Chapter 28

sūta uvāca |
aṣṭāviṃśābdake prāpte kṛṣṇāṃśe balavattare |
kārtikyāmiṃduvāre ca kṛttikāvyatipātabhe || 1 ||
[Analyze grammar]

kṛṣṇāṃśo'yutasenāḍhyaḥ svarṇavatyā samanvitaḥ |
vivāhamukuṭasyaiva saṃtyāgāya yayau mudā || 2 ||
[Analyze grammar]

pavitramutpalāraṇyaṃ vālmīkimunisevitam |
gaṃgākūle brahmamayaṃ lohakīlakamuttamam || 3 ||
[Analyze grammar]

tatra gatvā sa śuddhātmā puṣpavatyā samanvitaḥ |
gosahasraṃ ca viprebhyo dadau snāne prasannadhīḥ || 4 ||
[Analyze grammar]

etasminnaṃtare prāptā mlecchajātisamudbhavā |
śobhā nāma mahāramyā veśyā paramasundarī || 5 ||
[Analyze grammar]

sā dadarśa paraṃ ramyaṃ kṛṣṇāśaṃ puruṣottamam |
taddṛṣṭimohamāpannā vyākulā cābhavatkṣaṇāt || 6 ||
[Analyze grammar]

mūrcchitāṃ tāṃ samālokya kṛṣṇāṃśaḥ sarvamohanaḥ |
svanivāsamupāgamya viprānāhūya pṛṣṭavān || 7 ||
[Analyze grammar]

aṣṭādaśa purāṇāni kena proktāni kiṃ phalam |
brūta me viduṣāṃ śreṣṭhā vedaśāstraparāyaṇāḥ || 8 ||
[Analyze grammar]

iti śrutvā vaco ramyaṃ vidvāṃsaḥ śāstrakovidāḥ |
abruvanvacanaṃ ramyaṃ kṛṣṇāṃśaṃ sarvadharmagam || 9 ||
[Analyze grammar]

parāśareṇa racitaṃ purāṇaṃ viṣṇudaivatam |
śivena racitaṃ skāṃdaṃ pādmaṃ brahmamukhodbhavam || 10 ||
[Analyze grammar]

śukaproktaṃ bhāgavataṃ brāhmaṃ vai brahmaṇā kṛtam |
gāruḍaṃ hariṇā proktaṃ ṣaḍ vai sāttvikasaṃbhavāḥ || 11 ||
[Analyze grammar]

matsyaḥ kūrmo nṛsiṃhaśca vāmanaḥ śiva eva ca |
vāyuretatpurāṇāni vyāsena racitāni vai || 12 ||
[Analyze grammar]

rājasāḥ ṣaṭ smṛtā vīra karmakāṃḍamayā bhuvi |
mārkaṃṇḍeyaṃ ca vārāhaṃ mārkaṇḍeyena nirmitam || 13 ||
[Analyze grammar]

āgneyamaṃgirāścaiva janayāmāsa cottamam |
liṃgabrahmāṃḍake cāpi taṃḍinā racite śubhe |
mahādevena lokārthe bhaviṣyaṃ racitaṃ śubham || 14 ||
[Analyze grammar]

tāmasāḥ ṣaṭ smṛtāḥ prājñaiḥ śaktidharmaparāyaṇāḥ |
sarveṣāṃ ca purāṇānāṃ śreṣṭhaṃ bhāgavataṃ smṛtam || 15 ||
[Analyze grammar]

ghore bhuvi kalau prāpte vikramo nāma bhūpatiḥ |
kailāsādbhuvamāgatya munīnsarvānsamāhvayat || 16 ||
[Analyze grammar]

tadā te munayassarve naimiṣāraṇyavāsinaḥ |
sūtaṃ sañcodayāmāsusteṣāṃ tacchravaṇāya ca |
proktānyupapurāṇāni sūtenāṣṭādaśaiva ca || 17 ||
[Analyze grammar]

iti śrutvā tu vacanaṃ kṛṣṇāṃśo dharmatatparaḥ |
śrutvā bhāgavataṃ śāstraṃ saptame'hni mahottamam || 18 ||
[Analyze grammar]

dadau dānāni viprebhyo gosuvarṇamayāni ca |
brāhmaṇānbhojayāmāsa sahasraṃ vedatatparān || 19 ||
[Analyze grammar]

tadā tu bhikṣukī bhūtvā śobhā nāma madāturā |
māyāṃ kṛtavatī prāpya kṛṣṇāṃśo yatra vai sthitaḥ || 20 ||
[Analyze grammar]

dhyātvā mahāmadaṃ vīraṃ paiśācaṃ rudrakiṃkaram |
māyāṃ sā janayāmāsa sarvapāṣāṇakāriṇīm || 21 ||
[Analyze grammar]

dṛṣṭvā svarṇavatī devī tāṃ māyāṃ śobhayodbhavām |
chittvā cāhlādya vāmāṃgīṃ svagehaṃ gaṃtumudyatā || 22 ||
[Analyze grammar]

sā veśyā tu śucāviṣṭā tasyāḥ śṛṃgāramuttamam |
svarṇayaṃtrasthitaṃ ramyaṃ lakṣadravyopamūlyakam |
saṃhṛtya māyayā dhūrtā deśaṃ vāhlīkamāyayau || 23 ||
[Analyze grammar]

kalpakṣetramupāgamya netrasiṃhasamudbhavā |
veśyayā mama śṛṃgāraṃ hṛtaṃ jñātvā suduḥkhitā || 24 ||
[Analyze grammar]

kṛṣṇāṃśaṃ vacanaṃ prāha gacchagaccha mahābala |
gṛhītvā mama śṛṃgāraṃ śīghramāgaccha māṃ prati || 25 ||
[Analyze grammar]

guṭikeyaṃ mayā vīra racitā tāṃ mukhena ca |
dhūrtamāyāvināśāya tava maṃgalahetave || 26 ||
[Analyze grammar]

iti śrutvā tathā kṛtvā kṛṣṇāṃśassarvamohanaḥ |
śūkarakṣetramāgamya tatra veśyāṃ dadarśa ha || 27 ||
[Analyze grammar]

sā tu veśyā ca taṃ vīraṃ dṛṣṭvā kandarpakāriṇam |
racayitvā punarmāyāṃ tadaṃtikamupāgatā || 28 ||
[Analyze grammar]

tadā sā niṣphalībhūya ruroda karuṇaṃ bahu |
rudatīṃ tāṃ samālokya dayālussa prasannadhīḥ || 29 ||
[Analyze grammar]

gṛhītvā sarvaśṛṃgāraṃ vacanaṃ prāha nirbhayaḥ |
kiṃ rodiṣi mahābhāge satyaṃ kathaya mā ciram || 30 ||
[Analyze grammar]

sāha me saharo nāma bhrātā prāṇasamapriyaḥ |
nāṭyaiśca pañcasāhasraiḥ sahito maraṇaṃ gataḥ || 31 ||
[Analyze grammar]

ato raumi mahābhāga saṃprāptā śaraṇaṃ tvayi |
ityuktvā māyayā dhūrtā kṛtvā śavamayāntyajān || 32 ||
[Analyze grammar]

tasmai pradarśayāmāsa nijakāryaparāyaṇā |
ruditvā ca punastatra prāṇāṃstyaktuṃ samudyatā || 33 ||
[Analyze grammar]

dayālussa ca kṛṣṇāṃśastāmāha karuṇaṃ vacaḥ |
kathaṃ te jīvayiṣyanti śobhane kathayāśu me || 34 ||
[Analyze grammar]

sāha vīra tavāsye tu saṃsthitā guṭikā śubhā |
dehi me kṛpayā vīra jīvayiṣyanti te tathā || 35 ||
[Analyze grammar]

ityuktastu tayā vīro dadau tasyai ca tadvasu |
tadā prasannā sā dhūrtā kṛtvā śukamayaṃ vapuḥ |
paṃjarasthamupādāya kṛṣṇāṃśaṃ kāmavihvalā || 36 ||
[Analyze grammar]

bāhlīkadeśamāgamya sāraṭṭanagaraṃ śubham |
uvāsa ca svayaṃ gehe kṛtvā divyamayaṃ vapuḥ || 37 ||
[Analyze grammar]

niśīthe samanuprāpte kṛtvā taṃ nararūpiṇam |
āliliṃga hi kāmārtā kṛṣṇāṃśaṃ dharmakovidam || 38 ||
[Analyze grammar]

dṛṣṭvā tāṃ sa tathābhūtāṃ kṛṣṇāṃśo jagadaṃbikām |
tuṣṭāva manasā dhīro rātrisūktena namradhīḥ || 39 ||
[Analyze grammar]

tadā sā sveḍinī bhūtvā tyaktvā kṛṣṇāṃśamuttamam |
punaḥ śukamayaṃ kṛtvā ciṃciṇīvṛkṣamāruhat || 40 ||
[Analyze grammar]

tadā svarṇavatī devī bodhitā viṣṇumāyayā |
kṛtvā śyenīmayaṃ rūpaṃ tatra gatvā mudānvitā |
dadarśa śukabhūtaṃ ca kṛṣṇāṃśaṃ yogatatparam || 41 ||
[Analyze grammar]

etasminnaṃtare veśyā punaḥ kṛtvā śubhaṃ vapuḥ |
narabhūtaṃ ca kṛṣṇāṃśaṃ vacanaṃ prāha namradhīḥ || 42 ||
[Analyze grammar]

aye prāṇapriya svāminbhaja māṃ kāmavihvalām |
pāhi māṃ ratidānena dharmajñosi bhavānsadā || 43 ||
[Analyze grammar]

ityuktassa tu tāmāha vacanaṃ śṛṇu śobhane |
te āryavartmasthitohaṃ vai vedamārgaparāyaṇaḥ || 44 ||
[Analyze grammar]

vivāhitāṃ śubhāṃ nārīṃ yo bhajeta ṛtau na hi |
sa pāpī narakaṃ yāti tiryyagyonimayaṃ smṛtam |
ataḥ parastriyā bhogo jñeyo vai nirayapradaḥ || 45 ||
[Analyze grammar]

iti śrutvā tu sā prāha viśvāmitreṇa dhīmatā |
śṛṃgiṇā ca mahāprājña veśyāsaṃgaḥ kṛtaḥ purā |
na ko'pi narakaṃ prāptastasmānmāṃ bhaja kāminīm || 46 ||
[Analyze grammar]

punaścāha sa kṛṣṇāṃśaḥ kṛttaṃ pāpaṃ tapobalāt |
tābhyāṃ ca muniyugmābhyāmasamartho hi sāṃpratam || 47 ||
[Analyze grammar]

arddhāṃgaṃ puruṣasya strī maithune ca viśeṣataḥ |
ahamāryaśca bhavatī veśyā ca bahubhoginī || 48 ||
[Analyze grammar]

ṛci śabdaśca pūrvāsyājjāta ṛgjassanātanaḥ |
yogajaścaiva yaḥ śabdo dakṣiṇāsyādyajurbhavaḥ || 49 ||
[Analyze grammar]

taddhitāntaśca yaśśabdaḥ paścimāsyācca sāmajaḥ |
chandobhūtāśca ye śabdās te sarve brāhmaṇapriyāḥ |
kevalo varṇamātraśca sa śabdo'tharvajaḥ smṛtaḥ || 50 ||
[Analyze grammar]

pañcamāsyācca ye jātāḥ śabdāḥ saṃsārakāriṇaḥ |
te sarve prākṛtā jñeyāścaturlakṣavibhedinaḥ || 51 ||
[Analyze grammar]

hitvā tānyo hi śuddhātmā caturvedaparāyaṇaḥ |
sa vai bhavāṭavīṃ tyaktvā padaṃ gacchatyanāmayam || 52 ||
[Analyze grammar]

na vadedyāvanīṃ bhāṣāṃ prāṇaiḥ kaṃṭhagatairapi |
gajairāpīḍayamāno'pi na gacchejjainamaṃdiram || 53 ||
[Analyze grammar]

ityevaṃ smṛtivākyāni muninā paṭhitāni vai |
kathaṃ tyājyo mayā dharmassarvalokasukhapradaḥ || 54 ||
[Analyze grammar]

iti śrutvā tu sā veśyā mlecchāyāścāṃśasaṃbhavā |
śobhanā nāma raṃbhorūrmahākrodhamupāyayau || 55 ||
[Analyze grammar]

vetasaistāḍayitvā taṃ punaḥ kṛtvā śukaṃ svayam |
na dadau bhojanaṃ tasmai phalāhāraṃ śukāya vai || 56 ||
[Analyze grammar]

tadā svarṇavatī devī kṛtvā nārīmayaṃ vapuḥ |
maśakīkṛtya taṃ vīraṃ tatraivāntardadhe tu sā || 57 ||
[Analyze grammar]

punaḥ śyenīvapuḥ kṛtvā taddeśādyātumudyatā |
pṛṣṭhamāropya maśakaṃ mayūranagaraṃ yayau || 58 ||
[Analyze grammar]

makaraṃdastu tāṃ dṛṣṭvā kṛṣṇāṃśena samanvitām |
netrapālasya tanayāṃ nāmnā svarṇavatī balī |
caraṇāvupasaṃgṛhya svagehe tāmavāsayat || 59 ||
[Analyze grammar]

śobhanāpi ca saṃbudhya pañjarāntamupasthitā |
na dadarśa śukaṃ ramyaṃ mūrchitā cāpatadbhuvi || 60 ||
[Analyze grammar]

kiṃ karomi kva gacchāmi vinā taṃ ramaṇaṃ param |
ityeva bahudhālapya madahīnapuraṃ yayau || 61 ||
[Analyze grammar]

tatra sthitaṃ ca paiśācaṃ māyāmadaviśāradam |
mahāmadaṃ ca saṃpūjya svadehaṃ tyaktumudyatā || 62 ||
[Analyze grammar]

mahāmadastu saṃtuṣṭo gatvā vai śivamaṃdiram |
marusthaleśvaraṃ liṃgaṃ tuṣṭāvārṣabhabhāṣayā || 63 ||
[Analyze grammar]

tadā prasanno bhagavānvacanaṃ prāha sevakam |
svarṇavatyā hṛto vīraḥ kṛṣṇāṃśaścāryadharmagaḥ |
mayā saha samāgaccha mayūranagaraṃ prati || 64 ||
[Analyze grammar]

ityuktastena paiśāco naṭaiḥ paṃcasahasrakaiḥ |
tayā saha yayau tūrṇaṃ sahureṇaṃ samanvitaḥ || 65 ||
[Analyze grammar]

indulaśca tathāhlādo bodhito viṣṇumāyayā |
trilakṣabalasaṃyukto devasiṃhena saṃyutaḥ |
mayūranagaraṃ prāpya makaraṃdamupāyayau || 66 ||
[Analyze grammar]

tadā tu śobhanā veśyā sahureṇa balaissaha |
cakāra bhairavīṃ māyāṃ sarvaśatrubhayaṃkarīm || 67 ||
[Analyze grammar]

sarvataścotthito vāto mahāmeghasamanvitaḥ |
pataṃti bahudhā colkāḥ śarkarāvarṣaṇe ratāḥ || 68 ||
[Analyze grammar]

dṛṣṭvā tāṃ bhairavīṃ māyāṃ tamobhūtāṃ samantataḥ |
makarandaśca balavānrathasthaḥ svayamāyayau || 69 ||
[Analyze grammar]

śanibhallena tāṃ māyāṃ bhasma kṛtvā mahābalaḥ |
gṛhītvā sahuraṃ dhūrtaṃ sabalaṃ gehamāptavān || 70 ||
[Analyze grammar]

tadā tu śobhanā nārī kāmamāyāṃ cakāra ha |
bahulāssaṃsthitā veśyā gītanṛtyaviśāradāḥ || 71 ||
[Analyze grammar]

mohitāḥ kṣatriyāḥ sarve mumuhurlāsyadarśanāt |
devasiṃhācca kṛṣṇāṃśādṛte te jaḍatāṃ gatāḥ || 72 ||
[Analyze grammar]

tadā svarṇavatī devī kāmākṣī dhyānatatparā |
punarutthāpya tānsarvāngṛhītvā śobhanāṃ punaḥ |
mayūradhvajamāgamya nigaḍaistānbabaṃdha ha || 73 ||
[Analyze grammar]

mahāmadastu tajjñātvā rudradhyānaparāyaṇaḥ |
cakāra śāmbarīṃ māyāṃ nānāsattvavidhāyinīm || 74 ||
[Analyze grammar]

vyāghrāḥ siṃhā varāhāśca vānarā daṃśakā narāḥ |
sarpā gṛdhrāstathā kākā bhakṣayaṃti samaṃtataḥ || 75 ||
[Analyze grammar]

tadā svarṇavatī devī kāmākṣīdhyānatatparā |
sasarja smarajāṃ māyāṃ tanmāyādhvaṃsinīṃ raṇe || 76 ||
[Analyze grammar]

tayā tārkṣyāssamutpannāḥ śarabhāśca mahābalāḥ |
siṃhādīnbhakṣayāmāsurjaghnuścaiva sahasraśaḥ || 77 ||
[Analyze grammar]

hāhābhūte ca tatsainye dikṣu vidrāvite sati |
śobhanā cābhavaddāsī svarṇavatyāśca māyinī || 78 ||
[Analyze grammar]

sahurastairnaṭaissārddhaṃ cāhlādenaiva cūrṇitaḥ |
teṣāṃ rudhirakabhāśca bhūmimadhye samāruhan || 79 ||
[Analyze grammar]

evaṃ ca muniśārdūla caturmāssvabhavadraṇaḥ |
vaiśākhe māsi saṃprāpte te vīrā gehamāyayuḥ |
iti te kathitaṃ vipra cānyatkiṃ śrotumicchasi || 80 ||
[Analyze grammar]