuduḥkhitaḥ |
preṣayāmāsa vai patraṃ yatrāhlādādayaḥ sthitāḥ || 104 ||
[Analyze grammar]

iti jñātvā tadā'hlādaḥ śūrapaṃcaśatāvṛtaḥ |
kṛṣṇāṃśavatsajaissārddhaṃ dināṃte ca samāgamat || 105 ||
[Analyze grammar]

śatayojanagāminyo vājinyaśca dviyāmake |
sahasrayojanaṃ vīryaṃ tāsāṃ caiva dine niśi || 106 ||
[Analyze grammar]

kalāṃśādudbhavā aśvā vājinā ca hareḥ svayam |
ratnāśvasya kalāṃśaśca kapoto haraṇībhavaḥ || 107 ||
[Analyze grammar]

gāyatro yobhavadvājī kālacakrapravartakaḥ |
tatkalāṃśātsamudbhūto ravidattaḥ papīhakaḥ |
hariṇī nāma tacchaktiḥ kalāṃśādbhūmimāgatā || 108 ||
[Analyze grammar]

sukhakhāniḥ papīhastho balakhāniḥ kapotagaḥ |
āhlādaśca karālastho biṃdulastho hareḥ kalā || 109 ||
[Analyze grammar]

gatvā te tu mahīrājaṃ natvā tuṃgāsanāṃ yayuḥ |
prasannaḥ sa mahīrājo vacanaṃ prāha namradhīḥ || 110 ||
[Analyze grammar]

mama putrāśca yuṣmābhistrayaḥ śūrā vivāhitāḥ |
tathaiva mardanaṃ vīraṃ samudvāhya sukhī bhava || 111 ||
[Analyze grammar]

iti śrutvā sa āhlādo gatvā bhūtalamuttamam |
rasātalaṃ ca vikhyātaṃ nāginīṃ prāha nirbhayaḥ || 112 ||
[Analyze grammar]

supto hi tava bhartā ca puṃḍarīkaḥ śubhānanaḥ |
bodhayāśu mahārājñi nāgānāṃ no dayāṃ kuru || 113 ||
[Analyze grammar]

ityuktā sāha taṃ vīraṃ puṃḍarīkaśca matpatiḥ |
ruṣāviṣṭaśca balavāndāhayecca vapustava || 114 ||
[Analyze grammar]

iti śrutvā vihasyāha tava bharturna no bhayam |
ityevaṃ vacanaṃ kṛtvā padbhyāṃ pucchamatāḍayat || 115 ||
[Analyze grammar]

prabuddhaśca tadā rājā nāgānāṃ ca mahābalaḥ |
jvālāmālāṃ svadehācca janayāmāsa vīryavān || 116 ||
[Analyze grammar]

dṛṣṭvā tadviṣamujjvālaṃ sa dhyātvā sarvamaṃgalām |
śamayāmāsa balavāndevīpūjanatatparaḥ || 117 ||
[Analyze grammar]

puṃḍarīkaḥ prasannātmā nāgabhūṣaṇamuttamam |
āhlādāya dadau śīghraṃ sarvaśṛṅgārasaṃyutam || 118 ||
[Analyze grammar]

āhlādastu hayārūḍho mahīrājāya dattavān |
vivāhaṃ kārayāmāsa vaivāhikavidhānataḥ |
koṭisvarṇaṃ nṛpātprāptaṃ gṛhītvā śīghramāyayau || 119 ||
[Analyze grammar]

hayavidyāsamārūḍhāste hayā gehamāgatāḥ |
jñeyāḥ paṃcaśataṃ sarve saśūrā gṛhamāyayuḥ || 120 ||
[Analyze grammar]

sūta uvāca |
madradeśeṣu yaścāsīnmadrakeśo mahābalaḥ |
pañcābdaṃ pūjayāmāsa svargavaidyau surottamau || 121 ||
[Analyze grammar]

tayośca varadānena daśa putrā babhūvire |
sutā kāntimatī jātā rūpayauvanaśālinī || 122 ||
[Analyze grammar]

sa mahīrājamāhūya trilakṣabalasaṃyutam |
dadau kanyāṃ vidhānena madreśaḥ sūryavarmaṇe || 123 ||
[Analyze grammar]

navoḍhāṃ tu tadā patnīṃ sūryavarmā gṛhītavān |
svagehāya yayau śīghraṃ mahīrājo balaissaha || 124 ||
[Analyze grammar]

karburonāma māyāvī vibhīṣaṇasuto balī |
rākṣasastatra saṃprāpto dṛṣṭvā kāṃtimatīṃ śubhām || 125 ||
[Analyze grammar]

madrakeśasya tanayāṃ divyaśobhāsamanvi tām |
jahāra paśyatāṃ teṣāṃ sahyādrigirimāyayau || 126 ||
[Analyze grammar]

mahīrājastadā duḥkhī vilalāpa bhṛśaṃ muhuḥ |
dehalīgehamāgamya dūtamāhūya satva ram || 127 ||
[Analyze grammar]

kṛṣṇāṃśaṃ preṣayāmāsa sa gatvā samavarṇayat |
jñātvā te tu hayārūḍhāḥ śūrāḥ paṃcaśatāvṛtāḥ || 128 ||
[Analyze grammar]

sahyādrigirimāgamya kṛṣṇāṃ śaḥ karburaṃ prati |
nirbhayo vacanaṃ prāha śṛṇu rākṣasasattama || 129 ||
[Analyze grammar]

vibhīṣaṇo bhaktarājastasya tvaṃ dayitaḥ sutaḥ |
tasmāttvayā na kartavyaṃ pāpaṃ vaṃśa vināśanam |
rāvaṇena purā sītā saṃhṛtā viditaṃ tava || 130 ||
[Analyze grammar]

iti śrutvā sa hovāca pureyaṃ dayitā priyā |
mama gaṃdharvatanayā muniśāpānmahīṃ gatā || 131 ||
[Analyze grammar]

ato'haṃ tadviyogena tyaktvā laṃkāṃ mahāpurīm |
madrakeśamahaṃ prāpya madrakeśabhayādaham |
na jahāra priyāṃ ramyāṃ tatroṣitvā dinaṃ bahu || 132 ||
[Analyze grammar]

adya me vaśagā sābhūnnāmnā kāṃtimatī śubhā |
jitvā māṃ ca gṛhāṇāśu samarthāśca vayaṃ sadā || 133 ||
[Analyze grammar]

iti śrutvā sa kṛṣṇāṃśaḥ khaḍgayuddhamacīkarat |
saptarātreṇa taṃ jitvā labdhvā kāṃtimatīṃ śubhām |
tadā ca dehalīṃ prāpya mahīrājāntamāyayau || 134 ||
[Analyze grammar]

koṭisvarṇaṃ dadau rājā kṛṣṇāṃśāya mahātmane |
sa vīro baṃdhubhiḥ sārdhaṃ pramadāvanamāyayau || 135 ||
[Analyze grammar]

sūta uvāca |
paṭṭanākhyapure rājā nāmnā pūrṇāmalo balī |
vasūnārādhāyāmāsa paṃcavarṣāntare mudā |
tadā prasannāste devā dadustasmai varaṃ śubham || 136 ||
[Analyze grammar]

varadānācca sañjātā daśa putrā mahīpateḥ |
vidyunmālā sutā jātā rūpayauvanaśālinī || 137 ||
[Analyze grammar]

tadvivāhārthamāhūya mahīrājaṃ mahābalam |
saptalakṣabalaiḥ sārddhaṃ tatputrāya sutāṃ dadau || 138 ||
[Analyze grammar]

mahīrājasuto bhīmaḥ patnīṃ prāpya manoramām |
gehamāgamya taiḥ sārddhaṃ dehalīṃ harṣamāptavān || 139 ||
[Analyze grammar]

tadā paiśācadeśasthaḥ sahodaśca mahīpatiḥ |
mlecchaiśca daśasāhasrairvidyunmālārthamudyataḥ || 140 ||
[Analyze grammar]

balidaityājñayā prāptaḥ kurukṣetraṃ śubhasthalam |
bhittvā mūrtīḥ surāṇāṃ goraktaistīrthajalaṃ kṛtam || 141 ||
[Analyze grammar]

patramālikhya balavānmahīrājāya dharmiṇe |
svadūtaḥ preṣitastena śrutvā bhūpo'bravīdidam || 142 ||
[Analyze grammar]

bhavānmlecchapatī rājā vidyunmālārthamudyataḥ |
māṃ śabdavedhinaṃ viddhi cauryadeśadhuraṃdharam || 143 ||
[Analyze grammar]

ityuktvā sa trilakṣaiśca kurukṣetramupāgataḥ |
tayoścāsīnmahadyuddhamahorātraṃ bhayānakam || 144 ||
[Analyze grammar]

niśīthe samanuprāpte jyeṣṭhe māsi tamomaye |
pātālādbalirāgatya daityāyutasamanvitaḥ || 145 ||
[Analyze grammar]

nṛpasainyaṃ jaghānāśu bhakṣayitvā punaḥ punaḥ |
bhayabhītastadā rājā śāradāṃ śaraṇaṃ yayau || 146 ||
[Analyze grammar]

etasminnaṃtare devāḥ kṛṣṇāṃśādyā mahābalāḥ |
kṣaṇamātreṇa saṃprāptāstadā padacarā mune || 147 ||
[Analyze grammar]

hatvā daityasahasrāṇi balidaityamupāyayuḥ |
deśajau vatsajau vīrau devasiṃhastathaiva ca |
svakhaḍgaistarpayāmāsa daityarājaṃ mahābalam || 148 ||
[Analyze grammar]

tadā prasanno balavāndaityarājo baliḥ svayam |
varaṃ vṛṇuta tānāha te tu śrutvābruvanvacaḥ || 149 ||
[Analyze grammar]

āryadeśaṃ ca te daityā nāgacchantu tvayā saha |
mlecchadeśaṃ sadā prāpya bhakṣadhvaṃ mlecchadharmagān || 150 ||
[Analyze grammar]

iti śrutvā vaco ghoraṃ vipriyaṃ ca baliḥ svayam |
kṛṣṇāṃśamudayaṃ gatvā tuṣṭāva parayā girā || 151 ||
[Analyze grammar]

tadā prasannaḥ kṛṣṇāṃśo vacanaṃ prāha nirbhayaḥ |
yāvadahaṃ bhūmivāsī tāvattvaṃ gehamāvasa |
tatpaścādbhūmimāgatya yathāyogyaṃ kuruṣva bhoḥ || 152 ||
[Analyze grammar]

iti tadvacanaṃ śrutvā sahodo nīlasaṃyutaḥ |
paiśācaṃ deśamagamatpunaḥ prāpto rasātalam || 153 ||
[Analyze grammar]

bhūmirājaḥ prasannātmā koṭisvarṇaṃ dadau tadā |
gajārūḍhāśca te paṃca saṃyayuśca mahāvatīm || 154 ||
[Analyze grammar]

sūta uvāca |
varddhano bhūmirājasya sutaḥ sarvebhya uttamaḥ |
paṃcamābdavayā bhūtvā śrīdaṃ tuṣṭāva bhaktitaḥ |
varṣāṃtare ca bhagavāndadau sarvaṃ śubhaṃ nidhim || 155 ||
[Analyze grammar]

tatsarvanidhibhāvena nṛpakośaḥ samantataḥ |
pūrṇo babhūva kanakai rājarājaprabhāvataḥ || 156 ||
[Analyze grammar]

kiṃnarī nāma yā kanyā maṃkaṇasya prakīrtitā |
kuberaśca dadau tasmai varddhanāya priyāya ca |
iti te kathitaṃ sarvaṃ vivāhacaritaṃ mune || 157 ||
[Analyze grammar]

dhundhukāro mahāśūro lakṣasainyasamanvitaḥ |
brahmānaṃdamupāgamya yuddhārthāya tamāhvayat || 158 ||
[Analyze grammar]

ekatriṃśābdake prāpte kṛṣṇāṃśe balavattare |
ekākī malanāputro dṛṣṭvā sainyamupasthitam |
brahmāstraṃ cāpa ādhāya cārdhasainyamadāhayat || 159 ||
[Analyze grammar]

paṃcāyutāśca te śūrā bhayabhītā diśo gatāḥ |
dhundhukāro raṇaṃ tvaktvā bhūmirājamupāgamat || 160 ||
[Analyze grammar]

mahīrājastadā duḥkhī bhayabhītaḥ samaṃtataḥ |
mahīpatiṃ samāhūya candrabhaṭṭaṃ ca so'bravīt || 161 ||
[Analyze grammar]

kathaṃ jayo me bhavitā tatsarvaṃ maṃtrayāśu vai |
mahīpatistadā prāha śṛṇu bhūpaśiromaṇe || 162 ||
[Analyze grammar]

kṛtvā nārīmayaṃ veṣaṃ cāmuṇḍaṃ balaśālinam |
velāṃ matvā ca taddolāṃ brahmānaṃdāya cārpaya || 163 ||
[Analyze grammar]

catvāraste sutāḥ śūrā dhuṃdhukāreṇa saṃyutā |
chadmanā ca svaśastraiśca ghātayeyustamūrjitāḥ || 164 ||
[Analyze grammar]

iti śrutvā mahīrājo brahmānaṃdāya harṣitaḥ |
tathā kṛtvā dadau dolāṃ paṃcaśūraiśca pālitām || 165 ||
[Analyze grammar]

sāyaṃkāle tu saṃprāpte māghaśuklāṣṭamīdine |
velāvaṃśaśca cāmuṇḍo brahmānaṃdamupāyayau || 166 ||
[Analyze grammar]

chadmanā ca triśūlaṃ ca balātkṛtvā ripūdare |
ruroda balavāñchūraste tu śūrāḥ samāgatāḥ || 167 ||
[Analyze grammar]

tārako hṛdi taṃ bāṇaiḥ sūryavarmā ca tomaraiḥ |
bhīmaśca gadayā cātra varddhanaśca tadāsinā |
dhuṃdhukāraśca bhallena jaghāna ripumūrddhani || 168 ||
[Analyze grammar]

mūrchitaḥ patito bhūmau bahmānaṃdo mahābalaḥ |
mahadvraṇayutastatra svakhaṅgaṃ ca samādadat || 169 ||
[Analyze grammar]

bhīmasya ca śiraḥ kāyādvarddhanasya tathaiva ca |
chittvā tathaiva bhūmadhye sūryavarmāṇamāgataṃḥ || 170 ||
[Analyze grammar]

tārako dhuṃdhukāraśca cāmu ṇḍaśca tathaiva ca |
brahmānaṃdaṃ tadā tyaktvā mahīrājāntamāyayau || 171 ||
[Analyze grammar]

hateṣu teṣu putreṣu mahīrājo bhayāturaḥ |
velāpārśvamupāgamya ruroda bahu duḥkhitaḥ || 172 ||
[Analyze grammar]

iti śrutvā tadā velā dolāmāruhya satvaram |
brahmānaṃdaṃ yayau śīghraṃ mūrcchitaṃ taṃ dadarśa ha || 173 ||
[Analyze grammar]

kaniṣṭhāmṛtabhāvena velāyā balavāṃstadā |
utthāya rudatīṃ nārīṃ dadarśa rucirānvitām || 174 ||
[Analyze grammar]

kā tvaṃ kasya sutā ramyā saṃgrāme māmupasthitā |
jalaṃ dehi mahā subhūrvacanaṃ kuru supriyam || 175 ||
[Analyze grammar]

iti śrutvā tadā velā jalaṃ dattvā śucānvitā |
vacanaṃ prāha vai rātrau śṛṇu tvaṃ malanāsuta || 176 ||
[Analyze grammar]

velā nāma mahībhartuḥ sutāhaṃ tvāmupasthitā |
matpatiśca bhavāndhīraśchadmanā vaṃcakairhataḥ |
jīvanaṃ kuru rājeṃdra bhuṃkṣva bhogānmayā saha || 177 ||
[Analyze grammar]

ityuktaḥ sa tu tāmāha kalikāle samāgate |
jīvanānmaraṇaṃ śreṣṭhaṃ tasmānmadvacanaṃ kuru || 178 ||
[Analyze grammar]

harināgaramāruhya mayā sārddhaṃ śubhānane |
gatvā tīrthāni ramyāṇi saṃtyajāmi kalevaram || 179 ||
[Analyze grammar]

itpuktvā tau samāruhya pūrve ca kapilāntikam |
gatvā snātvā ca vidhivattatodhye jagmaturmudā || 180 ||
[Analyze grammar]

pṛthakpṛthaksutārthāni snātvā dattvā ca . jagmatuḥ |
dakṣiṇe setubaṃdhānte paścime dvārikāmanu || 181 ||
[Analyze grammar]

uttare badarīsthāne snātvā tīrthāni jagmatuḥ |
gaṃdhamādanamāgatya brahmānaṃdo mahābalaḥ || 182 ||
[Analyze grammar]

velāmuvāca vacanaṃ bhādraśuklāṣṭamīdine |
dehaṃ tyajāmi bho rājñi tārakaṃ jahi bhūtale || 183 ||
[Analyze grammar]

iti śrutvā tu sā prāha svāminmadvacanaṃ kuru |
kurukṣetraṃ mayā sārddhaṃ bhavānvai gaṃtumarhati || 184 ||
[Analyze grammar]

sthitvā tatra samasvānto bhaja tvaṃ sarvamaṃgalām |
ahaṃ mahāvatīṃ prāpya punarvai dehalīṃ prati || 185 ||
[Analyze grammar]

tārakaṃ ca tathā hatvā tvatsamīpaṃ vrajāmyaham |
ityuktaḥ sa tathetyuktvā brahmadhyānaparo'bhavat || 186 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṃḍāparaparyāye kaliyugīyetihāsasamuccaye ekatriṃśo'dhyāyaḥ || 31 ||
[Analyze grammar]