Chapter 24

sūta uvāca |
kṛṣṇāṃśe ca gṛhaṃ prāpte cendule ca vivāhite |
mahīpatissadā duḥkhī dehalīṃ prati cāgamat || 1 ||
[Analyze grammar]

vṛttāṃtaṃ ca nṛpasyāgre kathayitvā sa tārakaḥ |
paraṃ vismayamāpannaḥ kṛṣṇāṃśacaritaṃ prati || 2 ||
[Analyze grammar]

etasminnaṃtare maṃtrī caṃdrabhaṭṭa udāradhīḥ |
bhūmirājaṃ vacaḥ prāha śṛṇu pārthivasattama || 3 ||
[Analyze grammar]

mayā cārādhitā devī vaiṣṇavī viśvakāriṇī |
trivarṣāṃte ca tuṣṭābhūdvaradā bhayahāriṇī || 4 ||
[Analyze grammar]

tayā dattaṃ śubhaṃ jñānaṃ kumatidhvaṃsakārakam |
tato'haṃ jñānavānbhūtvā kṛṣṇāṃśaṃ prati bhṛpate |
caritraṃ varṇayāmāsa tasya kalmaṣanāśanam || 5 ||
[Analyze grammar]

ityuktvā sa ca śuddhātmā graṃthaṃ bhāṣāmayaṃ śubham |
māhātmyaṃ devibhaktānāṃ śrāvayāmāsa vai sabhām || 6 ||
[Analyze grammar]

tacchrutvā bhūmirājastu vismitaścābhavatkṣa ṇāt |
mahīpatistadā prāha divyāśvabaladarpitaḥ || |
udayo nāma balavānyasyaivaṃ varṇitā kathā || 7 ||
[Analyze grammar]

catvāro vājino divyā jalasthalakhagāśca te |
śīghraṃ tāṃśca samāhṛtya svayaṃ bhūpa balī bhava || 8 ||
[Analyze grammar]

iti śrutvā sa nṛpatiḥ śrutavākyaviśāradam |
āhūya kuṃdanamalaṃ preṣayāmāsa satvaram || 9 ||
[Analyze grammar]

mahāvatīṃ samāgatya sa dūto bhūpatiṃ prati |
uvāca vacanaṃ premṇā mahīrājasya bhūpateḥ || 410 ||
[Analyze grammar]

vājinaste hi catvāro divyarūpāḥ śubha prabhāḥ |
darśanātheṃ tava vadhūrvelā nāma mamātmajā || 11 ||
[Analyze grammar]

tayāhūtānhayānbhūpa dehi me vismayaṃ tyaja |
no cedvelāgninā sarve kṣayaṃ yāsyaṃti sainyapāḥ || 12 ||
[Analyze grammar]

iti śrutvā vaco ghoraṃ sa bhūpo bhayakātaraḥ |
āhlādādīnsamāhūya vacanaṃ prāha namradhīḥ |
hayānsvānsvānmudā dehi madīyaṃ vacanaṃ kuru || 13 ||
[Analyze grammar]

iti śrutvā sa āhlādo dhyātvā sarvamayīṃ śivām |
uvāca madhuraṃ vākyaṃ śṛṇu bhūpa śivapriya || 14 ||
[Analyze grammar]

yatra naḥ saṃsthitāḥ prāṇāstatra te vā jinaḥ sthitāḥ |
na dāsyāmo vayaṃ rājansatyaṃsatyaṃ na cānyathā || 15 ||
[Analyze grammar]

iti śrutvā vacastasya rājā parimalo balī || 16 ||
[Analyze grammar]

śapathaṃ kṛtavānghoraṃ śṛṇvatāṃ balaśālinām |
bhojanaṃ brahmamāṃsasya pānīyaṃ go'sṛjopamam || 17 ||
[Analyze grammar]

śayyā svamātṛsadṛśī brahmahatyopamā sabhā |
mama rāṣṭre ca yuṣmābhirvāsaḥ pāpamayo mahān || 18 ||
[Analyze grammar]

iti śrutvā tu śapathaṃ devakī śokatatparā |
cakāra rodanaṃ gāḍhaṃ sagehajanavigrahā || 19 ||
[Analyze grammar]

paṃcaviṃśābdake prāpte kṛṣṇāṃśe yogatatpare |
bhādraśuklacaturdaśyāṃ tadgehāddharmatatparāḥ || 420 ||
[Analyze grammar]

niryayuḥ kānyakubjaṃ te jayacaṃdreṇa pālitam |
svarṇavatyā puṣpavatyā sahitāścitrarekhayā || 21 ||
[Analyze grammar]

indulaḥ prayayau śīghramayutāśvabalaissaha |
karālaṃ hayamāruhya paṃcaśabdaṃ ca tatpitā |
kṛṣṇāṃśo biṃdulārūḍho devakīmanusaṃyayau || 22 ||
[Analyze grammar]

tyaktvā te bhūpatergrāmaṃ sarvasaṃpatsamanvitam |
pathi tryahamuṣitvā te jayacaṃdramupāyayuḥ || 23 ||
[Analyze grammar]

natvā taṃ bhūpatiṃ premṇā gaditvā sarvakāraṇam |
uṣitvā śītalāsthāne pūjayāmāsurambikām || 24 ||
[Analyze grammar]

jayacaṃdrastu bhūpālo devasiṃhena varṇitaḥ |
tebhyaśca na dadau vṛttiṃ bhūmā parimalājñayā || 25 ||
[Analyze grammar]

kuṃṭhito devasiṃhastu gatvā kṛṣṇāṃśamuttamam |
uditvā kāraṇaṃ sarvaṃ sa śrutvā roṣamādadhau || 26 ||
[Analyze grammar]

tvaritaṃ biṃdulārūḍho hayapaṃcaśatāvṛtaḥ |
luṃṭhayāmāsa nagaraṃ pālitaṃ lakṣaṇena tat || 27 ||
[Analyze grammar]

dṛṣṭvā taṃ lakṣaṇo vīro hastinaḥ pṛṣṭhamāsthitaḥ |
śareṇa tāḍayāmāsa kṛṣṇāṃśahṛdayaṃ dṛḍham || 28 ||
[Analyze grammar]

niṣphalatvaṃ gato bāṇo viṣṇumaṃtreṇa preritaḥ |
vismitaḥ sa tu bhūpālo vāhanādbhūmimāgataḥ || 29 ||
[Analyze grammar]

natvā taccaraṇau divyau kuliśādibhiranvitau |
tuṣṭāva daṃḍavadbhūtvā lakṣaṇo gadgadaṃ girā || 430 ||
[Analyze grammar]

lakṣaṇa uvāca |
vaiṣṇavaṃ viddhi māṃ svāminviṣṇupūjanatatparam |
jāne'haṃ tvāṃ mahābāho kṛṣṇaśaktyavatārakam || 31 ||
[Analyze grammar]

tvadṛte ko hi me bāṇaṃ niṣphalaṃ kurute bhuvi |
kṣamasva mama daurātmyaṃ nātha te māyayā kṛtam || 32 ||
[Analyze grammar]

ityuktvā tena sahito jayacandraṃ mahīpatim |
gatvā taṃ kathayāmāsa yathā prāptaḥ parājayam || 33 ||
[Analyze grammar]

nṛpastayoḥ parīkṣārthaṃ yau tu chāyāvimohitau |
gajau kuvalayāpīḍau tyaktavācchītalāsthale || 34 ||
[Analyze grammar]

tadāhlādodayau vīrau gṛhītvā tau svalīlayā |
cakṛṣaturbalātpucche krośamātraṃ punaḥpunaḥ || 35 ||
[Analyze grammar]

mṛtau kuvalayāpīḍau dṛṣṭvā rājā bhayāturaḥ |
dadau rājagṛhaṃ grāmaṃ tayorarthe prasannadhīḥ || 36 ||
[Analyze grammar]

iṣaśuddhe tu saṃprāpte lakṣaṇo nāma vai balī |
nṛpājñayā yayau śīghraṃ taiśca digvijayaṃ prati || 37 ||
[Analyze grammar]

saptalakṣabalaissārddhaṃ tālanādyaiśca saṃyutaḥ |
vārāṇasīṃ purīṃ prāpya rurodha nagarīṃ tadā || 38 ||
[Analyze grammar]

rudravarmā ca bhūpālo gauḍavaṃśayaśaskaraḥ |
paṃcāyutaiḥ svasainyaiśca sārddhaṃ yuddhārthamāptavān || 39 ||
[Analyze grammar]

yāmamātreṇa taṃ jitvā ṣoḍaśābdasya vai karam |
koṭimudrāmayaṃ prāpya jayacaṃdrāya cārpayat || 440 ||
[Analyze grammar]

māgadheśaṃ punarjitvā nāmnā vijayakāriṇam |
viṃśatyabdakaraṃ prāpya svabhūpāya samarpayat || 41 ||
[Analyze grammar]

paṃcakoṭīśca vai mudrā rājatasya punaryayau |
aṃga vaṃgadeśapatiṃ vīro lakṣaṇo vai yutaśca taiḥ |
lakṣasainyayutaṃ bhūpaṃ kālīvarmāṇamuttamam |
ahorātreṇa taṃ jitvā mahāyuddhena lakṣaṇaḥ || 44 ||
[Analyze grammar]

viṃśatyabda karaṃ prāpya koṭiṃ svarṇamayaṃ tadā |
preṣayāmāsa bhūpāya jayacaṃdrāya vai mudā || 45 ||
[Analyze grammar]

uṣṭradeśaṃ yayau vīraḥ pālitaṃ tairmahābalaiḥ |
dhoyīkavistatranṛpo lakṣasainyasamanvitaḥ || 46 ||
[Analyze grammar]

jagannāthājñayā prāptastaiśca sārddhaṃ raṇonmukhe |
tayoścāsīnmahadyuddhaṃ tumulaṃ romaharṣaṇam |
ahorātrapramāṇena kṛṣṇāṃśena jito nṛpaḥ || 47 ||
[Analyze grammar]

viṃśatyabdakaraṃ sarvaṃ koṭisvarṇasamanvitam |
saṃprāpya preṣayāmāsa kānyakubjādhipāya vai || 48 ||
[Analyze grammar]

puṃḍradeśaṃ yayau vīro lakṣaṇo balavattaraḥ |
nṛpaṃ nāgapatiṃ nāma paṃcāyutabalairyutam |
dinamātreṇa taṃ jitvā koṭimudrā gṛhītavān || 49 ||
[Analyze grammar]

maheṃdragirimāgatya natvā taṃ bhārgavaṃ munim |
nato nivṛtya te sarve netrapālapuraṃ yayuḥ || 450 ||
[Analyze grammar]

yogasiṃhastadāgatya kṛṣṇāṃśaṃ prati bhārgava |
koṭimudrā dadau tasmai saptarātrama vāsayat || 51 ||
[Analyze grammar]

vīrasiṃhapuraṃ jagmuste vīrā madavattarāḥ |
rurudhurnagarīṃ sarvāṃ himatuṃgopari sthitām |
pālitāṃ gorakhākhyena yoginā bhaktakāra ṇāt || 52 ||
[Analyze grammar]

bhūpānujaḥ pravīraśca sainyāyutasamanvitaḥ |
kṛtavāndāruṇaṃ yuddhaṃ lakṣaṇasyaiva senayā || 53 ||
[Analyze grammar]

pratyahaṃ balavāñchūro hatvā śūrasahasra kam |
sāyaṃkāle gṛhaṃ prāpya yoginaṃ tamapūjayat || 54 ||
[Analyze grammar]

pūjanātsa prasannātmā sainyamujjīvya bhūpateḥ |
dattvā gajabalaṃ tebhyaḥ punaryogaṃ karoti vai || 55 ||
[Analyze grammar]

sārddhamāso gatastatra yuddhyatāṃ balaśālinām |
tadā te tu nirutsāhā devasiṃhaṃ tamabruvavan || 56 ||
[Analyze grammar]

vijayo naḥ kathaṃ bhūpa brūhi nastattvamagrataḥ |
iti śrutvā sa hovāca śṛṇu kṛṣṇāṃśa me vacaḥ || 57 ||
[Analyze grammar]

yogināṃ gorakhaṃ nāma parājitya svanṛtyataḥ |
punaryuddhaṃ kuru tvaṃ vai tato jaya mavāpsyasi || 58 ||
[Analyze grammar]

ityuktāste hi kṛṣṇādyāḥ kṛtvā yogamayaṃ vapuḥ |
sthāpayitvā raṇe senāṃ pālitāṃ lakṣaṇena vai || 59 ||
[Analyze grammar]

prātaḥ kāle yayuste vai maṃdiraṃ tasya yoginaḥ |
kṛṣṇāṃśo nartakaścāsīdveṇuvādyaviśāradaḥ || 460 ||
[Analyze grammar]

devasiṃho mṛdaṃgāḍhyo vīṇādhārī ca tālanaḥ |
kāṃsyadhārī tadāhlādo jagau gītāṃ sanātanīm || 61 ||
[Analyze grammar]

tadarthaṃ hṛdaye kṛtvā gorakhassarvayogavān |
varaṃ vṛṇuta tānāha te tacchrutvā'bruvanvacaḥ || 62 ||
[Analyze grammar]

namasyāmo vayaṃ tubhyaṃ yadi deyo varastvayā |
dehi saṃjīvinī vidyāmāhlādāya mahātmane || 63 ||
[Analyze grammar]

iti śrutvā hṛdi dhyātvā tānuvāca prasannadhīḥ |
vidyā saṃjīvinī tubhyaṃ varṣamātraṃ bhaviṣyati |
tatpaścānniṣkalībhūyāgamiṣyati madaṃtikam || 64 ||
[Analyze grammar]

adyaprabhṛti bho vīra mayā tyaktamidaṃ jagat |
yatra bhartṛhariḥ śiṣyastatra gatvā śaye hyaham || 65 ||
[Analyze grammar]

ityuktvāntarhito yogī jagmuste raṇamūrddhani |
jitvā pravīrasiṃhaṃ ca vīrasiṃhaṃ tathaiva ca || 66 ||
[Analyze grammar]

hatvā tasyāyutaṃ sainyaṃ luṇṭhayitvā ca tadgṛham |
kṛtvā dāsamayaṃ bhūpaṃ lakṣaṇaḥ prayayau mudā || 67 ||
[Analyze grammar]

kośalaṃ deśamāgatya jitvā tasya mahīpatim |
sainyāyutaṃ sūryadharaṃ karayogyamacīkarat || 68 ||
[Analyze grammar]

ṣoḍaśābdakaraṃ prāpya mudrākoṭyayutaṃ mudā |
naimiṣāraṇyamāgamya tatroṣuḥ snānatatparāḥ || 69 ||
[Analyze grammar]

holikāyā dine ramye lakṣaṇo balavattaraḥ |
dattvā dānāni viprebhyo mahotsavamakārayat || 470 ||
[Analyze grammar]

tadā vayaṃ ca munayaḥ samādhisthāśca bhūpatiḥ |
yadā sa lakṣaṇaḥ prāpto naimiṣāraṇyamuttamam || 71 ||
[Analyze grammar]

snātvā sarvāṇi tīrthāni saṃtarpya dvijadevatāḥ |
kānyakubjapuraṃ jagmuścaitrakṛṣṇāṣṭamīdine || 72 ||
[Analyze grammar]

iti te kathitaṃ vipra yathādigvijayobhavat |
śṛṇu vipra kathāṃ ramyāṃ balakhāniryathā mṛtaḥ || 73 ||
[Analyze grammar]

mārgakṛṣṇasya saptamyāṃ bhūmirājo mahābalaḥ |
mahīpateśca vākyena sāmaṃtaṃ prāha nirbhayaḥ || 74 ||
[Analyze grammar]

mayā śrutaste tanayaḥ śāradāvaradarpitaḥ |
raktabījatvamāpannastaṃ me dehi kṛpāṃ kuru || 75 ||
[Analyze grammar]

ityuktassa tu sāmantastena rājñeva satkṛtaḥ |
cāmuṃḍaṃ nāma tanayaṃ samāhūyābravīdidam || 76 ||
[Analyze grammar]

putra tvaṃ nṛpateḥ kāryaṃ sadā kuru raṇapriya |
iti śrutvā piturvākyaṃ sa vai rājānamabravīt || 77 ||
[Analyze grammar]

dehyājñāṃ bhūpate mahyaṃ śīghraṃ jayamavāpsyasi |
iti śrutvā sa hovāca balakhānirmahābalaḥ || 78 ||
[Analyze grammar]

macchirīṣavanaṃ chitvā gṛhīttvā rāṣṭramuttamam |
susthito nirbhayo gehe bāhuśālī yateṃdriyaḥ || 79 ||
[Analyze grammar]

yadi tvaṃ balakhāniṃ ca jitvā me hyarpayiṣyasi |
hatvā vā tasya sakalaṃ rāṣṭraṃ tvayi bhaviṣyati || 480 ||
[Analyze grammar]

ityuktvā raktabījaṃ taṃ samāhūya svakaṃ balam |
saptalakṣaṃ dadau tasmai sa tatprāpya mudā yayau || 81 ||
[Analyze grammar]

uṣitvā tridinaṃ mārge śirīṣākhyamupāgataḥ |
rurodha nagarīṃ sarvāṃ balakhānermahātmanaḥ || 82 ||
[Analyze grammar]

cāmuṃḍāgamanaṃ śrutvā balakhānirmahābalaḥ |
pūjayitvā mahamāyāṃ dattvā dānānyanekaśaḥ |
lakṣasainyena sahitaḥ prayayau nagarādbahiḥ || 83 ||
[Analyze grammar]

tasyānujo mahāvīrassukhakhānirbalaiḥ saha |
hariṇīṃ tāṃ samāruhya śatrusainyamacikṣapat || 84 ||
[Analyze grammar]

balakhāniḥ kapotastho nāśayitvā riporbalam |
lakṣasainyaṃ mudā yuktaścāmuṃḍaṃ prati cāgamat || 85 ||
[Analyze grammar]

tayoścāsīnmahadyuddhaṃ svasvasainyakṣayaṃkaram |
ahorātrapramāṇena nihatāḥ kṣatriyā raṇe || 86 ||
[Analyze grammar]

prātaḥkāle tu saṃprāpte kṛtvā snānādikāḥ kriyāḥ |
jagmatustau raṇe vīrau dhanurbāṇaviśāradau || 87 ||
[Analyze grammar]

rathastho balakhāniśca cāmuṇḍo gajapṛṣṭhagaḥ |
cakratustumulaṃ ghoraṃ naravismayakārakam || 88 ||
[Analyze grammar]

bāṇairbāṇāṃśca saṃchidya devībhaktau ca tau mudā |
anyonyaṃ vāhane hatvā bhūtalatvamupāgatau |
khaḍgacarmadharau vīrau yuyudhāte parasparam || 89 ||
[Analyze grammar]

yāvanto raktabījāṃgātsaṃjātā raktabiṃdavaḥ |
tāvantaḥ puruṣā jātā raktabījaparākramāḥ || 490 ||
[Analyze grammar]

taiśca vīrairmadonmattairbalakhānissamaṃtataḥ |
saṃruddho'bhūd bhṛguśreṣṭha śāradāṃ śaraṇaṃ yayau || 91 ||
[Analyze grammar]

etasminnaṃtare vīraḥ sukhakhānistato'nujaḥ |
āgneyaṃ śaramādāya raktabījānadāhayat || 92 ||
[Analyze grammar]

purā tu sukhakhā niśca havyairdevaṃ ca pāvakam |
paṃcābdānpūjayāmāsa tadā tuṣṭassvayaṃ prabhuḥ || 93 ||
[Analyze grammar]

pāvakīyaṃ śaraṃ ramyaṃ śatrusaṃhārakārakam |
dadau tasmai prasannātmā tenāsāvabhavajjayī || 94 ||
[Analyze grammar]

balakhānistu balavāndṛṣṭvā śatruvināśanam |
parājitaṃ ca cāmuṃḍaṃ baddhvā gehamupāgatam || 95 ||
[Analyze grammar]

kṛtvā nārīmayaṃ veṣaṃ sa bhīto brahmahatyayā |
dolāmāropya balavānpreṣayāmāsa śatrave || 96 ||
[Analyze grammar]

hataśeṣaṃ paṃcalakṣaṃ sainyaṃ gatvā ca dehalīm |
vṛttāntaṃ kathayāmāsa yathā jāto mahāraṇaḥ || 97 ||
[Analyze grammar]

nārīveṣaṃ ca cāmuṃḍaṃ sa dṛṣṭvā pṛthivīpatiḥ |
krodhāviṣṭaśca balavānmahīpatimuvāca ha || 98 ||
[Analyze grammar]

kathaṃ jayo me bhavitā sukhakhānau ca jīvite |
śrutvā mahīpatiḥ prāha cchadmanā kāryamākuru || 99 ||
[Analyze grammar]

brāhmī mātā tayorjñeyā śuddhā saiva pativratā |
dūtībhiḥ kāraṇaṃ jñātvā punaryuddhaṃ kuruṣva bhoḥ || 4100 ||
[Analyze grammar]

iti śrutvā mahīrājo dūtīstāśchalakovidāḥ |
āhūya preṣayāmāsa balakhānigṛhaṃ prati || 101 ||
[Analyze grammar]

brāhmaṇyastāstadā bhūtvā balakhānigṛhaṃ yayuḥ |
sasutāṃ tāṃ praśasyāśu papracchurvinayānvitāḥ || 102 ||
[Analyze grammar]

tava putrau mahāvīrau diṣṭyā śatrukṣayaṃkarau |
tayormṛtyuḥ kathaṃ bhūyājjīvatāṃ śaradāṃ śatam || 103 ||
[Analyze grammar]

tadā brāhmī vacaḥ prāha pāvakīyaḥ śaraḥ śubhaḥ |
sukhakhānerjīvakaro balakhāneḥ padāhvakaḥ || 104 ||
[Analyze grammar]

iti jñātvā tu tā dūtyaḥ prayayurdehalīṃ prati |
kathayitvā nṛpasyāgre dhanaṃ prāpyaṃ gṛhaṃ yayuḥ || 105 ||
[Analyze grammar]

mahīrājastu tacchrutvā mahādevamumāpatim |
pārthivaiḥ pūjanaṃ cakre sahasradivasānmudā || 106 ||
[Analyze grammar]