Chapter 27

sūta uvāca |
saptaviṃśābdake prāpte kṛṣṇāṃśe sarvamaṃgale |
bhādrakṛṣṇadaśamyāṃ ca malanā śokakātarā |
jananāyakamāhūya vacanaṃ prāha duḥkhitā || 1 ||
[Analyze grammar]

aye kacchapadeśīya gotamānvayasaṃbhava |
harināgaramāruhya kānyakubjaṃ vrajādhunā || 2 ||
[Analyze grammar]

putramāhlādamāhūya sānujaṃ matpriyaṃkaram |
iti śrutvā tu vacanaṃ hṛdi saṃciṃtya trai punaḥ || 3 ||
[Analyze grammar]

malanāṃ duḥkhitāṃ prāha na tvāyāsyati sa prabhuḥ |
rājñaḥ parimalasyaiva vākyaṃ matvā suduḥkhadam || 4 ||
[Analyze grammar]

iti śrutvā tu vacanaṃ ruroda malanā satī |
punarmūrcchāṃ gatā bhūmau jīvanaṃ tyaktumudyatā || 5 ||
[Analyze grammar]

hā rāmāṃśa mahābāho vatsa kṛṣṇāṃśa sundara |
kva gatau saha devakyā tyaktvā māṃ maṃdabhāginīm || 6 ||
[Analyze grammar]

tadā parimalāputro dṛṣṭvā rājñīṃ tathā gatām |
bahudhāśvāsya balavānkānyakubjapuraṃ yayau || 7 ||
[Analyze grammar]

ṛṣaya ūcuḥ |
tvayā parimalāputrassaṃprokto jananāyakaḥ |
romaharṣaṇa no brūhi so'yaṃ kastena kiṃ kṛtam || 8 ||
[Analyze grammar]

sūta uvāca |
iṃdraprasthapurevātsītpradyotaḥ kathito mayā |
pitā parimalasyaivāmātyo'naṃgamahīpateḥ || 9 ||
[Analyze grammar]

tasya kanyā samājātā nāmnā parimalā mune |
duḥśalāṃśasamudbhūtā raṃbheva sukumārikā || 10 ||
[Analyze grammar]

tadvivāhārthamudyogaḥ kṛtaḥ pitrā svayaṃvaraḥ |
putraḥ kacchapabhūpasya sa nāmnā kamalāpatiḥ |
tāmudvāhma vidhānena svagehāya yayau mudā || 11 ||
[Analyze grammar]

tayossamāgamo jātaḥ putro'yaṃ jananāyakaḥ |
śatruvidyāparaḥ śūraḥ khaḍgayuddhaviśāradaḥ || 12 ||
[Analyze grammar]

jitvā bhūpānbalādvīraḥ siṃdhutīralanivāsinaḥ |
ṣaḍaṃśakaramādāya pitṛrājyamupasthitaḥ || 13 ||
[Analyze grammar]

ekadā tu mahīrājaḥ svasainyaparivāritaḥ |
kacchadeśamupāgamya karārthaṃ samupasthitaḥ || 14 ||
[Analyze grammar]

tayoścāsīnmahadyuddhaṃ jananāyakabhūpayoḥ |
māsānte sūryavaṃśīyo mahīrājena nirjitaḥ || 15 ||
[Analyze grammar]

tyaktvā rāṣṭraṃ ca sakulaḥ saṃprāptaśca mahāvatīm |
parimalastu tadā rājā tasmai grāmaṃ śubhaṃ dadau || 16 ||
[Analyze grammar]

nivāsaṃ kṛtavāṃstatra svanāmnā prathitaṃ bhuvi |
sa vai kacchapadeśīyo yayau parimalājñayā || 17 ||
[Analyze grammar]

tadāsau ca mahīrājo mahīpatyanumoditaḥ |
cāmuṃḍaṃ śīghramāhūya lakṣasainyasamanvitam |
ādeśaṃ kṛtavānrājā tasya baṃdhanahetave || 18 ||
[Analyze grammar]

sa ca netravatīkūle saṃprāpte lakṣa sainyapaḥ |
rurodha sūryavaṃśīyaṃ jananāyakamuttamam || 19 ||
[Analyze grammar]

sa tadā khaḍgamādāya bāhuśālī yateṃdriyaḥ |
tatra śūraśataṃ hatvā nabhomārgamupāyayau || 20 ||
[Analyze grammar]

senāpateśca mukuṭaṃ gajasthasya gṛhītavān |
lajjitaḥ sa tu cāmuṃḍo vacanaṃ prāha namradhīḥ || 21 ||
[Analyze grammar]

bhavānvṛttikaro mahyaṃ kṣatriyo brāhmaṇasya vai |
dehi me mukuṭaṃ vīra ciraṃ jīva sukhī bhava || 22 ||
[Analyze grammar]

iti śrutvā sa vinayaṃ dattvā tasmai śubhaṃ vasu |
kuṭhāranagare prāpto vāmanena surakṣitaḥ || 23 ||
[Analyze grammar]

dṛṣṭvā tatra vaṭacchāyāṃ śrameṇātīva karṣitaḥ |
suṣvāpa nirbhayo vīrastatra sthāne sukhaprade || 24 ||
[Analyze grammar]

tadā tu vāmano jñātvā svadūtaistatra kāraṇam |
vastrāṇyācchādya cāgamya cāharaddharināgaram || 25 ||
[Analyze grammar]

hṛte tasmiṃśca divyāśve prabuddho jananāyakaḥ |
ciṃtāmavāpya mahatīṃ rodanaṃ kṛtavānbahu || 26 ||
[Analyze grammar]

aśvāṃghricihnamālokya vāmanaṃ prāpya nirbhayaḥ |
vacanaṃ prāha namrātmā nṛpaṃ gaurānvayodbhavam || 27 ||
[Analyze grammar]

kṣatriyāṇāṃ hi saṃhāsyo bhayado bhuvi sarvadā |
sa bhavānrājanītijño dehi me'śvaṃ sukhī bhava || 28 ||
[Analyze grammar]

no cettvāṃ vai sanagaraṃ kṛṣṇāṃśaḥ kṣapayiṣyati |
iti śrutvā tu vacanaṃ vāmano gauravaṃśajaḥ || 29 ||
[Analyze grammar]

bhayabhīto viniścitya pradadau harināgaram || 30 ||
[Analyze grammar]

pratodaṃ svarṇaracitaṃ nānāratnasamanvitam |
lobhācca na dadau rājā mṛṣā śapathakārakaḥ || 31 ||
[Analyze grammar]

tadā parimalāputraḥ kuṃṭhitaḥ prāha bhūpatim |
pratodalobhātte rājankṣayaṃ durgo gamiṣyati || 32 ||
[Analyze grammar]

ityuktvā prayayau vīraḥ kānyakubjaṃ mahottamam |
lakṣaṇo hastinīsaṃstho vacanaṃ prāha garvitaḥ |
kastvaṃ prāpto hayārūḍho nirbhayaḥ kṣatriyottamaḥ || 33 ||
[Analyze grammar]

sa hovāca mahārāja preṣitaścaṃdravaṃśinā |
tavāntikaṃ samāyātaḥ śaraṇāgatavatsala || 34 ||
[Analyze grammar]

mahīrājaśca balavānsakulaṃ caṃdravaṃśinam |
haniṣyati ca raudrāstrairmahīpatyanumoditaḥ || 35 ||
[Analyze grammar]

atastvaṃ svabalaissārddhaṃ sahāhlādādibhiryutaḥ |
gacchagaccha mahārāja mṛtānujīvayādhunā || 36 ||
[Analyze grammar]

ityukto lakṣaṇastena jayacaṃdraṃ praṇamya saḥ |
sarvaṃ vai kathayāmāsa mahīrājo yathāgataḥ || 37 ||
[Analyze grammar]

jayacaṃdrastu tacchrutvā cāhūya jananāyakam |
vacanaṃ prāha kruddhātmā śṛṇu gautamavaṃśaja || 38 ||
[Analyze grammar]

rājā parimalaḥ krūrastyaktvā māṃ nijabhūpatim |
prītiṃ ca kṛtavāṃstena macchatrordehalīpateḥ || 39 ||
[Analyze grammar]

priyaṃ saṃbadhinaṃ matvā saṃtyaktāstena rakṣakāḥ |
yathā kṛtaṃ phalaṃ tena bhoktavyaṃ ca tathā bhuvi || 40 ||
[Analyze grammar]

iti śrutvā tu vacanaṃ kṛṣṇāṃśaḥ prāha namradhīḥ |
rājañchuddhaḥ parimalo mahīpatyanuvācakaḥ |
ato vai tvāṃ samutsṛjya bhūmirājavaśaṃ gataḥ || 41 ||
[Analyze grammar]

bhavānvai sarvadharmajñastatkṣamasvāparādhakam |
ājñāṃ dehi mahārāja nivatsyāmastadaṃtikam || 42 ||
[Analyze grammar]

iti śrutvā tu vacanaṃ jayacaṃdro mahīpatiḥ |
kṛṣṇāṃśaṃ prāha bho vīra dehi me bhuktimūlyakam |
śīghraṃ vraja tvaṃ sakulo no cenno gaṃtumarhasi || 43 ||
[Analyze grammar]

iti śrutvā vihasyāha kṛṣṇāṃśassarvamohanaḥ |
mayā digvijayaḥ sarvaḥ kṛto bhīrubhayaṃkaraḥ |
taddeyaṃ dehi me rājangṛhāṇa bhuktimūlyakam || 44 ||
[Analyze grammar]

ityuktassa tu bhūpālaḥ kṛṣṇāṃśena vilajjitaḥ |
sainyamājñāpayāmāsa saptalakṣaṃ mahābalam || 45 ||
[Analyze grammar]

tadā vai sakulo vīraścāhlādo lakṣaṇānvitaḥ |
nṛpasyāgre samāsthāya namaskṛtya yayau mudā || 46 ||
[Analyze grammar]

kuṭhāranagaraṃ prāpya nṛpadurgaṃ rurodha ha |
jñātvā sa vāmano bhūpaḥ pratodaṃ ca dadau mudā || 47 ||
[Analyze grammar]

sainyāyuta yutaṃ bhūpaṃ vāmanaṃ lakṣaṇo balī |
paścātkṛtya yayau śīghraṃ yamunātaṭamuttamam || 48 ||
[Analyze grammar]

yamunājalamuttīrya kalpakṣetramavāptavān |
gaṃgāsiṃhaṃ ca nṛpatiṃ ṣaṣṭisāhasrasaṃyutam |
puraskṛtya yayau vīro lakṣaṇo balavattaraḥ || 49 ||
[Analyze grammar]

nadīṃ vetravatīṃ ramyāṃ samāgamya balaissaha |
tatroṣuḥ kṣatriyāḥ śūrāssarva śastrāstrasaṃyutāḥ || 50 ||
[Analyze grammar]

etasminnaṃtare vīraścāmuṃḍo lakṣasainyapaḥ |
śataghnīḥ sthāpayāmāsa bhairavīḥ śatrunāśinīḥ || 51 ||
[Analyze grammar]

tayoścāsīnmahadyuddhaṃ śataghrīraṇasaṃsthayoḥ |
praharānte ca tatsainyaṃ dṛṣṭvā śūraḥ parājitam || 52 ||
[Analyze grammar]

raktabījaḥ samāgamya gajasthastvarito balī |
svabāṇaistāḍayāmāsa sainyaṃ tālanapālitam || 53 ||
[Analyze grammar]

kecicchūrā hatā yuddhe kecittatra parājitāḥ |
dudruvurbhayabhītāśca cāmuṃḍena ca pīḍitāḥ || 54 ||
[Analyze grammar]

prabhagnaṃ svabalaṃ dṛṣṭvā tālanaḥ parighāyudhaḥ |
jaghāna tena sa gajaṃ cāmuṃḍo bhūmimāgataḥ || 55 ||
[Analyze grammar]

khaḍgayuddhaparo vīrastālanaṃ pīraghāyudham |
parājitya yayau paścācchatru sainyakṣayaṃkaraḥ || 56 ||
[Analyze grammar]

lakṣaṇastvarito gatvā svabhallena ca taṃ ripum |
bhujayostāḍayāmāsa tadā te bahudhā'bhavan || 57 ||
[Analyze grammar]

sahasraṃ raktabījāśca khaḍga śaktyṛṣṭipāṇayaḥ |
tiṣṭhatiṣṭheti bhāṣantaḥ kṣatriyānyuddhadurmadān || 58 ||
[Analyze grammar]

āhlādādyāśca te śūrā raktabījabhayāturāḥ |
tyaktvā yuddhaṃ yayussarve brahmānaṃdaṃ mahābalam || 59 ||
[Analyze grammar]

brahmānaṃdastu tāndṛṣṭvā gatvā svapitaraṃ prati |
vṛttāṃtaṃ kathayāmāsa lakṣaṇāgamanaṃ mune || 60 ||
[Analyze grammar]

śrutvā parimalo rājā premavihvalagadgadaḥ |
āhlādapārśvamāgamya ruroda bhṛśamāturaḥ || 61 ||
[Analyze grammar]

tadā tu devakī devī nṛpatiṃ prematatparam |
uvāca sumukhī dīnā vayaṃ te bhakti tatparāḥ || 62 ||
[Analyze grammar]

bhavatā saṃparityaktā vicarāmo'nyabhūpatim |
kṣamasva mama daurātmyaṃ pūrvajanmavipākajam || 63 ||
[Analyze grammar]

iti śrutvā ca nṛpatiḥ paramā naṃdanirbharaḥ |
maṃtriṇaścādhikāraṃ ca rāmāṃśāya dadau mudā |
svakīyaṃ lakṣasainyaṃ ca tatpatiścodayaḥ kṛtaḥ || 64 ||
[Analyze grammar]

tataḥ paṃcadinānte tu mahīrājassamāgataḥ |
rurodha nagarīṃ sarvāṃ cāmuṃḍabaladarpitaḥ |
tayoścāsīnmahayuddhaṃ māsamātraṃ bhayānakam || 65 ||
[Analyze grammar]

prabhāte vimale jāte kṛṣṇāṃśo lakṣasainyapaḥ |
cāmuḍāntamupāgamya sahasraṃ svāṃgasaṃbhavam |
ciccheda ca śirasteṣāṃ cāmuṃḍānāṃ pṛthakpṛthak || 66 ||
[Analyze grammar]

chinne śirasi te sarve lakṣavīrā babhūvire |
tadā tadvyākulaṃ sainyaṃ cāmuṇḍaistaiḥ prapīḍitam || 67 ||
[Analyze grammar]

vismitaścaiva kṛṣṇāṃśo bhayabhītastadā mune |
tuṣṭāva śāradāṃ devīṃ sarvamaṃgalakāriṇīm || 68 ||
[Analyze grammar]

kṛṣṇāṃśa uvāca |
namaste śārade mātarbrahmalokanivāsini |
tvayā tatamidaṃ viśvaṃ śabdamātraniraṃtaram || 69 ||
[Analyze grammar]

raktabījavināśāya cāmuṃḍārūpadhāriṇi |
namaste divyacāmuṇḍe pāhi māṃ śaraṇāgatam || 70 ||
[Analyze grammar]

iti śrutvā stavaṃ devī varadā sarvakāriṇī |
tasya khaḍgamupāgamya raktabījaṃ dadāha vai || 71 ||
[Analyze grammar]

bhasmībhūte lakṣaripau cāmuṇḍo bhūmimāgataḥ |
babaṃdha taṃ sa kṛṣṇāṃśo brahmānaṃdāṃtikaṃ yayau |
bhūmirājastu tacchrutvā bhayabhītaḥ samāgataḥ |
tadā parimalaṃ bhūpaṃ dayāluṃ premavihvalam |
uvāca vacanaṃ rājā kṣamasva mama duṣkṛtam || 73 ||
[Analyze grammar]

mahīpateśca vacanānmahadbhayamupāgatam |
adyaprabhṛti bho vīra saṃtyaktaḥ kalahaḥ priyaḥ |
bhavāṃśca mama saṃbandhī vayaṃ vai tava kiṃkarāḥ || 74 ||
[Analyze grammar]

iti śrutvā parimalo rājānamidamabravīt |
ratnabhānośca tanayaṃ lakṣaṇaṃ nāma viśrutam |
śaraṇyaṃ śaraṇaṃ yāhi viṣṇubhaktaṃ dayāparam || 75 ||
[Analyze grammar]

iti śrutvā bhūmirājo dvijarūpadharo balī |
sāṣṭāṃgaṃ daṃḍavadbhūmau lakṣaṇasya cakāra ha || 76 ||
[Analyze grammar]

tadā tu lakṣaṇo vīraḥ kṛtvā snehaṃ nṛpopari |
saptalakṣabalaiḥ sārddhaṃ kānyakujjamupāyayau || 77 ||
[Analyze grammar]

phālgune māsi saṃprāpte sarve svaṃsvaṃ gṛhaṃ yayuḥ || 78 ||
[Analyze grammar]

balakhānergayāśrāddhamacīkaradaviplutaḥ |
caitramāsi site pakṣe saṃprāpya nijamaṃdire |
brāhmaṇānbhojayāmāsa sahasraṃ vedatatparān || 79 ||
[Analyze grammar]