Chapter 25

sūta uvāca |
ṣaḍviṃśābde ca kṛṣṇāṃśe yathā jātaṃ tathā śṛṇu |
mune biṃdusaro nāma dakṣiṇasyāṃ diśi sthitam || 1 ||
[Analyze grammar]

tasya tīre'vasadgrāmo yojanāyāmasaṃyutaḥ |
nāmnā biṃdugaḍho durgo varṇadharmapravartakaḥ || 2 ||
[Analyze grammar]

tasmingrāme'vasadbhūpo viṣvaksenānvayodbhavaḥ |
śāradānandano nāma brahmadhyānaparāyaṇaḥ || 3 ||
[Analyze grammar]

brahmacaryaprabhāveṇa tadvīryaṃ śirasi sthitam |
atassa kāmapālākhyaḥ prathito'bhūnmahītale || 4 ||
[Analyze grammar]

yajñaiḥ saṃpūjayāmāsa surajyeṣṭhaṃ prajāpatim |
yajñāṃśabhuktamātreṇa rājñī garbhamupādadhau || 5 ||
[Analyze grammar]

daśamāsāntare jātā kanyā sarvaguṇālayā |
padminī nāma vikhyātā sarvaśobhāsamanvitā || 6 ||
[Analyze grammar]

dvādaśābdavayaḥ prāptau babhūva varavarṇinī |
padmākaro bhūpasuto mahīrājapadānugaḥ || 7 ||
[Analyze grammar]

piturājñānusāreṇa bhūpānāhūya satvaram |
svayaṃ varaṃ bhaginyāśca kārayāmāsa vai mudā || 8 ||
[Analyze grammar]

nānādeśyā yayurbhūpā mukhyaśūrasamanvitāḥ |
sahāhlādaiścatuvīrairlakṣaṇaḥ piturājñayā || 9 ||
[Analyze grammar]

yayau biṃdugaḍhaṃ grāmaṃ sthito yatra mahotsavaḥ |
mahīrājastu balavāndṛṣṭvā lakṣaṇamāgatam || 10 ||
[Analyze grammar]

svasenāṃ sthāpayāmāsa rakṣārthe sarvabhūbhujām |
etasminnaṃtare devī sakhībhiḥ saha padminī || 11 ||
[Analyze grammar]

sarvabhūpānvilokyāśu lakṣaṇāṃtamupāyayau |
śyāmāṃgaṃ ca yuvānaṃ ca sarvalakṣaṇa lakṣitam || 12 ||
[Analyze grammar]

catvāriṃśattathā paṃcāśanmānābdavayovṛtam |
vyūḍhoraskaṃ dṛḍhaskaṃdhaṃ nirjaraṃ rogavarjitam || 13 ||
[Analyze grammar]

dṛṣṭvā tamātmasadṛśamāhlādādyaiśca rakṣitam |
jayamālāṃ dadau tasmai padminī lakṣaṇāya ca || 14 ||
[Analyze grammar]

tadā sa lakṣaṇo vīro gṛhītvā pāṇimuttamam |
svarathaṃ ca samāruhya rājñāṃ madhye yayau mudā || 15 ||
[Analyze grammar]

pṛdhvīrājastathā sarve bhūmipā balasaṃyutāḥ |
rurudhuḥ sarvato vīraṃ lakṣaṇaṃ balavattaram || 16 ||
[Analyze grammar]

tālanaḥ siṃhinīsaṃstho gṛhītvā parighaṃ mudā |
sainyāni yodhayāmāsa bhīmasenāṃśasaṃbhavaḥ || 17 ||
[Analyze grammar]

paṃcaśabdagajārūḍhaścāhlādastomarāyudhaḥ |
ripūnvidārayāmāsa balabhadrāṃśasaṃbhavaḥ || 18 ||
[Analyze grammar]

kṛṣṇāṃśo bindulārūḍho gṛhītvā khaḍgamuttamam |
bhūpatīnbahudhā chittvā mahāvadhamakārayat || 19 ||
[Analyze grammar]

devo manorathārūḍho bhairavaṃ bhallamādadhau |
hatvā ca bahudhā sainyaṃ nanarda ca punaḥpunaḥ || 20 ||
[Analyze grammar]

lakṣaṇo dhanurādāya vaiṣṇavāstrāṇi vai punaḥ |
saṃdhāya ca jaghānāśu mahīrājasya sainyapān || 21 ||
[Analyze grammar]

yāmamātramabhūyuddhaṃ teṣāṃ taiśca samanvitam |
tyaktvā yuddhaṃ mahīrājaḥ sarvabhūpasamanvitaḥ || 22 ||
[Analyze grammar]

yayau sa dehalīgrāme śāradānaṃdanastadā |
saṃsthāpya maṇḍapaśubhaṃ kṛtvā vaivāhikīḥ kriyāḥ |
dadau kanyāṃ vidhānena dhanadhānyādisaṃvṛtām || 23 ||
[Analyze grammar]

etasminnantare prāpto mahīpatiruvāca tam |
padmākaraṃ bhūpasutaṃ lakṣasainyasamanvitam || 24 ||
[Analyze grammar]

aho mitra mahāvīra kīdṛśī te matiḥ sthitā |
viṣvaksenānvaye tvaṃ vai saṃjātaḥ kṣatriyottamaḥ || 25 ||
[Analyze grammar]

lakṣaṇo dharmarahito varṇasaṃkarasaṃyutaḥ |
āhlādādyāśca te śūrā ābhīramātṛsaṃbhavāḥ |
tairyutaśca nivāso vai saṃtyājyo dharmakovidaiḥ || 26 ||
[Analyze grammar]

iti padmākaraḥ śrutvā sarvamāyāviśāradaḥ |
sa kṛtvā śāmbarīṃ māyāṃ baddhvā tāneva durjayān |
svagehe sthāpayāmāsa kārāgāre śilāmaye || 27 ||
[Analyze grammar]

devyāśca varadānena devasiṃhastadā niśi |
tyaktvā māyāmohamayī kānyakubjamupāyayau || 28 ||
[Analyze grammar]

iṃdulāgre ca tatsarve gaditvā tena saṃyutaḥ |
prāpto biṃdugaḍhaṃ śīghraṃ divyamāyāviśāradaḥ || 29 ||
[Analyze grammar]

padmākarastu tacchutvā kṛtvā māyāṃ ca śāmbarīm |
mohanāyodyatastatra yathā megho raviṃ divi || 30 ||
[Analyze grammar]

iṃdulaśca tadā cāpe saṃdhāya śaramuttamam |
kāmāstreṇa tu tanmāyā bhasmībhūtābhavatkṣaṇāt || 31 ||
[Analyze grammar]

tadā te bodhitāḥ sarve kāmāstreṇa mahābalāḥ |
bhittvā lohamayaṃ jālaṃ kapāṭaṃ ca tathā dṛḍham || 32 ||
[Analyze grammar]

bahirbhūtāḥ samājagmuḥ śatrusainyānyanāśayan |
kṣatriyāḥ paṃcasāhasrā mṛtā yamapuraṃ yayuḥ || 33 ||
[Analyze grammar]

śāradānaṃdano bhūpastatrāgatya vinamya tān |
svasutāṃ ca dadau tasmai lakṣaṇāya mahātmane || 34 ||
[Analyze grammar]

nānāvidhāni bhojyāni praśasyābharaṇāni ca |
sarvebhyaśca dadau rājā sahasrebhyastadā mudā || 35 ||
[Analyze grammar]

kumārikāṃ svakīyāṃ ca bahurodanatatparām |
sa matvā kāmapālo vai svagehāttaṃ nyavāsayat |
āgato lakṣaṇo gehaṃ māghakṛṣṇāṣṭamīdine || 36 ||
[Analyze grammar]

jayacaṃdrastu taṃ dṛṣṭvā lakṣaṇaṃ premavihvalaḥ |
śatagrāmāndadau tebhyastālanādibhya eva ca || 37 ||
[Analyze grammar]

dattvā tato'nyadānāni govastrābharaṇāni ca |
pradadau brāhmaṇebhyaśca sa cakāra mahotsavam || 38 ||
[Analyze grammar]

sūta uvāca |
mahīrājo varaṃ prāptaḥ śaṃkarātpārthivārcanāt |
saṃyojya phālgune māsi senāṃ śatrubhayaṃkarām || 39 ||
[Analyze grammar]

saptalakṣaiśca sahitaḥ śirīṣākhyapuraṃ yayau |
nṛpājñayā ca cāṃmuḍo rurodha nagaraṃ punaḥ || 40 ||
[Analyze grammar]

sukhakhānistadā kruddho lakṣasainyasamanvitaḥ |
nagarādbahirāgatya mahāvadhamakārayat || 41 ||
[Analyze grammar]

pāvakāstreṇa balavānhatvā daśasahasrakam |
mahīrājamupāgamya vacanaṃ prāha nirbhayaḥ || 42 ||
[Analyze grammar]

adya tvāṃ ca haniṣyāmi tvaṃ vā hantā raṇe mama |
svavidyāṃ kuru bhūpa tvaṃ no cedyāsyasi vaiśasam || 43 ||
[Analyze grammar]

iti śrutvā mahīrājo raudrāstraṃ cāpa ādadhe |
tadastrācca mahāvahniḥ prādurbhūto bhayaṃkaraḥ || 44 ||
[Analyze grammar]

sukhakhānistadāgneyaṃ saṃdadhau tasya śāṃtaye |
raudrāgninā ca saśaraḥ sukhakhānirlayaṃ gataḥ || 45 ||
[Analyze grammar]

tadastraṃ śivatūṇīre gataṃ kāryaṃ vidhāya tat |
balakhānistu tacchrutvā bhayabhītaḥ samāgataḥ || 46 ||
[Analyze grammar]

bhrāturvairamupādāya jaghāna ca riporbalam |
dhyātvā ca śāradāṃ devīṃ bhūmirājamupāgamat || 47 ||
[Analyze grammar]

bhūmirājastu taṃ dṛṣṭvā tadbalādhikyamohitaḥ |
uvāca vacanaṃ premṇā balakhāne śṛṇuṣva bhoḥ || 48 ||
[Analyze grammar]

krośamātrāntare gartā dvādaśaiva mayā kṛtāḥ |
rakṣitā dvādaśaśataiḥ śūrairyuddhaviśāradaiḥ || 49 ||
[Analyze grammar]

śūrāñjitvā samullaṃghya gartāndvādaśasammitān |
mamārddhaṃ sakalaṃ rāṣṭraṃ gṛhāṇa balisattama || 50 ||
[Analyze grammar]

iti śrutvā priyaṃ vākyaṃ tadrājñā satyabhāṣitam |
kapotaṃ hayamāruhya khaḍgahasto vanaṃ yayau || 51 ||
[Analyze grammar]

dṛṣṭvā gartānmahāvīro hatvā śūrāñchatañchatam |
yayau sa dvādaśāngarttānbāhuśālī jiteṃdriyaḥ || 52 ||
[Analyze grammar]

cāmuṃḍastu tadāgatya śarāyutasamanvitaḥ |
rurodha sarvato vīraṃ chadmakārī dvijādhamaḥ || 53 ||
[Analyze grammar]

balakhāniśca mahatīṃ senāṃ tasya jaghāna ha |
cāmuṃḍaṃ tamupāgamya nanarda ca punaḥpunaḥ || 54 ||
[Analyze grammar]

trayodaśaṃ guptagartaṃ tṛṇairācchāditaṃ mṛdā |
viṣadhautairmahābhallaissaṃruddhaṃ vivaraprabham || 55 ||
[Analyze grammar]

patitaḥ sakapotaśca sa vīro daivamohitaḥ |
aṃdhakāre mahāghoraṃ gaṃbhīraṃ krośamātrakam || 56 ||
[Analyze grammar]

vidīrṇastatra caraṇassa padmo vatsajasya vai |
mahākaṣṭena tadvājī gartādāgatya vai bahiḥ |
svapadaistāḍayāmāsa mahīrājasya tadbalam || 57 ||
[Analyze grammar]

cāmuṃḍastu tadāgatya balakhāneśca vai śiraḥ |
chittvā jaghāna tatsainyaṃ hāhābhūtaṃ vineśvaram || 58 ||
[Analyze grammar]

gajamuktā ca tacchutvā citāmāropya vai patim |
dāhayāmāsa cāṃgāni sā patyā saha vai satī || 59 ||
[Analyze grammar]

tadā brahmā svavadhvā ca sārddhamāgatya tatra vai |
sukhakhāniṃ ca saṃhūya dadāha tatkalevaram || 60 ||
[Analyze grammar]

śūnyabhūtaṃ ca nagaraṃ bhasma kṛtvā sa vai nṛpaḥ |
jagāma dehalī śīghraṃ mahotsāhasamanvitaḥ || 61 ||
[Analyze grammar]