Chapter 9

sūta uvāca |
kāliyaṃ tau parājitya bhrātarau nṛpasevakau |
gatau gopālake rāṣṭre bhūpatirdalavāhanaḥ || 1 ||
[Analyze grammar]

sahasracaṃḍikāhome nānābhūpasamāgame |
gṛhītau mahiṣau tābhyāṃ bhūpairanyaiśca durjayau || 2 ||
[Analyze grammar]

pūrvaṃ hi nṛpakanyābhyāṃ pratyahaṃ baṃdhanaṃ gatau |
tau saṃpūjya vidhānena dadau tābhyāṃ ca kanyake || 3 ||
[Analyze grammar]

devakīṃ deśarājāya brāhmīṃ tasyānujāya vai |
dadau durgājñayā rājā rūpayauvanaśāli nīm || 4 ||
[Analyze grammar]

lakṣāvṛttiṃ tathā veśyāṃ gītanṛtyaviśāradām |
kanyayośca sakhīṃ ramyāṃ meghamallārarāgiṇīm || 5 ||
[Analyze grammar]

śataṃ gajānrathānpaṃca hayāṃścaiva sahasrakān |
catvāriṃśacca śibikāḥ pradadau dalavāhanaḥ || 6 ||
[Analyze grammar]

bahudravyayutāṃ kanyāṃ dāsadāsīsamanvitām |
udūhya vedavidhinā prāpatuśca mahāvatīm || 7 ||
[Analyze grammar]

malanā tāṃ vadhūṃ dṛṣṭvā tasyai graiveyakaṃ dadau |
brāhmyai ṣoḍaśaśṛṃgāraṃ tathā dvādaśabhūṣaṇam || 8 ||
[Analyze grammar]

rājā ca paramānandī deśarājāya śūriṇe |
dadau daśapuraṃ ramyaṃ nānājananiṣevitam || 9 ||
[Analyze grammar]

ūṣatustatra tau vīrau rājamānyau mahābalau |
etasminnantare jāto devasiṃho harājñayā || 10 ||
[Analyze grammar]

jāte tasminkumāre tu devakī garbhamādadhau |
dāsaśrutā paterdevī suṣuve putramūrjitam || 11 ||
[Analyze grammar]

gaurāṃgaṃ kamalākṣaṃ ca dīpyamānaṃ svatejasā |
tadānaṃdamayo devaḥ śakraḥ suragaṇaiḥ saha || 12 ||
[Analyze grammar]

śaṃkhaśabdaṃ cakāroccairjayaśabdaṃ punaḥpunaḥ |
diśaḥ praphullitāścāsangrahāḥ sarve tathā divi || 13 ||
[Analyze grammar]

āyātā bahavo viprā vedaśāstraparāyaṇāḥ |
cakruste jātakarmāsya nāmakarma tathāvidham || 14 ||
[Analyze grammar]

rāmāṃśaṃ taṃ śiśuṃ jñātvā prasannavadanaṃ śubham |
bhādrakṛṣṇatithau ṣaṣṭhyāṃ candravāre'ruṇodaye || 15 ||
[Analyze grammar]

saṃjātaḥ kṛttikābhe ca pitṛvaṃśayaśaskaraḥ |
āhlādanāmnā hyabhavatpraśritaśca mahītale || 16 ||
[Analyze grammar]

māsānte ca sute jāte brāhmī putramajījanat |
dharmajāṃśaṃ tathā gauraṃ mahābāhuṃ suvakṣasam || 17 ||
[Analyze grammar]

tadā ca brāhmaṇāḥ sarve dṛṣṭvā bālaṃ śubhānanam |
prasannavadanaṃ cāruṃ padmacihnapadasthitam || 18 ||
[Analyze grammar]

tairdvijaiśca kṛto nāmnā balakhānirmahābalaḥ |
varṣānte vatsaje jātaṃ mūlagaṃḍāntasaṃbhavaḥ || 19 ||
[Analyze grammar]

cāmuṇḍo devakisuto nijavaṃśabhayaṃkaraḥ |
janitāraṃ tatastyājya ityūcurdvijasattamāḥ |
na tatyāja sutaṃ rājā bālatve'pi dayāparaḥ || 20 ||
[Analyze grammar]

trivarṣāṃte gate tasminbalakhānau sute śubhe |
śūdryāṃ jātaḥ śikhaṃḍayaṃśo rūpaṇo nāma viśrutaḥ || 21 ||
[Analyze grammar]

vatsarājo yayau deśe gurjare ca madālasām |
sa sutāṃ ca samādāya dine tasminsamāgataḥ || 22 ||
[Analyze grammar]

prāpte tasminvatsarāje jambukaḥ svabalairvṛtaḥ |
saptalakṣaiśca saṃprāpto bāhuśālī yateṃdriyaḥ || 23 ||
[Analyze grammar]

rurodha nagarīṃ sarvāṃ rājñaḥ parimalasya vai |
trilakṣaiśca māhāvatyai sārddhaṃ tau jagmatuḥ purāt || 24 ||
[Analyze grammar]

māhiṣmataiḥ saptalakṣaiḥ sārddhaṃ yuddhamabhūnmahat |
trirātraṃ dāruṇaṃ ghoraṃ yamarāṣṭravivarddhanam || 25 ||
[Analyze grammar]

śivasya varadānena bhrātrorjātaḥ parājayaḥ |
baddhvā tau jambuko rājā luṃṭhayitvā mahāvatīm || 26 ||
[Analyze grammar]

veśyāṃ lakṣāratiṃ tasya taṃ hataṃ tadgajaṃ tathā |
graiveyakaṃ tathā hāraṃ maṇiratnavibhūṣitam || 27 ||
[Analyze grammar]

gṛhītvā nagarīṃ sarvāṃ bhasmayitvā gṛhaṃ yayau |
ye guptā bhūtale śūrāste śeṣāśca tadā'bhavan || 28 ||
[Analyze grammar]

durgeṣu yāni ratnāni tāni prāpya mudā yayau |
luṃṭhite nagare tasmindevakī garbhamuttamam || 29 ||
[Analyze grammar]

kṛṣṇāṃśaṃ saptamāsyaṃ hi cādadhāddaivatapriyā |
jñātvā kulādhamaṃ putraṃ cāmuṃḍaṃ devakī satī || 30 ||
[Analyze grammar]

kalpakṣetraṃ samāgamya kāliṃdyāṃ tamapātayat |
yojanānte gate tasmitmahīrājapurohitaḥ || 31 ||
[Analyze grammar]

sāmanto nāma taṃ gṛhya śvaśurālayamāyayau |
jātastu daśamāsānte rātrau ghoratamovṛte || 32 ||
[Analyze grammar]

bhādrakṛṣṇāṣṭamīsaumye brāhmanakṣatrasaṃyute |
prādurāsījjagannātho devakyāṃ ca mahottamaḥ || 33 ||
[Analyze grammar]

śyāmāṃgaḥ sa ca padmākṣa iṃdranīlamaṇidyutiḥ |
vimānānāṃ sahasrāṇāṃ prakāśaḥ samajāyata || 34 ||
[Analyze grammar]

vismitā jananī tatra dṛṣṭvā bālaṃ tamadbhutam |
nagare ca mahāścaryaṃ jātaṃ sarve samāyayuḥ || 35 ||
[Analyze grammar]

udayaḥ kimaho jāto devānāṃ sūryarūpakaḥ |
ityāścaryyajujāṃ teṣāṃ vāguvācāśarīriṇī || 36 ||
[Analyze grammar]

kṛṣṇāṃśo bhūtale jātaḥ sarvānandapradāyakaḥ |
sa nāmnodayasiṃho hi sarvaśatruprakāśahā || 37 ||
[Analyze grammar]

ityākāśavacaḥ śrutvā te paraṃ harṣa māyayuḥ |
yasminkāle suto jātastadā ca malanā satī || 38 ||
[Analyze grammar]

śyāmāṃgaṃ sundaraṃ bālaṃ sarvalakṣaṇalakṣitam |
suṣuve paramodāraṃ phālgunāṃśaṃ śivājñayā || 39 ||
[Analyze grammar]

tadā tu nagarī sarvā harṣabhūtā babhūva ha |
ṣaṣṭhāhani sute jāte brahmānandaguṇākare || 40 ||
[Analyze grammar]

brāhmī tu suṣuve putraṃ pārṣadāṃśaṃ mahābalam |
śyāmāṃgaṃ kamalākṣaṃ ca dṛḍhaskandhaṃ mahābhujam || 41 ||
[Analyze grammar]

brāhmaṇāśca tadāgatya jātakarma hyakārayan |
sukhakhānirdvijairnāmnā kṛtastu gaṇakottamaiḥ || 42 ||
[Analyze grammar]

krameṇa varddhitā bālāḥ sarvalokaśivaṃkarāḥ |
teṣāṃ kālī mahacchreṣṭhā pitṛmātṛpriyaṃkarī || 43 ||
[Analyze grammar]

tṛtīyābde vayaḥ prāpte kṛṣṇāṃśe balavattare |
śakrastaddarśanakāṃkṣī hayārūḍho jagāma ha || 44 ||
[Analyze grammar]

krīḍansa candanāraṇye kṛṣṇāṃśo bhrātṛbhiḥ saha |
nabhasthaṃ puruṣaṃ dṛṣṭvā sahasrākṣaṃ jahāsa vai || 45 ||
[Analyze grammar]

aśvinī hariṇī divyā uccaiḥśravasamantike |
gatvā garbhamupādāya svagehaṃ punarāyayau || 46 ||
[Analyze grammar]

varṣāṃtare ca suṣuve kapotaṃ tanayaṃ śubham |
pañcābdaṃ ca samāyāte vidyādhyanamāsthitāḥ || 47 ||
[Analyze grammar]

brāhmaṇaṃ śivaśarmāṇaṃ sarvavidyāviśāradam |
svabhaktyā sevanaṃ kṛtvā te cakrurvedapāṭhikām || 48 ||
[Analyze grammar]

aṣṭābde caiva kṛṣṇāṃśo nāmapatrādikāṃ kriyām |
likhatāṃ bālakānāṃ ca kṛṣṇāṃśaḥ śreṣṭhatāmagāt || 49 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṇḍāparaparyāye kaliyugīyetihāsasamuccaye kṛṣṇāṃśāvatāro nāma navamo'dhyāyaḥ || 9 ||
[Analyze grammar]